Tag: Auckland

  • کامیابی کاکریڈٹ وقار یونس کو دوں گا، سرفراز احمد

    کامیابی کاکریڈٹ وقار یونس کو دوں گا، سرفراز احمد

    آکلینڈ: جنوبی افریقہ کے خلاف میچ کے ہیرو سرفراز احمدکا کہنا ہےکہ کسی سے کوئی جھگڑا نہیں، وقاریونس بہت اعتماددیتےہیں،کامیابی کاکریڈٹ انہیں دوں گا۔

    جنوبی افریقہ کیخلاف جارحانہ اننگز اور تاریخی فتح میں بولرز کا ساتھ دینے والے سرفراز احمد کی آل راؤنڈ کارکردگی نے تاریخ بدل دی۔

    سرفراز احمد کا کہنا ہے کہ جنوبی افریقہ کےخلاف بڑامیچ تھا، نصف سنچری مکمل نہ کرنے پر بہت افسوس ہے، لیکن ٹیم میچ جیت گئی اس بات کی زیادہ خوشی ہے۔

    سرفراز احمد نے کہا کہ کوچ اور کپتان نے بھرپور اعتماد دیا تھا کہ اپنا نیچرل گیم کھیلو، میدان میں اترا تو جنوبی افریقی بولرز کو دباؤ میں آئے بغیر کھیلا جس کا فائدہ ہوا۔

    ورلڈ کپ میں سب سے زیادہ کیچز کا عالمی ریکارڈ برابر کرنے پر سرفراز نے کہا کہ وکٹ کیپنگ ریکارڈ برابر کرنے پرخوشی ہے،کسی سےکوئی جھگڑانہیں ہوا،وقاریونس بہت اعتماد دیتےہیں،کامیابی کاکریڈٹ انہیں دوں گا۔

  • ورلڈ کپ: ساؤتھ افریقہ اورپاکستان کی ٹیمیں کل ٹکرائیں گی

    ورلڈ کپ: ساؤتھ افریقہ اورپاکستان کی ٹیمیں کل ٹکرائیں گی

    آکلینڈ : پاکستان اور جنوبی افریقہ کے درمیان ورلڈ کپ کا اہم میچ کل آکلینڈ میں کھیلا جائے گا۔ بادل چھا جانے سے میچ متاثر ہونے کا امکان ہے۔

    تفصیلات کے مطابق ورلڈ کپ میں پاکستان کا ایک اور کڑا امتحان شروع ہونے والا ہے۔اوراس میچ میں جیت بہت ضروری۔ ہے،جبکہ حریف بھی تگڑاہےاورمقابلہ سخت ہونے کا امکان ہے۔

    آکلینڈ کے چھوٹے میدان میں گرین شرٹس پروٹیاز کو پریشان  کرپائیں گے؟ جبکہ اب تک جنوبی افریقہ کوعالمی  ٹورنامنٹ کی فیورٹ ٹیموں میں شمار کیا جارہا ہے۔

    بیٹنگ، بولنگ اور فیلڈنگ تینوں شعبوں میں پروٹیاز کا کوئی جواب نہیں۔ دوسری جانب پاکستان کو گزشتہ میچ کی غلطیوں کو دہرانے سے گریز کرنا ہوگا۔ کیچ پکڑنا ہوں گے۔

    وکٹ پر بھی ٹھہرنا ہوگا۔ صرف ایک غلطی میچ کا نقشہ تبدیل کرسکتی ہے۔قومی ٹیم میں دو تبدیلیوں کا امکان ہے۔ آؤٹ آف فارم ناصر جمشید کی جگہ سرفراز احمد اور حارث سہیل کی جگہ یونس خان ٹیم کا حصہ ہوسکتے ہیں۔

    پاکستان اورجنوبی افریقہ کے میچ میں بارش رنگ میں بھنگ ڈال سکتی ہے۔اطلاعات کے مطابق آکلینڈ میں کالے بادل چھائے ہوئے ہیں او ہلکی بارش بھی ہورہی ہے۔ میچ پاکستانی وقت کے مطابق صبح چھ بجے شروع ہوگا۔

    علاوہ ازیں پاکستان اور جنوبی افریقہ کی ٹیمیں ایک روزہ کرکٹ میں اب تک اکہتر مرتبہ مدمقابل آچکی ہیں۔ جس میں جنوبی افریقہ کا پلڑا بھاری ہے۔

    پروٹیاز نے سینتالیس میں کامیابی حاصل کی۔ تئیس میں شاہین فاتح رہے۔ ایک میچ بے نتیجہ رہا۔ ورلڈ کپ میں بھی جنوبی افریقہ کو برتری حاصل ہے۔

