Tag: australia

(8 اگست 2025): برطانوی وزیراعظم اور آسٹریلیا نے اسرائیل کے غزہ پر کنٹرول سے متعلق فوری نظر ثانی کی اپیل کی ہے۔

برطانوی وزیر اعظم کیئر اسٹارمر نے ایک بیان میں کہا کہ اسرائیل کا غزہ شہر کا کنٹرول سنبھالنے کا فیصلہ غلط تھا اور اسرائیلی حکومت پر دوبارہ غور کرنے کی اپیل کی ہے۔

انہوں نے ایک بیان میں کہا کہ اسرائیلی حکومت کا غزہ میں جارحیت کو مزید تیز کرنے کا فیصلہ غلط ہے، اور ہم اس پر فوری طور پر نظر ثانی کرنے کی اپیل کرتے ہیں، غزہ میں ہر روز انسانی بحران سنگین ہوتا جا رہا ہے فوری جنگ بند کی جائے۔

دوسری جانب آسٹریلوی وزیرِ خارجہ پینی وونگ نے کہا اسرائیل غزہ پر فوجی قبضے کی جانب مت جائے، اس سے صورتحال مزید خرابی کی طرف چلی جائے گی۔

آسٹریلوی وزیرِ خارجہ کا کہنا تھا کہ آبادی کو بےگھر کرنا بین الاقوامی قوانین کی خلاف ورزی ہے، انہوں نے مزید کہا دو ریاستی حل ہی پائیدار امن کو محفوظ بنانے کا واحد راستہ ہے۔

ترکی کا اقوام متحدہ کی شمولیت کا مطالبہ

ترکی کی وزارت خارجہ نے کہا کہ وہ غزہ شہر پر کنٹرول حاصل کرنے کے اسرائیل کے منصوبے کی سخت ترین الفاظ میں مذمت کرتے ہیں، اور بین الاقوامی برادری اور اقوام متحدہ کی سلامتی کونسل سے اس منصوبے پر عمل درآمد کو روکنے کے لیے کارروائی کرنے کا مطالبہ کرتے ہیں۔

ترکی کی وزارت خارجہ نے کہا کہ اسرائیل کو اپنے جنگی منصوبوں کو فوری طور پر روکنا چاہیے، غزہ میں جنگ بندی پر اتفاق کرنا چاہیے، اور دو ریاستی حل کے لیے بات چیت شروع کرنی چاہیے۔

https://urdu.arynews.tv/hamass-strong-response-to-israeli-declaration-of-control-over-gaza/

سڈنی: آسٹریلیا میں دو نرسوں نے ایک یہودی مریض سے کہا کہ وہ اسے مار دیں گے، اس گفتگو کی وائرل ویڈیو پر آسٹریلیا میں طوفان مچ گیا ہے۔

غیر ملکی میڈیا رپورٹس کے مطابق بدھ کے روز آسٹریلوی حکام نے بتایا کہ سڈنی کے ایک اسپتال میں دو نرسوں کو کام سے معطل کر دیا گیا ہے، کیوں کہ انھوں نے ٹک ٹاک کی ایک ویڈیو میں یہودی مریض کو قتل کرنے کی دھمکی دی۔

اسرائیل سے تعلق رکھنے والے ٹک ٹاک صارف میک ویفر نے یہ ویڈیو پوسٹ کی، جس میں سڈنی کے ایک اسپتال میں کام کرنے والے دو نرسز دکھائی دے رہے ہیں، جن میں ایک مرد ہے اور ایک عورت۔

میک ویفر نے جب ویڈیو چیٹ میں اسرائیل سے تعلق ہونے کا ذکر کیا تو مرد نرس نے کہا ’’میں اس بات پر بہت پریشان ہوں کہ تم اسرائیلی ہو، آخر کار تم مارے جاؤ گے اور (جہنم) میں جاؤ گے۔‘‘

