ARYNews.tv | Urdu – Har Lamha Bakhabar

Tag: australia

  • ابوظہبی ٹیسٹ: شاہینوں نے گینگروز کے گرد شکنجہ کس دیا

    ابوظہبی ٹیسٹ: شاہینوں نے گینگروز کے گرد شکنجہ کس دیا

    ابوظہبی: شاہینوں نے گینگروز کے گرد شکنجہ کس دیا، ابوظہبی ٹیسٹ میں پاکستان کی پوزیشن مستحکم ہوگئی.

    تفصیلات کے مطابق پاک آسٹریلیا ٹیسٹ سیریز کے دوسرے ٹاکرے میں پاکستان نے مخالف ٹیم پر غلبہ پا لیا.

    تیسرے دن پاکستانی بلے باز چھائے رہے. پاکستان نے آسٹریلیا کو جیت کے لئے 538 رنز کا پہاڑ جیسا ہدف دے دیا.

    بابر اعظم نے 99 رنز کی شان دار اننگز کھیلی۔ کپتان سرفراز احمد نے ایک بار پھر ذمے دارانہ بیٹنگ کی اور 81 رنز اسکور کیے.

    فخر زمان 66، اظہر علی 64 اور  اسد شفیق نے 44 رنز  اسکور کیے۔ انگلش بالر نیتھن لائن نے 4 کھلاڑیوں کو اپنا شکار بنایا.

    پاکستان نے دوسری اننگز 400 رنز 9 وکٹوں پر ڈیکلیئر کر کے آسٹریلیا کو 538 رنز کا ٹارگیٹ دے دیا.

    دن کے اختتام تک آسٹریلیا نے ایک وکٹ کے نقصان پر 47 رنز بنائے تھے. یاد رہے کہ پاکستان نے پہلی اننگز میں 282 رنز  اسکور کیے تھے، جب کہ آسٹریلیا کی ٹیم پہلی اننگز میں صرف 145 رنز ہی بنا سکی۔

    آسٹریلیا کے خلاف ٹی ٹوئنٹی سیریز کے لیے 15 رکنی قومی ٹیم کا اعلان

    یاد رہے کہ سیریز کے پہلے ٹیسٹ میچ میں دونوں ٹیموں کے درمیان کانٹے دار مقابلہ ہوا تھا.

    پاکستان اپنی شان دار پرفارمینس کے طفیل جیت کے قریب پہنچ گیا تھا، مگر سنیچری اسکور کرنے والے انگلش بلے باز عثمان خواجہ رکاوٹ بن گئے اور میچ سنسنی خیز مقابلے کے بعد ڈرا ہوگیا.

  • ابوظہبی ٹیسٹ، دوسرے روز کا کھیل ختم، پاکستان کی آسٹریلیا کے خلاف 281 رنز کی برتری

    ابوظہبی ٹیسٹ، دوسرے روز کا کھیل ختم، پاکستان کی آسٹریلیا کے خلاف 281 رنز کی برتری

    ابوظہبی: پاکستان اور آسٹریلیا کے خلاف جاری دوسرے ٹیسٹ میچ کے دوسرے روز گرین شرٹس نے دوسری اننگز میں 2 وکٹ پر 144 رنز بنالیے، قومی ٹیم کو مجموعی طور پر 281 رنز کی برتری حاصل ہوگئی ہے۔

    تفصیلات کے مطابق ابوظہبی ٹیسٹ میچ میں قومی ٹیم 282 رنز بنا کر آؤٹ ہوئی جس کے جواب میں کینگروز ٹیم 145 رنز پر ڈھیر ہوگئی، قومی ٹیم نے اپنی دوسری اننگز میں 2 وکٹوں کے نقصان پر 144 رنز بنالیے اور گرین شرٹس کی مجموعی برتری 281 رنز کی ہوگئی۔

    دوسری اننگز میں فخر زمان نے 66 رنز کی شاندار اننگز کھیلی جبکہ محمد حفیظ صرف 6 رنز بنا کر پولین لوٹ گئے، اظہر علی 54 اور حارث سہیل 17 رنز کے ساتھ کریز پر موجود ہیں۔

    آسٹریلیا کی جانب سے مچل اسٹارک اور نیتھن لائن نے ایک، ایک وکٹ حاصل کی۔

    قبل ازیں ابوظہبی ٹیسٹ کے دوسرے دن آسٹریلوی ٹیم کے کھلاڑی ایرون فنچ اور شان مارش نے 20 کے مجموعی اسکور سے اننگز کا آغاز کیا۔

