Tag: attack

افغانستان: طالبان نے پارلیمانی انتخابات کو ناکام بنانے کے لیے حملے شروع کردیے

کابل: افغانستان میں پارلیمانی انتخابات کو ناکام بنانے کے لیے طالبان نے حملے شروع کردیے، ایک خود کش حملے میں 8 افراد ہلاک ہوگئے۔

تفصیلات کے مطابق افغان طالبان نے دھمکی دے رکھی ہے کہ کسی صورت افغانستان میں رواں ماہ ہونے والے پارلیمانی انتخابات کو کامیاب نہیں ہونے دیں گے۔

غیر ملکی خبر رساں ادارے کے مطابق افغان صوبے ہیلمند میں ایک انتخابی امیدوار پر خود کش حملہ ہوا جس کے باعث 8 افراد ہلاک جبکہ دس زخمی ہوگئے۔

خود کش حملہ آور نے انتخابی امیدار کے دفتر میں گھس کر خود کو دھماکے سے اڑا لیا، جس کے نتیجے میں آٹھ افراد کی ہلاکتیں ہوئیں، حکام نے ہلاکتوں کی تصدیق کردی۔

افغانستان میں پارلیمانی انتخابات، طالبان نے حملے کی دھمکی دے دی

گذشتہ روز طالبان نے اپنے دھمکی بھرے بیان میں کہا ہے کہ رواں ماہ 20 اکتوبر کو افغانستان میں انتخابات ہونے نہیں دیں گے، اگر کسی نے اسے کامیاب بنانے میں حصہ لیا تو اسے نہیں چھوڑا جائے گا۔

دوسری جانب افغان حکام نے دھمکیوں کے پیش نظر ملک میں سیکیورٹی سخت کردی ہے، ملک میں قائم ہزاروں پولنگ اسٹیشن پر تقریباً پچاس ہزار سیکیورٹی اہلکار تعینات کیے جائیں گے۔

اقوام متحدہ کی ایک رپورٹ کے مطابق رواں سال یکم جنوری سے 30 ستمبر تک افغانستان میں خود کش حملوں میں 3634 افراد مارے گئے، ہلاک ہونے والوں میں عورتیں اور بچے بھی شامل ہیں۔

یاد رہے کہ گذشتہ ماہ افغانستان کے صوبے بغلان میں طالبان نے سیکیورٹی فورسز کی چوکیوں پر حملہ کردیا تھا جس کے نتیجے میں 30 سیکیورٹی اہلکار ہلاک ہوگئے تھے۔

اکتوبر 10, 2018
افغانستان میں پارلیمانی انتخابات، طالبان نے حملے کی دھمکی دے دی

کابل: افغانستان میں رواں ماہ پارلیمانی انتخابات ہونے جارہے ہیں، جبکہ طالبان نے حملے کی دھمکی دی ہے۔

تفصیلات کے مطابق افغانستان میں رواں ماہ 20 اکبوتر کو پارلیمانی انتخابات ہوں گے، جبکہ طالبان نے دھمکی دی ہے کہ کسی صورت اس الیکشن کو کامیاب نہیں ہوں گے۔

غیر ملکی خبر رساں ادارے کے مطابق طالبان نے اپنے دھمکی بھرے بیان میں کہا ہے کہ رواں ماہ انتخابات ہونے نہیں دیں گے، اگر کسی نے اسے کامیاب بنانے میں حصہ لیا تو اسے نہیں چھوڑا جائے گا۔

افغان طالبان نے موقف اختیار کیا ہے کہ یہ الیکشن امریکی حکمرانی کو افغانستان میں مزید تقویت دے گا، ملک میں غیر ملکی تسلط کو برداشت نہیں کیا جائے گا۔

افغانستان میں فورسز کی چوکیوں پر طالبان کا حملہ، 30 اہلکار ہلاک

دوسری جانب افغان حکام نے دھمکیوں کے پیش نظر ملک میں سیکیورٹی سخت کردی ہے، ملک میں قائم ہزاروں پولنگ اسٹیشن پر تقریباً پچاس ہزار سیکیورٹی اہلکار تعینات کیے جائیں گے۔

