Tag: Austria

  • وزیر خارجہ سے آسٹرین سفیر کی الوداعی ملاقات

    وزیر خارجہ سے آسٹرین سفیر کی الوداعی ملاقات

    اسلام آباد: آسٹریا کی سفیر ڈاکٹر بریگیٹ بلہا کی وزارت خارجہ آمد ہوئی جہاں ان سے وزیر خارجہ شاہ محمود قریشی نے ملاقات کی۔

    دفتر خارجہ کے سماجی رابطوں کی ویب سائٹ ٹویٹر پر ٹویٹ کے مطابق آسٹریا کی سفیر ڈاکٹر بریگیٹ بلہا وزارت خارجہ پہنچیں۔

    وزیر خارجہ شاہ محمودقریشی سے ان کی الوداعی ملاقات ہوئی۔

    ملاقات میں دو طرفہ تعلقات سمیت باہمی دلچسپی کے امور پر تبادلہ خیال کیا گیا۔

    وزیر خارجہ شاہ محمود قریشی کا کہنا تھا کہ دونوں ملکوں کے خوشگوار اور دوستانہ تعلقات ہیں۔ دو طرفہ تجارتی سرگرمیوں کو مزید بڑھانے کی ضرورت ہے۔

    آسٹرین سفیر کا کہنا تھا کہ پاکستان سے دو طرفہ تعلقات کو فروغ دینے کے لیے تعاون کو تیار ہیں۔

    شاہ محمود قریشی نے دو طرفہ تعلقات میں بہتری کے لیے ڈاکٹر بریگیٹ کی خدمات کو بھی سراہا۔

  • تھریسامے بریگزٹ منصوبے پرحمایت حاصل کرنے آسٹریا پہنچ گئیں

    تھریسامے بریگزٹ منصوبے پرحمایت حاصل کرنے آسٹریا پہنچ گئیں

    لندن : برطانوی وزیر اعظم تھریسا مے بریگزٹ ڈیل سے متعلق معاملات طے کرنے کےلیے آسٹریا پہنچ گئیں جہاں آسٹرین چانسلر اور  وزیر اعظم چیک ریپبلک سے ملاقات بھی کریں گییں۔

    تفصیلات کے مطابق برطانیہ کی وزیر اعظم تھریسا مے اپنی سرکاری چھٹیوں پر جانے سے قبل آج یورپی یونین کے رکن ملک آسٹریا کے شہر سالسبرگ میں آسٹرین چانسلر سے ملاقات کریں گی جس میں بریگزٹ ڈیل سے متعلق گفتگو کی جائے گی۔

    برطانوی خبر رساں ادارے کا کہنا تھا کہ برطانوی وزیر اعظم تھریسا مے آسٹرین چانسلر کی مہمان کے طور پر سالسبرگ میں منعقد ہونے والے میوزیکل فیسٹول میں شرکت بھی کریں گی۔

    غیر ملکی خبر رساں ادارے کا کہنا تھا کہ تھریسا مے آسٹریا میں چانسلر کرز اور چیک ری پبلک کے وزیر اعظم اینڈریج بابس سے بھی بریگزٹ ڈیل کے حوالے سے بات چیت کریں گی،

    غیر ملکی خبر رساں ادارے کا کہنا تھا کہ تھریسا مے کا خیال ہے کہ بریگزٹ کے بعد برطانیہ اور یورپی یونین کے درمیان مستقبل کے تعلقات کے حوالے سے بنائے گئے منصوبے پر آسٹریا اور چیک ریپبلک کی حمایت حاصل کرلیں گی۔

    برطانوی خبر رساں ادارے کے مطابق یورپی یونین کے چیف جین کلاؤڈ جنکر نے تھریسا مے کے بریگزٹ منصوبے کو مسترد کردیا ہے۔

    برطانوی حکام اور یورپی یونین نے اس بات پر اتفاق کیا ہے کہ رواں برس اکتوبر تک بریگزٹ سے متعلق حتمی معاہدہ طے کرلیا جائے، کیوں کہ مارچ 2019 میں برطانیہ یورپی یونین سے علیحدہ ہوجائے گا۔

