ARYNews.tv | Urdu – Har Lamha Bakhabar

Tag: australia

  • عثمان خواجہ کی ’اسٹرائیک‘، آسٹریلیا نے بھارت کو شکست دے کر سیریز اپنے نام کرلی

    عثمان خواجہ کی ’اسٹرائیک‘، آسٹریلیا نے بھارت کو شکست دے کر سیریز اپنے نام کرلی

    دہلی: پاکستانی نژاد آسٹریلوی بلے باز عثمان خواجہ کی شاندار بیٹنگ کی بدولت آسٹریلیا کی ٹیم نے بھارت کو ہوم گراؤنڈ پر شکست دے کر ون ڈے سیریز بھی اپنے نام کرلی۔

    تفصیلات کے مطابق پانچ میچز کی سیریز کا آخری ون ڈے دہلی اسٹیڈیم میں کھیلا گیا، جس میں آسٹریلیا نے پہلے بیٹنگ کرتے ہوئے مقررہ پچاس اوورز میں 9 وکٹوں کے نقصان پر 272 رنز اسکور کیے۔

    آسٹریلیا کی ٹیم کو 76 رنز کی اوپنز شراکت داری ملی، عثمان خواجہ اور اے جے فنچ نے مل کر گراؤنڈ کے چاروں طرف اسٹروکس کھیلے، جدیجا نے پہلا آؤٹ کیا جس کے بعد فنچ کو 27 رنز پر پویلین جانہ پڑا۔

    مزید پڑھیں: عثمان خواجہ کی شاندار بیٹنگ، بھارت کو ہوم گراؤنڈ پر شکست، سوشل میڈیا صارفین کی کوہلی الیون پر تنقید

    بعد ازاں عثمان خواجہ اور پی ایس پی ہینڈسکوپ نے 99 رنز کی شراکت داری قائم کر کے ٹیم کی پوزیشن مستحکم کی، 33 ویں اوور میں عثمان خواجہ 106 گیندوں پر 2 چھکوں اور 10 چوکوں کی مدد سے سنچری بنا کر آؤٹ ہوئے۔

    مجموعی اسکور میں تین رنز اضافے کے بعد میکسویل بھی پویلین روانہ ہوئے، اس کے بعد آسٹریلیا کا کوئی بھی کھلاڑی جم کر بیٹنگ نہیں کرسکا۔ آسٹریلیا کی جانب سے عثمان خواجہ 100 رنز بنا کر نمایاں بلے باز جبکہ کمار تین وکٹیں لے کر نمایاں بلے باز رہے۔

    یہ بھی پڑھیں: بھارتی کرکٹ ٹیم کو دھول چٹانے والے عثمان خواجہ پائلٹ نکلے

    ہدف کے تعاقب میں بھارتی بلے باز میدان میں آئے تو 15 کے مجموعی اسکور پر اوپنر دھون آؤٹ ہوئے، بھارتی کرکٹ ٹیم کے کپتان ویرات کوہلی بھی زیادہ دیر وکٹ پر نہ ٹک سکے۔

    آر جے شرما 56، کمار 46 اور  کے ایم جادوؤ 44 نمایاں بلے باز رہے جبکہ زمپا نے تین بھارتی کھلاڑیوں کو پویلین کی راہ دکھائی۔ کوہلی الیون مقررہ پچاس اوورز میں صرف 237 رنز بنا کر آؤٹ ہوگئی، یوں آسٹریلیا نے 35 رنز سے فتح حاصل کر کے سیریز بھی اپنے نام کرلی۔

    میچ میں عمدہ کارکردگی دکھانے پر عثمان خواجہ کو مین آف دی میچ کا ایوارڈ دیا گیا۔

  • پاکستان کے خلاف ون ڈے سیریز کے لیے آسٹریلوی اسکواڈ کا اعلان

    پاکستان کے خلاف ون ڈے سیریز کے لیے آسٹریلوی اسکواڈ کا اعلان

    سڈنی : کرکٹ آسٹریلیا نے پاکستان کے خلاف پانچ ایک روزہ میچوں کی سیریز کے لیے ٹیم کا اعلان کردیا۔

