Tag: attack

جرمنی: ریلوے اسٹیشن پر چاقو بردار شخص کا حملہ، دو افراد زخمی

برلن : جرمنی کے شہر فلینز برگ کے ریلوے اسٹیشن کے قریب ٹرین میں ایک چاقو بردارشخص نے حملہ کرکے خاتون پولیس اہلکار سمیت دو افراد کو زخمی کردیا.

تفصیلات کے مطابق جرمنی کے شہر فلینزبرگ کے مرکزی ٹرین اسٹیشن پر ایک چاقو بردار شخص نے خنجر سے حملہ کرکے خاتون پولیس اہلکار اور ایک شہری کو زخمی کردیا،تاہم خاتون پولیس اہلکار نے فوری کارروائی کرتے ہوئے فائرنگ کرکے حملہ آور کو موقع پر ہی ہلاک کردیا۔

غیرملکی خبر رساں ادارے کا کہنا تھا کہ جرمنی کی پولیس نے واقعے کی تصدیق کرتے ہوئے بتایا کہ 30 مئی بدھ کی شام جرمنی کی شمال مغربی سرحد پر واقع شہر فلینزبرگ کے ریلوے اسٹیشن پر ٹرین میں ایک تارکِ وطن نے چاقو سے حملہ کیا تھا جس کے نتیجے میں پولیس اہلکار سمیت دو افراد زخمی ہوئے تھے۔

جرمنی کے سیکیورٹی اداروں کا کہنا تھا کہ حملہ کرنے والا تارکِ وطن 24 سال کا نوجوان تھا جو سنہ 2015 میں اریٹریا سے جرمنی آیا تھا اور پناہ کی درخواست منظور ہونے کے بعد جرمنی کی ریاست جنوبی رائن ویسٹ فیلیا میں رہائش پذیر تھا۔

غیر ملکی خبر رسان ادارے کے مطابق عینی شاہدین کا کہنا تھا کہ انٹر سٹی ٹرین میں سوار 24 سالہ حملہ آور کی ایک شخص سے تلخ کلامی ہوئی تھی جس کے بعد چاقو بردار شخص نے خنجر کے وار کرکے مسافر کو شدید زخمی کردیا تھا۔

عینی شاہد کا کہنا تھا کہ ٹرین میں موجود خاتون پولیس اہلکار نے مسلح شخص کو شہری پر حملہ کرتے دیکھا تو مداخلت کرنے کی کوشش کی جس پر حملہ آور نے خاتون پولیس اہلکار پر بھی چاقو سے وار کیے جس سے خاتون اہلکار بھی زخمی ہوگئی تاہم پولیس اہلکار جوابی فائرنگ کرکے حملہ آور کو ہلاک کردیا۔

جرمنی میں نامعلوم افراد کاریلوےاسٹیشن پرحملہ‘5افرادزخمی

عینی شاہدین نے غیر ملکی خبر رساں ادارے کو بتایا کہ چاقو بردار شخص کے حملوں اور پھر خاتون پولیس اہلکار کی فائرنگ کے نتیجے میں ٹرین میں موجود مسافر شدید خوف زدہ ہوگئے تھے۔

جرمنی کے وزیر داخلہ بورسٹ زیہوفر نے واقعے کی شدید مذمت کرتے ہوئے کہا کہ ’مذکورہ واقعہ انتہائی پریشان کن ہے، ملک میں کسی صورت تشدد برداشت نہیں کیا جائے گا‘۔

جرمنی کی پولیس ترجمان کا کہنا تھا کہ گذشتہ روز پیش آنے والا حادثہ کسی منظم دہشت گردی کا واقعہ نہیں ہے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

مئی 31, 2018
افغانستان: راکٹ حملے میں 50 سے زائد طالبان ہلاک ہوئے’ امریکی فوج

کابل: افغانستان میں موجود امریکی فوج کے ترجمان کرنل مارٹن نے دعویٰ کیا ہے کہ افغان صوبے ہلمند میں کیے جانے والے راکٹ حملے میں 50 سے زائد طالبان ہلاک ہوئے ہیں۔