    آسٹریلوی کھلاڑیوں نے ٹیم کا مجموعی اسکور 43 تک پہنچایا تو شان مارش محمد عباس کی گیند پر 3 رنز بنا کر آؤٹ ہوئے۔

    پاکستان کی جانب سے شاندار باؤلنگ کا مظاہرہ کرتے ہوئے محمد عباس نے 5 ، بلال آصف نے 3 اور  یاسر شاہ نے ایک وکٹ حاصل کی ٹریوس ہیڈ 14 اور مچل مارش 13 رنز ہی بناسکے۔

    آسٹریلیا نے2 وکٹوں کے نقصان پر20 رنز بنا لیے

    یاد رہے کہ گزشتہ روز پاکستان کی پوری ٹیم 282 رنز بنا کر پویلین لوٹ گئی تھی جس کے بعد آسٹریلوی ٹیم نے 2 وکٹوں پر 20 رنز بنائے تھے۔

    آسٹریلیا کا شان دار کم بیک، سنسنی خیز مقابلے کے بعد دبئی ٹیسٹ ڈرا

    واضح رہے کہ 2 میچز پرمشتمل سیریز کے پہلے ٹیسٹ میچ میں آسٹریلوی بلے باز عثمان خواجہ کی شاندار بیٹنگ کی بدولت میچ ڈرا ہوگیا تھا۔

  • برطانوی شاہی جوڑے کا شادی کے بعد آسٹریلیا کا پہلا سرکاری دورہ

    برطانوی شاہی جوڑے کا شادی کے بعد آسٹریلیا کا پہلا سرکاری دورہ

    سڈنی : شہزادے ہیری کا اپنی اہلیہ کے ہمراہ آسٹریلیا کے پہلے سرکاری دورے پر ہیں جہاں انہوں نے مختلف تقریبات میں خطاب کیا اور گیمز بھی کھیلے جبکہ عوام سے خطاب بھی کیا۔

    تفصیلات کے مطابق برطانیہ کے چھوٹے شہزادے ہیری اور ان کی اہلیہ میگھن مرکل سرکاری دورے پر آسٹریلیا میں موجود ہیں، ڈیوک اور ڈچز آف سسیکس شادی کے بعد پہلے غیر ملکی دورے پر ہیں۔

    برطانوی خبر رساں ادارے کا کہنا تھا کہ شہزادہ ہیری اور ان کی اہلیہ کو سڈنی کے گورنر نے خوش آمدید کہا تھا، شاہی جوڑے نے دورہ آسٹریلیا کے دوران مختلف تقریبات اور گیمز میں بھی شریک ہوئے۔

    مقامی خبر رساں ادارے کا کہنا تھا کہ شاہی خاندان میں آنے والے ننھے مہمان کے لیے منفرد تحائف بھی پیش کیے جبکہ میگھن مرکل نے اوپرا ہاوس کے سامنے عکس بندی بھی کروائی تھی اس موقع پر شہزادہ ہیری کی اہلیہ نے پرنسسز آف ویلز لیڈی ڈیانا کے زیورات پہن رکھے تھے۔

    برطانوی میڈیا کا کہنا تھا کہ ساؤتھ ویلز میں شاہی جوڑے کا لوگوں نے شاندار استقبال کیا جبکہ شہزادہ ہیری نے آسٹریلیا کی عوام سے خطاب بھی کیا تقریر کے دوران بارش ہوئی تو میگھن مرکل شہزادے کے لیے چھتری لیے کھڑی رہیں۔

    ذرائع کا کہنا ہے کہ شہزادہ ہیری اور میگھن مرکل نے دورہ آسٹریلیا کے دوران سڈنی کے چڑیا گھر کا دورہ بھی کیا۔

    برطانوی خبر رساں ادارے کا کہنا تھا کہ شاہی جوڑے کا دورہ نومبر تک جاری رہے گا اس دورے کے دوران شہزادہ ہیری اور میگھن مرکل گجی، ٹونگا اور نیوزی لینڈ بھی جائیں گے۔

