بھارتی فلم انڈسٹری کے معروف اداکار سلمان خان کے بارے میں بھارتی نجومی گیتا انجلی سکسینا کی حالیہ پیش گوئی سامنے آنے کے بعد دبنگ خان کے مداحوں میں تشویش کی لہر دوڑ گئی ہے۔
بھارتی میڈیا رپورٹس کے مطابق بھارتی نجومی گیتا انجلی سکسینا کا پیش گوئی کرتے ہوئے کہنا تھا کہ 2025ء پیشہ ورانہ لحاظ سے سلمان خان کے لیے زیادہ خوش آئند نہیں ہے۔
اُن کا کہنا تھا کہ اس سال دبنگ اداکار کو کسی بھی نئی فلم کی ریلیز سے گریز کرنا چاہیے۔
انہوں نے کہا کہ ان کو قتل کی دھمکیاں ملنے کے باوجود بھی اس سال کوئی بڑا خطرہ نہیں ہے لیکن ستمبر اور اکتوبر کے مہینوں میں انہیں محتاط رہنے کی ضرورت ہے۔
نجومی کا کہنا تھا کہ سیکیورٹی گارڈ اور گھریلو ملازمین سمیت سلمان خان کے قریبی افراد ان کے راز بشنوئی گینگ کو بتا سکتے ہیں لیکن پھر بھی ان کی جان کو کوئی خطرہ نہیں ہو گا۔
گیتا انجلی سکسینا کا مزید کہنا تھا کہ اگلے سال دبنگ خان کسی ایسے حادثے کا شکار ہو سکتے ہیں جس میں ان کی جان کو خطرہ ہو، اس لیے اُنہیں اگلے سال مارچ تک اپنے تمام بڑے پروجیکٹس کو مکمل کر کے کام سے علیحدہ ہونے چاہئے اور اپریل کے بعد پورا سال بہت محتاط رہنا چاہیے۔
نجومی نے کہا کہ سلمان اگر محتاط رہیں گے تو اگلے سال چاہے اُنہیں کسی بھی قسم کے خطرے کا سامنا کرنا پڑے بچ کر نکل آئیں گے۔
اس سے قبل بھارتی فلم انڈسٹری کے دبنگ اداکار کو جان سے مارنے کی دھمکی کے کچھ ہی گھنٹے بعد ان کا مبہم بیان سامنے آیا تھا۔
گزشتہ روز ممبئی ٹریفک پولیس کی ہیلپ لائن کے واٹس ایپ نمبر پر ایک بار پھر دبنگ خان کے لیے دھمکی ملی تھی، جس میں کہا گیا تھا کہ اداکار کو ان کے گھر میں داخل ہونے کے بعد ماردیا جائے گا اور ان کی گاڑی بم سے اڑادی جائے گی۔
رپورٹس کے مطابق بعد ازاں ممبئی پولیس نے اس حوالے سے شکایت درج کر کے تحقیقات شروع کردی تھیں۔ اب اس دھمکی کے بعد دبنگ خان کا بیان سامنے آیا ہے۔
دبنگ اداکار نے جِم کے ٹریننگ سیشن سے تصویر شیئر کر کے لکھا ہے کہ حوصلہ افزائی کے لیے آپ کا شکریہ۔
ہانیہ عامر بھارت میں کام کرکے اپنا وقت ضائع کر رہی ہیں، نادیہ خان
اداکار کی یہ نئی تصویر اور اس میں دکھائی دینے والی ان کی محنت اور فٹنس کو دیکھ کر مداح حیران رہ گئے جس کے بعد اس پر تعریف کرنے والوں کی لائن لگ گئی۔