    انیس سو بانوے سے دوہزار گیارہ کے دوران دونوں ٹیموں کے درمیان تین میچ ہوئے اور قسمت کی دیوی کسی ایک میچ میں بھی پاکستان پر مہربان نہ ہوسکی۔ دونوں ٹیمیں نومبر دوہزار تیرہ کے بعد مدمقابل آرہی ہیں۔

  • مصباح الحق نے ٹیم میں سرفرازاحمد کی شمولیت کااشارہ دے دیا

    مصباح الحق نے ٹیم میں سرفرازاحمد کی شمولیت کااشارہ دے دیا

    آکلینڈ: بہت دیرکردی مہربان آتے آتے۔ پاکستان کرکٹ ٹیم کے کپتان مصباح الحق نے جنوبی افریقہ کے خلاف میچ میں وکٹ کیپر بیٹسمین سرفراز احمد کو شامل کرنے کا اشارہ دے دیا۔

    آکلینڈ میں نیوز کانفرنس کرتے ہوئے مصباح الحق نے سب کو یہ کہنے پر مجبور کردیا کہ دیر آید درست آید۔ مصباح الحق نے جنوبی افریقہ کے خلاف میچ میں ناصرجمشید کی جگہ سرفراز احمد کو شامل کرنے کا اشارہ دے دیا۔

    ایک صحافی نے مصباح الحق سےسوال کیا کہ سابق کھلاڑیوں نےکہاہےکہ کچھ نیاکریں،اس بارے میں آپ کا کیاخیال ہے؟ مصباح الحق نے جواب دیا کہ  کیامحمدعرفان سے اننگ اوپن کرا دیں؟

    مصباح الحق کا کہنا ہے کہ جنوبی افریقہ سے میچ بہت اہم ہے۔ جیت ضروری ہے ورنہ آگے نہیں جاسکتے۔ محمد عرفان فٹ ہیں۔

    جبکہ حارث سہیل ایڑھی کی تکلیف میں مبتلا ہیں۔ مانیٹرنگ ہورہی ہے۔ کپتان نے کہا کہ یونس خان کاکردارابھی باقی ہے،کبھی بھی انکی ضرورت پڑسکتی ہے۔

    انہوں نے کہا کہ پاکستان کے پاس جنوبی افریقہ کو روکنےکے لئے بولرز موجود ہیں۔ پہلے بھی جنوبی افریقہ سےجیت چکے ہیں۔ میچ کانٹے کا ہوگا۔

  • ورلڈ کپ: نیوزی لینڈ نے آسٹریلیا کو ایک وکٹ سے ہرا دیا

    ورلڈ کپ: نیوزی لینڈ نے آسٹریلیا کو ایک وکٹ سے ہرا دیا

    آکلینڈ : ورلڈ کپ میں نیوزی لینڈ کی عمدہ کارکردگی کا سلسلہ جاری ہے۔ کیویز نے سابق ورلڈ چیمپئن آسٹریلیا کوسنسنی خیز مقابلے کے بعد ایک وکٹ سے شکست دے کر ایونٹ میں مسلسل چوتھی کامیابی حاصل کرلی۔

    میچ آخری لمحات میں کسی طرف بھی جا سکتا تھا، اور زبردست مقابلے کے بعد نیوزی لینڈ نے فتح حاصل کی، شائقین کو اچھا کھیل دیکھنے کو ملا، آکلینڈ میں نیوزی لینڈ نے آسٹریلیا کے ارمان ٹھنڈے کردیئے۔

    پہلے آسٹریلیا کی بہترین بیٹنگ کا جلوس ٹاس جیتنے کے بعد نکل گیا۔ میدان سجا اور بکھر گیا۔ کھلاڑی آئے اورجاتے چلے گئے۔ کوئی جم کر وکٹ پر نہ ٹھہرسکا۔

    کینگروز بلے باز نیوزی لینڈ کی طوفانی بولنگ کے سامنے بند نہ باندھ سکے۔ وکٹیں کیویز نے آسٹریلیا کو بوریا بستر ایک سو اکیاون رنز پر گول کردیا۔

    بولٹ نے پانچ وکٹیں لے کر حریف بیٹنگ لائن کی کمر توڑ دی۔ جواب میں آسٹریلوی بولرزنے کم بیک کرنے کی بھرپور کوشش کی۔اور کافی حد تک کامیاب بھی رہے۔

    نیوزی لینڈ نےمذکورہ ہدف23.1 اوورمیں نووکٹوں کے نقصان پرحاصل کرلیا۔مچل اسٹارک نے اٹھائیس رنز دے کر چھ وکٹیں حاصل کیں، یہ ایونٹ میں نیوزی لینڈ کی مسلسل چوتھی جیت ہے۔