ARYNews.tv | Urdu – Har Lamha Bakhabar

Tag: australia

  • ٹی ٹوئنٹی سیریز: کینگروز نے آئی لینڈرز کا شکار کرلیا

    ٹی ٹوئنٹی سیریز: کینگروز نے آئی لینڈرز کا شکار کرلیا

    کولمبو: آسٹریلیا نے دوسرے ٹی ٹونٹی میچ میں میزبان سری لنکا کو ہراکر تین میچز کی ٹی ٹونٹی سیریز پر قبضہ کرلیا ہے۔

    دوسرے ٹی ٹوئنٹی میں بھی مہمان ٹیم نے ٹاس جیت کر سری لنکا کو بیٹنگ کی دعوت دی، سری لنکن بیٹرز ایک بار پھر کینگروز بولرز کے سامنے بے بس نظر آئے اور بڑا اسکور کرنے میں ناکام رہے، آئی لینڈرز مقررہ بیس اوورز میں 9 وکٹوں کے نقصان پر 124 ہی بناسکی۔

    سری لنکا کی جانب سے چرتھ اسلانکا نے ایک بار پھر 39 رن، کوسل مینڈس نے 36 اور بھانوکا راجا پاکسے نے 13 رن بنائے، کپتان داسن شناکا نے 14 اور ونیندو ہسرنگا نے 12 رن بناسکے، آسٹریلیا کی جانب سے کین رچرڈسن نے چار، جئے رچرڈسن نے تین جبکہ گلین میکسویل نے دو کھلاڑیوں کو پویلین کی راہ دکھائی۔

    ایک سو چوبیس رنز کم ہدف کے تعاقب میں کینگروز ٹیم بھی لڑکھڑا گئی تھی اور 99 رنز پر اس کے 7 کھلاڑی پویلین لوٹ چکے تھے تاہم میتھوویڈ نے ذمے دارانہ اننگز کھیلتے ہوئے 26 رنز کی عمدہ اننگز کھیلی اور ٹیم کو دوسرے ٹی ٹوئنٹی میچ میں فتح دلوادی۔ شاندار کارکردگی پر میتھیو ویڈ کو پلیئر آف دی میچ کا ایوارڈ دیا گیا

    سری لنکا کی جانب سے وینندو ہسرنگا نے 33 رن کے عوض چار وکٹیں حاصل کیں۔

    واضح رہے کہ پہلے ٹی ٹوئنٹی میچ میں آسٹریلیا نے سری لنکا کو آؤٹ کلاس کرتے ہوئے 10 وکٹوں سے فتح سیمٹی تھی، مہمان ٹیم کو تین میچوں کی سیریز میں 0-2 کی فیصلہ کن برتری حاصل ہوگئی ہے۔

  • گرین شرٹس آسٹریلیا سے حساب چکانے کیلئے تیار

    گرین شرٹس آسٹریلیا سے حساب چکانے کیلئے تیار

    پاکستان اور آسٹریلیا کے درمیان دوسرا ون ڈے آج کھیلا جائے گا، قومی ٹیم سیریز برابر کرنے کا عزم لئے میدان میں اترے گی۔

    تفصیلات کے مطابق پاکستان اور آسٹریلیا کے درمیان تین میچوں کی سیریز کا دوسرا ون ڈے میچ آج قذافی اسٹیڈیم میں کھیلا جائے گا،  3 میچز پر مشتمل سیریز میں آسٹریلیا کو 0-1 کی برتری حاصل ہے، پہلے ایک روزہ میچ میں مہمان ٹیم نے پاکستان کو 88 رنز سے شکست دی تھی۔

    دوسرے معرکے میں کینگروز الیون میں کوئی تبدیلی کا امکان نہیں، البتہ پاکستان کی فائنل الیون میں شاہین آفریدی کی واپسی متوقع ہے جو گھٹنے کی انجری کے باعث پہلا ون ڈے نہیں کھیل سکے تھے۔

    دونوں ٹیموں کے درمیان میچ دوپہر 3 بجے شروع ہوگا، پاکستان ٹیم کو سیریز میں شکست سے بچنے کے لیے آج ہر صورت میں کامیابی حاصل کرنا ہوگی۔

