آئی سی سی ٹی 20 ورلڈ کپ کے میچ میں سری لنکا اور آسٹریلیا کی ٹیمیں مدمقابل ہیں۔
پرتھ میں کھیلے جانے والے میچ میں آسٹریلیا نے سری لنکا کے خلاف ٹاس جیت کر پہلے بولنگ کا فیصلہ کیا ہے، سری لنکا کی پہلی اننگز میں بیٹنگ جاری ہے۔
سری لنکا نے 16 اوورز میں چار وکٹوں کے نقصان پر 111 رنز بنالیے ہیں۔پتھون نسانکا نے 40 رنز کی ذمہ دارانہ اننگز کھیلی، دھنن جیا ڈی سلوا نے 26 رنز کی اننگز کھیلی۔
آسٹریلیا کی جانب سے مچل اسٹارک، پیٹ کمنز، ایشٹن اگر اور گلین میکسویل نے ایک، ایک وکٹ حاصل کی۔
میچ میں آسٹریلوی اوپنر ڈیوڈ وارنر نے شاندار فیلڈنگ کرتے ہوئے باؤنڈری لائن کئی یقینی باؤنڈریز بچائیں اور آئی لینڈرز کو دباؤ میں رکھا۔
ویڈیو میں دیکھا جاسکتا ہے کہ 10.3 اوور میں دھنن جیا ڈی سلوا نے اسٹونس کی گیند پر شاندار اسٹروک کھیلا جو یقینی طور پر چھکا تھا لیکن ڈیوڈ وارنر نے اسے ناکام بنادیا۔
واضح رہے کہ ٹی 20 ورلڈ کپ میں سری لنکا نے اپنے پہلے میں کامیابی حاصل کی تھی جبکہ آسٹریلیا کو نیوزی لینڈ کے ہاتھوں شکست ہوئی تھی۔