    مزید پڑھیں : شہزادہ ہیری اور میگھن مرکل کے ہاں ننھے مہمان کی آمد متوقع

    برطانوی شاہی محل نے سماجی رابطے کی ویب سائٹ ٹویٹر پر شہزادہ ہیری اور میگھن مرکل کے ہاں ننھے مہمان کی آمد کی تصدیق کرتے ہوئے کہا ہے کہ نوبیہاتا جوڑے کے ہاں 2019 میں موسم بہار تک بچے کی پیدائش متوقع ہے۔

    شاہی محل کی جانب سے تصدیق کیے جانے کے بعد دنیا بھر میں موجود مداحوں نے خوشی کا اظہار کرتے ہوئے شہزادہ ہیری اور میگھن مرکل کو مبارک باد پیش کی۔

  • ابوظہبی ٹیسٹ: پاکستانی ٹیم 282 رنز پر آؤٹ، آسٹریلیا نے 2 وکٹوں کے نقصان پر 20 رنز بنالیے

    ابوظہبی ٹیسٹ: پاکستانی ٹیم 282 رنز پر آؤٹ، آسٹریلیا نے 2 وکٹوں کے نقصان پر 20 رنز بنالیے

    ابوظہبی: پاکستان اور آسٹریلیا کے درمیان جاری دوسرے ٹیسٹ میچ کے پہلے روز پاکستانی ٹیم 282 رنز پر آؤٹ ہوگئی، آسٹریلیا نے 2 وکٹوں کے نقصان پر 20 رنز بنالیے۔

    تفصیلات کے مطابق پاکستان اور آسٹریلیا کے درمیان ابوظہبی میں کھیلے جانے دوسرے ٹیسٹ میچ کے پہلے روز کا کھیل ختم ہوگیا، قومی ٹیم پہلی اننگز میں 282 رنز پر آؤٹ ہوگئی، آسٹریلیا نے 2 وکٹوں کے نقصان پر 20 رنز بنالیے، دونوں وکٹیں محمد عباس نے حاصل کیں۔

    آسٹریلوی اوپنر بلے باز عثمان خواجہ 3 اور نائٹ واچ مین پیٹرسڈل 4 رنز بنا کر آؤٹ ہوئے، ایرون فنچ 13 رنز کے ساتھ کریز پر موجود ہیں۔

    پاکستان کی جانب سے محمد عباس نے شاندار بولنگ کا مظاہرہ کرتے ہوئے 2 وکٹیں حاصل کیں، ٹیسٹ کرکٹ میں عباس نے اپنی 50 وکٹیں بھی مکمل کرلی ہیں۔

    قبل ازیں  پاکستان اور آسٹریلیا کی ٹیموں کے مابین ابوظہبی کے شیخ زید اسٹیڈیم میں پانچ روز پر مشتمل دوسرے ٹیسٹ کے پہلے دن کا میچ کھیلا گیا، قومی کرکٹ ٹیم کے کپتان سرفراز احمد نے ٹاس جیت کر پہلے بیٹنگ کرنے کا فیصلہ کیا۔

    ٹیسٹ ڈیبیو کرنے والے کھلاڑی فخر زمان اور محمد حفیظ نے پاکستان کی جانب سے اننگر کا آغاز کیا تو 5 رنز کے مجموعی اسکور پرمحمد حفیط مچل اسٹارک کی گیند پرآؤٹ ہوگئے۔

    پاکستانی ٹیم نے بیٹنگ کا آغاز کیا تو شدید مشکلات کا سامنا کرنا پڑا اور 60 پر 5 کھلاڑی پویلین روانہ ہوئے، محمد حفیظ 4، اظہر 15، حارث سہیل ، اسد شفیق اور بابر اعظم بغیر کوئی رن بنائے آؤٹ ہوئے۔

    بعد ازاں کپتان سرفراز احمد اور فخرز زمان نے محتاط انداز میں ذمہ دارانہ بیٹنگ کرتے ہوئے ٹیم کی گرتی بیٹنگ لائن کو سہارا فراہم کیا، سرفراز اور فخر زمان 94 رنز کے ساتھ نمایاں بلے باز رہے جبکہ قومی ٹیم کا مڈل آرڈر بری طرح سے ناکام نظر آیا۔

    آسٹریلیا کے خلاف دوسرے ٹیسٹ کے لیے زخمی اوپنر امام الحق کی جگہ فخرزمان کو ٹیم میں شامل کیا گیا ہے۔