خیال رہے کہ گذشتہ ہفتے افغان صوبے ننگرہار میں پارلیمانی انتخابات سے متعلق ایک ریلی نکالی گئی تھی، جس پر حملے کے نتیجے میں 18 افراد ہلاک ہوگئے تھے۔

اقوام متحدہ کی ایک رپورٹ کے مطابق رواں سال یکم جنوری سے 30 ستمبر تک افغانستان میں خود کش حملوں میں 3634 افراد مارے گئے، ہلاک ہونے والوں میں عورتیں اور بچے بھی شامل ہیں۔

یاد رہے کہ گذشتہ ماہ افغانستان کے صوبے بغلان میں طالبان نے سیکیورٹی فورسز کی چوکیوں پر حملہ کردیا تھا جس کے نتیجے میں 30 سیکیورٹی اہلکار ہلاک ہوگئے تھے۔

اکتوبر 9, 2018
افغان فورسز کا فضائی حملہ، 4 عام شہری ہلاک، سات زخمی

کابل: افغانستان میں افغان فورسز کی جانب سے کیے گئے فضائی حملے کے نتیجے میں چار عام شہری ہلاک جبکہ سات زخمی ہوگئے۔

تفصیلات کے مطابق افغان فضائیہ کی جانب سے فضائی حملہ افغانستان کے جنوبی صوبے قندھار میں کیا گیا، جس کے باعث چار خواتین اور ایک بچہ جاں بحق ہوا۔

غیر ملکی خبر رساں ادارے کے مطابق قندھار میں ہونے والے فضائی حملے کے باعث 7 خواتین زخمی بھی ہوئی ہیں، حملہ شادی کی تقریب میں کیا گیا، افغان حکام کا کہنا ہے کہ حملہ طالبان کی موجودگی پر کیا گیا تھا۔

دوسری جانب نیٹو حکام کے ترجمان کا کہنا ہے کہ اس حملے سے ہمارا کوئی تعلق نہیں، پچھلے 24 گھنٹوں کے دوران کسی قسم کی فوجی کارروائی نہیں کی۔

افغانستان میں فورسز کی چوکیوں پر طالبان کا حملہ، 30 اہلکار ہلاک

بعض ذرائع نے یہ بھی دعویٰ کیا ہے کہ مذکورہ حملہ اور عام شہریوں کی ہلاکت میں امریکی فوج بھی ملوث ہوسکتی ہے، تاہم اس بابت ابھی تک واضح نہیں ہوا۔

خیال رہے کہ افغانستان میں طالبان جنگجو بعض اوقات عام شہریوں کے گھروں میں پناہ لے لیتے ہیں، جس کی وجہ سے اگر کسی قسم کی فوجی کارروائی ہو تو عام شہری بھی مارے جاتے ہیں۔

علاوہ ازیں گذشتہ رات افغان طالبان نے قندھار صوبے کے ایک گاؤں میں قائم چیک پوسٹ پر حملہ کیا تھا جس کے باعث ایک پولیس اہلکار ہلاک ہوا تھا، جبکہ جوابی کارروائی میں 10 عسکریت پسند مارے گئے تھے۔

اکتوبر 6, 2018
صومالیہ: یورپی یونین کے فوجی قافلے پر خودکش حملہ، تین افراد ہلاک، 4 زخمی

موغادیشو: افریقی ملک صومالیہ میں یورپی یونین کے فوجی قافلے پر خود کش حملے کے نتیجے میں تین افراد ہلاک اور چار زخمی ہوگئے۔

تفصیلات کے مطابق صومالیہ کے دارالحکومت موغادیشو میں فوجی قافلے پر کارسوار خودکش حملہ آور نے بارود سے بھری کار ٹکرا دی جس کے باعث 3 افراد ہلاک اور چار زخمی ہوگئے۔

غیر ملکی خبر رساں ادارے کا کہنا ہے کہ اس حملے میں کسی فوجی اہلکار کی ہلاکت نہیں ہوئی تاہم ہلاک ہونے والے تینوں افراد کا تعلق صومالیہ سے ہے۔

ریسکیو حکام کا کہنا ہے کہ حملے کے باعث زخمی ہونے والوں میں بچے اور خواتین بھی شامل ہیں، زخمیوں کو مقامی اسپتال میں طبی امداد فراہم کی جارہی ہے۔

