ARYNews.tv | Urdu – Har Lamha Bakhabar

Tag: Axact

  • شعیب شیخ کی گرفتاری کے لیے ایف آئی اے کی ناکہ بندی

    شعیب شیخ کی گرفتاری کے لیے ایف آئی اے کی ناکہ بندی

    کراچی: ایف آئی اے نے ایگزیکٹ کے مالک شعیب شیخ کو گرفتار کرنے کے لیے سندھ ہائی کورٹ کے راستوں پر ناکے لگالیے ہیں‘ سپریم کورٹ کے حکم پر قائم اسپیشل بنچ نے شیعب شیخ کی بریت کا فیصلہ کالعدم قرار دیا ہے۔

    تفصیلات کےمطابق وفاقی تحقیقاتی ادارے کی ٹیم سندھ ہائی کورٹ پہنچ چکی ہے اور انہوں نے ایگزیکٹ کے مالک شعیب شیخ کی گاڑی کو بھی گھیر لیا ہے‘ شعیب شیخ کے وکیل کا موقف ہے کہ عدالت نے گرفتاری کا حکم نہیں دیا ہے‘ اس لیے انہیں حراست میں نہیں لیا جاسکتا۔

    دوسری جانب ایف آئی اے کا کہنا ہے کہ عدالت نے بریت کا حکم کالعدم قرار دیا ہے اس لیے انہیں حراست میں لیا جائے گا۔ ایف آئی اے نے گرفتاری کے لیے ہائی کورٹ کے تمام راستوں کی ناکہ بندی کرلی ہے۔

    شعیب شیخ سمیت تمام ملزمان کا نام ای سی ایل میں ڈالنے کا فیصلہ واپس

    گرفتاری سے بچنے کے لیے ایگزیکٹ کے مالک شعیب شیخ ایک بار پھر واپس کمرہ عدالت میں چلے گئے ہیں جبکہ ان کے وکیل معاملات کو دیکھ رہے ہیں۔

    یاد رہے کہ رواں ماہ کے آغاز میں سپریم کورٹ آف پاکستان میں چیف جسٹس میاں ثاقب نثار کی سربراہی میں تین رکنی بینچ نے ایگزیکٹ جعلی ڈگری ازخود نوٹس کیس کی سماعت کی۔سپریم کورٹ نے ایگزیکٹ جعلی ڈگری ازخود نوٹس کیس میں شعیب شیخ اور سمیع ابراہیم کی یقین دہانی پرملزمان کا نام ای سی ایل میں ڈالنے کا فیصلہ واپس لے لیا تھا۔

    بعد ازاں چیف جسٹس میاں ثاقب نثار نے ایف آئی اے کو ہدایت کی کہ ملزمان کے خلاف ضمانت منسوخی کی درخواست دائر کی جائے۔چیف جسٹس آف پاکستان نے سندھ ہائی کورٹ کو فوری طور پرکیس کی سماعت کرنے کے لیے اسپیشل بینچ تشکیل دینے کا حکم بھی دیا تھا جس کے لیے انہوں نے خصوصی ہدایت کی کہ اسپیشل بینچ دن رات کام کرکے 15 دن میں کیس کا فیصلہ کرے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

  • ایف آئی اے نے ایگزیکٹ کا پرنٹنگ پریس بھی پکڑلیا، شاہد حیات

    ایف آئی اے نے ایگزیکٹ کا پرنٹنگ پریس بھی پکڑلیا، شاہد حیات

    کراچی : ڈائریکٹرایف آئی اے شاہد حیات نے کہا ہے کہ ایگزیکٹ کا پرنٹنگ پریس بھی پکڑا گیا ہے جہاں جعلی ڈگریوں کی چھپائی ہوتی تھی۔ ان کا کہنا تھا کہ ایگزیکٹ کیخلاف تفیتش سترہ دن میں مکمل ہوجائیگی۔

    تفصیلات کے مطابق ڈائریکٹرایف آئی اے شاہد حیات نے کہا کہ ایگزیکٹ کی جعلی ڈگریوں سےمتعلق کافی مواد مل گیاہے۔

    ان خیالات کا اظہار انہوں نے کراچی میں صحافیوں سے گفتگو کرتے ہوئے کیا، ڈائریکٹرایف آئی اے نے بتایا کہ تمام معلومات ادارے کے انٹرنل ای میل کےنیٹ ورک سے ملیں۔

    شاہد حیات نے کہا کہ فرانزک ٹیم ایگزیکٹ کے معاملے کی تفتیش کررہی ہے۔ ایف آئی اے کے پاس اتنا دستاویزی ریکارڈ اکٹھا ہوگیا ہے کہ وہ عدالت سے رجوع کرسکیں۔