    پاکستان کی جانب سے میر حمزہ ڈیبیو کرنے والے کھلاڑی ہیں جنہیں وہاب ریاض کی جگہ ٹیم میں شامل کیا گیا ہے۔

    قومی کرکٹ ٹیم کے اسکواڈ میں کپتان سرفراز احمد، محمد حفیظ، فخرزمان، اظہرعلی، حارث سہیل، اسد شفیق، بابر اعظم، بلال آصف، محمد عباس، یاسر شاہ اور میرحمزہ پرمشتمل ہے۔

    دوسری جانب ٹم پین کی قیادت میں آسٹریلوی ٹیم میں کوئی تبدیلی نہیں کی گئی۔

    آسٹریلیا کا شان دار کم بیک، سنسنی خیز مقابلے کے بعد دبئی ٹیسٹ ڈرا

    واضح رہے کہ 2 میچز پرمشتمل سیریز کے پہلے ٹیسٹ میچ میں آسٹریلوی بلے باز عثمان خواجہ کی شاندار بیٹنگ کی بدولت میچ ڈرا ہوگیا تھا۔

  • دبئی ٹیسٹ تیسرا روز، آسٹریلیا 202 رنز پر ڈھیر، پاکستان نے تین وکٹوں پر 45 رنز بنالیے

    دبئی ٹیسٹ تیسرا روز، آسٹریلیا 202 رنز پر ڈھیر، پاکستان نے تین وکٹوں پر 45 رنز بنالیے

    دبئی: پاکستان آسٹریلیا کے درمیان پہلے ٹیسٹ میچ کے تیسرے روز آسٹریلیا کی ٹیم 202 رنز پر ڈھیر ہوگئی، پاکستان نے تین وکٹوں کے نقصان پر 45 رنز بنالیے۔

    تفصیلات کے مطابق دبئی میں جاری پہلے ٹیسٹ میچ کے تیسرے روز آسٹریلیا کی 202 رنز پر ڈھیر ہوگئی، پاکستان نے کینگروز کو فالوآن نہ کراکر خود بیٹنگ کا فیصلہ کیا تو 45 رنز پر تین وکٹیں گر گئیں، تیسرے روز کھیل کے اختتام پر قومی ٹیم نے 325 رنز کی برتری حاصل کرلی ہے۔

    گرین شرٹس نے دوسری اننگز میں بیٹنگ کا آغاز کیا تو پہلی اننگز میں سنچری بنانے والے محمد حفیظ 17 رنز بنا کر پویلین لوٹ گئے، اس کے بعد آنے والے بلے باز بلال آصف بغیر کوئی رن بنائے آؤٹ ہوئے، اظہر علی بھی صرف 4 رنز بنا کر وکٹ گنوا بیٹھے۔

    اوپنر بلے باز امام الحق اور اسد شفیق چوتھے روز اننگز کا آغاز کریں گے، امام الحق 23 رنز کے ساتھ کریز پر موجود ہیں۔

    آسٹریلیا کی جانب سے فاسٹ بولر ہولینڈ نے 2 کھلاڑیوں کی پویلین کی راہ دکھائی جبکہ اسپنر نیتھن لائن کے حصے میں ایک وکٹ آئی۔

    قبل ازیں آسٹریلیا نے کھیل تیسرے روز 30 رنز بغیر کسی نقصان پر اپنی اننگز کا آغاز کیا تو اوپنرز نے 142 رنز کی شراکت قائم کی، ایرون فنچ اور عثمان خواجہ نے نصف سنچریاں اسکور کیں، فنچ 62 اور عثمان خواجہ 85 رنزبنا کر اؤٹ ہوئے۔

    آسٹریلیا کے مڈل آرڈر بلے باز خاطر خواہ کارکردگی کا مظاہرہ نہ کرسکے شان مارچ 7 رنز بنائے جبکہ ٹریوس ہیڈ بغیر کوئی رن بنائے پویلین لوٹ گئے۔

    پاکستان کی جانب سے بلال آصف نے اپنے پہلے ہی میچ میں شاندار کارکردگی کا مظاہرہ کرتے ہوئے 6 کھلاڑیوں کو پویلین کی راہ دکھائی، فاسٹ بولر محمد عباس نے 4 وکٹیں حاصل کیں۔

    مزید پڑھیں: دبئی ٹیسٹ: قومی ٹیم 482 رنز پر آؤٹ، آسٹریلیا نے بغیر کسی نقصان کے 30 رنز بنالیے