تفصیلات کے مطابق طالبان کی جانب سے افغان صوبے ہلمند میں ایک اہم اجلاس منعقد کیا گیا تھا جہاں طالبان کے اہم کمانڈرز موجود تھے اسی دوران امریکی فورسز نے راکٹ حملہ کیا جس کے نتیجے میں درجنوں طالبان عسکریت پسند ہلاک ہوگئے۔

عالمی میڈیا کا کہنا ہے کہ افغانستان میں امریکی اور افغان فورسز کی جانب سے شدت پسندوں کے خلاف مشترکہ کارروائیاں جاری ہیں، جبکہ گذشتہ دنوں بھی افغان فوج نے طالبان عسکریت پسندوں پر حملے کیے تھے جس سے طالبان کو شدید نقصان پہنچا تھا۔

افغان صوبے غزنی میں طالبان کا حملہ، افسران سمیت 14 پولیس اہلکار ہلاک

افغانستان میں امریکی فورسز کے ترجمان کرنل مارٹن نے اپنے جاری کردہ بیان میں کہا ہے کہ ہمارے خیال میں طالبان کے ہونے والے اس اجلاس میں آئندہ کی منصوبہ بندی کی جارہی تھی، تاہم خفیہ اطلاعات پر راکٹ حملے کیے جس کے باعث متعدد طالبان ہلاک ہوئے۔

ان کا مزید کہنا تھا کہ اس اجلاس میں افغانستان کے مختلف صوبوں سے تعلق رکھنے والے طالبان کمانڈرز شریک تھے، فورسز کے لیے یہ کارروائی بہت اہم ہے، جس کے باعث شدت پسندوں کی نئی بنائی جانے والی حکمت عملی کو ناکام بنایا گیا ہے۔

افغانستان: طالبان کا حملہ، گورنر سمیت درجنوں جاں بحق، علاقے پر قبضہ

خیال رہے کہ دوسری جانب طالبان نے افغانستان میں اپنی شرپسند کارروائیوں میں مزید اضافہ کردیا ہے، دہشت گردوں نے صوبہ لوگر میں قائم پولیس اسٹیشن پر حملہ کرکے تین سیکیورٹی اہلکاروں کو بھی ہلاک کر دیا ہے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

مئی 31, 2018
عرب اتحادی فوج کی یمن میں کارروائی، متعدد حوثی باغی ہلاک

ریاض: سعودی عرب کے اتحادی فورسز کی جانب سے یمن میں حوثی باغیوں کے ٹھکانوں پر فضائی کارروائی کی گئی جس کے نتیجے میں متعدد حوثی باغی ہلاک ہوگئے۔

تفصیلات کے مطابق عرب اتحادی فوج نے یمن کے صوبے ’اِب‘ پر لڑاکا طیاروں کے ذریعے فضائی کارروائی کی جس کے نتیجے میں یمن میں برسر پیکار حوثی باغیوں کو جانی اور مالی طور پر شدید نقصان ہوا جبکہ حوثی باغیوں کے ٹھکانوں پر موجود جنگی ساز وسامان بھی تباہ ہوگئے۔

عرب میڈیا کا کہنا ہے کہ حوثی باغیوں کی جانب سے سعودی عرب پر مسلسل بیلسٹک میزائل داغے جارہے ہیں تو دوسری جانب عرب اتحاد نے بھی اپنی کارروائیوں میں افضافہ کردیا ہے، گذشتہ دنوں بھی عرب اتحاد نے حوثی باغیوں کے ٹھکانوں پر حملہ کیا تھا۔

عرب اتحادی فوج کی یمن میں فضائی کارروائی، حوثی باغیوں کا میزائل حملہ

علاوہ ازیں سعودی فورسز نے آج ہی کے دن یمن کے دار الحکومت صنعا میں بھی فضائی کارروائی کی جس کے باعث حوثی باغیوں کے متعدد ٹھکانے تباہ ہوگئے جس کی وجہ سے باغیوں کو شدید نقصان پہنچا ہے۔