    ڈائریکٹر ایف آئی اے کا کہنا تھا کہ ایگزیکٹ ملازمین سےطریقہ کارسےمتعلق تفتیش کی ہے۔ دفترکرائےپرلئےگئےتھے جن کے مالکان سےبھی رابطہ کیا گیا ہے۔

  • عذیر بلوچ کو بھاگنے نہیں دیں گے، چودھری نثارعلی

    عذیر بلوچ کو بھاگنے نہیں دیں گے، چودھری نثارعلی

    راولپنڈی  : وفاقی وزیر داخلہ چودھری نثارعلی خان نے کہا ہے کہ لیاری گینگ وار کا مرکزی کردار عزیر بلوچ حکومت کی نظر میں ہے،اسے بھاگنے نہیں دیں گے۔

    انہوں نے کہا کہ معظم علی خان اور حماد صدیقی کے بارے میں اہم حقائق قوم کے سامنے جلد لائیں گے،ان کا مزید کہنا تھا کہ ایگزیکٹ کے خلاف مزید ایف آئی آر کٹ سکتی ہیں۔

    تفصیلات کے مطابق وزیر اعظم نواز شریف سے ناراضگی دور ہوتے ہی وزیر داخلہ چودھری نثار علی خان ایک بار پھر سرگرم ہو گئے۔

    راولپنڈی کے قریب ایک تقریب سے خطاب کرتے ہوئے انہوں نے کہا کہ ایک سال کے دوران کراچی میں امن و امان کی صورتحال بہتر ہو گئی ہے، تاہم ڈیڑھ کروڑ کی آبادی میں حالات بہتر بنانے میں وقت لگے گا۔

    تقریب سےقبل غیر رسمی گفتگومیں ان کا کہنا تھا کہ لیاری گینگ وار کا سربراہ عذیر بلوچ ان کی نظر میں ہے اسے بھاگنے نہیں دیں گے۔

    چوہدری نثار کا کہنا تھاکہ وہ عذیر بلوچ اور حماد صدیقی کے حوالے سے آئندہ چند دنوں میں اہم معاملات سامنے لائیں گے، ان کا کہنا تھا کہ معظم علی کے معاملے پر پاکستان اور برطانیہ کے درمیان معاملات طے ہوگئے ہیں جن پر جلد پیش رفت ہوگی۔

    وزیر داخلہ نے کہا کہ جلعی ڈگریوں کے مسئلہ پر ایگزیکٹ سےمتعلق معلومات کیلئےبرطانیہ اور ایف بی آئی کو مدد کیلئےخط لکھا ہے، جلد متحدہ عرب امارات کوایگزیکٹ سےمتعلق خط لکھاجائےگا۔

    چوہدری نثار نے کہا کہ بول کےملازمین کو ہراساں کرنے کی ہدایت نہیں کی گئی، انہوں نے بتایا کہ ایگزیکٹ سےمتعلق شواہد ملنےکےبعد مزید ایف آئی آرز کا اندراج ہوسکتاہے۔

  • جعلی ڈگریوں پرسوشل میں شیئرکی جانے والی مزاحیہ پوسٹ

    جعلی ڈگریوں پرسوشل میں شیئرکی جانے والی مزاحیہ پوسٹ

    پاکستان میں جعلی ڈگریوں کا شور کافی عرصے سے برپا ہے اور کئی سیاست دان اس معاملے کی لپیٹ میں آچکے ہیں۔ گذشتہ کچھ دنوں سے ایگزیکٹ نامی ایک آئی ٹی کمپنی اس معاملے کی لپیٹ میں ہے۔

    امریکی اخبار میں پاکستانی آئی ٹی کمپنی ایگزیکٹ کے خلاف جعلی ڈگریوں کے کاروبار کے حوالے سے خصوصی رپورٹ شائع ہوتے ہی اس معاملے پرجیسے طوفان اٹھ کھڑا ہوا۔

    ویڈیو دیکھنے کے لئے نیچے اسکرول کریں

    سوشل میڈیا پرجہاں لوگوں نے اس معاملے کو قومی وقار کی توہین اورسنجیدہ قراردیا وہیں کچھ افراد نے اس معاملے میں طنز و مزاح کا پہلو بھی تلاش کرلیا۔

    زیرِنظرکچھ ایسی ہی سوشل میڈیا پوسٹ ہم آپ تک پہنچا رہے ہیں جن میں ایگزیکٹ اوراس سے منسلک ٹی چینل ’’ بول‘‘ کو تنقید کا نشانہ بنایا گیا ہے۔