    واضح رہے کہ ٹیسٹ میچ کے دوسرے روز قومی ٹیم اپنی پہلی اننگز میں 482 رنز بنا کر آؤٹ ہوئی تھی، حارث سہیل اور محمد حفیظ نے شاندار سنچریاں اسکور کی تھیں جبکہ اسد شفیق نے 80 رنز کی اننگز کھیلی تھی۔

    کپتان سرفراز احمد 15 رنز پر رن آؤٹ ہوئے، بلال آصف نے 12 رنز بنائے، بابر اعظم بھی 4 رنز بنا کر رن آؤٹ ہوئے، محمد عباس ایک اور یاسر شاہ تین رنز بنا کر پویلین لوٹ گئے۔

    آسٹریلیا کی جانب سے فاسٹ بولر پیٹر سدل نے تین اور نیتھن لائن نے دو کھلاڑیوں کو پویلین کی راہ دکھائی جبکہ مچل اسٹارک، اور ہولینڈ کے حصے میں ایک وکٹ آئی۔

  • دبئی ٹیسٹ: قومی ٹیم 482 رنز پر آؤٹ، آسٹریلیا نے بغیر کسی نقصان کے 30 رنز بنالیے

    دبئی ٹیسٹ: قومی ٹیم 482 رنز پر آؤٹ، آسٹریلیا نے بغیر کسی نقصان کے 30 رنز بنالیے

    دبئی: آسٹریلیا کے خلاف دبئی میں جاری پہلے ٹیسٹ میچ کے دوسرے روز قومی ٹیم 482 رنز پر آؤٹ ہوگئی، آسٹریلیا نے بغیر کسی نقصان کے 30 رنز بنالیے۔

    تفصیلات کے مطابق دبئی میں جاری پہلے ٹیسٹ میچ کے دوسرے روز قومی ٹیم حارث سہیل اور محمد حفیظ کی شاندار سنچری کی بدولت 482 رنز پر آل آؤٹ ہوگئی، دن کے اختتام پر آسٹریلیا کے بغیر کسی نقصان کے 30 رنز بنالیے، آسٹریلیا کو قومی ٹیم کی برتری ختم کرنے کے لیے مزید 452 رنز درکار ہیں۔

    آسٹریلوی اوپنرز کریز پر موجود ہیں اور تیسرے روز دوبارہ بیٹنگ کا آغاز کریں گے، ایرون فنچ 13 اور عثمان خواجہ نے 17 رنز بنارکھے ہیں۔

    قبل ازیں 255 رنز تین کھلاڑیوں کے نقصان پر قومی ٹیم نے دوسرے روز کھیل کا آغاز کیا تو حارث سہیل کریز پر ڈٹ گئے اور اپنے کیریئر کی پہلی سنچری بنا ڈالی، حارث سہیل 110 رنز بنا کر آؤٹ ہوئے، اسد شفیق نے بھی 80 رنز کی اننگز کھیلی۔

    کپتان سرفراز احمد 15 رنز پر رن آؤٹ ہوئے، بلال آصف نے 12 رنز بنائے، بابر اعظم بھی 4 رنز بنا کر رن آؤٹ ہوئے، محمد عباس ایک اور یاسر شاہ تین رنز بنا کر پویلین لوٹ گئے۔

    آسٹریلیا کی جانب سے فاسٹ بولر پیٹر سدل نے تین اور نیتھن لائن نے دو کھلاڑیوں کو پویلین کی راہ دکھائی جبکہ مچل اسٹارک، اور ہولینڈ کے حصے میں ایک وکٹ آئی۔

    دبئی ٹیسٹ: پہلے روز کا کھیل ختم، پاکستان نے 3 وکٹ پر 255 رنز بنالیے

    یاد رہے کہ گزشتہ روز قومی ٹیم نے محمد حفیظ کی شاندار سنچری کی بدولت دبئی ٹیسٹ کے پہلے روز کھیل کے اختتام پر 3 وکٹ پر 255 رنز بنائے تھے۔

    پاکستان کرکٹ ٹیم کی جانب سے امام الحق نے 2 چھکوں اور 7 چوکوں کی مدد سے 76 رنز اسکور کیے تھے۔

    قومی ٹیسٹ ٹیم میں دو سال بعد کم بیک کرنے والے آل راؤنڈر محمد حفیظ نے 15 چوکوں کی مدد سے 208 گیندوں پر 126 رنز اسکور کیے تھے۔

