بھارت میں ایک معذور شخص پر بہیمانہ تشدد سے انسانیت بھی شرما گئی، میاں بیوی نے لاٹھیوں کے وار سے بے بس انسان کی ہڈیاں توڑ دیں، پولیس نے ملزم کو گرفتار کرلیا۔
بھارتی ریاست اتر پردیش کے شہر نوئیڈا میں ایک انتہائی درد ناک واقعہ پیش آیا ہے جس کی وائرل ویڈیو نے دیکھنے والوں کے دل دہلا دیئے۔
سوشل میڈیا پر وائرل ہونے والی ویڈیو میں ایک جوڑے کو سڑک پر ایک معذور شخص پر لاٹھیوں سے حملہ کرتے ہوئے دیکھا جا سکتا ہے۔
ویڈیو میں جوگیندر سنگھ نامی 55 سالہ شخص اپنے معذور رشتہ دار کو مارتے ہوئے نظر آ رہا ہے جس کی شناخت 52سالہ گجیندر سنگھ کے نام سے ہوئی ہے۔
नफरत के इस दौर में हम किस मुकाम पर आकर खड़े हो गए है, इस पर पुनः चिंतन की जरूरत है..
ये तस्वीरें इंसानियत को शर्मसार करने वाली है.. pic.twitter.com/jcP5NH1xHk
— Srinivas BV (@srinivasiyc) March 29, 2022
متاثرہ معذور شخص گجیندر سنگھ خود کو لاٹھی کے وار سے بچانے کی کوشش کرتا ہے لیکن ملزم جوگیندر کے ساتھ اس کی بیوی سمن بھی اس کے ساتھ شامل ہوجاتی ہے۔
بھارتی میڈیا کے مطابق جوگیندر ایک زمیندار ہے جس نے جائیداد کے تنازعہ پر اپنے رشتہ دار کو تشدد کا نشانہ بنایا، ویڈیو وائرل ہونے کے بعد پولیس نے ملزم جوگیندر کو گرفتار کرلیا ہے جبکہ اس کی بیوی فرار ہے اور پولیس اس کی تلاش کر رہی ہے۔
گجیندر نے اپنے رشتہ دار جوگیندر سے ایک اسکول لیز پر لیا تھا تاہم کورونا وبا کی وجہ سے اسکول کو بند کرنا پڑا اور جائیداد کے مالک نے اسکول کے احاطے کو کرایہ داروں کو کرائے پر دے دیا جس سے دونوں کے درمیان جھگڑا ہوگیا۔
مذکورہ ویڈیو کو ٹوئٹر پر ایک صارف نے شیئر کیا ہے جس پر کیپشن دیا گیا کہ نفرت کے اس دور میں ہم کس مرحلے پر آکر کھڑے ہو گئے ہیں؟ اس پر دوبارہ سوچنے کی ضرورت ہے، یہ تصویر انسانیت کو شرمسار کررہی ہے!
