کراچی: ایس ایس پی ملیر راؤ انوار کی بکتر بند گاڑی پر خود کش حملہ ہوا ہے، حملے میں خوش قسمتی سے وہ محفوظ رہے، جوابی فائرنگ میں 2 حملہ آور ہلاک ہوگئے۔
تفصیلات کے مطابق کراچی کےعلاقے ملیر کینٹ کے قریب ایس ایس پی راؤانوار پرخودکش حملہ کیا گیا ہے، خودکش حملہ آور نے ان کی بکتربند گاڑی کے قریب خود کو دھماکے سے اڑالیا ، تاہم خوش قسمتی سے حملے میں ایس ایس پی ملیرمحفوظ رہے۔
ایس ایس پی راؤ انوار دفترسے اپنے گھرجارہے تھے، پولیس کا کہنا ہے کہ راؤانوارکے گارڈزکی جوابی فائرنگ میں دو حملہ آورہلاک، ایک ملزم فرار ہونے میں کامیاب ہوگیا ہے۔
واقعے کے بعد پولیس کو علاقے کو گھیرے میں لے لیا۔پولیس کے مطابق ایک اور حملہ آور وہاں موجود ہے جس کی تلاش جاری ہے۔
پہلی بار کوئی خودکش حملہ آور جھلساہوا دیکھا، راجہ عمرخطاب
دوسری جانب ایس ایس پی راؤ انوار پرحملہ سے متعلق انچارج کاؤنٹر ٹیررازم ڈیپارٹمنٹ (سی ٹی ڈی) راجہ عمرخطاب نے میڈیا سے گفتگو کرتے ہوئے کہا ہے کہ پہلی بار کوئی خودکش حملہ آور جھلساہوا دیکھا ہے۔
انہوں نے کہا کہ ایس ایس پی ملیر پر حملہ آور نے کون سا بارود استعمال کیا ؟ یہ جاننے کی کوشش کر رہےہیں، ممکن ہے بارود نے آگ پکڑلی ہو اور دھماکا نہ ہوا ہو۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