    قومی کرکٹ ٹیم کے بلے باز اظہر علی 18 رنز بنا کر ہولینڈ کی گیند پر آؤٹ ہوئے تھے۔

    واضح رہے کہ کھیل کے پہلے دن قومی کرکٹ ٹیم کے کپتان سرفراز احمد نے ٹاس جیت کر پہلے بیٹنگ کا فیصلہ کیا تھا۔

  • دبئی ٹیسٹ: پہلے روز کا کھیل ختم، پاکستان نے 3 وکٹ پر 255 رنز بنالیے

    دبئی ٹیسٹ: پہلے روز کا کھیل ختم، پاکستان نے 3 وکٹ پر 255 رنز بنالیے

    دبئی: قومی ٹیم نے محمد حفیظ کی شاندار سنچری کی بدولت دبئی ٹیسٹ کے پہلے روز کھیل کے اختتام پر 3 وکٹ پر 255 رنز بنالیے۔

    تفصیلات کے مطابق قومی ٹیم دبئی ٹیسٹ میں محمد حفیظ کی شاندار سنچری کی بدولت پہلے روز کھیل کے اختتام پر 3 وکٹ پر 255 رنز بنالیے ہیں، حارث سہیل 15 اور نائٹ واچ مین محمد عباس ایک رن کے ساتھ کریز پر موجود ہیں۔

    پاکستان کی جانب سے محمد حفیظ نے شاندار 126 رنز کی اننگز کھیلی، امام الحق 76 رنز بنا کر آؤٹ ہوئے، اظہر علی میچ ختم ہونے سے تین اوور قبل اپنی وکٹ گنوا بیٹھے انہوں نے 18 رنز بنائے تھے۔

    آسٹریلیا کی جانب سے پیٹر سڈل، نیتھن لائن اور جے ایم ہولینڈ نے ایک، ایک وکٹ حاصل کی، آسٹریلیا کے پیسر مچل اسٹارک کے حصے میں کوئی وکٹ نہ آسکی۔

    قبل ازیں پاکستان اور آسٹریلیا کے درمیان ٹیسٹ سیریز کا پہلا میچ دبئی کرکٹ اسٹیڈیم میں کھیلا جا رہا ہے، قومی کرکٹ ٹیم کی جانب سے اننگز کا آغاز محمد حفیظ اور امام الحق نے کیا، دونوں اوپننگ بلے باز 108 کے مجموعی اسکور پرکریز پر موجود رہے۔

    آل راؤنڈر کھلاڑی محمد حفیظ نے شاندار کم بیک کیا اور  آسٹریلیا کے خلاف 126 رنز کی اننگز کھیلی۔قومی ٹیم کی دوسری وکٹ 222 کے مجموعی اسکور پر گری، دوسرے آؤٹ ہونے والے کھلاڑی محمد حفیظ تھے جنہوں نے 126 رنز کی شاندار اننگز کھیلی۔

    ٹیسٹ میچ کے لیے پاکستانی ٹیم میں امام الحق، اظہرعلی، محمد حفیظ، بابراعظم، اسد شفیق، حارث سہیل، کپتان سرفراز احمد، بلال آصف، یاسر شاہ، وہاب ریاض، محمد عباس اور میرحمزہ بطور 12 ویں کھلاڑی شامل ہیں۔

    دوسری جانب آسٹریلوی ٹیم میں 3 کھلاڑی ڈیبیو کریں گے جن میں ایرون فنچ، ٹریوس ہیڈ اور مارنس لیوسکاگنی شامل ہیں۔

    آسٹریلوی ٹیم کی کپتانی ٹم پین کررہے ہیں جبکہ شان مارش ان کے نائب کے فرائض انجام دیتے ہوئے دکھائی دیں گے جبکہ دیگر کھلاڑیوں میں ایرون فنچ، عثمان خواجہ، مچل مارش، مارنس لیوسکاگنی، ٹریوس ہیڈ، مچل اسٹارک، نیتھن لیون پیٹرسڈل اورجان ہولینڈ شامل ہیں۔

    آسٹریلیا کی بال ٹیمپرنگ کے معاملے کے بعد یہ پہلی ٹیسٹ سیریز ہے اور اسے ڈیم کے لیے کرکٹ کے میدان میں اپنی کھوئی ہوئی ساخت واپس بحال کرنے کے لیے اہم سمجھا جا رہا ہے۔

