ARYNews.tv | Urdu – Har Lamha Bakhabar

Tag: australian captain

  • پاکستان ایک اچھی ٹیم ہے سیریز میں سخت مقابلہ ہوگا، آسٹریلوی کپتان

    پاکستان ایک اچھی ٹیم ہے سیریز میں سخت مقابلہ ہوگا، آسٹریلوی کپتان

    آسٹریلوی وائٹ بال اسکواڈ کے کھلاڑیوں نے میلبرن میں ٹریننگ شروع کردی، بین ڈارشیوس بھی وائٹ بال اسکواڈ میں شامل ہوگئے۔

    پاکستان کے دورے سے قبل ٹریننگ کے موقع پر ایرون فنچ نے میڈیا سے گفتگو کرتے ہوئے کہا کہ ہم منتظر ہیں کہ اب وائٹ بال کرکٹ سیریز کھیلیں اور ون ڈے کرکٹ کےلیے ردھم میں آنے کی کوشش کررہے ہیں۔

    ایرون فنچ کا کہنا تھا کہ ففٹی اوور کے ورلڈ کپ کا کمبی نیشن بنانے کےلیے کام کریں گے۔

    آسٹریلوی کپتان نے کہا کہ پاکستان ایک اچھی ٹیم ہے سیریز میں سخٹ مقابلہ ہوگا کیوں کہ کھلاڑی باصلاحیت ہیں انہیں خود پر اعتماد ہے کہ وہ اچھا کرسکتے ہیں اور ہمارے کھلاڑی ون ڈے میں بھی اچھا کھیلیں گے۔

    کرکٹ آسٹریلیا کا کہنا ہے کہ فاسٹ بولر کین رچرڈ سن دورہ پاکستان سے باہر ہوگئے ہیں کین رچرڈسن انجری کے باعث دورہ پاکستان سے باہر ہوئے۔

    کرکٹ آسٹریلیا کا کہنا ہے کہ کین رچرڈ سن کی جگہ وائٹ بال اسکواڈ میں بین ڈارشیوس کو بھی شامل کرلیا گیا ہے۔

    واضح رہے کہ ون ڈے میچز 29، 31 مارچ اور 2 اپریل کو جب کہ واحد ٹی ٹوینٹی 5 اپریل کو کھیلا جائے گا۔

  • پاکستان میں خود کو بہت محفوظ محسوس کر رہا ہوں، کپتان آسٹریلوی ٹیم

    پاکستان میں خود کو بہت محفوظ محسوس کر رہا ہوں، کپتان آسٹریلوی ٹیم

    راولپنڈی: تاریخی دورے پر پاکستان پر آنے والی آسٹریلوی کرکٹ ٹیم کے کپتان پیٹ کمنز کا کہنا ہے کہ پاکستان پہنچ کر اچھا لگ رہا ہے، سکیورٹی صورتحال بہترین ہیں۔

    تفصیلات کے مطابق پاکستان آمد پر ورچوئل نیوز کانفرنس کرتے ہوئے آسٹریلوی کرکٹ ٹیم کے کپتان پیٹ کمنز نے کہا کہ پاکستان میں خود کو بہت محفوظ محسوس کر رہا ہوں، یہاں کے سیکیورٹی انتظامات بہت اچھے ہیں، پی سی بی نے ہمارا بہت خیال رکھا، یہاں کے تمام لوگ بہت پروفیشنل ہیں۔

    پیٹ کمنز نے کہا کہ پاکستان کیخلاف کھیلنےکا تجربہ ہمیشہ شانداررہا، امید ہےسیریز سےقبل اچھی پریکٹس کرلیں گے، ہمیں معلوم ہے کہ پاکستانی کرکٹ سے محبت کرتے ہیں اور انہیں اچھی کرکٹ دیکھنے کو ملے گی۔

    یہ بھی پڑھیں: آسٹریلوی ٹیم کو پاکستان آمد پر ‘خوش آمدید’

