لاہور : وزیراعظم عمران خان کی اظہار ناراضگی کے بعد وزیراعلی پنجاب کے معاون خصوصی عون چوہدری نے بڑھی ہوئی تنخواہ نہ لینے کااعلان کردیا اور کہا پہلے سے ملنے والی تنخواہ بھی شوکت خانم کے لیے وقف ہے۔
تفصیلات کے مطابق اراکین پنجاب اسمبلی کی تنخواہوں میں اضافے کے معاملے پر وزیراعظم عمران خان کی برہمی کے بعد پنجاب کی کابینہ میں سے پہلے رکن نے اضافی تنخواہ لینے سے انکار کر دیا۔
وزیراعلی کےمعاون خصوصی عون چوہدری نے سماجی رابطے کی ویب سائٹ ٹوئٹر پر اپنے بیان میں بڑھی ہوئی تنخواہ نہ لینے کا اعلان کرتے ہوئے کہا تنخواہوں میں اضافے پروزیراعظم کا مؤقف سو فیصد درست ہے، پہلے سے ملنے والی تنخواہ بھی شوکت خانم کے لیےوقف ہے۔
I refuse to accept increased salary from Punjab govt. I stand by PM Imran Khan’s stance reg increment in salaries. My sole salary goes to Shaukat Khanum already because I believe that our priority shud be national interest and not increment in salaries. Increment not acceptable
— Awn Chaudry (@AwnChaudry) March 14, 2019
یاد رہے وزیراعظم عمران خان نے پنجاب اسمبلی میں ارکان کی تنخواہوں میں اضافے پر ناراضگی کا اظہار کرتے ہوئے کہا تھا پنجاب اسمبلی کی جانب سے اراکین اسمبلی، وزراء خصوصاً وزیراعلیٰ کی تنخواہوں اور مراعات میں اضافے کافیصلہ سخت مایوس کن ہے، پاکستان خوشحال ہوجائےتوشاید یہ قابلِ فہم ہومگر ایسے میں جب عوام کو بنیادی سہولیات کی فراہمی کیلئے بھی وسائل دستیاب نہیں،یہ فیصلہ بالکل بلاجواز ہے۔
مزید پڑھیں : وزیراعظم اراکینِ پنجاب اسمبلی کی تنخواہوں میں اضافے پربرہم
گذشتہ روز پنجاب اسمبلی میں اراکین کی تنخواہوں میں اضافے کا بل کثرت رائے سے منظور کرلیا گیا تھا ، جس کے مطابق اراکین اسمبلی کوماہانہ ایک لاکھ 95 ہزارتنخواہ ملےگی جبکہ اراکین اسمبلی کی بنیادی تنخواہ 80 ہزارروپےکردی گئی۔
اسپیکرپنجاب اسمبلی ہر ماہ 2 لاکھ 60ہزار روپے ، ڈپٹی اسپیکر 2 لاکھ 45ہزار روپے اور وزیراعلیٰ پنجاب4 لاکھ 25 ہزار روپے تنخواہ ماہانہ لیں گے۔