    آسٹریلوی ٹیم میں تجربہ کار اور پاکستانی ٹیم میں نئے کھلاڑی ہیں‘ سرفراز احمد

    واضح رہے کہ گزشتہ روز قومی کرکٹ ٹیم کے کپتان سرفراز کا کہنا تھا کہ آسٹریلیا کی ٹیم میں تجربہ کار کھلاڑی ہیں جبکہ پاکستان کی ٹیم نئے کھلاڑیوں پر مشتمل ہے۔

  • کمرے میں سانپوں کی لڑائی، خاتون نے بہادری کی نئی مثال قائم کردی

    کمرے میں سانپوں کی لڑائی، خاتون نے بہادری کی نئی مثال قائم کردی

    کینبیرا: آسٹریلیا کے شہر برسبین میں واقع رہائشی گھر کے کمرے میں خطرناک سانپوں کی لڑائی کو براہ راست نشر کرنے والی خاتون نے بہادری کی نئی مثال قائم کر کے سب کو ورطہ حیرات میں ڈال دیا۔

    اگر کسی شخص کو سانپ کی موجودگی کا علم  ہوجائے تو وہ اُس مقام سے ہٹ جانے میں ہی عافیت سمجھتا ہے کیونکہ اُسے یہ اندیشہ ہوتا ہے کہ اگر اس نے ڈس لیا تو اُس کی جان جاسکتی ہے۔

    خواتین جو عام طور پر کمزور اعصاب کی مالک ہوتی ہیں وہ معمولی کیڑوں جیسے چھپکلی، لال بیگ کو دیکھ لیں تو خوف کے مارے اُس مقام سے دور بھاگتی ہیں مگر آسٹریلوی خاتون نے اپنی بہادری سے سب کو متاثر کردیا۔

    آسٹریلیا کے شہر برسبین میں واقع کین مور  کی رہائشی خاتون لانا فیلڈ جب کمرے میں واپس آئیں تو انہوں نے قالین پر دو بڑے سانپوں کو لڑتے ہوئے دیکھا جو ایک دوسرے سے بری طرح لپٹے ہوئے تھے۔

    خاتون سانپوں کو دیکھ کر خوف زدہ نہیں ہوئیں بلکہ اس لڑائی کو غور سے دیکھنے لگیں اسی دوران اُن کے دماغ میں ویڈیو بنانے کا خیال آیا تاہم انہوں نے بجائے ریکارڈ کرنے کے اس لڑائی کو فیس بک پر لائیو کردیا۔

    لانا کا کہنا ہے کہ ’مجھے کمرے میں سانپوں کو دیکھ کر ڈر لگا مگر پھر خوف کی زنجیروں کو توڑتے ہوئے ویڈیو بنائی جبکہ دونوں میرے قریب موجود تھے اور انہیں میری موجودگی کا علم بھی ہوگیا تھا‘۔

    بہادر خاتون کی ویڈیو سوشل میڈیا پر دیکھ کر صارفین نے اُن کی ہمت کو داد دی تو کچھ نے اس حرکت کو بہت بڑی حماقت قرار بھی دیا۔

    لانا فیلڈ نے ویڈیو بنانے کے بعد سانپ پکڑنے والوں کو فون کر کے اطلاع دی تو کچھ دیر بعد وہ کمرے میں پہنچے اور کافی دیر کی محنت کے بعد دونوں سانپوں کو پکڑا۔

  • آسٹریلیا میں گھر سے خاتون اور بچوں سمیت 5 افراد کی لاشیں برآمد

    آسٹریلیا میں گھر سے خاتون اور بچوں سمیت 5 افراد کی لاشیں برآمد

    سڈنی: آسٹریلیا کے شہر پرتھ کے نواحی علاقے میں ایک گھر سے خاتون اور بچوں سمیت 5 افراد کی لاشیں برآمد ہوئی ہیں۔

    غیرملکی خبررساں ادارے کے مطابق آسٹریلیا کے شہر پرتھ کے نواحی علاقے میں ایک گھر سے خاتون اور چار بچوں کی لاشیں برآمد ہوئی ہیں، پولیس نے ایک مشتبہ شخص کو حراست میں لے لیا ہے۔

