ہوبارٹ: جنوبی افریقہ اور آسٹریلیا کے درمیان کھیلے جانے ولے ہوبارٹ ٹیسٹ میں فف ڈوپلیسی نے بال ٹمپرنگ کی جس کی آئی سی سی تحقیقات کر رہی ہے، کیمرے کی فوٹیج نے بھانڈا پھوڑ دیا، آسٹریلوی میڈیا نے الزامات کی بوچھاڑکردی۔
تفصیلات کے مطابق جنوبی افریقہ نے آسٹریلیا کے خلاف ہوبارٹ میں کھیلی جانے والی ٹیسٹ سیریز تو جیت لی لیکن اس جیت پر بال ٹیمپرنگ کا داغ لگ گیا۔
ہوبارٹ ٹیسٹ میں جنوبی افریقی کپتان فف ڈوپلیسی پر ٹافی سے بال ٹیمپرنگ کا الزام لگ گیا۔ کیمرا فوٹیج میں دیکھا جاسکتا ہے ڈوپلیسی کے منہ میں گلا صاٖ ف کرنےوالی گولی ہے اور وہ اس کی مدد سے مسلسل گیند کو چمکا رہے ہیں۔ کوڈ آف کنڈیکٹ کی خلاف ورزی پر پروٹیز کپتان پر جرمانہ عائد کیا جا سکتا ہے۔
کیمرے کی آنکھ نے یہ مناظر کیا پکڑے آسٹریلوی میڈیا نے الزامات کی بوچھاڑکردی۔ آسٹریلیا کی شکست کو ٹیمپرنگ سے جوڑدیا۔ کرکٹ قوانین کے تحت گیند کو کسی بھی مصنوعی اجزا سے چمکانے کی اجاز ت نہیں ہے۔
جنوبی افریقہ کرکٹ بورڈ نے ان الزامات کو بے بنیاد قرار دے کر مسترد کر دیا ہے۔ یاد رہے کہ فف ڈوپلیسی پاکستان کے خلاف دبئی ٹیسٹ 2013 میں بھی بال ٹمپرنگ کرتے ہوئے پکڑے گئے تھے جس پر مڈل آرڈر بلے باز کو میچ فیصد کا پچاس فیصد جرمانہ ادا کرنا پڑا۔
اب سوال یہ پیدا ہوتا ہے کہ کیا جنوبی افریقہ نے آسٹریلیا کیخلاف بال ٹیمپرنگ کرکے فتح حاصل کی؟
