ARYNews.tv | Urdu – Har Lamha Bakhabar

Tag: AwamiMarch

  • پیپلز پارٹی کا فیض آباد چوک بلاک کرنے کا اعلان

    پیپلز پارٹی کا فیض آباد چوک بلاک کرنے کا اعلان

    اسلام آباد: پیپلز پارٹی نے فیض آباد چوک بلاک کرنے کا اعلان کر دیا ہے، پولیس کی جانب سے رکاوٹوں‌ پر بلاول بھٹو کے قافلے نے ریور گارڈن پر اچانک دھرنا دے دیا تھا، تاہم کچھ دیر کے بعد قافلہ ڈی چوک کی طرف روانہ ہو گیا۔

    پی پی رہنما فیصل کریم کنڈی نے بتایا کہ ہمارے کارکنوں کو جگہ جگہ رکاوٹیں لگا کر روکا گیا ہے، جب تک پورا قافلہ آگے نہیں جائے گا فیض آباد بلاک رہے گا۔

    انھوں نے کہا ہم ہر چوک پر دھرنا دینے جا رہے ہیں، سب ساتھ چلیں، قافلے کو روکنا حکومت کی ناکامی ہے، ڈی چوک کے کارکنوں کو کہتے ہیں ہم پہنچیں گے آپ کہیں نہیں جانا، اسلام آباد پولیس کی سازش ہے کہ دھرنے کو ناکام بنایا جائے۔

    فیصل کریم کنڈی نے کہا ہمارے کارکنان کو روکنے کی کوشش کی جا رہی ہے، ہم اس وقت تک یہاں رہیں گے جب تک پولیس کارکنان کو چھوڑ نہ دیں، انتظامیہ سے کہہ رہا ہوں اتنا کریں جتنا بعد میں برداشت کر سکیں۔

    فیصل کنڈی نے کہا اب عمران جانے والا ہے، انتظامیہ فیصلہ کرے کل جواب بھی دینا ہے، ریڈی میٹ کپڑے خرید لیں، عید سے پہلے عید ہونے والی ہے۔

  • ‘چوہدری صاحب کی شیروانی تیار ہے ، صرف پہننے کا فیصلہ ہونا باقی ہے’

    ‘چوہدری صاحب کی شیروانی تیار ہے ، صرف پہننے کا فیصلہ ہونا باقی ہے’

    لاہور : پیپلزپارٹی کے جنرل سیکرٹری وسطی پنجاب سید حسن مرتضی کا کہنا ہے کہ چوہدری صاحب کی شیروانی تیارہے ، صرف پہننے کا فیصلہ ہوناباقی ہے۔

    تفصیلات کے مطابق پیپلزپارٹی کے جنرل سیکرٹری وسطی پنجاب سیدحسن مرتضی نے پریس کانفرنس کرتے ہوئے کہا چوہدری صاحب کی شیروانی بن گئی ہے،صرف پہننے کا فیصلہ ہونا باقی ہے۔

    حسن مرتضیٰ کا کہنا تھا کہ پرویزالٰہی کی شیروانی تیار ہے، آصف زرداری آئیں گے توفیصلہ کریں گے، عوامی مارچ وسطی پنجاب میں داخل ہورہاہے اور عوام کا سمندربلاول بھٹوزرداری کے ساتھ آ رہ اہے۔

    پیپلزپارٹی کے جنرل سیکرٹری نے مزید کہا چیچہ وطنی سے خان کی الٹی گنتی شروع ہو جائے گی ، حکومتی اتحادی ہمارے رابطے میں ہیں۔

    ان کا مزید کہنا تھا کہ آپ کی بھول ایک آدھ دن میں نکل جائے گی ، آپ کوبہت بڑاڈینٹ پڑنےوالاہے، آپ کے بوجھ تلے کئی لوگ سسک رہے ہیں۔

  • سلیکٹڈ وزیراعظم کو بھگانا اور پاکستان بچانا ہے، بلاول بھٹو

    سلیکٹڈ وزیراعظم کو بھگانا اور پاکستان بچانا ہے، بلاول بھٹو

    ٹنڈو محمد خان: چیئرمین پاکستان پیپلز پارٹی بلاول بھٹو کا کہنا ہے کہ سلیکٹڈ کو بھگانےاور پاکستان کو بچانےکا وقت آگیا ہے۔

    تفصیلات کے مطابق پی پی پی کا وفاقی حکومت کے خلاف ‘ عوامی مارچ’ اسلام آباد کی جانب رواں دواں ہیں، لانگ مارچ کے شرکا نے آج دوسرے روز ٹنڈو محمد خان سے اپنے سفر کا آغاز کیا۔

    چیئرمین پاکستان پیپلز پارٹی بلاول بھٹو نے جم غفیر شرکا سے جذباتی خطاب کیا ، بلاول بھٹو نے کہا کہ عوام کوحقوق دلانے کے مقصد اور جدوجہد کیلئے نکلے ہیں، انشاللہ یہ عوامی مارچ کامیاب رہے گا۔

    بلاول بھٹو نے شرکا سے مخاطب ہوتے ہوئے کہا کہ ٹنڈومحمد خان والو کیا آپ کو تبدیلی پسند آئی؟ اگر تبدیلی نہیں آئی تو وقت آگیا کہ ہم نے سلیکٹڈ کو بھگانا ہے، ہم نے سلیکٹڈ وزیراعظم کو بھگانا اور پاکستان بچاناہے۔