دوسری جانب مذکورہ حملے کی ذمے داری شدت پسند تنظیم الشباب نے قبول کرلی ہے، اطالوی فوج نے کہا ہے کہ اس واقعے میں ان کا کوئی بھی فوجی زخمی یا ہلاک نہیں ہوا۔

صومالیہ کی سرکاری عمارت پر خودکش دھماکا، 6 افراد جاں بحق

خیال رہے کہ یورپی یونین کے افواج صومالیہ میں فوجی مشن کے تحت موجود ہیں، جس قافلے پر حملہ کیا گیا تھا ان میں اطالوی فوجی موجود تھے۔

واضح رہے کہ صومالیہ انیس سو نوے کی دہائی کے بعد سے بدامنی کا شکار ہے اور وہاں اقوام متحدہ نے امن فوجی تعینات کر رکھے ہیں۔

یاد رہے کہ گذشتہ ہفتے صومالی دارالحکومت کے ہوڈان ڈسٹرکٹ میں خودکش حملہ آور نے بارود سے بھری گاڑی سرکاری عمارت سے ٹکرا دی تھی، جس کے باعث 6 افراد جاں بحق جبکہ 16 زخمی ہوگئے تھے۔

اکتوبر 2, 2018
روس اسکریپال اور اس کی بیٹی پر زہریلی گیس سے حملہ کرکے پچھتارہا ہوگا: برطانوی وزیر خارجہ

لندن: برطانوی وزیر خارجہ جیرمی ہنٹ نے کہا ہے کہ سابق روسی جاسوس سرگئی اسکریپال اور اس کی بیٹی یولیا اسکریپال پر زیریلی گیس سے حملہ کرنے پر روس کو خود افسوس ہورہا ہوگا۔

تفصیلات کے مطابق چند ماہ قبل برطانیہ کے دارالحکومت لندن میں سابق روسی جاسوس سرگئی اسکریپال اور اس کی بیٹی یولیا اسکریپال پر اعصاب شکن زہر سے نشانہ بنایا گیا تھا۔

برطانوی وزیر خارجہ جیرمی ہنٹ کا کہنا تھا کہ روس ایسا کرکے خود پچھتا رہا ہوگا، اگر وہ اس قسم کی کارروائیاں دوبارہ کرے گا تو اس کا نتیجہ بہت منفی نکلے گا۔

دوسری جانب برطانوی تحقیقاتی ویب سائٹ نے دعویٰ کیا ہے کہ سالسبری میں اسکریپال اور اس کی بیٹی پر حملہ کرنے والا روسی جاسوس ہے جو صدر پیوٹن سے ’ہیرو‘ کا ایوارڈ بھی حاصل کرچکا ہے۔

روسی جاسوس پر حملہ، ملزم روسی صدر سے ایوارڈ وصول کرچکا ہے، دعویٰ

تحقیقاتی ویب سائٹ کے مطابق روسی جاسوس پر حملہ کرنے والا رسلن بوشیرو کو روسی صدر ولادی میر پیوٹن کی جانب سے ایوارڈ سے نوازا جاچکا ہے جو روسی خفیہ ایجنسی کا ایجنٹ ہے۔

واضح رہے کہ روسی وزارت خارجہ کی ترجمان ماریہ زاکاروا نے تحقیقاتی ویب سائٹ کی جانب سے کیے گئے دعوؤں کے مسترد کرتے ہوئے کہا ہے کہ ویب سائٹ کے پاس کوئی ثبوت نہیں ہے۔

یاد رہے کہ برطانیہ میں روسی جاسوس اور اس کی بیٹی پر حملے کے بعد روس اور برطانیہ کے تعلقات میں شدید تناؤ دیکھنے میں آیا، علاوہ ازیں اس معاملے پر دیگر ملکوں نے بھی آواز اٹھائی۔

ستمبر 28, 2018
ایران ملک کی بگڑتی صورتحال کی وجوہات پر غور کرے، نکّی ہیلی

نیویارک : اقوام متحدہ میں تعینات امریکی سفیر نّکی ہیلی نے واشنگٹن اور خلیجی ریاستوں پر عائد کردہ ایرانی الزامات کی تردید کرتے ہوئے کہا ہے ایران اپنے اندورنی امن و امان کی خراب صورتحال کی وجوہات پر توجہ دے۔

