لاہور: پنجاب کے دارالحکومت میں واقع علامہ اقبال انٹرنیشنل ائیرپورٹ پر کسٹم حکام نے بڑی کارروائی کرتے ہوئے کپڑا اسمگلنگ کرنے کی کوشش ناکام بنا دی۔
نمائندہ اے آر وائی نیوز کے مطابق لاہور کے علامہ اقبال انٹرنیشل ایئرپورٹ پر کسٹم حکام نے چینکنگ کے دوران مسافر کے سامان سے کاسمیٹکس اور دیگر ممنوعہ سامان برآمد کرلیا۔
ڈپٹی کلیکٹر آف کسٹم ثاقب وڑائچ نے بتایا کہ امریکہ سے نجی ایئرلائن کے ذریعے پاکستان آنے والے مسافر کے سامان سے 80لاکھ روپے سے زائد مالیت کا کاسمیٹکس ،گارمنٹس اور دیگر سامان برآمد ہوا۔
کسٹم حکام کے مطابق مذکورہ مسافر قطر ایئرویز کی پرواز کیو آر620کے ذریعے امریکا سے براستہ دوحہ سے لاہور آیا، سامان کی تلاشی لی گئی تو قیمتی ممنوعہ اشیاء ملیں۔
ڈپٹی کلیکٹر کسٹم نے بتایا کہ مسافر کے بیگ میں سے 126پاوڈر،54سے زائد قیمتی پرفیومز،12سے زائد لوشن، 290شرٹ اور ٹی شرٹیں اور دیگر سامان برآمد کیا گیا۔
