اٹک : ڈسٹرکٹ اسپتال میں ہونے والے دھماکے میں چھ افراد زندگی کی بازی ہار گئے اور متعدد زخمی ہوئے. دھماکے سے عمارت کا ایک حصہ منہدم ہوگیا۔
تفصیلات کے مطابق ڈسٹرکٹ اسپتال کے گائنی وارڈ میں سلنڈردھماکا ہوا ہے، جس میں چھ افراد ہلاک ہوگئے. جاں بحق ہونے والوں میں دو خواتین اوردو بچے بھی شامل ہیں۔
واضح رہے کہ یہ اسپتالوں میں ہونے والا پہلا حادثہ نہیں۔ ماضی میں بھی اسپتالوں کے گائنی اور بچہ وارڈ میں آتش زدگی سمیت کئی افسوسناک واقعات پیش آچکے ہیں، جس کی وجہ سے کئی قیمتی جانیں ضایع ہوئیں۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
کراچی : کراچی سے پشاور جانے والی ٹرین خوشحال خان خٹک ایکسپریس کا انجن پٹری سے اترگیا تاہم ٹرین بڑے حادثے سے بچ گئی۔
تفصیلات کے مطابق کراچی سے پشاور جانے والی ٹرین خوشحال خان خٹک ایکسپریس کا انجن پٹری سے اترگیا تاہم ڈرائیور کی حاضری دماغی کے باعث ٹرین کو بروقت روک لیا گیا۔
ریلوے انتظامیہ کے مطابق حادثہ انجن کا شاک ٹوٹنے کے باعث پیش آیا تاہم ٹرین میں سوار تمام مسافر محفوظ رہے۔
خوشحال خان خٹک ایکسپریس کا انجن پٹری سےاترنے کےباعث دیگر ٹرینوں کی آمد اور روانگی تاخیر کا شکار ہوگئی۔
ریلوے انتظامیہ کا کہنا ہے کہ متاثرہ انجن کو پٹری پرواپس لانے کے لیے ہیوی مشینری طلب کرلی گئی ہے۔
خیال رہے کہ رواں برس 23 اگست کوپولیس لائنز کا رہائشی 17 سالہ نوجوان ساحل عمرسرگودھا کے قریب ٹرین کے نیچے آکر جان کی بازی ہار گیا تھا۔
یاد رہے کہ رواں سال جنوری میں لودھراں میں اسکول کے بچوں سے بھرے دو چنگ چی رکشا کو ہزارہ ایکسپریس نے روند ڈالا تھا جس کے نتیجے میں 7 بچوں سمیت 9 افراد جاں بحق ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اٹک : چیئرمین پی ٹی آئی عمران خان نے کہا ہے کہ نیب کو کمزور کرنےکی کوشش کی گئی تو عوام میرے ساتھ سڑکوں پر ہوگی، ہم نے پاکستان کو اپنے پیروں پرکھڑا کرنا ہے، جوآپ کو قرضےدیتا ہے وہ آپ کی آزادی چھین لیتاہے۔
ان خیالات کا اظہار انہوں نے اٹک میں پی ٹی آئی کے زیر اہتمام ایک بڑے جلسہ عام سے خطاب کرتے ہوئے کیا،
عمران خان نے کہا کہ ہرملک میں دو قسم کی سیاست ہوتی ہے، کچھ لوگ سیاست میں صرف اپنی ذات کیلئےخود کو فائدہ پہنچانےآتےہیں، دوسرےایسے لوگ آتے ہیں جو انسانیت کیلئے کھڑے ہوتے ہیں۔
جن لوگوں نےانسانیت کیلئےکام کیا دنیا انہیں آج بھی یادکرتی ہے جبکہ مفاد پرست لوگ جب جاتے ہیں تو لوگ خوشیاں مناتےہیں، پاکستان میں جس سیاستدان نے عوام کیلئے کچھ کیا انہیں آج بھی یاد کیا جاتا ہے، قائداعظمؒ نے اپنی ذات نہیں بلکہ پوری قوم کیلئے جدوجہد کی۔