    غیر ملکی خبر رساں ادارے کا کہنا تھا کہ بریگزٹ ڈیل کے حوالے یورپی یونین اور برطانوی حکام کی تیاری مذاکرات کے اختتام جاری رہے گی چاہیے معاہدہ نہ بھی ہوسکے۔

    خیال رہے کہ ایک روز قبل برطانیہ کی وزیر اعظم نے یورپی یونین سے علیحدگی کے حوالے مذاکرات خود کرنے کا اعلان کیا تھا، جبکہ وزیر برائے بریگزٹ کو بریگزٹ کے حوالے سے ملک کے داخلی معاملات پر توجہ دینے کی ذمہ دی تھی۔

    غیر ملکی خبر رساں ادارے کا کہنا تھا کہ برطانوی وزیر اعظم تھریسا مے نے بریگزٹ مذاکرات خود کرنے کا اعلان ایسے وقت میں کیا تھا، جب وفاقی کابینہ میں بیشتر وزراء استعفے دے رہے ہیں اور بریگزٹ ڈیل میں مسلسل تاخیر کے باعث عوام میں بھی بے چینی پائی جارہی ہے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • جوہری ڈیل کی خاطر ایران کو مراعات دی جائیں گی: یورپی ممالک کا عزم

    جوہری ڈیل کی خاطر ایران کو مراعات دی جائیں گی: یورپی ممالک کا عزم

    ویانا: یورپی ممالک نے اس عزم کا اظہار کیا ہے کہ وہ ایرانی عالمی جوہری معاہدے کو بچانے کے لیے ہر حد تک جائیں گے، جوہری ڈیل کی خاطر ایران کو مراعات دی جائیں گی۔

    تفصیلات کے مطابق امریکا کی جانب سے ایران جوہری معاہدے سے دست برداری کے بعد پیدا ہونے والی صورت حال کے تناظر میں یورپی ممالک کا یہ مشترکہ موقف سامنے آیا ہے۔

    غیر ملکی خبر رساں ادارے کے مطابق یورپی ملک آسٹریا کے دار الحکومت ویانا میں جوہری معاہدے پر دوبارہ دست خط کرنے سے متعلق ایک تقریب ہوئی جہاں ایرانی وزیر خارجہ جواد ظریف سمیت یورپی رہنماؤں نے شرکت کی۔

    امریکا کی طرف سے ایرانی عالمی جوہری معاہدہ ختم کرنے کے باوجود اس ڈیل کے فریق دیگر ممالک نے عہد کیا ہے کہ وہ اس تاریخی ڈیل کو بچانے کی خاطر ہر ممکن کوشش کریں گے۔


    امریکی پابندیاں جرم اور جارحیت ہیں‘ ایرانی صدر


    اس موقع پر ایرانی وزیر خارجہ جواد ظریف نے کہا کہ امریکی دباؤ کے باوجود دیگر ممالک کی کوششیں قابل ستائش ہیں، ہم یورپی ممالک کے ساتھ مل کر جوہری ڈیل کو قائم رکھنا چاہتے ہیں۔

    ان کا کہنا تھا کہ یورپی ممالک کو چاہیے کہ وہ ایران پر عائد کردہ امریکی پابندیوں کے خلاف بھی اقدامات کریں، اب ہم اقدامات کو عملی شکل دینے کے مراحل میں داخل ہوچکے ہیں۔


    جوہری معاہدے کا احترم ملکی مفادات کے تحفظ تک جاری رکھیں گے: ایرانی صدر


    خیال رہے کہ گذشتہ روز ایرانی صدر حسن روحانی نے ویانا میں میڈیا سے گفتگو کرتے ہوئے کہا تھا کہ امریکی صدر ڈونلڈ ٹرمپ کی جانب سے ایران پر اقتصادی پابندیاں جرم اور جاحیت ہیں۔

    انہوں نے یہ بھی کہا تھا کہ ایران پر ماضی میں بھی امریکا نے پابندیاں لگائی تھیں جس کا ہم نے مقابلہ کیا اور اب بھی کریں گے، ایران ہر مشکل حالات کا مقابلہ کرنے کی صلاحیت رکھتا ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فرانس میں بم دھماکےکی منصوبہ بندی کرنےکےالزام میں ایرانی سفارت کار گرفتار

