لاہور: اداکارہ میرا کو شادی سے روکنے کے لئےدرخواست دائرکردی گئی‘ فیملی عدالت نے اداکارہ میرا تکذیب نکاح کیس کی سماعت ملتوی کرتے ہوئے فریقین کے وکلاء کو بحث کے لئے طلب کر لیا۔
تفصیلات کے مطابق آج بروز بدھ لاہور کی فیملی عدالت کی جج بشری خالد نے کیس کی سماعت کی ‘ عدالت نے آج تکذیبِ نکاح کیس میں اپنا فیصلہ سنانا تھا تاہم عتیق الرحمن کی جانب سے درخواست آنے پر عدالت نے فیصلہ موخر کردیاہے۔
میرا کے مبینہ شوہر عتیق الرحمن کی جانب سے عدالت میں متفرق درخواست دائر کرتے ہوئے میرا کو شادی سے روکنے کی استدعا کی گئی ہے‘ عدالت نے فریقین کو وکلاء کو بحث کے لیے طلب کرلیا ہے۔
اداکارہ میرا تکذیب نکاح کیس ‘ فیصلہ محفوظ*
اداکار ہ میرا کی جانب سے دائر دعوے میں موقف اختیار کیا گیا تھا کہ ان کی عتیق الرحمان کے ساتھ شادی نہیں ہوئی ‘ نکاح کا دعویٰ جھوٹا ہے ۔
میرانے یہ بھی کہا تھا کہ عتیق الرحمان نے نے ا نہیں بلیک میل کرنے کے لیے جعلی نکاح نامہ بنوایا جبکہ متعلقہ ہونین کونسل نے بھی اسے بوگس قرار دیا ہے جس کے بعد ثابت ہو چکا ہے کہ اس کی شادی نہیں ہوئی۔
اداکارہ میرا کے وکیل نے استدعا کی تھی کہ عدالت جعلی نکاح نامے کو کالعدم قرار دے اور عتیق الرحمان کو میرا کا خاوند قرار دینے سے روکے ‘ درخواست میں مزید کہا گیا تھاکہ کہ جعلی نکاح نامہ بنانے پر عتیق الرحمان کے خلاف مقدمہ درج کرنے کا حکم دیا جائے۔
عدالتی سماعت کے بعد اداکارہ میرا نے میڈیا سے گفتگو کرتے ہوئے اپنے شادی کے فیصلے کو عدالتی فیصلے تک موخر کرنے کا اعلان کرتے ہوئے کہا کہ میرا رشتہ والدین نے طے کرناہے ۔ جوڑے اللہ کی مرضی سے بنتے ہیں‘ ہمیں اسی ذات پر توکل کرنا چاہئیے ۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
