ARYNews.tv | Urdu – Har Lamha Bakhabar

Tag: australia

  • ورلڈ کپ فائنل : ٹرینٹ بولٹ اور مچل اسٹارچ توجہ کا مرکز ہوں گے

    ورلڈ کپ فائنل : ٹرینٹ بولٹ اور مچل اسٹارچ توجہ کا مرکز ہوں گے

    میلبورن : ورلڈ کپ کے فائنل میں نیوزی لینڈ اور آسٹریلیا کے دو فاسٹ بولرز سب کی توجہ کا مرکز ہوں گے۔ تفصیلات کے مطابق میلبورن میں نیوزی لینڈ کے ٹرینٹ بولٹ کا مقابلہ آسٹریلیا کے مچل اسٹارچ سے ہوگا۔

    ایک سیر تو دوسرا سوا سیرہے،ورلڈ کپ فائنل میں دونوں بولرز کا کردار سب سے اہم ہوگا۔ آسٹریلیا کا ٹاپ آرڈر بولٹ کے نشانے پر ہوگا۔

    جبکہ بولٹ چل گئے تو آسٹریلیا کے نٹ بولٹ ڈھیلے ہوجائیں گے، بولٹ اب تک ٹورنامنٹ میں سب سے زیادہ اکیس کھلاڑیوں کو ٹھکانے لگاچکے ہیں اور دو مرتبہ میچ کے بہترین کھلاڑی کا ایوارڈ بھی بولٹ نے اپنے نام کیا ہے۔

    ادھر آسٹریلیا کے مچل اسٹارچ اپنا چکر چلا سکتے ہیں۔ اسٹارچ کے تیر نشانے پر لگے تو کیویز کو بہت بھاری پڑجائیں گے۔ کرکٹ کے میگا ایونٹ میں کانٹے کے مقابلے کی توقع ہے۔

  • آسٹریلیا کے ساحلوں میں پھنس کرنووہیلزہلاک

    آسٹریلیا کے ساحلوں میں پھنس کرنووہیلزہلاک

    سڈنی: آسٹریلیا کے مشرقی ساحل پرچٹانوں میں پھنس کرنو وہیلز ہلاک ہوگئیں، ماہرین باقی ماندہ وہلیز کو سمندرمیں واپس پہنچانے کی کوشش میں مصروف ہیں۔

    آسٹریلیا کے محکمہ جنگلی حیات کے مطابق تقریباً 20 فٹ لمبی فن دار وہیلزبن بری نامی کھاڑی میں چٹانوں کے درمیان پھنس گئیں اور نکلنے کی جدوجہد میں ہلاک ہوگئیں۔

    اپنے بیان میں انہوں نے تصدیق کی ہے کہ اب تک نو وہیلز ہلاک ہوچکی ہیں۔

    انہوں نے بتایا کہ ساحل پر چار وہیلز ابھی زندہ موجود ہیں جبکہ 1اتھلے پانی میں ہے، محکمہ کوشش کررہا ہے کہ انہیں واپس گہرے سمندر میں پہنچادیا جائے۔

    انہوں نے بتایا کہ چھ وہیلز کو چھوٹی کشتیوں کی مدد سے گہرے پانی میں ڈالاجاچکا ہے۔

    سمندرکا فضائی معائنہ بھی کیا گیا ہے اورمزید کوئی وہیل ایسی کسی مشکل سے دوچار نہیں ہے۔

    آسٹریلیا میں وہیلزکا ساحل پر آجانا معمول کی بات ہے لیکن ماہرین تا حال اس کی وجہ جاننے سے قاصرہیں۔

    سن 2009 میں بھی کئی وہیلز ہیملن نامی کھاڑی میں آگئی تھیں جن میں سے زیادہ تر کو ماہرین زندہ سمندر میں نہیں بھیج پائے تھے۔

  • آسٹریلیا نے سری لنکا کو 64 رنز سے شکست دیدی

    آسٹریلیا نے سری لنکا کو 64 رنز سے شکست دیدی

    سڈنی : آسٹریلیا نے سری لنکا کو دلچسپ مقابلے کے بعد چونسٹھ رنز سے شکست دے دی، گلین میکس ویل میچ کے بہترین کھلاڑی قرار پائے۔ سڈنی میں  کینگروز نے لنکن ٹائیگرز کا شکارکیا۔

    آسٹریلیا نے سری لنکا کو رنز کے پہاڑ تلے دبا کر آؤٹ کلاس کردیا۔  آسٹریلیا نے پہلے بیٹنگ کی تو اوپنرز نے کپتان کے فیصلے کی لاج نہ رکھی۔

