کراچی: سابق وزیرداخلہ ذوالفقار نے انسدادِ دہشت گردی کی عدالت میں اپنا وصیت نامہ جمع کرادیا ہے۔
سابق وزیر داخلہ ذوالفقارمرزا آج صبح عدالت میں پیش ہوئے جہاں عدالت نے ان کے مقدمے کی سماعت کرتے ہوئے ان کی ضمانت میں 30 مئی تک کی توسیع کردی۔
ذوالفقارمرزا کاکہنا ہےکہ ضمانت میں توسیع کے باوجود پولیس انہیں گرفتارکرنے کی کوشش کررہی ہے۔
انہوں نے انسدادِ دہشت گردی کی عدالت میں اپنا وصیت نامہ جمع کرایا جس کے مطابق اگر انہیں کچھ ہوا توا اس کے ذمہ دار سابق صدر آصف علی زرداری ، ان کی ہمشیرہ فریال تالپر اور چند صوبائی وزراء ہوں گے جن کے نام وصیت نامے میں درج کئے گئے ہیں۔
سابق وزیرداخلہ نے خدشہ ظاہرکیاکہ انہیں گرفتارکرکے قتل کردیا جائے گا۔
ذوالفقار مرزا نے ایک موبائل فون کے ذریعے اپنے وصیت نامے کو ویڈیو پیغام کی شکل میں بھی ریکارڈ کرایا ہے۔
