کہتے ہیں کہ پیدائش کا مہینہ اور دن انسان کی شخصیت پر اثر انداز ہوتا ہے، اس حوالے سے علم نجوم کسی حد تک کافی اہمیت کا حامل ہے لیکن مختلف طبقات ان باتوں کو سچ نہیں مانتے۔
علم نجوم میں انسان کی پیدائش کے نظریے کے مطابق مہینہ اور دن ہماری شخصیت، ذہانت اور کامیابی پر بھی اثر انداز ہوتا ہے اور جوانی تک قائم رہتا ہے لیکن کیا واقعی یہ خصوصیات معاشرے میں ہمارے مقام سے تعلق رکھتی ہیں۔
اس حوالے سے اے آر وائی نیوز کے پروگرام باخبر سویرا میں گفتگو کرتے ہوئے ماہر نجوم علی محمد خان نے بتایا کہ سال کے بارہ برجوں کے مہینوں میں اس کے اپنے اثرات ہوتے ہیں۔
انہوں نے کہا کہ ہر بچہ کسی نہ کسی برج کے ماتحت ہوتا ہے، بچے کا نام اس کے برج کے حساب سے رکھنا چاہیے، اس کے علاوہ بچے کی عادات و اطوار پر ماحول کے مطابق بھی اثر ہوتا ہے۔
بچوں کی پیدائش اور ان کی عادات و اطوار
علاوہ ازیں ماہرین علم نجوم کے وہ تجربات و مشاہدات جو بچوں کی پیدائش کے ماہ کے سلسلے میں منظر عام پر آئے ہیں انہیں نچلی سطور میں بیان کیا جا رہا ہے، اس سے ادارے کا متفق ہونا ضروری نہیں۔
جنوری :
جو بچہ اس ماہ میں تولد ہوگا وہ عقلمند معاملہ فہم حوصلہ مند ،ہمدرد مستقل مزاج ،سخی اور حصول علم میں مستغرق ہوگا۔
فروری :
اس ماہ پیدا ہونے والا بچہ سلیقہ شعار ،ہنر مند، زندہ دل ،ہنس مکھ ،سینما تھیڑ اور کھیل کود تماشے کا شیفتہ منصف مزاج اور تنہائی پسند ہوگا۔
مارچ :
جو بچہ اس ماہ میں جنم لے گا وہ عقلمند سیاح ،سخی دھن کا پکا اور موسیقی کا ماہر ہوگا۔
اپریل :
ماہ اپریل میں ماہ میں پیدا ہو نے والا بچہ عالی دماغ، صاحب اولاد، جدت طراز کا میاب تاجر ،شجیع، جوشیلا، پختہ خیالات والا دھن کا پکا اور حاکمانہ شان و شوکت کا حامل ہوگا۔
مئی :
اس ماہ میں تولد ہو نے والا بچہ بڑا ہوکر سراغ رساں تلاش حق کا دلدادہ کامیاب وکیل عالی دماغ، راس العقیدہ دھن کا پکا طبیعت اشتعال پذیر، اعلیٰ منتظم دُشمنوں پر غالب لیکن عفو کا مادہ زیادہ اور امیرانہ شان و شوکت کا حامل ہوگا۔
جون :
جو بچہ ماہ جون میں پیدا ہوگا وہ چالاک متزلزل خیالات سے دولت حاصل کرے گا مگر پرلے درجے کا سازشی معاملہ اور سیاحت کا شوقین ہوگا۔
جولائی :
جو بچہ اس ماہ میں تولد ہوگا وہ آرام طلب، شوقین مزاج موسیقی کا شوقین محفل رقض و سرور کا دلدادہ فن لطیفہ کا شوقین اور ذہین ہوگا۔
اگست :
ماہ اگست میں پیدا ہونے والا بچہ زاہد، متقی و پرہیزگار، عالم مصنف مزاج صاحب الرائے، خلیق ایماندار، مستقل مزاج، دلیر، صاف دل رحم اور دل تنہائی پسند شخصیت کا حامل ہوگا۔
ستمبر:
جو بچہ ماہ ستمبر میں اس دنیا میں آئے گا وہ سمجھ دار، دنیا کے نشیب و فراز سے واقف، بلا کا ذہین اور حافظے والا، تندرست مگر وہمی ہوگا۔
اکتوبر:
جو بچے اس مہینے میں پیدا ہوں گے وہ قدرتی طور پر وفادار ہوں گے، اپنے دوستوں کے ہمیشہ ہمدرد، مونس اور غم خوار ہوں گے ، بعض اوقات ایسے بچے اپنے دوستوں کے ساتھ محبت اور مروت کے رشتے کے سبب اپنا نقصان بھی کر بیٹھتے ہیں۔
نومبر :
جو بچہ اس ماہ میں تولد ہوگا وہ حق گو ، صاف دل کامیاب تاجر اپنے رشتہ داروں متعلقین سے عمدہ سلوک کرنے والا شان و شوکت کا دلدادہ اور دوسروں پر احسان کرنے کا متمنی ہوگا۔
دسمبر :
اس کے علاوہ سال کے آخری ماہ دسمبر میں جو بچہ پیدا ہوگا وہ دھن پکا، ضدی، خوش اخلاق، خوش گفتار،عوام کا چہیتا خوشامدی، حوصلہ مند اور مستقل مزاج ہوگا۔
واللہ عالم بالصواب