عمران خان کا کہنا تھا کہ جو ملک آپ کو قرضےدیتا ہے وہ آپ کی آزادی چھین لیتا ہے، مقروض ملک پھر آزادانہ فیصلے نہیں کرسکتا، ایران سے گیس ہمیں سستی پڑرہی ہے لیکن قطرسے مہنگی گیس کا معاہدہ کیاگیا، ایران نے گیس لائن بنائی اگرہم لے لیتے توایل این جی سے سستی پڑتی، قرضےدینے والوں نے ہمیں ایران سے گیس کا معاہدہ نہیں کرنےدیا۔
چیئرمین پی ٹی آئی نے کہا کہ قبل از وقت انتخابات جمہوریت کا حصہ ہے، ہمارا مطالبہ ہے کہ عام انتخابات جلد از جلد کرائے جائیں۔
عمران خان کا مزید کہنا تھا کہ پی ٹی آئی کو اقتدارملا تو وزیر وہ لوگ بنیں گے جوصرف عوام کی بھلائی کےبارے میں سوچیں گے، تحریک انصاف میں صرف وہ لوگ اوپرآئیں گےجوپاکستان کیلئےسیاست کرینگے،
ان کا کہنا تھا کہ جولوگ صرف اپنےلیے سیاست کرینگےانہیں کوئی عہدہ نہیں ملےگا، ہم نےعوام کیلئے پالیسی بنائی تو پاکستان ایک عظیم ملک بنے گا، کیونکہ ہم نے پاکستان کو اپنے پیروں پر کھڑا کرنا ہے۔
انہوں نے کہا کہ جوکھلاڑی اپنے لیےکھیلتے ہیں وہ ٹیم کبھی نہیں جیت پاتی، نوازشریف اورآصف زرداری کپتان بننے کے بعد اپنے لیے کھیلتے رہے، اقتدارمیں آنے کے بعد آپ ان لوگوں کے اثاثے دیکھیں، آصف زرداری کے پاس اتنا پیسہ کہاں سےآیا؟ یہ عوام کا پیسہ ہے، لوگوں کوسمجھ آگیا ہے کہ کرپشن اورغربت کا کیا تعلق ہے۔
انہوں نے مزید کہا کہ تبدیلی آنہیں رہی تبدیلی آگئی ہے، لوگوں میں شعور بیدار ہوگیا ہے، اسپتالوں کاحال پورا پاکستان جانتاہے، اسکول ٹیچرزنہیں ہیں، لوگ سمجھ گئے کہ ملک کےمسائل کرپشن کی وجہ سےہیں۔
عمران خان نے کہا کہ نوازشریف کہتےہیں کہ کرپٹ لوگوں کے پیچھےچلے گئے تو ترقی کیسے ہوگی، اسحاق ڈار بھی معصوم شکل بنا کرجھوٹ بولتےہیں، اسحاق ڈار کہتےہیں کہ پاکستان تو کیا پوری دنیا میں ہی کرپشن ہوتی ہے۔
خواجہ آصف نے اسمبلی میں کہا تھا کہ میاں صاحب فکرنہ کریں لوگ پاناما کو بھول جائیں گے، اس کامطلب عوام کاپیسہ چوری ہوئی اورانہیں کوئی فکرہی نہیں ہے۔
نوازشریف اوران کا ٹولہ کہتا ہے کہ ہمارا احتساب عوام کریں گے، دنیا میں جج احتساب کرتےہیں،عوام صرف منتخب کرتےہیں۔
اٹک: صوبہ پنجاب کے شہر اٹک میں مسافر وین اور ٹرک میں تصادم کے نتیجے میں 9 افراد جاں بحق جبکہ 4 افراد زخمی ہوگئے۔
تفصیلات کے مطابق اٹک کے علاقے حسن ابدال میں مسافر وین اور ٹرک میں تصادم کے بعد دونوں گاڑیوں میں آگ لگ گئی جس کے نتیجے میں وین میں سوار9 افراد جھلس کر جاں بحق ہوگئے۔
ریسکیوحکام کے مطابق حادثے میں 4 افراد جھلس کر زخمی ہوگئے جنہیں فوری طبی امداد کے لیے قریبی اسپتال منتقل کردیا گیا ہے۔
پولیس حکام کا کہنا ہےکہ دونوں گاڑیوں میں تصادم کے بعد قریب ہی موجود گیس پائپ لائن میں آگ بھڑک اٹھی تاہم فوری اطلاع ملنے پر فائر بریگیڈ کا عملہ جائے حادثہ پر پہنچ گیا جو کہ آگ پر قابو پانے میں مصروف ہے جبکہ ریسکیو کی جانب سے امدادی کارروائیاں جاری ہیں۔