    فرانس میں بم دھماکےکی منصوبہ بندی کرنےکےالزام میں ایرانی سفارت کار گرفتار

    ویانا: جرمنی کی پولیس نے حزب مخالف سے تعلق رکھنے والے ایرانی سیاست دانوں کو بم دھماکے میں ہلاک کرنے کی مبینہ منصوبہ بندی کرنے پر ایرانی سفارت کار کو گرفتارکرلیا۔

    تفصیلات کے مطابق حزب مخالف سے تعلق رکھنے والے ایرانی سیاست دانوں کو بم دھماکے میں ہلاک کرنے کی منصوبہ بندی کرنے کے الزام میں ایرانی سفارت کار کوپولیس نے حراست میں لے لیا۔

    ایرانی سفارت کار کے علاوہ بیلجیئم کی شہریت رکھنے والے جوڑے کو برسلز سے گرفتار کیا گیا ہے۔ یہ دونوں ایرانی نژاد ہیں۔

    پولیس نے ایرانی سفارت کار اسداللہ اے کو جرمنی سے گرفتار کیا ہے وہ آسٹریا کے دارالحکومت ویانا میں ایرانی سفارت خانے میں تعینات ہیں۔

    آسٹریا نے ایران سے اسداللہ اے کا سفارت کار کا درجہ ختم کرنے کا کہا ہے لیکن آسٹرلیا خود بھی سفارتی استثنیٰ ختم کرسکتا ہے۔

    دوسری جانب تہران نے اس قسم کی منصوبہ بندی میں ملوث ہونے سے انکار کیا ہے۔

    خیال رہے کہ ایرانی سفارت کار کی گرفتار ایک ایسے وقت میں سامنے آئی ہے جب ایرانی صدر حسن روحانی جوہری معاہدے پربات چیت کے لیے آج آسٹریا پہنچ رہے ہیں۔

    امریکی صدر ٹرمپ کا ایران سے جوہری معاہدہ ختم کرنے کا اعلان

    یاد رہے کہ رواں برس مئی میں امریکی صدر ڈونلڈ ٹرمپ نے یورپی ممالک کے اصرار کے باوجود ایران کے ساتھ جوہری معاہدہ ختم کردیا تھا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • آسٹریا میں سیاسی مقاصد میں استعمال ہونے والی سات مساجد کو بند کرنے کا فیصلہ

    آسٹریا میں سیاسی مقاصد میں استعمال ہونے والی سات مساجد کو بند کرنے کا فیصلہ

    ویانا : آسٹریا کی حکومت نے  مبینہ طور پر غیر ملکی امداد سے چلنے والی سات مساجد کو بند کرنے کا فیصلہ کیا ہے اور ان مساجد کے اماموں کو بھی ملک بدر کردیا جائے گا۔

    تفصیلات کے مطابق آسٹریا نے فیصلہ کیا ہے کہ مسلمانوں کی ایسی سات مساجد جو سیاسی مقاصد کیلئے استعمال ہورہی ہیں یا غیر ملکی فنڈنگ سے چلائی جارہی ہیں انہیں بند کر کے ان کے اماموں کو ملک سے باہر نکال دیا جائے گا۔

    اس حوالے سے آسٹریا کے چانسلر سبیس چین کُرز کا کہنا تھا کہ اس اقدام کا مقصد ملک میں سیاسی اسلام کی بیخ کنی کرنا ہے، انہوں نے بتایا کہ انہیں شک ہے کہ کچھ مساجد کا تعلق ترکی کے قوم پرستوں سے ہے۔

    آسٹریا کی حکومت کا کہنا ہے کہ ملک میں موجود 260 اماموں میں سے 60 کے بارے میں تفتیش ہو رہی ہے، جن میں سے 40 ایسے ہیں جن کا تعلق اے آئی ٹی بی سے ہے اور یہ مسلمان تنظیم ترک حکومت کے بہت قریب ہے۔

