Tag: Australian Open 2020

سڈنی: آسٹریلین اوپن ٹینس ٹورنامنٹ میں سیمی فائنل لائن اپ مکمل ہوگئی، ٹینس اسٹار راجر فیڈرر نے ہاری ہوئی بازی اپنے نام کرتے ہوئے سیمی فائنل میں جگہ بنالی۔

تفصیلات کے مطابق آسٹریلین اوپن کے کوارٹر فائنل میں عالمی نمبر تین راجر فیڈرر نے ہاری ہوئی بازی پلٹ دی، دو سیٹ میں شکست کے بعد سوئس ٹینس اسٹار نے شاندار کم بیک کرتے ہوئے کامیابی حاصل کی۔

راجر فیڈرر نے سات بار میچ پوائنٹ بچایا، پانچویں اور آخری سیٹ میں فیڈرر نے امریکی کھلاڑی کو آؤٹ کلاس کرتے ہوئے فائنل میں جگہ بنالی۔

واضح رہے کہ گزشتہ روز آسٹریلین اوپن میں عالمی نمبر ایک رافیل نے میزبان کھلاڑی کو شکست دے کر ٹاپ آٹھ کھلاڑیوں میں جگہ بنائی تھی۔

.@rogerfederer doesn't remember all 7️ match points Sandgren had.

"I could have blinked at the wrong time and shanked and that would have been it. I was definitely incredibly lucky today." #AO2020 | #AusOpen pic.twitter.com/bvyDNSgAua

— #AusOpen (@AustralianOpen) January 28, 2020

رافیل نڈال نے آسٹریلیا کے نک کریوس کو ہرتے ہوئے کوارٹر فائنل میں جگہ بنائی تھی۔

آسٹریلین اوپن ویمنز میں امریکا کی سوفیا کینن نے ٹاپ 4 میں انٹری دے دی، سوفیا نے تیونس کی کھلاڑی کو شکست دی۔

واضح رہے کہ آسٹریلین اوپن میں چند روز قبل عالمی نمبر ایک رافیل نڈال کی ہٹ بال گرل کو جالگی تھی نڈال نے بچی کے پاس جاکر اس کی خیریت دریافت کی اور اسے گلے لگایا تھا، نڈال کی ویڈیو سوشل میڈیا پر وائرل ہوگئی تھی۔