دوسری جانب پولیس نے جائے حادثے کے قریبی علاقے کو مزید کسی حادثے سے بچنے کےلیے خالی کرا لیا ہے۔
واضح رہے کہ رواں ماہ سانحہ احمد پور شرقیہ میں آئل ٹینکر حادثے میں 214 افراد جاں بحق ہوگئے تھےجبکہ 60 زخمی اب بھی زندگی و موت کی کشمکش میں مبتلا ہیں۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
اٹک : خورد کے مقام پرکشتی الٹنے سے ایک ہی خاندان کے 4افراد ﮈوب گئے، کافی تلاش کے بعد اندھیرے کے باعث ریسکیوں کارروائیاں روک دی گئیں۔
ﺫرائع کے مطابق جہانگیرہ کے ایک ہی خاندان کے 4 بدنصیب نوجوان پکنک کی غرض سے اٹک خورد کے مقام پر سیر وتفریح کے لئے آئے تھے۔
ریسکیو ﺫرائع کے مطابق چاروں نوجوانوں نے دریا کنارے کھڑی کشتی کا انجن اسٹارٹ کی اور کشتی کو بیچ دریا لے گئے، نوجوان پانی کی گہرائی کا اندازہ نہ کر سکے اور بوکھلاہٹ کا شکار ہو گئے اور کشتی کو موڑتے ہوئے کشتی بے قابو ہو کر الٹ گئی، جس سے چاروں نوجواں تیز پانی کی لہروں نظر ہوگئے۔
اطلاع پر ریسکیو1122موقع پر پہنچی تاہم پانی کے تیز بہاؤکی وجہ سے نوجوانوں کی تلاش میں کافی دشواری کا سامنا کرنا پڑا. سائے ﮈھلنے تک ریسکیو کاروائیاں جاری رہیں مگر اندھیرا پھیلنے کے کاروائیاں روک دی گئی۔
کہا جارہا ہے کہ اگلے دن صبح تلاش کا کام دوبارہ شروع کیا جائے گا۔
واضح ریے کہ دریائے سندھ اور دیگر علاقوں میں ضلعی انتظامیہ نے دفعہ 144کا نفاﺫ کر رکھا ہے، اس کی خلاف ورزی کرنے پر 100سے زائد افراد کو اب تک گرفتار بھی کیا جا چکا ہے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
اٹک : خاتون وکیل نے اپنی گائے کا گمشدہ بچھڑا تلاش کروانے کیلئے عدالت عظمیٰ میں درخواست دائر کردی۔ ان کا کہنا ہے کہ دوہفتے سے گائے کا بچہ گم ہے اور گائے اس غم میں رو رہی ہے، اطلاع دینے والے کو ایک لاکھ روپے انعام دوں گی۔
تفصیلات کے مطابق پاکستان کی سیاست میں ریلو کٹے جا بجا دستیاب ہیں لیکن اٹک کی ایک خاتون وکیل کا کٹا نہ جانے کہاں گم ہو گیا۔
ممتاز بیگم گائے کو بچھڑے کو ڈھونڈے ڈھونڈتے سپریم کورٹ آ پہنچیں اور معصوم جانور کی برآمدگی کے لیے درخواست دائر کردی۔
اے آر وائی نیوز سے گفتگو کرتے ہوئے ان کا کہنا تھا کہ جس طرح انسان اپنی لاپتہ اولاد سے متعلق سوچ کر تڑپ جاتا ہے اسی طرح بے زبان جانور کو بھی اپنی اولاد اتنی ہی پیاری ہوتی ہے۔
دیکھنا یہ ہے کہ سپریم کورٹ اب ممتاز بیگم کی اس درخواست پر کیا ایکشن لیتی ہے، یہ تو وقت بتائے گا لیکن معصوم جانور کی برآمدگی اور اس کی ماں کو قرار دلوانے کے لیے ممتاز بیگم نے ایک لاکھ روپے کا انعام کا بھی اعلان کردیا ہے۔
راولپنڈی : اٹک میں دو ماہ کی دلہن کو قتل کردیا گیا، لڑکی کے گھر والوں نے سسرال والوں پر قتل کا الزام لگایا، پوسٹ مارٹم رپورٹ کے مطابق موت فائرنگ سے ہوئی، قتل کے ملزمان ضمانت پر رہا کردیئے گئے۔