یاد رہے کہ گذشتہ دنوں ترجمان عرب اتحاد ترکی المالکی نے اپنے جاری کردہ بیان میں کہا تھا کہ حوثی باغی ایک سوچے سمجھے منصوبے کے تحت سعودی عرب کی شہری آبادی کو بیلسٹک میزائلوں سے نشانہ بنا رہے ہیں، لیکن ہم ان کے ناپاک عزائم کبھی کامیاب نہیں ہونے دیں گے۔

حوثی باغیوں کے دو بیلسٹک میزائل حملے سعودی فورسز نے ناکام بنا دیئے

خیال رہے کہ رواں سال 13 مئی کو حوثی باغیوں نے سعودی شہر جازان کو نشانہ بنانے کی کوشش کی تھی تاہم بروقت کارروائی کرتے ہوئے سعودی فورسز نے اس حملے کو بھی ناکام بنا دیا تھا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مئی 30, 2018
افغانستان: عسکریت پسندوں نے دھمکی دے کر درجنوں اسکول بند کرادیے

کابل: افغانستان میں موجود طالبان شدت پسندوں نے سنگین نتائج کی دھمکی دیتے ہوئے درجنوں اسکول بند کرا دیے۔

تفصیلات کے مطابق افغان طالبان کی جانب سے اعلان کیا گیا ہے کہ افغانستان کے شمالی صوبے ’تخار‘ کے تمام اسکول بند کیے جائیں بصورت دیگر سنگین نتائج کے ذمہ دار حکام ہوں گے۔

افغان حکام کا کہنا ہے کہ طالبان عسکریت پسندوں کے اس اعلان سے اسکول میں زیر تعلیم ہزاروں کی تعداد میں طلبہ متاثر ہوں گے جبکہ تخار میں طالبان کے اعلان کے بعد تمام کے تمام اسکول جن میں ستائیس پرائمری اور سیکنڈری اسکول شامل ہیں انہیں مکمل طور پر بند کر دیا گیا ہے۔

حکام کا یہ بھی کہنا تھا کہ افغان صوبے تخار میں فورسز کی جانب سے کارروائیاں کی جارہی ہیں، گذشتہ دنوں شدت پسندوں کے ایک اہم لیڈر کو بھی گرفتار کیا گیا تھا، جبکہ اسکول بند کرانے کا یہ دھمکی آمیز عمل افغان فورسز کی کارروائیوں کا ردعمل ہوسکتا ہے۔

افغانستان: طالبان کے دو دہشت گرد حملے، سکیورٹی فورسز سمیت 5 افراد جاں بحق

خیال رہے کہ افغانستان حالیہ چند ہفتوں سے عسکریت پسندوں کے دہشت گردانہ حملوں کے نشانے پر ہے، گذشتہ دنوں بھی یکے بعد دیگرے دو دہشت گرد حملے کیے گئے تھے جس کے نتیجے میں درجنوں افراد اپنی زندگی کی بازی ہار گئے تھے۔

یاد رہے کہ 23 مئی کو افٖغانستان کے صوبے غزنی میں طالبان عسکریت پسندوں نے متعدد حملے کر کے 14 پولیس اہلکاروں کو موت کے گھاٹ اتار دیا تھا جبکہ متعدد زخمی بھی ہوگئے تھے۔

افغان صوبے غزنی میں طالبان کا حملہ، افسران سمیت 14 پولیس اہلکار ہلاک

علاوہ ازیں 23 مئی کو ہی افغانستان کے شہر قندھار میں مکینک ورک شاپ پر ایک زور دار دھماکہ ہوا تھا جس کے نتیجے میں 16 عام شہری مارے گئے تھے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مئی 26, 2018
فلسطین: اسرائیلی فوج نے حملہ کرکے امدادی کشتی تباہ کردی

یروشلم: فلسطین میں قابض اسرائیلی فوج نے معصوم اور نہتے فلسطینیوں کے لیے بھیجی گئی امدادی کشتی کو حملہ کرکے مکمل طور تباہ کر دیا۔