    بائیو سیکیور ببل سے متعلق پوچھے گئے سوال پر آسٹریلوی کپتان نے کہا کہ ہمیں معلوم ہے کہ ہم ہوٹل سے زیادہ باہر نہیں جا سکتے، دورہ بھارت میں بھی زیادہ باہر نہیں جاتے تو اسکی عادت ہے، اسی لئے کھلاڑیوں نے سامان میں پلے اسٹیشن رکھے ہیں تاکہ وقت اچھا گزرے۔

    واضح رہے کہ آج آسٹریلوی کرکٹ ٹیم چوبیس سال بعد تاریخی دورے پر پاکستان پہنچی تھی، 35رکنی آسٹریلوی اسکواڈ چارٹرڈ طیارے کے ذریعے اسلام آباد پہنچا، ٹیم کے ساتھ کرکٹ آسٹریلیا کےسی ای اونک ہوکلی بھی ساتھ تھے۔

  • آسٹریلوی کھلاڑی نے بھارتی بلے باز کو ڈرپوک قرار دے دیا

    آسٹریلوی کھلاڑی نے بھارتی بلے باز کو ڈرپوک قرار دے دیا

    نئی دہلی : بھارت اور آسٹریلیا کے درمیان کھیلی جانے والی ٹیسٹ سیریز کے موقع پر سابق آسٹریلوی کپتان ایلن بارڈر نے بھارتی کھلاڑی کی بیٹنگ کو کڑی تنقید کا نشانہ بنایا ہے۔

    تیسرے ٹیسٹ کے تیسرے دن بھارتی ٹیم کی بیٹنگ پالیسی پر نکتہ چینی کرتے ہوئے ایلن بارڈر نے بھارتی بلے باز چتیشور پجارا پر سخت تنقید کی اور کہا کہ وہ شاٹ کھیلنے سے ڈرتے رہے۔

    انہوں نے کہا کہ میچ کے دوران چتیشور پجارا شاٹ کھیلنے سے واضح طور پر ڈرے ہوئے لگ رہے تھے اور ایسا لگ رہا تھا کہ جیسے وہ رن بنانے کے بجائے کریز پر ٹکے رہنے کے لئے کھیل رہے ہیں۔

    ایک اسپورٹس ویب سائٹ کو انٹرویو دیتے ہوئے ایلن بارڈ کا کہنا تھا کہ کیا ایسا نہیں ہے کہ وہ رن بنانے کے بجائے اپنی وکٹ بچانے کے لئے کھیل رہے ہیں۔

    انہوں نے کہا کہ چتیشور پجارا نے سیریز میں اس کا زیادہ اثر نہیں لیا ہے، انہوں نے اپنے رن بنانے میں اتنا لمبا وقت لیا، ایسا لگ رہا تھا کہ وہ کریز پر جم گئے ہیں جس کا بھارتی ٹیم پر برا اثر پڑا۔

    سابق آسٹریلوی کپتان کا کہنا تھا کہ چتیشور پجارا آسٹریلوی بالنگ پر حاوی ہوتے ہوئے نہیں نظر آئے جس کا سہرا آسٹریلوی بالرز کو جاتا ہے جنہوں نے اچھی کارکردگی کا مظاہرہ کیا۔

    ایلن بارڈر نے کہا کہ آسٹریلوی بالرز نے انہیں کبھی دباؤ سے باہر نہیں نکلنے دیا، آدھی جنگ تو یہی ہے تاہم بالرز کو وکٹ لینے میں کافی مشکل ہو رہی تھی لیکن اگر اسکور بورڈ ہی نہیں بڑھ رہا تو آخر میں یہ آپ کا انعام ہی ہے۔

    اس کے علاوہ سابق آسٹریلوی کپتان رکی پونٹنگ نے بھی ٹوئٹر میسج میں چتیشور پجارا کی بیٹنگ پر تنقید کی اور کہا کہ انہیں اپنی اسکورنگ رفتار میں تھوڑی تیزی لانی چاہئے تھی کیونکہ مجھے لگتا ہے کہ اس سے ان کے دیگر بلے باز ساتھیوں پر زیادہ دباؤ پڑرہا تھا۔