تفصیلات کے مطابق اٹک کی تحصیل بوٹا میں دو ماہ قبل قتل ہونے والی نو بیاہتا دلہن سعیدہ بانو کی پوسٹ مارٹم رپورٹ سامنے آ گئی ہے، جس نے پورے معاملے کا بھانڈا پھوڑ دیا ہے۔
اٹک میں دو ماہ قبل لال جوڑا پہن کر سسرال آنیوالی دلہن کا خون ہوگیا، سعیدہ بانو کی شادی شبیر حسن سے ہوئی اس کا شوہرملازمت کے سلسلے میں دبئی میں رہتا ہے، مقتولہ سعیدہ کے والدین نے الزام عائد کیا ہے کہ ان کی بیٹی کوسسرالیوں نے قتل کیا ہے۔
پوسٹ مارٹم رپورٹ کے مطابق مقتولہ کو چار فٹ کے فاصلے سے پیچھے سے گولی ماری گئی، پولیس نے قتل کا مقدمہ سسرالیوں کے خلاف درج کرلیا۔
ابتدائی طور پر ایف آئی آر ہی ایک مہینے کے بعد درج کی گئی اور اس کے بعد قتل کے وقت گھر میں موجود افراد نے عبور ی ضمانت حاصل کرلی ہے جس کے بعد پولیس کارروائی کرنے میں بے بس نظر آتی ہے۔
اٹک / کوئٹہ / پشاور/ کراچی : ملک بھر میں آپریشن ردالفساد کے تحت دہشت گردوں اور ان کے سہولت کاروں کے خلاف چپے چپے کی تلاشی کا سلسلہ جاری ہے۔ جرائم ہپیشہ افراد کی گرفتاری اوران سے بھاری تعداد میں اسلحہ برآمد کیا گیا۔
تفصیلات کے مطابق ملک بھر میں آپریشن ردالفساد پوری قوت سے جاری ہے۔ کوئٹہ کے علاقے بارکھان میں ایف سی اور حساس ادارے نے کارروائی کرکے کالعدم تنظیم کے ٹھکانے سےاسلحہ گولہ بارود برامد کرلیا، قبضے میں لئے گئے اسلحے میں سولہ مارٹر راؤنڈز، ساٹھ کلو بارود، پانچ مائینز، چالیس فیوز، چھیالیس ڈیٹو نیٹرزاور مختلف ساخت کے ہرازوں راؤنڈز شامل ہیں۔
اٹک میں پولیس اور رینجرز اور حساس اداروں نے ضلع بھر میں ردالفساد کے تحت تین سو ترانوے افراد کو گرفتارکرلیا۔ گرفتارشدگان میں آٹھ غیر ملکی بھی شامل ہیں، بنوں میں پولیس اور سیکیورٹی فورسز اور شدت پسندوں کی فائرنگ کے تبادلے کے دروان ایک شدت پسند ساتھی سمیت گرفتار ہوگیا۔
راولپنڈی میں سی ٹی ڈی نے ایک دہشت گرد کو گرفتار کرکے پانچ کلو دھماکا خیز مواد اور ڈیٹو نیٹر برامد کرلیں، پشاور میں اسپیشل یونٹ نے دہشت گرد عمل گل کو گرفتار کرلیا۔
دہشت گرد نے دوہزار نو میں کالعدم تنظیم کے کمانڈر کے طور پر خود کش حملہ آور تیار کرکے مومن ٹاؤن بھیجا تھا، کراچی کے علاقے فرئیر سے چار افغان باشندوں کو گرفتار کرکے فارن ایکٹ کے تحت مقدمہ درج کرلیا گیا۔
راولپنڈی: آرمی چیف آف اسٹاف جنرل راحیل شریف نے کہا ہے کہ روسی فوج کا شمار دنیا میں بہترین افواج تاہم پاکستان آرمی کو بھی سب سے زیادہ جنگیں لڑنے کا تجربہ حاصل ہے، مشترکہ مشقوں سے دونوں ممالک کو فائدہ ہوگا۔
