ARYNews.tv | Urdu – Har Lamha Bakhabar

Tag: Auction of vehicles

  • وزارتِ مواصلات میں گاڑیوں کی نیلامی جاری، 33 گاڑیاں فروخت

    وزارتِ مواصلات میں گاڑیوں کی نیلامی جاری، 33 گاڑیاں فروخت

    اسلام آباد: وزیرِ اعظم عمران خان کی کفایت شعاری مہم کے تحت وزارتِ مواصلات کی 76 گاڑیوں کی نیلامی کا عمل جاری ہے، 33 گاڑیوں کی نیلامی کا عمل مکمل ہو کر فروخت ہو گئیں۔

    تفصیلات کے مطابق حکومت کی کفایت شعاری مہم کا سفر آگے بڑھتا جا رہا ہے، وزیرِ اعظم ہاؤس کی گاڑیوں کی نیلامی کے بعد وزارتِ مواصلات نے بھی گاڑیوں کو نیلام کرنا شروع کر دیا۔

    [bs-quote quote=”گاڑیوں کی نیلامی سے وزارتِ مواصلات کو 4 کروڑ 47 لاکھ روپے ملے” style=”style-7″ align=”left” color=”#dd3333″][/bs-quote]

    نیلامی کے عمل میں اب تک 33 گاڑیاں فروخت کی جا چکی ہیں، گاڑیوں کی نیلامی سے وزارتِ مواصلات کو 4 کروڑ 47 لاکھ روپے ملے۔

    وزارتِ مواصلات کی نیلام ہونے گاڑیوں میں 4 پراڈو، 4 ڈبل کیبن اور 2 ہائی ایس سمیت متعدد گاڑیاں شامل ہیں، بتایا گیا ہےکہ خریداروں کو 10 فی صد ٹیکس ایف بی آرکو دینا ہوگا۔

    اس موقع پر وزیرِ مملکت مراد سعید نے کہا کہ گاڑیوں کی فروخت سے حاصل ہونے والی رقم قومی خزانے میں جمع کرائی جائے گی، بڑی بڑی گاڑیوں کے مزے ختم ہو گئے ہیں، افسروں کو اب کارکردگی دکھانا ہوگی۔

    یہ بھی پڑھیں:   وزیر اعظم ہاؤس کے بعد وزارت مواصلات میں بھی گاڑیوں کی نیلامی کا فیصلہ

    خیال رہے کہ وزارتِ مواصلات کی گاڑیوں کی نیلامی وزیرِ مملکت مراد سعید کی ہدایت پر کی گئی ہے، گاڑیوں کی نیلامی کے پہلے مرحلے میں 76 گاڑیاں نیلام کی جائیں گی۔

    گاڑیوں کی نیلامی کے اگلے مرحلے میں کراچی اور کوئٹہ میں گاڑیاں نیلامی کے لیے پیش کی جائیں گی، مجموعی طور پر 246 گاڑیاں نیلام کی جائیں گی۔

  • وزیراعظم ہاؤس کی قیمتی گاڑیوں کی نیلامی کا پہلا مرحلہ مکمل،61 فروخت

    وزیراعظم ہاؤس کی قیمتی گاڑیوں کی نیلامی کا پہلا مرحلہ مکمل،61 فروخت

    اسلام آباد : وزیراعظم ہاؤس کی قیمتی گاڑیوں کی نیلامی کا پہلا مرحلہ مکمل ہوگیا، 102میں سے61گاڑیوں کی نیلامی ہوئی، گاڑی کی سب سے زیادہ بولی ایم کیوایم کے خواجہ سہیل منصور نے لگائی۔

    تفصیلات کے مطابق وزیر اعظم عمران خان کا ایک اور وعدہ پورا ہوگیا، وزیراعظم ہاؤس کی نیلامی کے لیے پیش کی گئی ایک سو دو گاڑیوں میں چوہتر فروخت ہوگئیں۔

    فواد چوہدری نے کہا ہے کہ وزیراعظم ہاؤس کی قیمتی گاڑیوں کی نیلامی کے ذریعے پیغام دینا تھا کہ عوام کے پیسے کا غلط استعمال ہرگز نہیں ہوگا۔ نئے پاکستان میں کفایت شعاری مہم کا گھر سے آغاز کیا ہے۔