تفصیلات کے مطابق اسرائیل کی نہتے فلسطینیوں کے خلاف جارحیت کا سلسلہ جاری ہے، اسرائیلی فورسز نے غزہ میں ایک کشتی پر بمباری کی جس سے کشتی تباہ ہوگئی، کشتی امدادی فلوٹیلا کا حصہ تھی۔

اسرائیل نے فلسطینیوں پر زندگی تنگ کردی ہے، نہتے فلسطینیوں کے قتل عام کے ساتھ ساتھ امداد پر بھی پابندیاں ہیں، اسرائیلی ائیر فورس نے غزہ میں ایک کشتی پر بمباری کی جس سے کشتی جل کر راکھ ہوگئی، اسرائیل نے غزہ کی پٹی کی بحری ناکہ بندی بھی کر رکھی ہے جس کے باعث امداد کو فلسطینیوں تک پہنچنے نہیں دیا جارہا۔

اسرائیلی فوج کی فائرنگ سے فلسطینیوں کا قتل عام خطرے کی گھنٹی ہے، عرب لیگ

دوسری جانب سرحد پر اسرائیلی فورسز کی وحشیانہ فائرنگ سے زخمی متعدد فلسطینی اردن کے اسپتالوں میں زیرعلاج ہیں، ادھر فلسطینی وزیر خارجہ ریاد المالکی نے عالمی عدالت انصاف سے اسرائیلی فوج کے ہاتھوں نہتے فلسطینیوں کے قتل عام کی مکمل تحقیقات کا مطالبہ کیا ہے۔

خیال رہے کہ 2015 میں بھی اسرائیل نے ناکا بندی کا شکار غزہ کی پٹی کی جانب جانے والے چار چھوٹے بحری جہازوں پر مشتمل امدادی قافلے کو روک لیا تھا اور اس کو زبردستی ایک اسرائیلی بندرگاہ پر پہنچا دیا گیا تھا۔

امریکی سفارتخانہ بیت المقدس منتقل، اسرائیلی فوج کی فائرنگ سے 58 فلسطینی شہید

واضح رہے کہ اسرائیلی فوج نے گذشتہ نو سال سے غزہ کی پٹی کی بحری، بری اور فضائی ناکا بندی کر رکھی ہے اور وہاں بری اور بحری راستے سے کوئی بھی امدادی سامان لے جانے کی اجازت نہیں ہے، اسرائیلی فورسز محصور فلسطینیوں کی امداد کے لیے ایسی کسی بھی کوشش کو ناکام بنا دیتی ہیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

مئی 24, 2018
افغانستان: طالبان کے دو دہشت گرد حملے، سکیورٹی فورسز سمیت 5 افراد جاں بحق

کابل: افغانستان میں طالبان کی جانب سے دو مختلف دہشت گرد حملوں کے نتیجے میں سکیورٹی اہلکاروں سمیت پانچ افراد جاں بحق ہوئے۔

تفصیلات کے مطابق افغانستان حالیہ چند ہفتوں سے عسکریت پسندوں کے دہشت گردانہ حملوں کے نشانے پر ہے، گذشتہ روز بھی یکے بعد دیگرے دو دہشت گرد حملے کیے گئے تھے جس کے نتیجے میں درجنوں افراد اپنی زندگی کی بازی ہار گئے تھے۔

افغان حکام کی جانب سے جاری کردہ بیان میں کہا گیا ہے کہ شدت پسندوں نے افٖغانستان کے دو صوبوں پر حملے کیے جن میں صوبہ بادغیس اور صوبہ غور شامل ہے، تاہم اس حملوں میں کم از کم پانچ افراد جاں بحق ہوئے ہیں جبکہ ان ہلاک شدگان میں دو پولیس اہلکار اور ایک قبائلی لیڈر بھی شامل ہے۔

