Tag: aslaha

کراچی : شہر قائد میں دہشتگردوں نے ٹریفک پولیس اہلکاروں کو نشانے پر رکھ لیا،مائی کلاچی روڈ پردو ٹریفک وارڈنز کوگولی ماردی گئی۔ ستمبر کے چودہ دنوں میں ٹریفک وارڈنز پر یہ پانچواں حملہ ہے۔

کراچی میں ایک بار پھر ٹریفک پولیس اہلکار دہشتگردوں کی گولیوں کا نشانہ بن گئے،ستمبر کے چودہ دنوں میں پانچ ٹریفک وارڈنز شہید اور کئی زخمی ہو گئے۔ نیپا چورنگی، ڈیفنس موڑ اور گلبائی کے بعد مائی کلاچی پر بھی ٹریفک اہلکاروں پر حملہ ہو گیا۔

 دوٹریفک اہلکاروں کے زخمی ہونے پر آئی جی سندھ نےڈی ایس پی ٹریفک اور سیکشن آفیسرکومعطل کر دیا، دونوں اہلکار غیر مسلح تھے،کراچی میں ٹریفک وارڈنز کی ٹارگٹ کلنگ پر اہلکاروں کو اسلحہ دے دیا گیا، ٹریفک اہلکاروں کو اسلحے کی حفاظت کی بھی ضرورت پڑ گئی۔

ڈیفنس میں موٹر سائیکل سوار مسلح افراد نے ڈیوٹی پرموجوداہلکار غضنفر کاظمی سے سرکاری اسلحہ چھینا اور یہ فرار ہوگئے۔

کراچی: ٹریفک پولیس کونشانہ بنانےوالاگینگ سرگرم ہوگیا،اہلکاروں کی حفاظت کےلیےرینجرزسے مدد مانگ لی گئی،حساس علاقوں میں مغرب کے بعد چوکیاں بند کردی جائیں گی۔

 کراچی میں ٹریفک اہلکاروں کو نشانہ بنانے والے گینگ کی دہشت پھیل گئی،ٹریفک حکام نےرینجرز اورپولیس سےحفاظت کےلیےمدد مانگ لی جبکہ ٹریفک اہلکاروں کی حفاظت کےلیےحساس علاقوں میں مغرب کے بعد چوکیاں بند رکھنےکافیصلہ کرلیا گیا۔

 ٹریفک اہلکاروں کو پہلی بار مسلح کیا گیا،جبکہ بلٹ پروف چیکٹس بھی فراہم کی گئیں،کل گلبائی میں مسلح ہونےکے باوجود ٹریفک اہلکارجوابی فائرنہیں کرسکے تھے ۔

ٹریفک اہلکاروں پرحملے،حساس علاقوں میں چوکیاں خالی ٹریفک اہلکاروں کوحساس علاقوں میں ڈیوٹی سے روک دیا گیا۔

 حساس علاقوں میں مغرب کے بعد ٹریفک چوکیاں بھی خالی اورنگی ٹاؤن،کورنگی،پیرآباد،قیوم آباد میں اہلکاروں کی جان کوخطرہ رینجرز اورپولیس سے ٹریفک پولیس اہلکاروں کےلیےتحفظ کی اپیل کی گئی ہے۔

ٹریفک اہلکاروں کواپنی حفاظت خود کرنےکےقابل بنانےکےلیےاسلحہ چلانےکی تربیت بھی شروع کی جارہی ہے، ماہرین کےمطابق دہشتگرد ٹریفک اہلکاروں کوآسان ہدف کی وجہ سے نشانہ بنارہے ہیں۔

ٹریفک وارڈنز ایس ایس پی ٹریفک فیصل چاچڑ کے مطابق ڈیوٹی پر موجود اہلکار کے پاس اسلحہ لازمی ہوگا، واضح رہے کہ گزشتہ روزگلبائی میں دہشتگردوں کی فائرنگ کا نشانہ بننے والے اہلکاروں کے پاس تو ایس ایم جیز موجود تھیں۔