خاتون نرس نے کہا کہ ’’یہ فلسطینیوں کا ملک ہے، تمھارا ملک نہیں۔‘‘ خاتون نے کہا کہ وہ کسی بھی یہودی مریض کا علاج نہیں کرے گی اور اس کے بجائے انھیں مار دے گی۔ میل نرس نے گلے پر ہاتھ پھیرتے ہوئے کہا کہ وہ پہلے ہی اسپتال آنے والے کئی اسرائیلیوں کو ’’جہنم‘‘ رسید کر چکا ہے۔

روئٹرز کا کہنا ہے کہ وہ آزادانہ طور پر فوٹیج کی تصدیق نہیں کر سکے ہیں، اور فوری طور پر یہ بھی واضح نہیں ہو سکا ہے کہ آیا اس گفتگو کی مکمل ویڈیو صارف نے اپ لوڈ کی تھی، ویڈیو میں خاتون کے بعض الفاظ بیپ کی آواز کے ساتھ حذف کر دیے گئے ہیں۔

ویڈیو سامنے آنے پر نیو ساؤتھ ویلز کے ریاستی وزیر صحت ریان پارک نے کہا کہ نرسوں کو فوری طور پر عہدے سے ہٹا دیا گیا ہے، اور ان کے خلاف تحقیقات کی جا رہی ہیں، یہ دونوں نیو ساؤتھ ویلز کے شعبۂ صحت میں دوبارہ کام نہیں کر سکیں گے۔

 

View this post on Instagram

 

A post shared by 7NEWS Sydney (@7newssyd)

کینبرا: موسمیاتی تبدیلی کی وجہ سے دنیا بھر کے موسموں میں بدلاؤ آ گیا ہے اور موسم زیادہ شدید ہو گئے ہیں، آسٹریلیا میں پارہ 40 ڈگر تک چلا گیا۔

تفصیلات کے مطابق آسٹریلیا میں گرمی کی شدید لہر سے مختلف شہروں میں پارہ چالیس ڈگری تک چلا گیا ہے، کوئنز لینڈ، وکٹوریا، نیو ساؤتھ ویلز سمیت دیگر شہروں میں سورج آگ برسا رہا ہے۔

بیورو آف میٹرولوجی نے شمالی، مشرقی اور وسطی آسٹریلیا کے بڑے حصوں کے لیے ہیٹ ویو کی وارننگ جاری کی ہے، جس میں مغربی آسٹریلیا اور تسمانیہ کے علاوہ ہر ریاست اور علاقہ شامل ہے۔

وکٹوریہ، نیو ساؤتھ ویلز اور کوئنز لینڈ میں ہیٹ ویو کی صورت حال سے قبل شمالی علاقہ جات، مغربی کوئنز لینڈ اور جنوبی آسٹریلیا نے اتوار کو سب سے زیادہ درجہ حرارت کا سامنا کیا۔

چند روز میں درجہ حرارت 47 ڈگری تک جانے کی بھی پیش گوئی کی گئی ہے، گرمی کی شدت کے باعث جنگلات میں آگ لگنے کا بھی خدشہ ظاہر کیا گیا ہے۔ موسمیات کے مطابق ملک بھر میں درجہ حرارت اوسط سے 12 سے 16 سینٹی گریڈ زیادہ ہے۔

ایڈیلیڈ شہر میں درجہ حرارت اتوار کو 38 ڈگری سینٹی گریڈ ریکارڈ کیا گیا، لی کریک، ٹارکولا، پورٹ آگسٹا اور وومیرا میں زیادہ سے زیادہ درجہ حرارت 40 سینٹی گریڈ سے زیادہ رہا۔

واضح رہے کہ NSW اور وکٹوریہ میں آج پیر کو متعدد مقامات پر 40C سے زیادہ درجہ حرارت ریکارڈ کرنے کی پیش گوئی کی گئی تھی۔ بروکن ہل میں درجہ حرارت 44 ڈگری سینٹی گریڈ تک پہنچنے کی توقع تھی، ملڈورا میں 46 سینٹی گریڈ اور بورکے 42 سینٹی گریڈ تک پہنچنے کی پیش گوئی کی گئی تھی۔