    تفصیلات کے مطابق کرکٹ آسٹریلیا نے پاکستان کے خلاف 5 میچز پرمشتمل ون ڈے سیریز کے لیے اسکواڈ کا اعلان کردیا، ایرون فنچ آسٹریلوی ٹیم کی قیادت کریں گے۔

    بھارت کے خلاف کھیلنے والے 15 رکنی آسٹریلوی اسکواڈ میں کوئی تبدیلی نہیں کی گئی، ایرون فنچ کپتان، الیکس کیرے اور پیٹ کمنز مشترکہ طور پر نائب کپتان ہوں گے۔

    آسٹریلوی اسکواڈ میں شان مارش، عثمان خواجہ، پیٹرہینڈسکومب، کین رچرڈسن، گلین میکسویل، جیسن بہرنڈوف، ایڈم زمپا اور نیتھن لیون شامل ہیں۔

    پاکستان اور آسٹریلیا کے درمیان 5 میچز پرمشتمل ون ڈے سیریز رواں ماہ 22 مارچ سے متحدہ عرب امارات میں شروع ہو رہی ہے۔

    دوسری جانب آسٹریلیا کے خلاف ون ڈے سیریز کے لیے قومی ٹیم کا اعلان کل متوقع ہے،سلیکشن کمیٹی کا اجلاس آج کراچی میں ہوگا۔

    پاکستان کی جانب سے آسٹریلیا کے خلاف سیریز میں نوجوان بلے بازوں عابد علی اور سعد علی کو موقع دینے کا فیصلہ کیا گیا ہے۔

  • آسٹریلیا کی گلابی جھیل

    آسٹریلیا کی گلابی جھیل

    دنیا بھر میں پائی جانے والی جھیلیں اپنے محل وقوع کی وجہ سے کسی نہ کسی انفرادیت کی حامل ہوتی ہیں اور نہایت خوبصورت معلوم ہوتی ہیں، تاہم آسٹریلیا کی ایک جھیل دنیا کی منفرد ترین جھیلوں میں سے ایک ہے۔

    مغربی آسٹریلیا میں پائی جانے والی ہٹ لگون جھیل دنیا کی خوبصورت ترین جھیلوں میں سے ایک ہے کیونکہ اس جھیل کا رنگ گلابی ہے۔

    یہ دنیا کی واحد گلابی جھیل نہیں، دنیا بھر میں مختلف ممالک میں 8 گلابی جھیلیں پائی جاتی ہیں جن میں سے صرف آسٹریلیا میں 4 اور کینیڈا، افریقہ، اسپین اور آذر بائیجان میں ایک ایک گلابی جھیل موجود ہے۔

    آسٹریلیا کی یہ جھیل نمکین پانی کی ہے جس میں کیروٹینائڈ پیدا کرنے والی الجی پائی جاتی ہے۔ اس الجی کو فوڈ کلرنگ میں استعمال کیا جاتا ہے جبکہ یہ وٹامن اے کا بھی ذریعہ ہے، یہ الجی ہی اس جھیل کی گلابی رنگت کا سبب ہے۔

    ہر سال دنیا بھر سے لاکھوں سیاح اور مقامی افراد اس جھیل کو دیکھنے آتے ہیں اور اس کے حسین مناظر سے دنگ رہ جاتے ہیں۔

    کیا آپ اس جھیل کی سیر کرنا چاہتے ہیں؟

  • زمین کو آلودہ کرنے والی کاربن گیس کو قابو کرنے کا طریقہ سامنے آگیا

    زمین کو آلودہ کرنے والی کاربن گیس کو قابو کرنے کا طریقہ سامنے آگیا

    ہماری زمین کو آلودہ کرنے کا سب سے زیادہ ذمہ دار کاربن اخراج ہے جو مختلف صنعتوں سے بے تحاشہ مقدار میں خارج ہوتا ہے، تاہم اب اس کاربن کو قابو کرنے کا ایک طریقہ سامنے آگیا ہے۔

    آسٹریلوی ماہرین نے کاربن اخراج کو ٹھوس میں بدلنے کا تجربہ کیا ہے جس سے ایک طرف تو ٹھوس کاربن صنعتی استعمال کے لیے دستیاب ہوگی تو دوسری جانب خطرناک حدوں کو چھوتی فضائی آلودگی میں بھی کمی واقع ہوگی۔