    فیس بک پر پوسٹ کی جانے والی مزاحیہ تصاویر

    ٹویٹرپرشیئر کی جانے والی دلچسپ پوسٹ

     

     

     سوشل میڈیا پر گردش کرتی ایک مزاحیہ ویڈیو

  • زمبابوے کرکٹ ٹیم کی پاکستان آمد خوش آئند ہے، خورشید شاہ

    زمبابوے کرکٹ ٹیم کی پاکستان آمد خوش آئند ہے، خورشید شاہ

    سکھر : قومی اسمبلی میں قائد حزب اختلاف اور پیپلز پارٹی کے سینئر رہنما سید خورشید شاہ نے کہا ہے کہ زمبابوے کرکٹ ٹیم کی پاکستان آمد خوش آئند ہے، امید ہے کہ پاکستان کرکٹ بورڈ دیگر انٹر نیشنل ٹیموں کو بھی مدعو کرے گا۔

    ان خیالات کا اظہار انہوں نے سکھر میں صحافیوں سے گفتگو کرتے ہوئے کیا انہوں نے کہا کہ خوشی ہے کہ کفر ٹوٹا خدا خدا کرکے،اور با لآخرچھ سال بعد زمبابوے کر کٹ ٹیم پاکستان آ گئی ہے۔

    سید خور شید احمد شاہ نے کہا کہ یہ سوچ تھی کہ پاکستان میں امن امان بہتر نہیں، ما شا اللہ امن و امان میں بہتری آئی ہے اور کر کٹ ٹیم پاکستان میں آج کھیل رہی ہے۔

    امید ہے کہ دنیا کہ بڑی کر کٹ ٹیمیں بھی پاکستان آئیں گی اور پی سی بی کو چاہئیے کہ ان کو دعوت دے اور وہ د ن دور نہیں جب انٹر نیشنل کر کٹ ٹیمیں پاکستان کے میدان پر کھیلیں گی۔

    ایک سوال کے جواب میں ان کا کہنا تھا کہ میں نہیں سمجھتا کہ حکومت کسی کو قتل کرے گی، ذوالفقار مرزا نے اپنی درخواست عدالت میں جمع کروائی ہے، انہیں  اخلاق کے دائرے میں رہ کر بات کر نی چاہیئے۔

    خورشید شاہ نے مزید کہا کہ ایگزیکٹ کے معاملے کی جو ڈیشل انکوائری کروانی چاہیئے جس کے بعد ایف آئی اے و دیگر اداروں پر بھی بات ہو گی کہ وہ کیوں بے خبر تھے۔

  • الطاف حسین کا کراچی پولیس اور سندھ حکومت کوخراج تحسین

    الطاف حسین کا کراچی پولیس اور سندھ حکومت کوخراج تحسین

    کراچی: متحدہ قومی موومنٹ کے قائد الطاف حسین نے کراچی میں سانحہ صفورا چورنگی، سبین محمود کے قتل اوردہشت گردی کے دیگر واقعات میں ملوث دہشت گردوں کی گرفتاری پر کراچی پولیس اور سندھ حکومت کو خراج تحسین پیش کیا ہے ۔

    رابطہ کمیٹی کے ارکان سے ٹیلی فون پر گفتگو کرتے ہوئے الطاف حسین نے کہاکہ کراچی میں اسماعیلی کمیونٹی کے افراداور سماجی رہنما سبین محمود کے قتل اورامریکی پروفیسر ڈیبرا لوبوپر قاتلانہ حملے کے واقعات میں ملوث دہشتگرد گروپ کے ارکان کی گرفتاری کراچی پولیس کا تاریخی کارنامہ ہے ۔

     انہوں نے کہاکہ کراچی پولیس کے افسران اور اہلکار اپنی جانوں کو ہتھیلی پر رکھ کر سفاک قاتلوں کی تلاش اور انہیں گرفتارکرنے کی کوششوں میں مصروف تھے ۔

     الطاف حسین نے کہاکہ سانحہ صفورا چورنگی اوردیگر بڑے واقعات میں ملوث سفاک دہشت گردوں کی گرفتاری پر پولیس کے افسران اور اہلکاروں کو تعریف کے مستحق ہیں۔