    یہ بھی پڑھیں: آسٹریلوی اسکواڈ کی کرونا ٹیسٹ رپورٹ آگئی

     ادھر قومی کرکٹ ٹیم نے ورلڈ کپ سپرلیگ پوائنٹس ٹیبل پر اپنی پوزیشن کی بہتری کیلئے نئی حکمت عملی پر غور شروع کردیا ہے اور کوشش ہوگی کہ باقی دو میچوں میں کامیابی کے ساتھ درجہ بندی میں بہتری حاصل کی جائے ۔

    میچ سے ایک روز قبل آسٹریلوی کھلاڑیوں نے مختصر دورانیے کی ٹریننگ کی جبکہ پاکستان ٹیم نے آرام کیا، کینگروز کپتان ایرون فنچ نے اس عزم کا اظہار کیا کہ آج دوسرا میچ جیت کر سیریز پر قبضے کو یقینی بنایا جائے گا۔

  • بڑی خبر، پی آئی اے کو اہم ملک کے لیے براہ راست پروازوں کی اجازت مل گئی

    بڑی خبر، پی آئی اے کو اہم ملک کے لیے براہ راست پروازوں کی اجازت مل گئی

    کرا چی: قومی ایئر لائن (پی آئی اے) کو آسٹریلیا کے لیے براہ راست پروازوں کی اجازت مل گئی۔

    تفصیلات کے مطابق آسٹریلیا میں مقیم پاکستانیوں کے لیے اچھی خبر آ گئی، آسٹریلوی سول ایوی ایشن سیفٹی اتھارٹی نے پی آئی اے کو آسٹریلیا کے لیے براہ راست پروازوں کو لینڈنگ کی اجازت دے دی۔

    پی آئی اے نے آسٹریلیا کے لیے براہ راست پروازیں شروع کرنے کے حوالے سے تیاریاں بھی مکمل کر لی ہیں، اس سلسلے میں پہلی پرواز 22 اپریل کو لاہور سے پی کے 9808 سڈنی کے لیے اڑان بھرے گی۔

    ترجمان پی آئی اے کے مطابق پی آئی اے کی پرواز 24 اپریل کو سڈنی سے لاہور کے لیے روانہ ہوگی، قومی ایئر لائن لاہور سے ہفتہ وار ایک پرواز آپریٹ کرے گی، اور آسٹریلیا کے لیے بوئنگ 777 لانگ رینج استعمال ہوں گے، پی آئی اے دوسرے مر حلے میں کراچی سے سڈنی کے لیے پرواز شروع کر ے گی۔

    ترجمان نے بتایا کہ آسٹریلیا کے لیے براہ راست پرواز شروع کر نے سے ہم وطنوں کو عید سے قبل سفری سہولت میسر ہوگی، اور آسٹریلیا میں مقیم پاکستانی عید اپنوں میں کر سکیں گے۔

    پی آئی اے ترجمان کے مطابق آسٹریلیا کے لیے براہ راست پرواز سے 35 گھنٹے کا سفر 12 گھنٹوں میں طے ہوگا۔

  • پیچھے دیکھنا کیوں ضروری ہے؟ ایک دل دہلا دینے والا واقعہ (ویڈیو)

    پیچھے دیکھنا کیوں ضروری ہے؟ ایک دل دہلا دینے والا واقعہ (ویڈیو)

    کچھ لوگ بہت محتاط ہوتے ہیں، وہ جہاں بھی جاتے ہیں یا کہیں بیٹھتے ہیں تو آس پاس کا بہ غور جائزہ لے لیتے ہیں، لیکن اکثر لوگ اس بات کا خیال نہیں رکھتے۔

    خصوصاً ایسی جگہوں پر جہاں ہمارا آنا جانا یا بیٹھ کر کام کرنا ایک معمول ہو، وہاں ہمارے دماغ کے اندر موجود حفاظتی نظام پر سکون حالت میں رہتا ہے۔

    لیکن کبھی کبھی ایسے واقعات جنم لیتے ہیں جو دہشت زدہ کر دینے والے ہوتے ہیں، اسی لیے بہت سارے لوگ روز ایک ہی جگہ جا کر بھی خاصی احتیاط برتتے ہیں۔

    تو بعض اوقات اس سوال کا جواب مل جاتا ہے کہ پیچھے دیکھنا کیوں ضروری ہے؟ آسٹریلیا میں ایسا ہی ایک دل دہلا دینے والا واقعہ پیش آیا ہے، جس کی سی سی ٹی وی فوٹیج سوشل میڈیا پر وائرل ہو گئی۔