    آسٹریلیا کی آر ایم آئی ٹی یونیورسٹی میں کیے جانے والے اس کامیاب تجربے میں ماہرین نے کاربن گیس کو ٹھوس کوئلے کے ٹکڑوں میں بدل دیا۔

    اس سے قبل کاربن گیس کو مائع میں بدلنے کے تجربات تو کیے جاتے رہے ہیں تاہم آسٹریلوی ماہرین کا کہنا ہے کہ کاربن کو ٹھوس میں بدلنا ایک ماحول دوست طریقہ ہے۔ تحقیق میں شامل ماہرین کے مطابق یہ کاربن اخراج کی تباہی کو واپس پلٹ دینے کومترادف ہے۔

    اس سے قبل کاربن کو ٹھوس میں بدلنے کا تجربہ کیا جاچکا ہے تاہم اس میں کاربن کی شکل نہایت گرم درجہ حرارت پر تبدیل کی جاتی تھی جس کے بعد وہ کسی بھی قسم کے استعمال کے قابل نہیں رہتا تھا۔

    اب حالیہ تکنیک میں اسے مائع کی آمیزش کے ساتھ ٹھوس میں بدلا جارہا ہے جس میں معمول کا درجہ حرارت استعمال ہوتا ہے۔

    اس تکینیک میں کاربن گیس کو برق پاش مائع میں گھولا جاتا ہے جس کے بعد اس محلول کو الیکٹرک کرنٹ سے چارج کیا جاتا ہے۔ اس کے ساتھ ہی کاربن گیس آہستہ آہستہ کوئلے میں تبدیل ہونا شروع ہوجاتی ہے۔

    اس عمل کے دوران ایک قسم کا فیول بھی پیدا ہوتا ہے جو مختلف صنعتی استعمالات کے کام آسکتا ہے۔

    اس سے قبل یونیورسٹی آف کیلیفورنیا، لاس اینجلس (یو سی ایل اے) میں بھی اسی نوعیت کا تجربہ کیا گیا جس میں کاربن گیس کو کنکریٹ میں تبدیل کردیا گیا۔

    سی او ٹو کریٹ کا نام دیے جانے والے اس کاربن کو تیار کرنے کے لیے چمنیوں کے ذریعہ دھواں جمع کیا گیا اور بعد ازاں ان میں سے کاربن کو الگ کر کے اسے لیموں کے ساتھ ملا کر تھری ڈی پرنٹ کیا گیا۔

    ماہرین کے مطابق کاربن سے تیار اس کنکریٹ سے سڑکیں اور پل تعمیر کی جاسکتی ہیں۔

    سنہ 2016 میں آئس لینڈ میں کیے جانے والے ایک اور تجربے میں کاربن کو پانی کے ساتھ مکس کر کے اسے زمین میں گہرائی تک پمپ کیا گیا۔ اسے اتنی گہرائی تک پمپ کیا گیا جہاں آتش فشاں کے ٹھوس پتھر موجود ہوتے ہیں اور وہاں یہ فوری طور پر ٹھوس پتھر میں تبدیل ہوگیا۔

    ’کارب فکس پروجیکٹ‘ کہلایا جانے والا یہ پروجیکٹ آئس لینڈ کے دارالحکومت کو بجلی بھی فراہم کر رہا ہے۔ یہ پلانٹ سالانہ 40 ہزار ٹن کاربن ڈائی آکسائیڈ استعمال کرتا ہے۔

    خیال رہے کہ کاربن ڈائی آکسائیڈ اس وقت گلوبل وارمنگ یعنی عالمی درجہ حرارت میں اضافے کی سب سے بڑی وجہ ہے اور سائنسدان ایک عرصے سے کاربن کو محفوظ کرنے یعنی’کاربن کیپچر اینڈ اسٹوریج ۔ سی سی ایس‘ پر زور دے رہے ہیں۔