افغان صوبے غزنی میں طالبان کا حملہ، افسران سمیت 14 پولیس اہلکار ہلاک

واقعے سے متعلق سکیورٹی حکام کا کہنا تھا کہ عسکریت پسندوں نے جن دو پولیس اہلکاروں کو ہلاک کیا ہے، وہ صوبہ بادغیس میں قائم ایک چیک پوسٹ پر ڈیوٹی سرانجام دے رہے تھے۔

سکیورٹی حکام کا مزید کہنا تھا کہ وسطی افغان صوبے غور میں طالبان عسکریت پسندوں کے حملے میں تین شہری ہلاک ہوئے، جبکہ ان میں ایک قبائلی رہنما بھی شامل ہے، تاہم علاقے میں طالبان کے مزید حملوں کو ناکام بنا دیا گیا ہے۔

افغانستان میں دھماکہ، 16 افراد جاں بحق، 38 زخمی

خیال رہے کہ گذشتہ روز افٖغانستان کے صوبے غزنی میں طالبان عسکریت پسندوں نے متعدد حملے کر کے 14 پولیس اہلکاروں کو موت کے گھاٹ اتار دیا تھا جبکہ متعدد زخمی بھی ہوگئے تھے۔

علاوہ ازیں گذشتہ روز ہی افغانستان کے شہر قندھار میں مکینک ورک شاپ پر ایک زور دار دھماکہ ہوا تھا جس کے نتیجے میں 16 عام شہری مارے گئے تھے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

مئی 24, 2018
افغانستان میں دھماکہ، 16 افراد جاں بحق، 38 زخمی

کابل: افغانستان میں ایک بم دھماکے کے نتیجے میں سولہ افراد جاں بحق جبکہ بچوں سمیت اڑتیس سے زائد زخمی ہوگئے، ہلاکتوں میں اضافے کا خدشہ ہے۔

تفصیلات کے مطابق یہ واقعہ افغانستان کے شہر قندھار میں پیش آیا جہاں ایک مکینک ورک شاپ میں رکھا گیا بم پھٹ گیا جس کے نتیجے میں 16 ہلاکتیں ہوئیں اور بچوں سمیت 38 سے زائد افراد زندگی کی بازی ہار گئے۔

افغان حکام کی جانب سے جاری کردہ بیان میں کہا گیا ہے کہ بم ایک مکینک کی ورک شاپ میں رکھا گیا تھا جو ناکارہ بنانے کی کوشش سے قبل ہی پھٹ گیا، جس کے باعث متعدد لوگ مارے گئے جبکہ زخمیوں میں بھی کئی کی حالت تشویش ناک ہے۔

افغان صوبے غزنی میں طالبان کا حملہ، افسران سمیت 14 پولیس اہلکار ہلاک

حکام کا مزید کہنا تھا کہ تاحال کسی شدت پسند جماعت نے اس واقعے کی ذمہ داری قبول نہیں کی، تحقیقات جاری ہیں جلد حقائق سامنے آجائیں گے، تاہم یہ دھماکہ ایک ایسے وقت میں ہوا ہے کہ جب طالبان کی جانب سے حملوں میں تیزی آئی ہے۔

خیال رہے کہ آج ہی افٖغانستان کے صوبے غزنی میں طالبان عسکریت پسندوں نے متعدد حملے کر کے 14 پولیس اہلکاروں کو موت کے گھاٹ اتار دیا جبکہ متعدد زخمی بھی ہوئے ہیں۔

افغانستان: طالبان کا حملہ، 11 پولیس اہلکار جاں بحق، 2 زخمی

یاد رہے کہ واقعے کے بعد غزنی کے صوبائی کونسل کے رکن حسن رضا یوسفی نے کہا تھا کہ ضلع ڈی یاک میں 7 پولیس ہلاک ہوئے ہیں جن میں ضلعی پولیس کے سربراہ اور ریزرو پولیس کے کمانڈر حاجی برکت بھی شامل ہیں دیگر 7 پولیس اہلکار ضلع جگاتو میں طالبان کے حملے کا نشانہ بنے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مئی 23, 2018
عرب اتحادی فوج کی یمن میں فضائی کارروائی، حوثی باغیوں کا میزائل حملہ

