ٹی 20 ورلڈ کپ کے سپر 12 مرحلے میں انگلینڈ اور آسٹریلیا میچ جاری ہے دوسرے ہی اوور میں کرس ووکس نے اسمتھ کا ناقابل یقین کیچ تھام لیا۔
تفصیلات کے مطابق دبئی میں کھیلے جانے والے میچ میں آسٹریلیا کی 4 وکٹیں 21 رنز پر گر گئیں، کرس جارڈن کے دوسرے اوور میں کرس ووکس نے اسٹیو اسمتھ کا شاندار کیچ پکڑ کر دیکھنے والوں کو حیران کردیا۔
آئی سی سی نے کرس وکس کے کیچ کی ویڈیو انسٹاگرام پر شیئر کی۔
ویڈیو میں دیکھا جاسکتا ہے کہ اسٹیو اسمتھ ایک رن پر بیٹنگ کررہے تھے کرس جارڈن نے انہیں سلو باؤنسر کروائی جسے اسمتھ کھیلنے گئے اور کیچ آؤٹ ہوئے۔
کرس ووکس کیچ پکڑنے کی پوزیشن میں نہیں تھے اور گیند ان کے سر کے اوپر سے جارہی تھی لیکن انہوں نے شاندار طریقے سے کیچ تھام لیا۔
ووکس کے کیچ کو شائقین کرکٹ کی جانب سے بھی پسند کیا جارہا ہے اور انگلش ٹیم کی جیت کی پیشگوئی بھی کی جارہی ہے۔