  • سعودیہ سے سیاسی پناہ کیلئے فرار ہونے والی لڑکیاں ہانگ کانگ میں پھنس گئیں

    سعودیہ سے سیاسی پناہ کیلئے فرار ہونے والی لڑکیاں ہانگ کانگ میں پھنس گئیں

    ریاض/ہانگ کانگ : آسٹریلیا میں پناہ حاصل کرنے کی خواہشمند سعودی بہنوں نے ہانگ کانگ میں پھنسنے کا الزام سعودی حکام پر عائد کردیا۔

    تفصیلات کے مطابق ہانگ کانگ میں پھنسی عربی بہنیں ستمبر 2018 میں اپنے اہل خانہ کے ہمراہ سعودی عرب سے سری لنکا چھٹیاں گزارنے آئی تھیں لیکن دونوں بہنیں وہاں سے آسٹریلیا جانے کی غرض سے اپنے خاندان سے علیحدہ ہوگئیں۔

    غیر ملکی خبر رساں ادارے کا کہنا ہے کہ عربی لڑکیاں ہانگ کانگ کے راستے آسٹریلیا جانا چاہتی تھیں لیکن ہانگ کانگ میں ہی پھنس گئیں، تاہم انہوں نے دعویٰ کیا ہے کہ وہ سعودی حکام نے انہیں ہانگ کانگ کے ایئرپورٹ پر روکا ہوا ہے جس کے باعث وہ ہانگ کانگ میں چھپتی پھر رہی ہیں۔

    اپنے وکیل کے ذریعے فرضی ناموں سے بیان جاری کرنے والی سعودی دو شیزاؤں کا کہنا تھا کہ وہ اسلام سے دستبردار ہوگئیں ہیں اس لیے انہیں ڈر ہے کہ اگر سعودی عرب واپس لوٹیں تو انہیں قتل کردیا جائے گا۔

    غیر ملکی میڈیا کا کہنا ہے کہ دونوں بہنوں کی عمر 18 اور 20 برس ہے اور ان کے موکلین کو بھی سعودی عرب میں تشدد کا نشانہ بنایا گیا ہے۔

    سعودی لڑکیوں نے بہنوں کو بتایا کہ وہ اپنی حفاظت کےلیے فرار اختیار کیا اور ایسے ملک میں پناہ کی خواہش مند ہیں جو خواتین کو آزادی ہو اور ان حقوق کو تسلیم کیا جاتا ہو۔

    واضح سعودی عرب کا شمار ان ممالک میں ہوتا جہاں خواتین پر وژن 2030 کے تحت دی جانے والی آزادیوں کے باوجود بھی کئی پابندیاں عائد ہیں۔

    مزید پڑھیں : بیرون ملک پناہ لینے والے سعودیوں کی تعداد میں تین گناہ اضافہ ہوگیا، اقوام متحدہ

    اقوام متحدہ کے ادارہ برائے پناہ گزین کی رپورٹ میں بتایا گیا ہے کہ پناہ حاصل کرنے والے سعودی عرب کے شہریوں کی تعداد میں پانچ سالوں کے دوران 317 فیصد اضافہ ہوا ہے۔

    اقوام متحدہ کی پناہ گزین ایجنسی کا کہنا ہے کہ سنہ 2017 میں 800 سے زائد سعودی شہریوں نے بیرون ممالک میں پناہ اختیار کی جبکہ 2012 میں سیاسی پناہ حاصل کرنے والے افراد کی تعداد 200 تھی۔

    عرب خبر رساں ادارے کا کہنا ہے کہ سیاسی سرگرمیوں میں شرکت کرنے اور سماجی خدمات میں انجام لینے والے مرد و خواتین کی بڑی تعداد نے انتقامی کارروائیوں سے بچنے کیلئے ریاست سے فرار اختیار کی۔

    مزید پڑھیں : سعودی لڑکی راہف القانون کینیڈا پہنچ گئیں

    خیال رہے کہ سعودی عرب سے فرار اختیار کرکے بیرون ملک پناہ لینے تازہ واقعہ 18 سالہ سعودی دوشیزہ راہف القانون کا ہے، جس نے کینیڈا میں سیاسی پناہ اختیار کی ہے۔

