کراچی : سابق صدر آصف زرداری نے مسلم لیگ ن کے صدر شہباز شریف کو آم کی 15 پیٹیوں کا تحفہ بھجواتے ہوئے نیک تمناؤں کا پیغام بھی دیا۔
تفصیلات کے مطابق پیپلز پارٹی کے شریک چیئرمین اور سابق صدر آصف زرداری نے مسلم لیگ ن کے صدر شہباز شریف کوآموں کا تحفہ بھجوایا ، شہباز شریف کو آموں کی 15 پیٹیاں ماڈل ٹاؤن رہائش گاہ بھیجی گئیں۔
ذرائع پی پی کا کہنا ہے کہ آصف زرداری نے شہباز شریف کو نیک تمناؤں کا بھی پیغام بھجوایا، آصف زرداری نے ق لیگ کےشجاعت حسین ،پرویزالہیٰ اور پیپلز پارٹی کے رہنماؤں کو بھی آموں کا تحفہ بھیجا۔
خیال رہے حکومت مخالف اپوزیشن جماعتیں پھر ایک پلیٹ فارم پر اکٹھی ہونے کو تیار ہوگئی اور شہبازشریف انتخابی اصلاحات پر آل پارٹیز کانفرنس کامیاب بنانے کے لیے سرگرم ہیں۔
ذرائع کے مطابق پی ڈی ایم سے باہر پیپلزپارٹی اوراےاین پی نے بھی شرکت کی حامی بھر لی جبکہ فضل الرحمان ،پی ڈی ایم میں شامل دیگرجماعتوں نےبھی شرکت کافیصلہ کرلیا ہے۔
شہبازشریف کی اپوزیشن جماعتوں کےقائدین سے اے پی سی تاریخ پرمشاورت جاری ہے ، حتمی تاریخ کااعلان اپوزیشن جماعتوں کے مشورےکے بعد کیا جائے گا، اپوزیشن جماعتوں کی اےپی سی جولائی کے پہلے ہفتے میں بلائے جانے کا امکان ہے۔
سربراہ پی ڈی ایم نے یاد دہانی بھی کرائی کہ طے ہوا تھا چار اپریل سے پہلےکوئی کسی کے خلاف متنازع بیان نہیں دے گا، بلاول ،مریم سمیت دیگر رہنماؤں کے بیانات پر بہت مایوسی ہوئی، جو فیصلے پی ڈی ایم اجلاس میں ہوئے ان پر عمل ہونا چاہیے، استعفوں ،لانگ مارچ پر پی پی نے وقت مانگا ،سب انتظار کریں۔