    اکتالیس رنز کے وارنر اور فنچ پویلین جا بیٹھے۔اسمتھ اور کلارک نے ایک سو چونتیس رنز کی شراکت قائم کرکے میچ میں کم بیک کیا، اسمتھ باہتر اور کلارک اڑستھ پر آؤٹ ہوئے۔

    اختتامی لمحات میں بلے بازوں نے بولرز پر خوب ہاتھ صاف کیے، میکس ویل، واٹسن اور ہیڈن نے جم کر پٹائی لگائی۔ ہدف کے تعاقب میں سری لنکا نے بھی خوب مقابلہ کیا۔

    دلشان نے ایک اوور میں چھ چوکے جڑ کر جونسن کے چودہ طبق روشن کردئیے۔ کمار سنگاکارا نے مسلسل تیسری سنچری بناکرریکارڈ بنا لیا۔

    دونوں کے آؤٹ ہوتے ہی وکٹیں خزاں کے پتوں کی طرح گرتی رہیں۔سری لنکن ٹیم مقررہ اوورز کھیلے بغیر تین سو بارہ رنز بناکر آؤٹ ہوگئی۔ میکسویل کو مین آف دی میچ کا ایوارڈ دیا گیا۔

  • ورلڈ کپ : آسٹریلیا کا سری لنکا کو تین سو ستتر رنز کا ہدف

    ورلڈ کپ : آسٹریلیا کا سری لنکا کو تین سو ستتر رنز کا ہدف

    سڈنی : کرکٹ ورلڈ کپ میں آسٹریلیا نے سری لنکا کو جیت کیلئے تین سو ستتر رنز کا ہدف دے دیا۔ سڈنی میں جاری پول اے کےاہم میچ میں آسٹریلیا نے ٹاس جیت کر پہلے بیٹنگ کا فیصلہ کیا۔

    آسٹریلوی اوپنر ٹیم کو اچھا آغاز دینے سے قاصر رہے، وارنر نو اور ارون فنچ چوبیس رنز بناکر آؤٹ ہوئے، کپتان مائیکل کلارک نے اسٹیون اسمتھ کے ساتھ مل کر ایک سو چونتیس رنز کی شراکت قائم کی۔

    کلارک اڑستھ اور اسمتھ بہتر رنز بناکر پویلین لوٹے۔ اننگز کے اختتامی لمحات میں گلین میکسویل نے طوفانی باری کھیلتےہوئے کیرئیر کی پہلی اور ورلڈ کپ کی تاریخ کی دوسری تیز ترین سنچری بنائی۔

    شین واٹسن سرسٹھ رنز بناسکے۔ سری لنکا کی جانب سے ملنگا ور تھسارا پریرا نےدو دو کھلاڑیوں کو آؤٹ کیا۔ آسٹریلیا کے گلین میکس ویل نے اکیاون گیندوں پر سنچری جڑ کر رواں ورلڈ کپ میں تیز ترین سنچری کا ریکارڈ اے بی ڈی ویلیئرز سے چھین لیا۔

    دھواں دھار بلے بازگلین میکس ویل لنکن ٹائیگرز پر جم کر برسے۔ سڈنی میں میکس ویل نے چوکوں اور چھکوں کی بارش کردی۔

    وکٹ پر آتے ہی میکس ویل کا میٹر گھوم گیا، مار مار کر لنکن بولرز کو نانی یاد دلادی۔ میکس ویل کے لاٹھی چارج سے کوئی نہ بچ سکا، یاکرز کے بادشاہ لاستھ ملنگا بھی میکس ویل کو خاموش نہ کراسکے۔

    میکس ویل نے طوفانی باری کھیلتے ہوئے چھبیس گیندوں پر نصف سنچری بنائی اور پھر اکیاون گیندوں پر سنچری داغ کر ورلڈ کپ کی تاریخ میں دوسری تیزترین سنچری بنانے کااعزاز اپنے نام کیا۔

    میکس ویل کی طوفانی اننگز میں دس چوکوں اور چار فلگ شگاف چھکوں سے سجی تھی۔

  • ورلڈ کپ: نیوزی لینڈ نے آسٹریلیا کو ایک وکٹ سے ہرا دیا

    ورلڈ کپ: نیوزی لینڈ نے آسٹریلیا کو ایک وکٹ سے ہرا دیا

    آکلینڈ : ورلڈ کپ میں نیوزی لینڈ کی عمدہ کارکردگی کا سلسلہ جاری ہے۔ کیویز نے سابق ورلڈ چیمپئن آسٹریلیا کوسنسنی خیز مقابلے کے بعد ایک وکٹ سے شکست دے کر ایونٹ میں مسلسل چوتھی کامیابی حاصل کرلی۔

    میچ آخری لمحات میں کسی طرف بھی جا سکتا تھا، اور زبردست مقابلے کے بعد نیوزی لینڈ نے فتح حاصل کی، شائقین کو اچھا کھیل دیکھنے کو ملا، آکلینڈ میں نیوزی لینڈ نے آسٹریلیا کے ارمان ٹھنڈے کردیئے۔