    راہف 7 جنوری کو کویت سے بنکاک پہنچی تھی جہاں اس نے ایئرپورٹ ہوٹل میں خود کو قید کردیا تھا۔ لڑکی کے مطابق ترکِ مذہب کے سبب اسے سعودی عرب میں موت کی سزا ہوسکتی ہے۔

    یاد رہے کہ تھائی لینڈ کے امیگریشن حکام کی جانب سے راہف القانون کو واپس جانے کا کہا گیا تو سعودی لڑکی نے خود کو ایئرپورٹ ہوٹل کے کمرے میں بند کرکے ٹویٹر پر #SaveRaHaf کی مہم شروع کردی تھی۔

    سعودی عرب سے فرار ہونے والی 18 سالہ لڑکی راہف محمد القانون سیاسی پناہ ملنے کے بعد 13 جنوری کو کینیڈا پہنچی تھی جہاں کینیڈا کی وزیرخارجہ کرسٹیا فریلینڈ نے انہیں ایک نئی بہادر کینیڈین کے طور پرمتعارف کروایا تھا۔

  • آسٹریلیا: سرفنگ کے دوران شارک کا حملہ، سرفر شدید زخمی

    آسٹریلیا: سرفنگ کے دوران شارک کا حملہ، سرفر شدید زخمی

    سڈنی: آسٹریلیا کے سمندر میں سرفنگ کے دوران شارک نے حملہ کردیا جس کے باعث سرفر شدید زخمی ہوگیا۔

    شارک مچھلیاں آبی حیات میں سب سے خطرناک تصور کی جاتی ہیں، جو دیگر جانداروں کے علاوہ کئی انسانوں کی جانیں بھی لی چکی ہیں۔

    غیر ملکی خبر رساں ادارے کا کہنا ہے کہ ایک آسٹریلوی سرفر شارک کے حملے سے زخمی ہوگیا جبکہ جس پر وہ سرفنگ کررہے تھے اس بورڈ کا کچھ حصہ شارک کے حملے سے متاثر بھی ہوا۔

    آسٹریلوی سرفر کی مدد کے لیے ساحل پر موجود ان کے دوست فوری طور پر انہیں ساحل تک لائے جس کے بعد انہیں ایئر ایمبولینس کے ذریعہ اسپتال منتقل کیا گیا۔

    ان کے زخموں کی گہرائی کا اندازہ لگایا جارہا ہے تاہم ڈاکٹروں کا کہنا ہے کہ وہ خطرے سے باہر ہیں، مقامی انتظامیہ نے ساحل کو عوام کے لیے بند کردیا اور شارک کی تلاش کا کام شروع کردیا۔

    آسٹریلیا کے سمندر میں اٹھنے والی بلند لہروں پر ایڈونچر کرنے والے کئی سرفر شارک کے حملوں سے بال بال بچ چکے ہیں، جبکہ متعدد شدید زخمی بھی ہوئے۔

    شارک نے اکتالیس سالہ شخص کی ٹانگوں پر حملہ کیا جس کے باعث وہ شدید زخمی ہوئے، یہ رواں سال شارک کا تیسرا حملہ ہے۔

    خیال رہے کہ جون 2016 میں آسٹریلیا میں ورلڈ سرفنگ لیگ کے دوران شارک نے سرفر پر حملہ کردیا تھا خوش قسمتی سے سرفر محفوظ رہے۔

  • آسٹریلیا کی ہیٹ ویو میں چمگادڑوں کی ایک تہائی آبادی کا خاتمہ

    آسٹریلیا کی ہیٹ ویو میں چمگادڑوں کی ایک تہائی آبادی کا خاتمہ

    کینبرا: آسٹریلیا میں تاریخ کی بدترین گرمی سے ملک میں چمگادڑوں کی ایک قسم فلائنگ فاکس کی ایک تہائی آبادی کا خاتمہ ہوگیا۔ چمگادڑوں کی یہ قسم پہلے ہی معدومی کے خطرے کا شکار ہے۔

    رواں برس آسٹریلیا میں درجہ حرارت 42 سینٹی گریڈ سے تجاوز کرگیا جو ان چمگادڑوں کے لیے ناقابل برداشت تھا جس کے بعد ان کی اموات واقع ہونے لگیں۔