    برطانوی نشریاتی ادارے بی بی سی کے مطابق ترکی کے صدارتی ترجمان نے آسٹریا کے اس اقدام کو اسلام مخالف، نسل پرستانہ اور متعصب قرار دیا گیا ہے۔

    ترک صدر کے ترجمان ابراہیم کلین نے اس حوالے سے ایک ٹویٹ میں کہا کہ آسٹریا کے چانسلر کے اس اقدام کا مقصد مسلمانوں کو نشانہ بنا کر محض اپنی سیاست چمکانا ہے۔

    واضح رہے کہ آسٹریا کی حکومت عرب مذہبی کمیونٹی کے نام سے قائم ایک تنظیم کو تحلیل کر رہی ہے، یہ تنظیم بند ہونے والی چھ مساجد کو چلا رہی ہے۔ ان میں تین مساجد ویانا، دو اپر آسٹریا جبکہ ایک کارتینیا میں واقع ہے۔

  • مرغیوں سے بھرا ٹرک الٹنے سے ہزاروں مرغیاں سڑک پر آگئیں

    مرغیوں سے بھرا ٹرک الٹنے سے ہزاروں مرغیاں سڑک پر آگئیں

    یورپی ملک آسٹریا میں نیند سے جھومتے ٹرک ڈرائیور سے مرغیوں سے بھرا ٹرک بے قابو ہوگیا جس کے باعث ہزاروں مرغیاں سڑک پر گر گئیں اور انہوں نے ہائی وے کو بلاک کردیا۔

    یہ واقعہ اس وقت پیش آیا جب دن کے وقت ایک ٹرک ڈرائیور اپنے ٹرک میں مرغیوں کو ایک جگہ سے دوسری جگہ منتقل کر رہا تھا۔ ڈرائیور کا کہنا ہے کہ ٹرک چلاتے ہوئے لمحہ بھر کو اسے نیند کی جھپکی آئی جس سے ٹرک ایک قریبی پل کے ستون سے جا ٹکرایا۔

    ٹرک کے ٹکراتے ہی مرغیوں سے بھرے ڈبے اچھل کر ٹرک سے باہر گر پڑے جس سے ہزاروں مرغیوں نے باہر نکل کر ہنگامہ برپا کردیا۔

    ٹرک میں 75 ہزار مرغیوں سے بھرے ڈبے موجود تھے جن کے باہر نکلتے ہی سڑک پر مرغیوں کا سیلاب آگیا۔ موقع پر موجود افراد نے امدادی کارکنان کو طلب کیا جنہوں نے آتے ہی سب سے پہلے ہائی وے کا ایک حصہ بند کردیا۔

    سڑک پر موجود 120 ریسکیو اہلکاروں کو مرغیوں نے تگنی کا ناچ نچا دیا جو انہیں پکڑنے کی کوشش کر رہے تھے۔

    واقعے میں کئی مرغیاں ادھر ادھر بھاگ نکلیں جنہیں پکڑا نہ جاسکا۔ کچھ مرغیاں ڈبوں اور گاڑیوں کے نیچے آنے سے ہلاک بھی ہوئیں۔

    گھنٹوں تک اس بھاگ دوڑ کے باعث ہائی وے بلاک رہی اور لوگ گاڑیوں میں بیٹھے راستہ کھلنے کا انتظار کرتے رہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آسٹرین صدر نے نقاب پہننے اور قرآن تقسیم کرنے پر پابندی کی منظوری دے دی

    آسٹرین صدر نے نقاب پہننے اور قرآن تقسیم کرنے پر پابندی کی منظوری دے دی

    ویانا: یورپی ملک آسٹریا کے صدر الیگزینڈر وین ڈیر بیلن نے خواتین کے نقاب کرنے اور عوام میں قرآن کے نسخے تقسیم کرنے پر عائد پابندی کی منظوری دے دی۔

    تفصیلات کےمطابق نقاب پر پابندی کا یہ قانون آسٹریا کی پارلیمان نے مئی میں منظور کیا تھا جس پر صدر الیگزینڈر وین ڈیر بیلن نے دستخط کردیے ہیں جس کے نتیجے میں یہ باقاعدہ قانون بن گیا ہے۔