    آسٹریلیا میں کسی مقام پر ایک شہری اپنے عرشے پر آرام کر رہا تھا، جب اس کا ایک انتہائی ڈرپوک سانپ سے غیر متوقع طور پر سامنا ہو گیا۔

    ویڈیو میں آپ دیکھ سکتے ہیں کہ آسٹریلوی کتنے اطمیان سے میز کے آگے کرسی پر لیپ ٹاپ پر کام کر رہا ہے، اور پیچھے ایک سیاہ لمبا سانپ دھیرے دھیرے اس کی طرف بڑھتا ہے۔

    لیکن سانپ جیسے ہی کرسی کے نیچے آتا ہے، چند لمحوں بعد کھٹکا ہوتے ہی سانپ ڈر کے مارے اچھل کر ایک طرف بھاگتا ہے، اور اسی دوران اس شخص کو بھی معلوم ہو جاتا ہے کہ پیروں کے پاس کچھ ہے۔

    ڈر کے مارے آسٹریلوی شخص کے رد عمل نے سانپ کو اور ڈرایا، غیر متوقع طور پر سانپ اس سے زیادہ ڈرپوک نکلا اور آن کے آن میں رینگ کر غائب ہو گیا، تاہم آسٹریلوی شخص کے دل کی دھڑکن کچھ دیر کے لیے خوف کے مارے ضرور رک گئی تھی۔

  • کراچی ٹیسٹ، آسٹریلوی ٹیم میں اہم ہتھیار شامل

    کراچی ٹیسٹ، آسٹریلوی ٹیم میں اہم ہتھیار شامل

    کراچی ٹیسٹ کے لیے آسٹریلیا کے گیارہ رکنی اسکواڈ کا اعلان کردیا گیا ہے، فاسٹ بولر ہیزل ووڈ کراچی ٹیسٹ بینچ پر بیٹھ کر دیکھیں گے۔

    کراچی میں پری میچ پریس کانفرنس کرتے ہوئے آسٹریلوی کپتان پیٹ کمنز نے بتایا کہ کراچی کی پچ کو مدنظر رکھتے ہوئے ٹیم میں ایک تبدیلی کی ہے، فاسٹ بولر ہیزل ووڈ کی جگہ مچل سوئیپ سن ٹیم کا حصہ ہوں گے۔

    کینگروز قائد نے مچل سوئیپ سن کو بہترین اسپنر قرار دیتے ہوئے کہا کہ مجھے امید ہے کہ اپنے ڈیبیو ٹیسٹ میں وہ توقعات پر پورا اتریں گے۔

    آسٹریلوی کپتان پیٹ کمنز نے کہا کہ نیشنل اسٹیڈیم کی تاریخ ہے کہ یہاں اسپنرز زیادہ کامیاب ہوتے ہیں، کراچی میں ریورس سوئنگ ہوسکتی ہے ، ایسا ہوا تو مچل سٹارک خطرناک ثابت ہوں گے، سویپسن کے آنے سے اسپن ڈیپارٹمنٹ مضبوط ہوا لیکن اسٹیو اسمتھ بھی ایک آپشن ہے۔

    پری میچ ورچوئل ویڈیو کانفرنس سے کینگروز کپتان پیٹ کمنز کا کہنا تھا کہ ہم بہت خوش قسمت ہیں کہ پاکستان میں کھیل رہے ہیں، یہاں لوگوں نے بہت زیادہ پیار دیا اور خیال رکھا ہے۔

    پیٹ کمنز کا مزید کہنا تھا کہ راولپنڈی میں ہم نے اچھی بیٹنگ کی، میں نے صرف چار وکٹیں لیں جس میں بہتری کی ضرورت ہے، انہوں نے پچ کے حوالے سے کہا کہ دنیا میں سب ہی ٹیمیں اپنی ہوم کنڈیشنز کا فائدہ اٹھاتی ہیں۔

  • آسٹریلیا میں بارشوں کے بعد ‘ایلین’ نما پُر اسرار مخلوق نمودار

    آسٹریلیا میں بارشوں کے بعد ‘ایلین’ نما پُر اسرار مخلوق نمودار

    سڈنی : آسٹریلیا کے دارلحکومت سڈنی میں شدید بارشوں کے بعد نمودار ہونے والی ایلین نما مخلوق نے ماہرین حیاتیات کو چکرا کر رکھ دیا۔