    مقامی افراد کا کہنا ہے کہ انہوں نے کئی مردہ چمگادڑیں اپنے گھروں کے لان، سوئمنگ پولز اور دیگر مقامات پر دیکھیں۔

    ویسٹرن سڈنی یونیورسٹی کے محققین کے مطابق 26 اور 27 نومبر کو آسٹریلیا میں شدید گرم درجہ حرارت ریکارڈ کیا گیا جس سے 23 ہزار چمگادڑیں موت کے منہ میں چلی گئیں۔

    ان کے مطابق مرنے والی چمگادڑوں کی تعداد زیادہ بھی ہوسکتی ہے۔

    چمگادڑوں کی یہ قسم فلائنگ فاکس کہلاتی ہے اور ان کی آنکھوں کے گرد ہلکے رنگ کا فر ہوتا ہے۔ یہ پاپا نیو گنی، انڈونیشیا اور سالمون آئی لینڈز میں بھی پائی جاتی ہیں۔

    آسٹریلیا میں یہ چمگادڑیں شمالی کوئنز لینڈ کے ایک مخصوص حصے میں پائی جاتی ہیں۔ ماہرین کا کہنا ہے کہ آسٹریلیا میں ان کی تعداد 75 ہزار ہے۔

    یہ چمگادڑیں نہایت کمیاب ہیں اور اس سے قبل طوفانوں میں ان کی بڑی تعداد موت کا شکار ہوجاتی تھی، تاہم اب شدید گرمی بھی ان کے لیے خطرہ ثابت ہورہی ہے جس پر ماہرین تشویش کا شکار ہیں۔

  • سال 2019:‌ دنیا کے طاقت ور ترین پاسپورٹس کی فہرست جاری، جاپان کا پہلا نمبر، پاکستان کی پوزیشن برقرار

    سال 2019:‌ دنیا کے طاقت ور ترین پاسپورٹس کی فہرست جاری، جاپان کا پہلا نمبر، پاکستان کی پوزیشن برقرار

    ٹوکیو: دنیا کے طاقتور  پاسپورٹس کی فہرست جاری کردی گئی جس کے مطابق جاپان ایک بار پھر پہلی پوزیشن حاصل کرنے میں کامیاب رہا جبکہ امریکا، برطانیہ، آسٹریلیا کی تنزلی ہوئی اور پاکستان اپنی پوزیشن پر برقرار رہا۔

    تفصیلات کے مطابق پاسپورٹ پر نظر رکھنے والے بین الاقوامی ادارے ہینلے نے سال 2019 کی نئی رینکنگ جاری کی۔

    ہینلے کی رپورٹ کے مطابق جاپانی پاسپورٹ فہرست میں پہلی پوزیشن پر براجمان رہا جس کے شہری 190 ممالک اور شہروں کا ویزہ یا پھر ائیرپورٹ پر ہی حکام سے داخلے کی اجازت لے سکتے ہیں۔

    رپورٹ کے مطابق سنگا پور اور جنوبی کوریا کا پاسپورٹ دوسرے نمبر پر رہا جس کے شہری 189 ممالک کا بغیر کسی پابندی کے سفر کرسکتے ہیں۔ سال 2018 میں جنوبی کوریا کا پاسپورٹ تیسرے نمبر پر تھا جس کی پوزیشن بہتر ہوئی۔

    عالمی رینکنگ میں فرانس اور جرمنی کو چوتھا نمبر ملا جس کے حامل افراد 188 ممالک کا سفر کرسکتے ہیں اسی طرح ڈنمارک، فن لینڈ، اٹلی، سوئیڈن کے پاسپورٹس نے چوتھی پوزیشن برقرار رکھی جبکہ اسپین کے پاسپورٹ کی ایک درجہ تنزلی ہوئی۔

    دیکھیں: سال 2018، دنیا کے طاقتور ترین پاسپورٹ والے ممالک کی فہرست جاری

    اسیپن وہ واحد ملک ہے جس کا پاسپورٹ پانچویں پوزیشن حاصل کرسکا، علاوہ ازیں آسٹریلیا ، نیدرلینڈ، ناروے، پرتگال، سوئٹزر لینڈ کے پاسپورٹ چھٹی پوزیشن حاصل کرسکے جبکہ سال 2018 میں ان ممالک کے پاسپورٹ پانچویں پوزیشن پر تھے۔