    چہرے کا نقاب کرنے والی خواتین کے خلاف 150 یورو کا جرمانہ عائد کیا جائے گا جبکہ انتہا پسندی کے لٹریچر پر پابندی لگانے کے نام پر قرآن کے نسخے تقسیم کرنے پر بھی پابندی لگادی گئی ہے۔

    نقاب پر پابندی کےعلاوہ مہاجرین کے انضمام کے لیے بارہ ماہ کا ایک کورس بھی متعارف کروایا گیا ہے جس پر تارکین وطن کو دستخط کرنے کا پابند کیا گیا ہے۔

    خیال رہےکہ جو مہاجرین آسٹریا میں رہائش پذیر ہونے کے خواہش مند ہیں، انہیں اسکولوں میں جاتے ہوئے یہ کورس کرنا ہوگا۔ان اسکولوں میں نہ صرف مقامی زبان سکھائی جائے گی بلکہ انہیں مقامی رواج اور اقدار کی تعلیم بھی دی جائے گی۔


    جرمنی میں خواتین کےنقاب پہننے پرپابندی


    یاد رہےکہ دو ماہ قبل جرمنی میں سرکاری ملازم خواتین پردوران ملازمت نقاب پہننے پرپابندی کا قانون منظور کرلیاگیا تھا۔


    سوئٹزرلینڈ میں عوامی مقامات پر مسلمان خواتین کے نقاب کرنے پر پابندی


    واضح رہےکہ فرانس،آسٹریا،بیلجیئم،ڈنمارک،روس،اسپین،سوئٹزرلینڈ اور ترکی میں پہلے ہی چند خصوصی مقامات پر نقاب پہننے پر پابندی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • آسٹریا میں خصوصی بچوں کے ونٹر گیمز، 2 پاکستانی بچے نامزد

    آسٹریا میں خصوصی بچوں کے ونٹر گیمز، 2 پاکستانی بچے نامزد

    ایبٹ آباد : یہ بات ملک کیلئے اعزاز ہے کہ ایبٹ آباد سے تعلق رکھنے والے دو خصوصی بچے حذیفہ اور رمشہ آسٹریا میں خصوصی بچوں کے ونٹر گیمزمیں پاکستان کی نمائندگی کریں گے۔

    آسٹریا میں خصوصی بچوں کے ونٹر گیمز دو ہزار سترہ میں پاکستان کی نمائندگی کیلئے ایبٹ آباد سے دو بچوں کو نامزد کرلیا گیا ہے، خصوصی بچے حزیفہ اوررمشہ آسٹریا میں پاکستان کا نام روشن کرنے لئے پرعزم ہیں۔

    رائزفور انکلو سیو ایجو کیشن اسکول کی پرنسپل کا کہنا ہے کہ گیمز کے لئے بچوں کو بھرپور تیاری کروائی ہے اور وہ بہتر نتا ئج کیلئے پر امید ہیں۔

    دوسری جانب پاکستان کا سولہ رکنی دستہ سپیشل ونٹر اولمپک گیمز میں شرکت کے لئے تیرہ مارچ کواسلام آباد سےآسٹریا روانہ ہو گا۔ وزیر اعلیٰ شہباز شریف نے پنجاب کے تین کھلاڑیوں کو تین تین لاکھ روپے کی سپانسر شپ دی ہے۔

    پنجاب کے وزیر کھیل جہانگیر خانزادہ نے سپیشل اولمپکس کے عہدیداروں کے ہمراہ پریس کانفرنس کرتے ہوئے بتایا کہ پاکستان کے دستے میں چھ لڑکیاں، چھ لڑکے اور چار آفیشلز شامل ہوں گے، پنجاب سے تعلق رکھنے والے کھلاڑی فرح احسن، مہوش اور عبداللہ کراس کنٹری سکی اور سنو شوئنگ کے ایونٹس میں حصہ لیں گے۔