    چیئرمین پاکستان پیپلز پارٹی کا کہنا تھا کہ عام آدمی مہنگائی کی سونامی میں ڈوب رہاہے، آج ایک بار پھر عوام مشکل میں،کسان اور مزدورپریشان ہیں، آپ نے پاکستان کے غریب عوام کو مشکل سے نکالنا ہے۔

    بلاول بھٹو کا مزید کہنا تھا کہ مساوات ہماری معیشت اور طاقت کا سرچشمہ عوام ، شہادت ہماری منزل ہے، ہمارا منشور ، نظریہ وہی ہے جو قائد عوام اوربینظیر بھٹونےدیاتھا، پی پی کے جیالوں نے ہر دور کے آمر کا ڈٹ کا مقابلہ کیا اور اب سلیکٹڈ وزیراعظم کو بھی گھر بھیج کر دم لیں گے۔

  • لانگ مارچ سے قبل پیپلز پارٹی نے مطالبات پیش کردئیے

    لانگ مارچ سے قبل پیپلز پارٹی نے مطالبات پیش کردئیے

    کراچی: پاکستان پیپلز پارٹی نے اپنے ‘ عوامی مارچ’ سے قبل حکومت کو مطالبات بھی پیش کردئیے ہیں۔

    تفصیلات کے مطابق پیپلز پارٹی اب سے تھوڑ دیر بعد وفاقی حکومت کے خلاف مزار قائد سے لانگ مارچ کا آغاز کرنے جارہی ہے، جسے ‘عوامی مارچ ‘ کا نام دیا گیا ہے۔

    مارچ کے آغاز سے قبل پیپلز پارٹی نے کم وبیش 38 مطالبات حکومت کے سامنے رکھ دئیے ہیں جو کہ درج ذیل ہیں۔

    انیس سو تہتر کے آئین کے مطابق حکومت کے نظم و نسق پر عملدرآمد کیاجائے

    ہر سطح پر آزادانہ انتخابات کے انعقاد کا مطالبہ

    اداروں کی اپنی اپنی آ ئینی حدود میں رہ کر کارکردگی اور اختیارات کا مطالبہ

    پارلیمنٹ،کمیٹی سسٹم میں استحکام اور پائیداری ہونی چاہئیے

    اعلیٰ عدلیہ کےججز کی تقرری میں پارلیمانی کمیٹی کےکردار کا ازسر نو تعین

    آزاد الیکشن کمیشن ، قانون کی حکمرانی اور آزاد عد لیہ ہونی چاہیے، پی پی کا مطالبہ

    طلبا یونین سازی کا حق، طالبعلموں کی فلاح وبہبود کے امور میں فیصلہ ساز کردار

    پرنٹ،الیکٹرانک میڈیامیں باضابطہ،غیراعلانیہ دونوں قسم کی سینسرشپ کاخاتمہ

    میڈیا کمیشن رپورٹ کی سفارشات کے مطابق پیمرا کی آزادی کیلئےنئی قانون سازی

    سائبرکرائم قانون کی تمام غیر منصفانہ اورجابرانہ دفعات کا خاتمہ

    خواتین، اقلیتوں کیلئے منصفانہ اجرت پالیسی کیلئےمساوات کمیشن کا قیام

    خواتین پر تشدد، تیزاب حملوں ،جنسی ہراساں کے قوانین پر لازمی عملدر آمد کامطالبہ

    اقلیتوں کی جبری تبدیلی مذہب کی روک تھام کیلئےقانون سازی

    اٹھارویں ترمیم، آئین کی دیگر شقوں کے تحت صوبائی حقوق کی گارنٹی دی جائے

    بلوچ عوام کے  حقوق  کی  یقینی فراہمی ،فیصلہ سازی میں قومی اتفاق لایاجائے، مطالبہ

    بلوچ رہنماؤں کو واپس لانے ،مرکزی سیاسی دھارے میں پر اتفاق رائے لایاجائے

    آئین کے تحت تیل ،گیس کی پیداوار والےصوبوں کا ترجیحی حقوق مؤثربنایاجائے

    پر تشدد انتہا پسندی کی بیخ کنی کیلئےنیشنل ایکشن پلان پر عملدرآمد کرایاجائے

    جنوبی پنجاب کے نئے صوبے کا قیام ، نظر انداز علاقوں کی پسماندگی کاخاتمہ

    جی بی اور آزادکشمیر کی مالیاتی خودمختاری ،تفویض کردہ مالی وسائل پر اختیار دیاجائے

    مزدوروں کے لئے قابل گزارہ اجرت کی ادائیگی کا حق یقینی بنایاجائے

    تمام مزدوروں کو سوشل سیکیورٹی کا تحفظ فراہم کیاجائے

    زرعی اجناس کی قیمتوں، سبسڈی کیلئےایک نیا فریم ورک تشکیل دیاجائے

    غریب کیلئےرہائش کی فراہمی کےحق ،جبری گھر سے بے دخلی کیخلاف قانون سازی کا مطالبہ

    کچی آبادیوں،پسماندہ علاقوں کو ریگولرائز کرنے کیلئے قانونی فریم ورک کی تیاری کا مطالبہ