  • ایکزیکٹ کمپنی کے اعلیٰ عہدیداران کو گرفتار کیا جائے، الطاف حسین

    ایکزیکٹ کمپنی کے اعلیٰ عہدیداران کو گرفتار کیا جائے، الطاف حسین

    لندن : متحدہ قومی موومنٹ کے قائد الطاف حسین نے امریکہ کے معروف اخبار دی نیویارک ٹائمز کے ان انکشافات پر انتہائی دلی صدمے کا اظہار کیا ہے جس میں دی نیویارک ٹائمز نے دماغ کے پرخچے اڑادینے والا یہ انکشاف کیا ہے کہ پاکستان کی ایک سافٹ ویئر کمپنی ”ایکزیکٹ“ نے جعلی ڈگریوں سے کروڑوں ڈالرز کمائے ہیں ۔

    انہوں نے کہاکہ اگردی نیویارک ٹائمز کی رپورٹ میں پیش کئے جانے والے یہ انکشافات درست اورحقائق پرمبنی ہیں تو یہ کہنا درست ہوگا کہ ایکزیکٹ کمپنی نے یہ انتہائی سنگین اور گھناؤنا عمل کرکے پاکستان میں رہ کر پاکستان کو نقصان پہنچانے اور ملک سے غداری کاعمل کیا ہے ۔

    الطاف حسین نے وزیراعظم پاکستان میاں محمد نواز شریف اور وفاقی حکومت سے مطالبہ کیا کہ دی نیویارک ٹائمز کی اس رپورٹ میں پیش کئے جانے والے بھیانک انکشافات کی اعلیٰ ترین سطح پر فوری تحقیقات کروائی جائے ۔

    انہوں نے کہا کہ اگر یہ الزامات درست ثابت ہوں تو اس گھناؤنے فراڈ میں ملوث ایکزیکٹ کمپنی کے ایگزیکٹو لیول کے تمام افراد کو فوری طور پر گرفتارکیا جائے اور ان پر آرٹیکل 6 کے تحت مقدمہ چلاکر انہیں ایسی عبرتناک اور مثالی سزا دی جائے کہ پاکستان میں آئندہ کوئی بھی ایسے گھناؤنے عمل کا ارتکاب کرنے کا سوچ بھی نہ سکے ۔

    انہوں نے مزید مطالبہ کیا کہ ایکزیکٹ کمپنی کے ایگزیکٹو پوسٹ پر فائز تمام افراد کے نام ای سی ایل میں ڈال کر ان کے بیرون ملک جانے پر پابندی عائد کی جائے اور ان کے پاسپورٹ ضبط کئے جائیں ۔

    آخر میں الطاف حسین نے کہاکہ پاکستان کے انتہائی حساس ترین اداروں کی اتنے بڑے اورگھناؤنے فراڈ سے لاعلمی نہ صرف افسوسناک بلکہ تمام محب وطن پاکستانیوں کیلئے لمحہ فکریہ بھی ہے۔

  • ایگزیکٹ کے دفاترپرچھاپے سے جعلی امریکی سرٹیفکیٹس، لیٹر ہیڈ برآمد

    ایگزیکٹ کے دفاترپرچھاپے سے جعلی امریکی سرٹیفکیٹس، لیٹر ہیڈ برآمد

     کراچی: ایگزیکٹ کے دفترسےایف آئی اے کوخالی ڈگریاں اورجعلی تصدیقی سرٹیفکٹ مل گئے، امریکی دفترخارجہ کا لیٹر ہیڈبھی برآمد کرلیا گیا۔

      ایف آئی اے کوایگزیکٹ کےدفترسےکئی بلینک ڈگریاں بھی ملیں جن میں آسکرماؤنٹ یونیورسٹی کی بلینک ڈگری بھی شامل ہے،ایف آئی اے کوایگزیکٹ کےدفترسےامریکی دفترخارجہ کالیٹرہیڈ مل گیا۔

     ایگزیکٹ کےدفترسےامریکی دفترخارجہ کےجعلی تصدیقی سرٹیفکیٹ بھی ملے،امریکی ریاست میری لینڈکےجعلی لیٹرہیڈپرتصدیقی سرٹیفکیٹ بھی برامد ہوئے۔

    ایگزیکٹ کراچی، اسلا م آبادد فاترپرایف آئی اے کے چھا پے، اہم انکشافات

    ایگزیکٹ کےخلاف کراچی کے مختلف تھانوں میں ماضی میں درج مقدمات کو بھی دوبارہ دیکھا جارہا ہے، کراچی کے ائیرپورٹ تھانےمیں دوہزاردس میں ایگزیکٹ کےخلاف تین ایف آئی آردرج ہیں۔

    ان مقدموں میں ایگزیکٹ کےکچھ ملازم بھی گرفتارکیےگئے زرائع کےمطابق ایگزیکٹ کےحوالےسےاہم دستاویزات سامنےآنے کے بعد تحقیقاتی ادارےتفتیش کررہے ہیں۔