کرکٹ آسٹریلیا کی جانب سے ویسٹ انڈیز کیخلاف ٹی ٹوئنٹی سیریز کے لیے ٹی ٹوئنٹی اسکواڈ کا اعلان کردیا ہے۔
مچل مارش آسٹریلوی کے 16 رکنی اسکواڈ کی قیادت کریں گے۔ آسٹریلیا اور ویسٹ انڈیز کے درمیان آئندہ ماہ 5 میچز کی ٹی ٹوئنٹی سیریز کھیلی جائے گی۔
ٹم ڈیوڈ، گلین میکسویل، جوش ہیزل ووڈ اور ایڈم زمپا بھی اسکواڈ کا حصہ ہیں جبکہ مارکس اسٹوئنس اور جیک فریزر میکگرک اسکواڈ میں جگہ نہ بنا سکے۔
پیٹ کمنز، ٹریوس ہیڈ اور مچل اسٹارک ٹیسٹ سیریز کے بعد وطن واپس آئیں گے، دونوں ٹیموں کے درمیان ٹی ٹوئنٹی میچز 21، 23، 26، 27 اور 29 جولائی کو کھیلے جائیں گے۔
واضح رہے کہ آسٹریلیا کے اسٹار آل راؤنڈر‘ دی بگ شو’گلین میکسویل نے ون ڈے فارمیٹ سے ریٹائرمنٹ کا اعلان کردیا ہے۔
کرکٹ کے میدان میں شائقین کو کئی یاد گار لمحہ دینے والے 36 سالہ جارحہ مزاج بیٹر اور آف اسپن باؤلر میکسویل نے باضابطہ طور پر 50 اوور کی بین الاقوامی کرکٹ سے فوری طور پر ریٹائرمنٹ کا اعلان کر دیا۔
کرکٹ آسٹریلیا کے مطابق گلین میکسویل آئندہ ٹی ٹوئنٹی ورلڈ کپ پر فوکس کریں گے تاہم آسٹریلوی آل راؤنڈر نے باضابطہ طور پر ٹیسٹ کرکٹ سے ریٹائر ہونے کا اعلان نہیں کیا ہے۔
میکسویل نے فائنل ورڈ پوڈ کاسٹ سے طویل گفتگ کی جس میں انہوں نے کہا تھا کہ 2022 میں اپنی ٹانگ کی شدید چوٹ کے باعث میں اپنی ٹیم کو مایوس کررہا ہوں۔
بیلاروس کی آریانا سبالنکا کی فرنچ اوپن کے سیمی فائنل میں رسائی
آسٹریلوی بیٹر نے کہا کہ فیصلے سے پہلے چیف سلیکٹر جارج بیلی سے تفصیلی بات چیت کی، ون ڈے کیریئر اتار چڑھاؤ سے بھرپور رہا ہے۔