ریاض: عرب اتحادی فوج کی جانب سے یمن کے دار الحکومت صنعا میں فضائی کارروائی کی گئی جبکہ حوثی باغیوں نے بھی سعودی عرب کو بیلسٹک میزائل سے نشانہ بنانے کی کوشش کی۔

تفصیلات کے مطابق عرب اتحادی فوج نے صنعا میں قائم حوثی باغیوں کے ٹھکانوں پر طیاروں سے حملہ کیا جس کے نتیجے میں حوثی باغیوں کو شدید نقصان پہنچا جبکہ دوسری جانب حوثی باغیوں نے سعودی عرب کے صوبے جازان پر بیلسٹک میزائل داغا جسے سعودی فورسز نے ناکام بنا دیا۔

سعودی میڈیا کا کہنا ہے کہ عرب اتحادی فوج نے یمن کے دارالحکومت صنعا میں کئی مقامات پر حوثی باغیوں کے اسلحہ کے مراکز اور ان کے عسکری کیمپوں پر شدید بمباری کی ہے جس کے نتیجے میں باغیوں کو غیر معمولی نقصان پہنچا ہے۔

حوثی باغیوں کے دو بیلسٹک میزائل حملے سعودی فورسز نے ناکام بنا دیئے

علاوہ ازیں صنعا میں کارروائی سے قبل طیاروں کی جانب سے شہری آبادی پر پمفلٹ گرائے گئےجن میں شہریوں کو ہدایت کی گئی کہ وہ لڑائی کے علاقوں سے دور رہیں تاکہ انہیں کسی قسم کا جانی نقصان نہ پہنچے۔

دوسری جانب حوثی باغیوں کے بیلسٹک میزائل سے متلعق ترجمان عرب اتحاد ترکی المالکی کا کہنا تھا کہ سعودی فضائی دفاعی نظام نے پیر کی صبح ملک کی اراضی میں جازان صوبے کی سمت میں داغا گیا ایک بیلسٹک میزائل ناکام بنا دیا، یہ میزائل یمن میں صعدہ صوبے میں موجود ایران نواز حوثی ملیشیا کی جانب سے داغا گیا تھا۔

سعودی عرب میں داغا گیا حوثی باغیوں کا میزائل فضا میں تباہ

یاد رہے کہ چار روز قبل ترجمان عرب اتحاد ترکی المالکی نے اپنے جاری کردہ بیان میں کہا تھا کہ حوثی باغی ایک سوچے سمجھے منصوبے کے تحت سعودی عرب کی شہری آبادی کو بیلسٹک میزائلوں سے نشانہ بنا رہے ہیں، لیکن ہم ان کے ناپاک عزائم کبھی کامیاب نہیں ہونے دیں گے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

مئی 22, 2018
جرمنی: نامعلوم شخص کی فائرنگ سے دو افراد ہلاک، متعدد زخمی

برلن: جرمنی میں نامعلوم شخص نے فائرنگ کردی جس کے نتیجے میں دو افراد ہلاک اور متعدد زخمی ہوگئے تاہم ایک مشتبہ شخص کو حراست میں لیا گیا ہے۔

تفصیلات کے مطابق یہ واقعہ جرمنی کے شہر ساربروکن میں پیش آیا جہاں ایک نامعلوم شخص نے بلا اشتعال فائرنگ شروع کردی جس کے نتیجے میں دو شخص موقع پر ہی ہلاک اور متعدد زخمی ہوگئے تاہم زخمیوں کو اسپتال منتقل کر دیا گیا ہے۔

مقامی میڈیا کے مطابق جنوب مغربی شہر ساربروکن کے ایک نواحی علاقے میں یہ واقعہ رونما ہوا جبکہ دوسری جانب پولیس نے بروقت کارروائی کرتے ہوئے واقعے میں ملوث ہونے کے شبے میں ایک شخص حراست میں لیا ہے۔