    پہلے آسٹریلیا کی بہترین بیٹنگ کا جلوس ٹاس جیتنے کے بعد نکل گیا۔ میدان سجا اور بکھر گیا۔ کھلاڑی آئے اورجاتے چلے گئے۔ کوئی جم کر وکٹ پر نہ ٹھہرسکا۔

    کینگروز بلے باز نیوزی لینڈ کی طوفانی بولنگ کے سامنے بند نہ باندھ سکے۔ وکٹیں کیویز نے آسٹریلیا کو بوریا بستر ایک سو اکیاون رنز پر گول کردیا۔

    بولٹ نے پانچ وکٹیں لے کر حریف بیٹنگ لائن کی کمر توڑ دی۔ جواب میں آسٹریلوی بولرزنے کم بیک کرنے کی بھرپور کوشش کی۔اور کافی حد تک کامیاب بھی رہے۔

    نیوزی لینڈ نےمذکورہ ہدف23.1 اوورمیں نووکٹوں کے نقصان پرحاصل کرلیا۔مچل اسٹارک نے اٹھائیس رنز دے کر چھ وکٹیں حاصل کیں، یہ ایونٹ میں نیوزی لینڈ کی مسلسل چوتھی جیت ہے۔

  • کرکٹ ورلڈ کپ: آسٹریلیا نے انگلینڈ کو 111 رنز سے شکست دے دی

    کرکٹ ورلڈ کپ: آسٹریلیا نے انگلینڈ کو 111 رنز سے شکست دے دی

    میلبورن: کرکٹ ورلڈ کپ دو ہزار پندرہ کے دوسرے میچ میں میزبان آسٹریلیا نے انگلینڈ ایک سو گیارہ رنز سے آؤٹ کلاس کردیا۔

    پہلے میچ کی طرح ایونٹ کا دوسرا میچ بھی یکطرفہ ثابت ہوا، انگلش بولرز نے تباہ کن بولنگ کی بدولت آسٹڑیلیا کے تین مہرے جلد کھسکائے، لیکن جارج بیلی اور ارون فنچ کی شراکت نے میچ کا نقشہ بدل دیا۔

    میلبورن کرکٹ گراؤنڈ میں کھیلے گئے میچ میں انگش ٹیم کے کپتان ای این مورگن نے ٹاس جیت کر پہلے فیلڈنگ کا فیصلہ کیا اور آسٹریلیا کو بیٹنگ کی دعوت دی جس کا کینگروز نے بھرپور فائدہ اٹھایا اور مقررہ 50 اوورز میں 9 وکٹوں کے نقصان پر 342 رنز بنائے۔

    ہدف کے تعاقب میں انگلینڈ کی ٹیم آغاز سے مشکلات کا شکار رہی اور پوری ٹیم 42ویں اوور میں 231 رنز پر ڈھیر ہوگئی، جیمز ٹیلر کے علاوہ انگلینڈ کا کوئی بھی بلے باز آسٹریلوی بولر کا جم کر مقابلہ نہ کر سکا تاہم ان کے 98 رنز بھی ٹیم کو فتح نہ دلا سکے اور کینگرو بولرز نے ایک کے بعد ایک انگلش کھلاڑی کو پویلین کی راہ دکھائی۔

     جیمز ٹیلر کے بعد انگلینڈ کی جانب سے سب سے زیادہ رنز بنانے والے کرس ووکس تھے جنہوں نے 37 رنز بنائے جب کہ ای این بیل 36 رنز بنا کر آؤٹ ہوئے۔

     بہترین بلے بازی پر ایرن فنچ کو میچ کا بہترین کھلاڑی قرار دیا گیا۔

  • آسٹریلیا: جی 20کانفرنس کا آغاز

    آسٹریلیا: جی 20کانفرنس کا آغاز

    برسبین: آسٹریلیا کے شہربرسبین میں دوروزہ جی ٹوئنٹی کانفرنس کا آغاز ہوگیا ہے، کانفرنس میں امریکی صدربراک اوباما، جرمنی کی چانسلر اینجلا مرکل سمیت اہم عالمی رہنماء شرکت کررہے ہیں۔

    دنیا کی مضبوط معیشتوں کے گروپ جی ٹوئنٹی کے برسبین میں ہونے والےانیسویں اجلاس میں عالمی معیشت کے فروغ، رکن ممالک کے درمیان معاشی تعاون بڑھانے سمیت دیگراہم امور پر بات کی جائے گی۔