فوج کے شعبہ تعلقات عامہ سے جاری کردہ اعلامیہ میں کہا گیا ہے کہ آرمی چیف آف اسٹاف جنرل راحیل شریف پاک روسی فوجی مشقوں کا معائنہ کرنے اٹک فیلڈ ایریا پہنچے اور حصہ لینے والے جوانوں سے ملاقات کی اور انہیں خراج تحسین پیش کرتے ہوئے مشقوں پر اطمینان کا اظہار کیا۔
اس موقع پر آرمی چیف نے جوانوں سے خطاب کرتے ہوئے کہا کہ ’’پاکستان اور روس کی افواج کا شمار دنیا کی بہترین آرمی ہوتا ہے، دونوں ممالک کی افواج کے مابین جاری فوجی مشقوں سے نہ صرف سیکھنے کا موقع ملا بلکہ ان تجربات سے دہشت گردی کے خلاف جاری جنگ سے فائدہ اٹھائیں گے‘‘۔
انہوں نے کہا کہ ’’روسی فوج کا شمار دنیا کی بہترین فوجوں میں ہوتا ہے تاہم پاکستان کی فوج کو جنگ کا سب سے زیادہ تجربہ ہے، دونوں ممالک کی مشترکہ مشقوں سے یہ بات ثابت ہوگئی کہ پاکستانی فوج کے جوان دنیا کے بہترین جنگجو ہیں‘‘۔
آرمی چیف نے مزید کہا کہ مشترکہ مشقوں کے کامیاب انعقاد پر جوانوں کو مبارک باد پیش کرتے ہوئے کہا کہ ’’مشترکہ مشقوں سے انسداد دہشت گردی کے خلاف لڑنے کی صلاحیتوں میں مزید اضافہ ہوگا اور دونوں ممالک کی افواج کو اس کے ذریعے کئی نئے تجربات کا موقع حاصل ہوگا‘‘۔
اٹک : پاکستان تحریک انصاف کی ریلی اٹک کی جانب رواں دواں ہے جس میں عمران خان بدستور اس بات پر قائم ہیں کہ تحریک احتساب نواز شریف کے احتساب تک جاری رہے گی۔
احتساب ریلی کی قیادت عمران خان کر رہے ہیں، ریلی میں پارٹی چیئرمین عمران خان کے ہمراہ سینئر رہنما شاہ محمود قریشی ، وزیراعلیٰ کے پی کے پرویز خٹک اوردیگر مرکزی رہنما بھی موجود ہیں۔
اطلاعات کے مطابق ریلی میں تحریک انصاف کے کارکنوں کی بہت بڑی تعداد موجود ہے، کارکنوں میں جوش و خروش پایا جاتا ہے جنہوں نے پارٹی پرچم اور قومی پرچم بلند کیے ہوئے ہیں۔
ریلی میں کارکنوں کا جوش دیدنی ہے، ایک کارکن تو ملنگ بابا بن کر آگیا۔ سبز چوغہ پہنے گلے میں مصنوعی پھولوں کا ہار ڈالے کارکن خوشی سے نہال تھا، تحریک انصاف کی احتساب ریلی میں کارکنوں کا لہو گرمانے کے لیے ڈھول بھی جم کر بجایا گیا کارکنوں نے بھنگڑے بھی ڈالے۔
اس موقع پر کارکنان سیفلیاں بھی بناتے رہے اور گاڑیوں کی چھت پر کھڑے ہوکر فتح کا نشان بناتے رہے۔
ریلی میں ٹرک، وین اور کاریں تو تھیں ہی ساتھ ہی ساتھ چنگچیاں بھی بڑی تعداد میں ریلی کا حصہ بنی رہیں، ریلی کی سیکیورٹی کے لئے پولیس اہلکار بھی متحرک نظر آئے۔
اطلاعات کے مطابق ریلی کو نوشہرہ دو بجے پہنچنا تھا تاہم ریلی تاخیر کا شکار ہوگئی ہے، کارکنوں کی ایک بڑی تعداد نوشہرہ میں بھی ان کا انتظار کررہی ہے۔
دریں اثنا عمران خان کے کنٹینر کے متعلق اطلاعات ہیں کہ یہ وہ ہی کنٹینر ہے جس میں سابقہ دھرنے کے دوران چار ماہ کا طویل ترین دھرنا دیا گیا۔
آزادی کنٹینر کے نام سے عمران خان نے اس میں وقت گزارا تھا اب اس کنٹینر کو دوبارہ نئے تحریک میں لایا گیا ہے۔