تفصیلات کے مطابق اقوام متحدہ گذشتہ روز منعقد ہونے والے اجلاس میں امریکا کی مستقل مندوب نکّی ہیلی ایران کے جنوب مغربی شہر اھواز میں ہونے والی فوجی پریڈ پر دہشت گردانہ حملوں کی مذمت کرتے ہوئے کہا ہے کہ امریکا اور اس کے عرب اتحادیوں پر عائد کیے گئے ایرانی الزامات کو مسترد کیا ہے۔

اقوام متحدہ میں تعینات امریکی سفیر نّکی ہیلی کا کہنا تھا کہ ایرانی قوم ملک کے مختلف شہروں میں مہنگائی اور اپنی فورسز کے خلاف مظاہرے کررہی ہے، ایرانی حکمرانوں کو ملکی امن و استحکام کی خراب ہوتی صورتحال کی وجوہات پر غور کرنا چاہیئے۔

اقوام متحدہ کے اجلاس میں امریکی سفیر نے کہا کہ ایرانی حکمرانوں نے اپنی عوام پر دباؤ بنایا ہوا ہے، تہران حکومت خود آئینے میں دیکھے۔

غیر ملکی خبر رساں نیوز ایجنسی کے مطابق امریکی سفیر نکی ہیلی کا کہنا تھا کہ واشنگٹن کی کوشش ہے خطے میں ایران کی ضرر رساں سرگرمیوں، بیلسٹک میزائل کے تجربے، مسلح گروہوں کی حمایت اور اسلحے کی فراہمی کو روکے۔

دوسری جانب سے متحدہ عرب امارات کے وزیر خارجہ انور قرقاش نے خلیجی ریاستوں پر عائد کردہ الزامات کو رد کرتے ہوئے کہا تھا کہ دہشت گردی کے خلاف اماراتی حکومت مؤقف بلکل واضح ہے۔

واضح رہے کہ ایرانی صدر حسن روحانی نے اقوام متحدہ میں الزام عائد کیا تھا کہ ہفتے کے روز فوجی پریڈ ہونے والے حملے میں امریکا اور عرب ممالک ملوث تھے جس میں 29 افراد لقمہ اجل بنے۔

ایران کے اعلیٰ حکام کی جانب سے امریکا سمیت عرب ریاستوں کو مورد الزام ٹہراتے ہوئے سنگین نتائج کی دھمکیاں دی تھیں۔

یاد رہے کہ ایک روز قبل ایران کے جنوب مغربی شہر احواز میں سیکیورٹی فورسز کی پریڈ کے دوران نامعلوم افراد نے حملہ کردیا، فائرنگ کے نتیجے میں خاتون اور بچے سمیت 60 افراد زخمی جبکہ 12 سیکیورٹی اہلکاروں سمیت 29 افراد جاں بحق ہوئے تھے۔

ستمبر 24, 2018
پاکستان ایران میں ہونے والے دہشت گردانہ حملے کی مذمت کرتا ہے، دفتر خارجہ

اسلام آباد : پاکستانی دفتر خارجہ کی جانب سے ایرانی شہر احواز میں فوجی پریڈ کے دوران ہونے والے دہشت گردانہ حملے کی مذمت کرتے ہوئے حملے میں جاں بحق افراد کے خاندانوں سے دلی تعزیت کا اظہار کیا ہے۔

پاکستانی دفتر خارجہ کے ترجمان ڈاکٹر فیصل نے سماجی رابطے کی ویب سائٹ ٹویٹر پر جاری بیان میں کہا ہے کہ پاکستان دہشت گردی کی ہر شکل میں مذمت کرتا ہے۔

Pakistan has strongly denounced the attack on Iranian military parade.
In a statement, the foreign office said that #Pakistan is against terrorism and in this hour of grief, it stands with the families of victims. 🇵🇰🇮🇷#Ahvaz #Iran pic.twitter.com/8dJTULgZIy