    کانفرنس کے آغاز پرمیزبان ملک آسٹریلیا کے وزیراعظم ٹونی ایبٹ کا کہنا تھا کہ جی ٹوئنٹی معاشی معاملات پربات چیت کا فورم ہے تاہم دیگرعالمی اموربھی زیربحث آئیں گے، جی ٹوئنٹی انیس ممالک اور اٹھائیس ارکان پرمبنی یورپی یونین پرمشتمل ہے۔

    جی ٹوئنٹی کے رکن ملکوں میں امریکا، جرمنی،فرانس، برطانیہ، چین، کینیڈا،ترکی، سعودی عرب سمیت دیگرملکوں میں شامل ہیں۔

  • مردہ دل استعمال کرتے ہوئے پہلا ٹرانسپلانٹ کا کامیاب تجربہ

    مردہ دل استعمال کرتے ہوئے پہلا ٹرانسپلانٹ کا کامیاب تجربہ

    سڈنی: آسٹریلیا میں سرجنوں نے مردہ دل استعمال کرتے ہوئے پہلا ٹرانسپلانٹ کا کامیاب تجر بہ کیا ہے۔

    سڈنی کے سینٹ ونسنٹ اسپتال کے ڈاکٹروں کی ایک ٹیم نے مردہ دل کو پہلے زندہ یا بحال کیا اور اس کے بعد انہیں ٹرانسپلانٹ کر دیا گیا، جس پہلے شخص کو یہ دل لگایا گیا وہ ستاون سالہ مشیل گریبیلاس تھیں جن کو دل کا دورہ پڑا تھا۔

    انھوں نے کہا کہ میں اپنے آپ کو چالیس سال کی محسوس کر رہی ہوں، میں بہت خوش قسمت ہوں۔

    سینٹ ونسنٹ اسپتال کے دل کی پیوندکاری کے یونٹ کے سربراہ پروفیسر پیٹر مکڈونلڈ کا کہنا ہے کہ یہ پیش رفت اعضاء کی کمی کے مسئلے کو حل کرنے کی طرف ایک اہم قدم ہے۔

  • آسٹریلیا نےدبئی ٹی ٹوئنٹی میں پاکستان کو 6 وکٹوں سے شکست دے دی

    آسٹریلیا نےدبئی ٹی ٹوئنٹی میں پاکستان کو 6 وکٹوں سے شکست دے دی

    دبئی: آسٹریلیا نے واحد ٹی ٹوئنٹی میچ میں پاکستان کو یکطرفہ مقابلے کے بعد 6 وکٹوں سے شکست دیکر ٹی ٹوئنٹی سیریز جیت لی۔

    دبئی میں ہونے والے واحد ٹی ٹوئنٹی میں پاکستانی شاہین کینگروز کو دبوچنے میں بری طرح ناکام ہوئے، واحد ٹی ٹوئنٹی میچ آسٹریلیا نے شاہینوں کو ناصرف اونچی اڑان بھرنے سے روکتے ہوئے 6 وکٹوں سے کامیابی سمیٹ لی۔

    آفریدی نے ٹاس جیت کر بنا کسی جھجک کے بیٹنگ کا فیصلہ کیا، جارحانہ کپتان کے جارحانہ کھلاڑی کچھ زیادہ ہی جارحانہ ہوگئے، پاکستان کی بیٹگ لائن نہ تجربہ کار بولرز کے سامنے ریت کی دیوار ثابت ہوئی، گیارہ کھلاڑیوں نے مل کر بیس اوورز میں ٹیم کے اسکور کو سو رنز تک نہ پہنچا سکے۔ جواب میں ستانوے رنز کا معمولی ہدف دیکھ کر کینگروز بولرز پر ایسے جھپٹے کہ محمد عرفان اور وہاب ریاض کی تیز گیندیں بھی نہ روک پائی۔

  • آسٹریلیا: ڈاکٹرز نے آپریشن کرکے گولڈ فش کی جان بچالی

    آسٹریلیا: ڈاکٹرز نے آپریشن کرکے گولڈ فش کی جان بچالی

    آسٹریلیا: ڈاکٹرز نے پیچیدہ آپریشن کے بعد گولڈ فش کی جان بچالی۔

    آسٹریلیا میں ڈاکٹرز نے خوبصورت اور دلکش نظر آنے والی گولڈ فش کے دماغ کا آپریشن کر کے جان لیوا رسولی نکال دی، جس کے بعد گولڈ فش تیزی سے صحت یاب ہو رہی ہے۔

    جارج نامی اس مچھلی کو آپریشن سے قبل بے ہوش کیا گیا، لارٹ اسمتھ انیمل اسپتال میلبورن میں آپریشن کرنے والے سرجن ڈاکٹر ٹریسٹان رچ نے بتایا کہ مچھلی اب صحت یاب ہے اور جلد دوبارہ پانی میں تیر سکے گی۔