    انہوں نے بتایا کہ پہلی مرتبہ حکومت پنجاب نے خصوصی کھلاڑیوں کی سرپرستی کی ہے، مقابلوں میں حصہ لینے والے کھلاڑیوں نے ایونٹ میں گولڈ میڈل حاصل کرنے کے عزم کا اظہار بھی کیا ہے۔

    خیال رہے کہ دو ہزار سولہ میں برونائی اسپیشل اولمپکس گیمز میں رمشہ نے دو چاندی اور ایک کانسی کا تمغہ جیتا تھا۔

  • آسٹریا : ایڈولف ہٹلرکی جائے پیدائش منہدم کرنے کا فیصلہ

    آسٹریا : ایڈولف ہٹلرکی جائے پیدائش منہدم کرنے کا فیصلہ

    ویانا : تاریخ میں ظالم کے نام سے مشہور سابق جرمن آمر ایڈولف ہٹلر کا مکان گرانے کی تیاریاں کر لی گئیں،آسٹریا کی حکومت نے فیصلہ کیا ہے کہ اس عمارت کو نازیوں کا مرکز بننے سے بچانے کے لیے منہدم کرنا ضروری ہے، اس حوالے سے قانون سازی بھی کی جائے گی۔

    تفصیلات کے مطابق سابق جرمن آمر ایڈولف ہٹلر کی آسٹریا میں اس رہائش گاہ کو منہدم کرنے کا فیصلہ کیا گیا ہے جہاں وہ پیدا ہوا، مکان پر حکومت اور اس کی مالکن کے درمیان تنازعہ چل رہاتھا۔

    حکومت کا کہنا ہے کہ اس اقدام کا مقصد اس عمارت کو نازیوں کا مرکز بننے سے بچانا ہے۔ یہ گھر جو پہلے ایک گیسٹ ہاؤس تھا اس کے مستقبل کے بارے میں ملک میں بحث کی جا رہی ہے۔ جس میں اسے گرانے یا اس کے استعمال میں تبدیلی پر بات کی جا رہی ہے۔

    یہ بحث اس وقت زیادہ سنجیدہ ہوئی جب مکان کی مالکن نے اسے بیچنے سے انکار کر دیا تھا۔ اخبار ڈائے پریسی کے مطابق ملک کے وزیر داخلہ ولف گینگ سوبوتکا نے ماہرین کی ٹیم سے کہا کہ انہوں نے اس گھر کو مہندم کرنے کا فیصلہ کیا ہے۔

    اخبار کا مزید کہنا ہے کہ یہاں بنائی جانے والی نئی عمارت انتظامی امور یا پھر فلاحی کاموں کے لیے استعمال میں لائی جائے گی۔ اس گھر کی مالکن نے جو کہ اب ریٹائرڈ ہو چکی ہیں۔

    اس تین منزلہ عمارت کو حکومت کے ہاتھ بیچنے سے متعدد بار انکار کیا۔ مگر اب یہ توقع کی جا رہی ہے کہ آسٹریلیا کی پارلیمان جلد ہی اس مکان کا قبضہ اس کی مالکن سے لینے کا قانون پاس کرے گی۔

  • سعودی عرب نے شام میں فوجی کاروائی کا عندیہ دے دیا

    سعودی عرب نے شام میں فوجی کاروائی کا عندیہ دے دیا

    ریاض: سعودی عرب کا کہنا ہے بشارالاسد کی مخالفت جاری رکھیں گے اورشام میں فوجی کارروائی کا آپشن اب بھی موجود ہے۔

    شام میں فوجی کاروائی کا عندیہ آسٹریا کے وزیر خارجہ کے ہمراہ پریس کانفرنس کرتے ہوئے سعودی وزیرخارجہ عادل الجبیرنے دیا۔

    ان کاکاکہنا تھاکہ شام کے صدربشارالاسدکے خلاف شامی اپوزیشن کی حمایت جاری رکھیں گے۔

    انہوں نے یہ بھی کہا کہ شام میں فوجی کارروائی کاآپشن بھی موجودہے۔

    عادل الجبیر کا کہنا تھا کہ شام کےاپوزیشن گروپوں سےامن مذاکرات کیلئے رابطے میں ہیں تاہم مذاکرات کی تاریخ طےنہیں کی گئی۔