— Govt of Pakistan (@pid_gov) September 22, 2018

مقامی خبر رساں ادارے کا کہنا ہے کہ ایران کے شہر احواز میں آج صبح سیکیورٹی فورسز کی پریڈ کے دوران نامعلوم افراد نے حملہ کیا تھا، فائرنگ کے نتیجے میں خاتون اور بچے سمیت 20 افراد زخمی 11 جاں بحق ہوگئے۔

ایران کی سرکاری نیوز ایجنسی کا کہنا ہے کہ فوجی پریڈ ہونے والے دہشت گردانہ حملے کے نتیجے میں سپاہ پاسداران کے 8 اہلکاروں سمیت 11 افراد کے جاں بحق ہوئے ہیں۔

ایران: فوجی پریڈ پر حملہ، 11 افراد جاں بحق، 20 زخمی

ایرانی سیکیورٹی حکام کا کہنا ہے کہ حملہ آوروں پریڈ میں موجود عام شہریوں پر فائرنگ کی تھی اور اعلیٰ سیکیورٹی افسران کوگولیوں کا نشانہ بنانا چاہتے تھے۔

ایرانی میڈیا کے مطابق سنہ 1980 میں عراقی آمر صدام حسین کی جانب سے ایران پرمسلط کی گئی جنگ کے 38 برس مکمل ہونے کے حوالے سے احواز سمیت ملک کے مختلف شہروں میں پریڈ جاری ہیں۔

ستمبر 22, 2018
کالعدم تحریک طالبان پاکستان کا اہم کمانڈر افغانستان میں مارا گیا

کابل: کالعدم تحریک طالبان پاکستان کا اہم کمانڈر افغانستان میں مارا گیا، دہشت گرد بھارتی ایجنسی را کے ساتھ پاکستان مخالف سرگرمیوں میں ملوث تھا۔

تفصیلات کے مطابق کالعدم تحریک طالبان پاکستان کا ایک اہم کمانڈر ’جہانگیر‘ کو افغان صوبے خوست میں نامعلوم افراد نے قتل کردیا۔

مارا جانے والا دہشت ملک دشمن ایجنسیز گرد این ڈی ایس، را اور موساد کے ساتھ مل کر پاکستان مخالف سرگرمیوں ملوث تھا۔

اس سے قبل رواں سال جون میں امریکا کی جانب سے ڈرون حملہ افغان صوبے کنڑ میں کیا گیا تھا، جس کے نتیجے میں کالعدم ٹی ٹی پی کا سربراہ ملا فضل اللہ ہلاک ہوا تھا۔

ملا فضل اللہ ہلاک، افغان حکام نے تصدیق کردی

اُس موقع پر غیر ملکی خبر رساں ادارے نے کہا تھا کہ امریکا کی جانب سے ملا فضل اللہ کے سر کی قیمت 50 لاکھ ڈالر رکھی گئی تھی۔

یاد رہے کہ تحریک طالبان پاکستان کا سربراہ ملا فضل اللہ سانحہ اے پی ایس سمیت متعدد دہشت گرد حملوں کا ماسٹر مائنڈ تھا۔

خیال رہے کہ رواں سال 9 مارچ کو امریکا نے پاک افغان بارڈر پر ایک ڈرون حملہ کیا تھا جس کے نتیجے میں ملا فضل اللہ کا بیٹا عبداللہ ہلاک ہوا تھا جس کی تصدیق ٹی ٹی پی نے بھی کی تھی۔

ستمبر 18, 2018
فرانس کے بعد یونان میں بھی ایرانی سفارت خانے پر حملہ

ایتھنز: فرانس کے بعد آج یونان میں بھی ایرانی سفارت خانے پر حملہ ہوا جس کے باعث عمارت کو شدید نقصان پہنچا۔

تفصیلات کے مطابق یونان کے دارالحکومت ایتھنز میں مظاہرین نے ایرانی سفارت خانے پر دھاوا بول دیا، جس کے باعث عمارت کے شیشے ٹوٹ گئے اور بڑا حصہ متاثر ہوا۔