    امریکا، برطانیہ کے پاسپورٹ سال 2018 میں پانچویں نمبر پر تھے جبکہ ان دونوں ممالک کی ایک درجہ تنزلی ہوئی جن کے حامل شہری 185 ممالک کے شہروں کا ویزہ فری سفر کرسکتے ہیں، اسی طرح کینیڈا کے پاسپورٹ کی بھی ایک درجہ تنزلی ہوئی۔

    آسٹریلیا کا پاسپورٹ ایک درجے ترقی کے بعد چھٹے نمبر پر پہنچ گیا جس کے شہری 185 ممالک ویزہ فری سروس حاصل کرسکتے ہیں۔

    روس کا پاسپورٹ مزید ایک درجہ تنزلی کے بعد 48ویںنمبر پر پہنچ گیا جبکہ چین کو دو درجہ ترقی ملی اور پاسپورٹ 71 ویں سے 69 ویں نمبر پر پہنچ گیا۔

    خلیجی ممالک میں متحدہ عرب امارات کے پاسپورٹ کی ایک درجہ تنزلی ہوئی جس کے بعد یہ 21 ویں سے نیچے آکر 22ویں پر پہنچا، جبکہ سعودی پاسپورٹ اپنی 70ویں پوزیشن برقرار رکھ سکا اسی طرح ایران کے پاسپورٹ نے دو درجہ ترقی کر کے 96ویں پوزیشن حاصل کی۔

    یہ بھی پڑھیں: جاپان کا پاسپورٹ ‘ دنیا بھرمیں سب سے طاقتور

    ہینلے کی رپورٹ کے مطابق عراق ، افغانستان فہرست میں سب سے آخری 104ویں نمبر پر رہے جبکہ شام ، عراق اور صومالیہ کے پاسپورٹ 103 ویں نمبر پر رہے۔

    پاکستان کے پاسپورٹ نے 102ویں پوزیشن برقرار رکھی جس کے حامل افراد 33 ممالک کا ویزہ فری سفر کرسکتے ہیں۔ صومالیہ، شام، عراق اور افغانستان کے پاسپورٹ پاکستان کے مقابلے میں ایک بار پھر کمزور رہے۔

    ہینلے کے چیئرمین کا کہنا ہے کہ طاقتور ترین پاسپورٹ کی درجہ بند شہریوں کی جانب سے ملک میں کی جانے والی سرمایہ کاری کو مدنظر رکھتے ہوئے کی گئی۔

    اُن کا کہنا تھا کہ درجہ بندی 2019 کے لیے کی گئی، یعنی ریکنگ میں آنے والے ممالک کے پاسپورٹ حامل افراد اتنے ہی ممالک سے سفر کرسکیں گے۔

  • آسٹریلیا: پاکستان سمیت متعدد ممالک کے سفارت خانوں کو مشکوک پارسل موصول

    آسٹریلیا: پاکستان سمیت متعدد ممالک کے سفارت خانوں کو مشکوک پارسل موصول

    سڈنی : آسٹریلیا کے شہر کنبیرا اور میلبرن میں واقع پاکستان سمیت متعدد غیر ملکی سفارت خانوں کو مشکوک پارسل موصول ہوا ہے۔

    تفصیلات کے مطابق آسٹریلوی پولیس کی جانب سے میلبرن اور کنیبرا میں واقع پاکستان اور برطانیہ سمیت متعدد غیر ملکی سفارت خانوں میں مشکوک پارسل برآمد ہونے کی تصدیق کرتے ہوئے کہا ہے کہ برآمد ہونے والی مشکوک اشیاء کی تحقیقات جاری ہیں۔

    میلبرن میٹروپولیٹن فائر بریگیڈ کے ترجمان کی جانب سے بھی میلبرن میں متعدد حادثات رونما ہونے کی تصدیق کی گئی ہے، جس سے متعدد سفارت خانوں کے متاثر ہوئے ہیں۔