    چتیشور پجارا کی سست رفتار بیٹنگ پر پوچھے گئے ایک سوال کے جواب میں رکی پونٹنگ نے کہا کہ مجھے نہیں لگتا کہ یہ صحیح رویہ ہے لیکن یہ ضروری ہے کہ چتیشور پجارا کو رن بنانے کی رفتار اور بڑھانی چاہئے۔

  • سابق آسٹریلوی کپتان اور مبصر رچی بینو کینسر سے شکست کھا گئے

    سابق آسٹریلوی کپتان اور مبصر رچی بینو کینسر سے شکست کھا گئے

    آسٹریلوی کرکٹ ٹیم کے سابق کپتان اور دنیائے کرکٹ کے مشہور مبصر رچی بینو 84 برس کی عمر میں انتقال کر گئے ہیں۔

    لیگ سپن گیند کرنے والے بینو نے آسٹریلیا کے لیے 63 ٹیسٹ کھیلے جن میں سے انھیں 28 میں کپتانی کا اعزاز ملا تھا۔

    1964 میں کرکٹ سے ریٹائرمنٹ کے بعد انھوں نے صحافت کا پیشہ اپنایا اور کرکٹ میچوں پر تبصرہ کرنے لگے۔
    وہ 2013 تک آسٹریلیا کے چینل نائن کے لیے کام کرتے رہے لیکن آخری مرتبہ بطور مبصر انھوں نے 2005 کی ایشز سیریز میں کام کیا تھا۔

    گذشتہ برس نومبر میں رچی نے بتایا تھا کہ وہ جلد کے کینسر میں مبتلا ہوگئے ہیں اور زیرِ علاج ہیں۔

    بینو کا شمار آسٹریلیا کے اچھے آل راؤنڈروں میں ہوتا تھا اور وہ ٹیسٹ کرکٹ میں دو ہزار رن بنانے کے ساتھ دو سو وکٹیں لینے والے پہلے کھلاڑی تھے۔

  • آسٹریلوی ٹیم کے کپتان مائیکل کلارک فٹ ہوگئے

    آسٹریلوی ٹیم کے کپتان مائیکل کلارک فٹ ہوگئے

    شارجہ : آسٹریلوی ٹیم کے کپتان مائیکل کلارک فٹ ہوگئے ہیں، پاکستان اے کے خلاف چار روزہ پریکٹس میچ میں حصہ لیں گے۔انکا کہنا ہے کہ پاکستان ٹیسٹ کی اچھی ٹیم ہے، ون ڈے اور ٹی ٹوئنٹی کے نتائج سے کوئی فرق نہیں پڑے گا۔

    آسٹریلوی ٹیم کے کوچ ڈیرن لیمن نے مائیکل کلارک کو مکمل فٹ قرار دیا تو کلارک نے بھی پاکستان کے خلاف پہلے ٹیسٹ میں شرکت فٹنس سے مشروط کردی، انھوں نے کہا کہ وہ بیٹنگ کررہے ہیں لیکن میدان میں اترنے کے لئے انہیں سو فیصد فٹ ہونا ہوگا۔

    کلارک نے کہا کہ ہر دن ایک جیسا نہیں ہوتا، پاکستان اچھی ٹیم ہے ٹیسٹ میں کم بیک کرسکتی ہے۔

    ایک سوال پر ان کا کہنا تھا کہ سعید اجمل ورلڈ کلاس بولر ہیں،  پاکستان کو اجمل کی کمی ضرور محسوس ہورہی ہوگی، کلارک پاکستان اے کے خلاف بدھ سے شروع ہونے والے چار روزہ پریکٹس میچ میں ٹیم کا حصہ ہوں گے۔

    آسٹریلوی کپتان زمبابوے میں سہ ملکی سیریز کے دوران ہیمسٹرنگ انجری کا شکار ہوگئے تھے۔ جس کے باعث وہ پاکستان کے خلاف ون ڈے سیریز میں حصہ نہیں لے سکے۔