    تفصیلات کے مطابق ٓآسٹریلیا کے جنوب مشرقی علاقوں میں شدید بارشوں کے بعد سیلابی صورتحال ہے ، طوفانی موسم میں سڈنی کا ایک مقامی نوجوان صبح کی سیر کے لیے نکلا تو سڑک پر عجیب و غریب ایلین نما مخلوق دیکھ کر چونک گیا۔

    ہیری ہیز میریک وِل میں جاگنگ کر رہا تھا ، جب اس نے ایک عجیب نظر آنے والی مخلوق کو زمین پر پڑا دیکھا، اس کی شکل اور رنگ کے عجیب و غریب ہونے کی وجہ سے وہ اسے کسی قسم کا ‘ایمبریو’ سمجھا۔

    ہیری نے اپنے انسٹاگرام اکاؤنٹ پر ہاتھی جیسی سونڈ والی سرمئی رنگ کی مخلوق کی ویڈیو شیئر کی اور کیپشن میں لکھا : "یہ سڑک پر ملا، یہ کیا ہے؟”

     

    View this post on Instagram

     

    A post shared by @_harryhayes

    تایم یہ معلوم نہ ہوسکا کہ آیا یہ مخلوق زندہ تھی کیونکہ ہیری نے اسے چھڑی سے متعدد بار مارا لیکن وہ مکمل طور پر غیر متحرک رہی۔

    ہیری کی پوسٹ کے بعد ویڈیو تیزی سے سوشل میڈیا پر وائرل ہو گئی اور مختلف پلیٹ فارمز پر شیئر کی گئی، ایلی نامی ماہر حیاتیات نے تصویر شیئر کرتے ہوئے بتایا کہ وہ اس پراسرار اجنبی مخلوق کے بارے میں کچھ نہیں ڈھونڈ سکی۔

    یاد رہے پچھلے سال رومن فیڈورسٹوو نامی ایک ماہی گیر نے سمندر سے عجیب الخلقت مچھلی پکڑی تھی، مچھلی کی ساکت ایسی تھی ، جیسے کوئی چیز برگر ہو جس کے دانت بھی ہیں۔

    رومن نامی ماہی گیر نے مچھلی کی تصویر انسٹاگرام پر شیئر کی اور کیپشن لکھا تھا کہ ‘سمندر کی تہہ سے عجیب و غریب شہ برآمد ہوئی’۔

  • آسٹریلوی ٹیم کو پاکستان آمد پر ‘خوش آمدید’

    آسٹریلوی ٹیم کو پاکستان آمد پر ‘خوش آمدید’

    اسلام آباد: آسٹریلوی کرکٹ ٹیم چوبیس سال بعد تاریخی دورے پر پاکستان پہنچ گئی۔

    تفصیلات کے مطابق 35رکنی آسٹریلوی اسکواڈ چارٹرڈ طیارے کے ذریعے اسلام آباد پہنچا، ٹیم کے ساتھ کرکٹ آسٹریلیا کےسی ای اونک ہوکلی بھی اسلام آباد پہنچے۔

    اسکواڈ میں آسٹریلین کرکٹرز ایسوسی ایشن کےسی ای اوٹاڈ گرین برگ بھی شامل ہے، پاکستان پہنچنے پر پی سی بی ڈائریکٹر آپریشنز ذاکرخان نے اسلام آبادایئرپورٹ پرمہمان ٹیم کا استقبال کیا۔

    آسٹریلوی ٹیم کو سخت سیکیورٹی میں ایئرپورٹ سے نجی ہوٹل منتقل کیا گیا، جہاں ان کے کرونا ٹیسٹ کئے جائیں گے، کھلاڑی ایک دن روم آئیسولیشن میں رہیں گے، کرونا ٹیسٹ منفی آنے پر آسٹریلوی کھلاڑیوں کو پریکٹس کی اجازت ہوگی۔

    آسٹریلوی کرکٹ ٹیم کے کپتان پیٹ کمنز آج پریس کانفرنس کریں گے۔

    واضح رہے کہ آسٹریلیا کی ٹیم چوبیس سال کے طویل عرصے کے بعد پاکستان کا دورہ کررہی ہے، دورے کے دوران تین ٹیسٹ میچ، تین ون ڈے اور ایک ٹی ٹوئنٹی میچ کھیلا جائیگا۔

    پاکستان آسٹریلیا کے درمیان پہلا ٹیسٹ میچ 4 مارچ سے شیڈول ہے جو راولپنڈی کرکٹ اسٹیڈیم میں کھیلا جائے گا، دوسرا ٹیسٹ کراچی اور تیسرا ٹیسٹ میچ لاہور میں ہوگا۔