    ویسٹرن آسٹریلیا پولیس اسسٹنٹ کمشنر پال اسٹیل نے نیوز کانفرنس میں کہا کہ واقعہ انتہائی افسوسناک ہے، ایک شخص کو حراست میں لیا گیا ہے تاہم ابھی یہ معلوم نہیں ہوسکا ہے کہ متاثرہ لوگ آپس میں رشتے دار تھے یا نہیں۔

    پولیس کے مطابق جائے وقوعہ سے کسی قسم کا کوئی اسلحہ برآمد نہیں ہوا ہے جبکہ فرانزک ٹیم نے واقعے کی تحقیقات شروع کردی ہیں۔

    آسٹریلوی پولیس کی جانب سے ہلاک ہونے والوں کی عمریں اور شناخت ظاہر نہیں کی گئی ہے جبکہ گرفتار مشتبہ شخص کی عمر 20 سال بتائی گئی ہے۔

    مزید پڑھیں: آسٹریلیا کے سیاحتی مقام سے 7 افراد کی لاشیں برآمد

    یاد رہے کہ رواں برس مئی میں آسٹریلیا کے سیاحتی مقام سے 7 افراد کی گولیوں سے چھلنی لاشیں برآمد ہوئی تھیں، واقعہ مغربی آسٹریلیا کے علاقے اوسنگمنٹن میں ساحل پر پیش آیا تھا۔

    فائرنگ سے ہلاک ہونے والی خاتون کی شناخت کترینا مائلس کے نام سے ہوئی تھی جبکہ ان کے چار بچوں کی عمریں 8 سے 13 برس بتائی گئی تھی۔

    خیال رہے کہ آسٹریلیا کی تاریخ میں بائیس سال بعد پہلی مرتبہ کسی ایک واقعے میں اتنی بڑی تعداد میں لوگوں کو گولیاں مار کر ہلاک کیا گیا تھا۔

  • آسٹریلیا: داعش سے تعلقات، 5 افراد کی شہریت منسوخ

    آسٹریلیا: داعش سے تعلقات، 5 افراد کی شہریت منسوخ

    کینبرا: آسٹریلیا میں عالمی دہشت گرد تنظیم داعش سے تعلقات کے شبہے میں دہری شہریت کے حامل پانچ افراد کی شہریت منسوخ کردی گئی۔

    تفصیلات کے مطابق شہریت منسوخ کیے جانے افراد پر داعش سے تعلقات کا الزام ہے جس کے باعث آسٹریلوی حکام نے منسوخی سے متعلق فیصلہ کیا، پانچوں افراد کے پاس دہرے شہریت تھی۔

    غیر ملکی خبر رساں ادارے کے مطابق مذکورہ پانچوں افراد کی شناخت ظاہر نہیں کی گئ، تاہم حکام کی جانب سے آسٹریلوی شہریت منسوخ کی گئی ہے۔

    آسٹریلوی شہریت جن کی منسوخ کی گئی ہے ان میں تین مرد اور دو خواتین شامل ہیں، ان افراد نے داعش کا ساتھ دینے کے لیے شام اور عراق کا سفر بھی کیا تھا۔

    خیال رہے کہ 2015 میں آسٹریلیا میں قانون میں تبدیلی کے بعد اب تک کل چھ افراد کی شہریت منسوخ کی جا چکی ہے، اور اس پر آگے بھی عمل درآمد کیا جائے گا۔

    شام: داعش میں شامل 2آسٹریلوی شہریوں نے 4 خواتین کواغواء کرلیا

    تبدیل کیے گئے قانون کے تحت ایسے آسٹریلوی شہریوں کی شہریت ختم کی جا سکے گی جو کسی دہشت گرد تنظیم کی معاونت کر رہے ہوں یا اس کے لیے دہشت گردی کی کارروائیوں میں شریک رہے ہوں۔

    آسٹریلوی حکام کے مطابق اگر کوئی شخص کسی دہشت گرد تنظیم کے لیے کام کرنے کے جرم میں سزا پائےگا تو اس کی آسٹریلوی شہریت خود بخود ختم تصور کی جائے گی۔

    یاد رہے کہ آسٹریلیا میں بیرون ملک جا کر لڑنے کی منصوبہ بندی کے شک میں پاسپورٹ ضبط کرنے کا قانون پہلے ہی موجود ہے، اسی قانون کے تحت 100 سے زائد پاسپورٹ قومی سلامتی کی بنیاد پر منسوخ کیے جا چکے ہیں۔