    اس حوالے سے ایڈمنسٹریٹر وزیراعظم ہاؤس نے میڈیا کو بتایا کہ102میں سے61گاڑیاں 20کروڑ روپے سے زائد میں نیلام ہوئیں، جس میں تین لینڈ کروزر8 کروڑ، 5 ہزارسی سی کی چار بلٹ پروف مرسڈیز بینز ساڑھے چار کروڑ اور ایک ٹویوٹا لینڈ کروزردو کروڑ 74 لاکھ روپے میں نیلام ہوئی۔

    ایڈمنسٹریٹر وزیراعظم ہاؤس کے مطابق نیلام گاڑیوں کی مالیت ایک ارب روپے سے زائد تھی، باقی گاڑیوں کی قیمتوں کا تعین ایف بی آر دوبارہ کرے گا، نیلام نہ ہونے والی گاڑیوں کی نیلامی دوبارہ کی جائےگی۔

    ایم کیوایم کے رہنما خواجہ سہیل نے سب سے مہنگی گاڑی مرسڈیز مےبیک ساڑھے نو کروڑ میں خریدی، خواجہ سہیل منصور کا کہنا ہے کہ اگر گاڑی کے پیسےڈیم فنڈز میں دیئے جائیں گے تو میں مزید 50لاکھ روپے اضافی دوں گا۔ پتہ نہیں تھا کہ سابق وزرائے اعظم ایسی قیمتی گاڑیاں استعمال کیا کرتے تھے۔

    واضح رہے کہ سابق دور حکومت میں دو سو سے زائد گاڑیاں وزیراعظم ہاؤس کے زیراستعمال تھیں، باقی گاڑیاں دوسرے مرحلے میں نیلام ہوں گی۔

  • وزیراعظم ہاؤس کی قیمتی گاڑیاں17ستمبر کو نیلام کی جائیں گی، اشتہار جاری

    وزیراعظم ہاؤس کی قیمتی گاڑیاں17ستمبر کو نیلام کی جائیں گی، اشتہار جاری

    اسلام آباد : وزیر اعظم ہاؤس میں موجود اضافی غیرضروری گاڑیوں کی فوری فروخت کا فیصلہ کرلیا گیا، گاڑیوں کی نیلامی17ستمبر کو وزیراعظم ہاؤس میں ہوگی۔

    تفصییلات کے مطابق وزیر اعظم عمران خان کی جانب سے اپنے پہلے خطاب میں کیے گئے اعلان کے مطابق وزیر اعظم ہاؤس کی نواز لیگ کے دورمیں منگوائی گئی پر تعیش گاڑیوں کی نیلامی کا باقاعدہ فیصلہ کرلیا گیا ہے۔

    اس سلسلے میں پہلے مرحلے میں33گاڑیاں نیلام کی جائیں گی، جس کیلئے وزیراعظم کی ہدایت پر کیبنٹ ڈویژن نے  ذرائع ابلاغ کو اشتہار بھی جاری کردیا ہے۔ ان33گاڑیوں میں قیمتی ترین8جدید بی ایم ڈبلیو اور چار مرسڈیز بینز بھی شامل ہیں۔

    اشتہار کے مطابق وزیراعظم ہاؤس میں 17ستمبر کی صبح دس بجے گاڑیاں نیلامی کیلئے پیش کی جائیں گی،گاڑیوں کی نیلامی سے حاصل رقم قومی خزانے میں جمع کرائی جائےگی۔

    علاوہ ازیں وزیراطلاعات فواد چوہدری نے اسلام آباد میں میڈیا سے غیر رسمی بات چیت کرتے ہوئے کہا ہے کہ جن گاڑیوں کی نیلامی کی جائے گی، اس سے خاطرخواہ رقم ملے گی،5 کروڑ والی گاڑی کی قیمت5کروڑ سے زیادہ ہی ملیں گے، کیوں کہ ہم نیلامی فنڈریزنگ کے لئے کررہے ہیں۔

    مزید پڑھیں: وزیراعظم کا نواز لیگ کے دورمیں منگوائی گئی پر تعیش گاڑیاں نیلام کرنے کا فیصلہ

    یاد رہے وزیراعظم عمران خان نے قوم سے اپنے پہلے خطاب میں کہا تھا کہ حکمرانی کرنے والوں کے رہن سہن سے آپ سب کو بچانا چاہتا ہوں، پاکستان میں وزیراعظم ہاؤس کے 524 ملازم ہیں، وزیراعظم ہاؤس 1100کینال پر واقع ہے، وزیراعظم کیلئے33بلٹ پروف سمیت 80گاڑیاں ہیں، ہم ان کو نیلام کرکے اس پیسے کو قوم کے استعمال میں لائیں گے۔