    راولپنڈی ٹیسٹ کے لیے سیکیورٹی انتظامات کو حتمی شکل دے دی گئی ہے۔

  • کورونا وائرس : آسٹریلیا نے مشروط طور پر سفری پابندیاں ختم کردیں

    کورونا وائرس : آسٹریلیا نے مشروط طور پر سفری پابندیاں ختم کردیں

    کینبرا : آسٹریلیا کی حکومت نے کورونا وائرس سے ہونے والی معاشی تباہ کاریوں پر قابو پانے کیلئے فیصلہ کیا ہے کہ اب تمام افراد مشروط طریقے سے ملک میں داخل ہوسکتے ہیں۔

    آسٹریلیا نے تقریباً دو سال تک اپنی سرحدیں بند رکھنے کے بعد ملک کو مکمل کورونا ویکسی نیشن لگوانے والے غیر ملکی سیاحوں کے لیے دوبارہ کھول دیا ہے۔

    آسٹریلیا نے مکمل ویکسین لگوانے اور دنیا بھر کے آسٹریلین ویزے کے حامل افراد کو پیر کے روز سے ملک میں داخلے کی باقاعدہ اجازت دے دی ہے۔

    ملک کے سب سے بڑے ہوائی اڈے سڈنی پر امریکہ، کینیڈا اور دیگر ممالک سے یکے بعد دیگرے پروازیں آئیں۔

    آنے والے مسافروں کا کینگرو کے بھیس کا لباس پہنے ایک شخص نے استقبال کیا۔ بعض مسافر اپنے رشتہ داروں سے دوبارہ مل سکنے پر انتہائی خوش نظر آرہے تھے۔

    سیاحت کے وزیر ڈین ٹیہان نے نامہ نگاروں سے گفتگو کرتے ہوئے یقین ظاہر کیا کہ آسٹریلیا کی سیاحت کی صنعت انتہائی تیزی کے ساتھ بحال ہو جائے گی۔

    آسٹریلیا کی زیادہ تر ریاستیں ویکسین لگوا چکے مسافروں کے لیے قرنطینہ کی پابندی پہلے ہی ختم کر چکی ہیں۔

  • ننھے ہاتھیوں نے لوگوں کے دل موہ لیے، دلچسپ ویڈیو وائرل

    ننھے ہاتھیوں نے لوگوں کے دل موہ لیے، دلچسپ ویڈیو وائرل

    آسٹریلیا کے سڈنی چڑیا گھر  سے دو ننھے ہاتھیوں کی ویڈیو ریلیز کی گئی ہے جس میں دونوں کمسن ہاتھی ایک دوسرے سے گلے لگ کر سو رہے ہیں

    بچے کسی کے بھی ہوں سب کو پیارے لگتے ہیں اور برادرانہ انسیت صرف انسانوں میں ہی نہیں پائی جاتی جانور بھی اپنے رشتوں سے احترام اور پیار کرنا جانتے ہیں۔

    آسٹریلیا کے سڈنی چڑیا گھر میں موجود دو ایشیائی نسل کے ننھے ہاتھیوں کی ویڈیو نے سوشل میڈیا پر ریلیز ہوتے ہی لوگوں کے دل موہ لیے ہیں۔

    اس ویڈیو میں دیکھا جاسکتا ہے کہ اشوک نامی ایک ہاتھی کا بچہ اپنی جگہ پر لیٹا ہوا ہے کہ اسی اثنا میں کاوی نامی 7 سالہ ہاتھی کا بچہ وہاں داخل ہوتا ہے اور  پہلے سے لیٹے اشوک کے ساتھ لیٹنے کی کوشش کرتا ہے اس موقع پر اشوک اس کے لیے جگہ بنانے کے لیے اپنا اگلا اور پچھلا دائیاں پاؤں اٹھا لیتا ہے اور اسکے لیے جگہ بناتا ہے جب کاوی لیٹ جاتا ہے تو اشوک اپنے پیر کاوی پر رکھ کر اسے اپنے قریب کرلیتا ہے۔

    یہ ویڈیو سڈنی چڑیا گھر کی جانب سے آسٹریلیا میں منائے جانے والے’’ گلے ملنے کے قومی دن ‘‘کے موقع پر جاری کی گئی ہے۔