غیر ملکی خبر رساں ادارے کے مطابق سفارت خانے پر حملہ ایک انتشار پسند گروپ کی جانب سے کیا گیا ہے، مظاہرین نے سفارت خانے کی عمارت کے شیشے توڑ دیے اور سرخ رنگ سے دیواروں پر نعرے بھی تحریر کیے۔

پولیس حکام کا کہنا ہے کہ اس حملے میں انتشار پھیلانے والے اس گروپ کے متعدد افراد نے حصہ لیا، جو آہنی سلاخوں سے لیس تھے، مظاہرین ایرانی انتظامیہ کے خلاف سخت موقف رکھتے تھے، تاہم اس واقعے میں کسی قسم کا جانی نقصان نہیں ہوا۔

فرانس میں ایرانی سفارت خانے پر حملہ، ایران کی شدید مذمت

یاد رہے کہ دو روز قبل جمعے کے دن کچھ افراد نے پیرس میں ایرانی سفارتخانے پر دھاوا بولا جس کے نتیجے میں اس عمارت کو نقصان بھی پہنچا تھا، ایرانی حکام نے واقعے کے خلاف شدید مذمت بھی کی تھی۔

علاوہ ازیں رواں ماہ 8 ستمبر کو عراق میں جاری پر تشدد مظاہروں کے دوران مشتعل مظاہرین نے ایرانی قونصل خانے کو آگ لگا دی تھی۔

خیال رہے کہ مظاہرین نے صوبائی حکومت کی عمارت کو نذر آتش کردیا تھا، اس کے علاوہ بھی انھوں نے کئی ایک سرکاری عمارتوں کو نقصان پہنچایا تھا۔

فرانس اور یونان میں ایرانی سفارت خانے پر ہونے والے حملوں کی اصل وجہ اب تک واضح نہیں ہوئی۔

ستمبر 18, 2018
بیلجیئم: پولیس اہلکار پر چاقو سے حملہ، جوابی کارروائی میں حملہ آور زخمی

برسلز: بیلجیئم میں پولیس اہلکار پر چاقو سے حملہ ہوا جبکہ جوابی کارروائی میں پولیس نے حملہ آور کو زخمی حالت میں گرفتار کرلیا۔

تفصیلات کے مطابق بیلجیئم کے دارالحکومت برسلز میں ایک شخص نے اچانک پولیس آفسر پر خنجر سے حملہ کیا، جبکہ پولیس نے بروقت کارروائی کرتے ہوئے فائرنگ کی جس کے باعث حملہ آور زخمی ہوا۔

غیر ملکی خبر رساں ادارے کے مطابق پولیس کی فائرنگ سے زخمی ہونے والا حملہ آور گرفتار کرلیا گیا ہے، چالیس سالہ حملہ آور بے گھر شخص اور بیلجیم کا مصری نژاد شہری ہے۔

پولیس حکام کا کہنا ہے کہ اس واقعے کا کوئی دہشت گردانہ پس منظر نہیں ہے، تاہم زخمی حملہ آور کو اسپتال منتقل کردیا گیا ہے جہاں اس کی حالت خطرے سے باہر ہے۔

پولیس کا کہنا تھا کہ مذکورہ واقعہ مقامی وقت کے مطابق صبح 9 بجے کے قریب پیش آیا اس حوالے سے مزید قانونی کارروائی کررہے ہیں جلد حقائق سامنے آئیں گے۔

برسلز میں چاقو بردارشخص کا سیکورٹی فورسز پرحملہ

خیال رہے کہ بیلجیئم میں 2016ء میں ہونے والے دہشت گردانہ حملوں کے بعد سلامتی کے اداروں کو انتہائی چوکنا رہنے کے احکامات دیے گئے ہیں۔

واضح رہے کہ گذشتہ سال اگست میں بیلجیئم کے دارالحکومت برسلزمیں چاقو برادر شخص کے حملے میں 2 فوجی زخمی ہوئے تھے، جبکہ جوابی فائرنگ میں حملہ آور ہلاک ہوگیا تھا۔

گذشتہ سال ہی جون میں برسلز میں سیکیورٹی فورسز نے ایک مشتبہ شخص کو گولی مار کر ہلاک کر دیا تھا جس پر شبہ تھا کہ وہ خودکش حملہ آور تھا۔

ستمبر 18, 2018