    میٹرپولیٹن فائر بریگیڈ سروس کے ترجمان کا کہنا تھا کہ فائر بریگیڈ عملہ مشکوک پارسل کی تفتیش میں وفاقی پولیس کی معاونت کررہا ہے، مشکوک پارسل کا معائنہ ایمرجنسی سروس کا عملہ کررہا ہے۔

    مقامی خبر رساں اداروں کا کہنا ہے کہ ہنگامی خدمات انجام دینے والے عملے کو فرانس، اٹلی، نیوزی لینڈ، یونان، بھارت اور جنوبی کوریا کے سفارت میں تحقیقات کررہا ہے جبکہ دیگر ملکوں کے سفارت خانوں میں بھی تحقیق جاری ہے۔

    میلبرن پولیس کو یقین ہے کہ مذکورہ حادثات ’ٹارگٹڈ ہیں لیکن عام کمیونٹی کو متاثر نہیں کررہے‘۔

    غیر ملکی میڈیا کا کہنا ہے کہ آسٹریلوی پولیس حالات و واقعات کی تحقیقات جاری ہیں، برطانوی ہائی کمیشن کے ترجمان نے کہا ہے کہ ’ہم آسٹریلیا کے وفاقی اور مقامی حکام کے ساتھ ملکر کام کررہی ہے۔

    برطانوی خبر رساں ادارے کا کہنا ہے کہ تاحال تمام سفارت خانوں کا عملہ محفوظ ہے۔

    غیر ملکی خبر رساں ادارے کا کہنا ہے کہ پیرو کے روز سڈنی میں واقع ارجنٹینا کے سفارت خانے میں سفید رنگ کا مشکوک محلول بھیجا گیا تھا، بعدازاں تحقیق سے پتہ چلا کہ محلول زہریلا نہیں تھا۔

  • میلبرن ٹیسٹ: بھارت نےآسٹریلیا کو137 رنزسےشکست دے دی

    میلبرن ٹیسٹ: بھارت نےآسٹریلیا کو137 رنزسےشکست دے دی

    میبلرن: بھارٹ نے میلبرن ٹیسٹ میچ میں آسٹریلیا کو 137 رنز سے شکست دے کر 4 میچز پرمشتمل سیریز میں 1-2 کی برتری حاصل کرلی۔

    تفصیلات کے مطابق میلبرن ٹیسٹ میچ میں بھارت کے 399 رنز کے ہدف کے تعاقب میں آسٹریلیا کی ٹیم 261 رنز پرآؤٹ ہوگئی۔

    بھارتی ٹیم کی جانب سے جسپریت بمرا اور رویندر جڈیجا نے 3،3 جبکہ ایشانت شرما اور محمد شامی نے 2،2 کھلاڑیوں کو آؤٹ کیے۔

    آسٹریلیا کی جانب سے پیٹ کمنز نے 63، شان مارش 44 اور عثمان خواجہ 33 رنز کے ساتھ نمایاں رہے تاہم دیگر کھلاڑی خاطر خواہ کارکردگی پیش کرنے میں ناکام رہے۔

    بھارتی فاسٹ باؤلر جسپریت بمرا نے میچ میں 9 وکٹیں حاصل کیں جس پرانہیں مین آف دی میچ کے اعزاز سے نوازا گیا۔

    میچ میں 9 وکٹیں حاصل کرنے پر جسپریت بمرا کو ‘مین آف دی میچ’ کے اعزاز سے نوازا گیا۔

    میلبرن ٹیسٹ کی جیت کے ساتھ بھارت نے 150 ٹیسٹ میچ جیتنے کی تاریخ رقم کی ہے جبکہ 1981 کے بعد انڈیا پہلی میلبرن کے گراؤنڈ پرمیچ جیتنے میں کامیاب رہا۔

    واضح رہے کہ اس سے قبل بھارت نے ایڈیلیڈ میں کھیلے جانے والے پہلے ٹیسٹ میچ میں 31 رنز سے جیت حاصل کی تھی جبکہ پرتھ ٹیسٹ میچ میں آسٹریلیا نے 146 رنز سے کامیابی حاصل کی تھی۔