    اس حوالے سے ہاتھیوں کے رکھوالے میٹ لینڈ نے کہا کہ ’’اس دنیا میں صرف انسان ہی نہیں جو آپس میں گلے ملتے ہیں، ہاتھی بھی اپنے درمیان رشتوں کو پروان چڑھاتے ہیں، اس طرح ایک دوسرے سے چمٹ کر سونا پیار کا اظہار ہے اور جانوروں کو اس طرح ایک خاص رشتے میں دیکھنا چڑیا گھر کے رکھوالے کے لیے بڑا اعزاز ہے۔‘‘

    ہاتھی کے دونوں بچوں کو 2020 کے آخر میں ڈبل آئرلینڈ کے چڑیا گھر سے ’’ایشین ہاتھیوں کی افزائش کے پروگرام کے تحت‘‘ سڈنی کے چڑیا گھر لایا گیا تھا۔

  • نوواک جوکووچ آسٹریلیا سے ڈی پورٹ، اس وقت کہاں ہیں؟

    نوواک جوکووچ آسٹریلیا سے ڈی پورٹ، اس وقت کہاں ہیں؟

    کینبرا: ٹینس اسٹار نوواک جوکووچ آسٹریلیا سے ڈی پورٹ کردئیے ہیں۔

    غیر ملکی میڈیا رپورٹ کے مطابق نوواک جو کووچ آسٹریلیا سےڈی پورٹ ہونےکےبعد دبئی پہنچ گئے ہیں، تاہم انہوں نے ایئرپورٹ کے لاؤئج سے باہر نکلنے سے گریز کیا، گمان کیا جارہا ہے کہ وہ دبئی میں مختصر قیام کے بعد اپنا اگلا سفر شروع کرینگے تاہم یہ واضح نہیں کہ جوکووچ کا اگلا پڑاؤ کہاں ہوگا؟

    نوواک جوکووچ نے متحدہ عرب امارات کا سفر اس لئے کیا کہ یہاں مسافروں کو ویکسین لگوانے کی ضرورت نہیں ہے، البتہ فضائی سفر سے قبل انہیں منفی پی سی آر رپورٹ دکھانا لازمی ہے۔

    کرونا ویکسین نہ لگانے کی پاداش میں ٹینس اسٹار کو آسٹریلیا سے ملک بدر کردیا گیا ہے جس کے باعث وہ آسٹریلین اوپن ٹورنامنٹ سے بھی باہر ہوگئے ہیں، جوکووچ نے نو بار آسٹریلین اوپن ٹائٹل اپنے نام کررکھے ہیں ،جن میں لگاتار تین، اور کل 20 گرینڈ سلیم سنگلز ٹرافیاں شامل ہیں۔

    نوواک جوکووچ کے ساتھ پیش آئے واقعات ایک نظر میں

    سولہ جنوری 2022: جوکووچ نے ویزا منسوخی کے فیصلے پر آسٹریلوی عدالت سے اپیل دائر کی تھی جسے مسترد کرتے ہوئے عدالت نے ویزا منسوخ کرنے کا فیصلہ برقرار رکھا، یہی فیصلہ ان کی ملک بدری کی وجہ بنا۔

    یہ بھی پڑھیں: نوواک جوکووچ اب گھر بیٹھ کر آسٹریلین اوپن دیکھیں گے

    پندرہ جنوری:آسٹریلیا کے امیگریشن کے وزیر الیکس ہاک نے اپنے اختیارات کا استعمال کرتے ہوئے نوواک جوکووچ کا دوسری بار ویزا منسوخ کیا تھا، یہ اقدام اس ضمن میں اٹھایا گیاجب ٹینس اسٹار کے وکلا اس فیصلے کے خلاف فوری حکم امتناعی دائر کرنے کی تیاری کر رہے تھے۔چودہ جنوری: عالمی نمبر ایک ٹینس اسٹارنوواک جوکووچ نے تسلیم کیا کہ آسٹریلیا آمد کیلئے بھرے جانے والےفارم میں غلطیاں ہوئی تھیں، جوکووچ نے یہ بھی تسلیم کیا کہ گزشتہ ماہ انہوں نےایک صحافی سےملاقات کی تھی جب انہیں کورونا تھا لیکن یہ ایک اندازےکی غلطی تھی۔

    دس جنوری: آسٹریلوی عدالت نے حکومت کا نوواک جوکووچ کا ویزا منسوخ کرنےکا فیصلہ کالعدم قرار دے دیتے ہوئے ٹینس ‏اسٹار کے آسٹریلیا میں داخلے کو قانونی قرار دیا تھا۔