جرمنی: انسباخ میں مسلح شخص کی فائرنگ، 2افراد ہلاک

پولیس حکام کا کہنا ہے کہ جس شخص کو گرفتار کیا گیا ہے، اس سے تفتیش جاری ہے، تاہم واقعے سے متعلق تمام محرکات کا ہر پہلو سے جائزہ لے رہے ہیں امید ہے جلد اصل مجرم تک پہنچ جائیں گے۔

خیال رہے کہ اس واقعے میں گرفتار ہونے والے شخص کی شہریت کے بارے میں ابھی تک کوئی معلومات سامنے نہیں آئی ہیں، البتہ پولیس ابھی ابتدائی تفتیش میں مصروف ہے، جس کے بعد ہی حتمی شناخت سامنے آئی گی۔

جرمنی میں فائرنگ ‘ پولیس اہلکار ہلاک

یاد رہے کہ گزشتہ سال فرانس کے دارالحکومت پیرس میں حملہ آور کی فائرنگ سے پولیس کا ایک اہلکار ہلاک جبکہ دو زخمی ہوگئے تھے۔

واضح رہے کہ 2016 میں جرمنی کے شہر میونخ کے ایک شاپنگ سینٹر میں فائرنگ کے واقعے میں حملہ آور سمیت 9 افراد ہلاک جبکہ متعدد زخمی ہوگئے تھے، حملہ آور 18 سالہ ایرانی نژاد جرمن نوجوان تھا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

مئی 20, 2018
فرانس: چاقو بردار شخص کا راہ گیروں پر حملہ، ایک شہری ہلاک، 7 زخمی

پیرس: فرانس کے دار الحکومت پیرس میں چاقو بردار شخص نے راہ گیروں پر حملہ کر دیا جس کے نتیجے میں ایک شہری ہلاک اور سات افراد زخمی ہوگئے۔

تفصیلات کے مطابق پیرس میں چاقو برادر شخص نے راہ چلتے شہریوں پر اچانک حملہ کر دیا جس کے باعث ایک شہری ہلاک ہوگیا، بعد ازاں پولیس نے فوری کارروائی کرتے ہوئے حملہ آور کو ہلاک کر دیا۔

واقعے سے متعلق پولیس کا کہنا تھا کہ اطلاع ملتے ہی پولیس کی جانب سے فوری کارروائی کی گئی اور ملزم کو موقع پر ہی ہلاک کردیا گیا، تاہم اس حملے میں متعدد شہری زخمی ہوئے ہیں جنہیں مقامی اسپتال میں طبی امداد فراہم کی جاری ہے۔

فرانس:پولیس نے سپرمارکیٹ پر حملہ کرنے والے شخص کوہلاک کردیا

خیال رہے کہ پیرس میں اس قسم کے واقعات معمول بن چکے ہیں، 2016 سے 2018 کے آغاز تک فرانس میں درجنوں افراد چھرے اور چاقو کے حملوں میں اپنی زندگی سے ہاتھ دھو بیٹھے ہیں، البتہ ایسے حملوں سے بچنے کے لیے فرانس کے مختلف علاقوں میں سیکیورٹی ہائی الرٹ ہے۔

یاد رہے کہ گذشتہ برس پیرس میں دو ملسح افراد نے مقامی سپر مارکیٹ میں موجود شہریوں کو یرغمال بنایا تھا بعد ازاں پولیس نے کارروائی کی جس کے نتیجے میں پولیس اور ملزمان کے درمیان فائرنگ کا تبادلہ ہوا اور دونوں ملزمان موقع پر ہی ہلاک ہوگئے تھے۔

فرانس: مسلح شخص کا سپر مارکیٹ پر حملہ، دو افراد ہلاک، متعدد زخمی

واضح رہے کہ گذشتہ سال 12 نومبر کو فرانس کے شہر کلیشی میں سڑک کنارے نماز پڑھتے مسلمان شہریوں پر مشتعل افراد کی جانب سے حملہ کیا گیا تھا جس کے نتیجے میں سینکڑوں افراد شدید زخمی ہوگئے تھے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مئی 13, 2018