ARYNews.tv | Urdu – Har Lamha Bakhabar

Tag: ayaz latif palijo

  • سی پیک کے دشمنوں کا جو یار ہے وہ غدار ہے، ایاز لطیف پلیجو

    سی پیک کے دشمنوں کا جو یار ہے وہ غدار ہے، ایاز لطیف پلیجو

    کراچی: سربراہ قومی عوامی تحریک ایاز لطیف پلیجو نے کہا ہے کہ سی پیک کے دشمنوں کا جو یار ہے وہ غدار ہے، سی پیک کے دشمنوں کا ڈٹ کر مقابلہ کریں گے۔

    تفصیلات کے مطابق کراچی میں محبت سندھ ریلی کے شرکاء سے خطاب کرتے ہوئے ایاز لطیف پلیجو نے کہا کہ سی پیک پر کوئی سودے بازی نہیں ہوگی، سی پیک کے دشمنوں کے عزائم کو کامیاب نہیں ہونے دیں گے۔

    انہوں نے کہا کہ پانچ سال پہلے کہا تھا سندھ کو دوسروں کی مرضی سے تباہ کرنا چھوڑ دو، سندھ کو تباہ کرنے کا خواب دیکھنے والے آج خود تباہ ہوگئے، اس صوبے میں رہنے والے لوگوں سے محبت کرو۔

    سربراہ قومی عوامی تحریک نے کہا کہ کراچی اور سندھ پر قبضہ کرنے والے سن لیں ہم ان کے آگے نہیں جھکے، کراچی کو کچرے کا ڈھیر بنادیا گیا ہے، 22 مئی کو تم نے ہم پر چھپ کر گولیاں چلائیں، صوبے میں بدعنوانی نہیں چلنے دیں گے۔

    ایاز لطیف پلیجو نے کہا کہ سندھ کے لوگوں کو تباہ کردیا گیا ہے، سندھ کے کاشتکاروں کو تباہ کیا جارہا ہے، سندھ میں کرپشن نہیں چلنے دیں گے۔

    انہوں نے امریکی صدر ڈونلڈ ٹرمپ کو مخاطب کرتے ہوئے کہا کہ ہم نے دہشت گردی کو ہوا نہیں دی، بدقسمتی سے ملک کے کچھ لوگوں نے اسلام کے نام پر آپ کا ساتھ دیا، ہم دہشت گردی کے خلاف آپ کا ساتھ دیں گے لیکن دھمکیوں سے نہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • فاروق ستار نے پریس کانفرنس کا ڈرامہ میئرالیکشن کیلیے رچایا، ایاز لطیف پلیجو

    فاروق ستار نے پریس کانفرنس کا ڈرامہ میئرالیکشن کیلیے رچایا، ایاز لطیف پلیجو

    کراچی : عوامی تحریک کے سربراہ ایاز لطیف پیلجو نے کہا ہے کہ ایم کیو ایم نے پریس کانفرنس کا ڈرامہ صرف میئر الیکشن کیلیے رچایا ہے۔

    یہ بات انہوں نے اے آر وائی نیوز سے خصوصی گفتگو کرتے ہوئے کہی، ایاز لطیف پیلجو کا کہنا تھا کہ بغاوت کے مقدمے تک میئرز الیکشنز ملتوی کیے جائیں۔

    ان کا کہنا تھا کہ فاروق ستار کی پریس کانفرنس محض ڈرامہ ہے، میئرز کے الیکشن کیلئے امیدوار ایم کیوایم کے قائد نے ہی نامزد کیے تھے۔

    واضح رہے کہ آج شام ہونے والی ایم کیو ایم کی پریس کانفرنس میں ڈاکٹر فاروق ستار کا کہنا تھا کہ کراچی اور حیدر آباد کے میئرز ایم کیو ایم کے ہوں گے۔

    کراچی سمیت سندھ بھر میں میئر، ڈپٹی میئر اور ضلع کونسل کے چیئرمین کے انتخابات کل ہوں گے۔ میئر اورڈپٹی میئرز کے الیکشن سے ایک دن پہلے ایم کیو ایم بُری طرح پھنستی ہوئی نظر آئی لیکن ڈاکٹر فاروق ستار نے معاملات سنبھال لیے۔

    ڈاکٹرفاروق ستار نے پوری پریس کانفرنس کی اور آخر میں اہم بات بھی کہہ گئے کہ کراچی اور حیدر آباد کا میئر تو اپنا ہی ہوگا، یاد رہے کہ سندھ میں میئر،ڈپٹی میئرچیئرمین اورڈپٹی چیئرمین کے الیکشن کل چوبیس اگست کو ہورہے ہیں

     

  • سندھ حکومت کی کارکردگی غیر تسلی بخش ہے،غلام مرتضیٰ جتوئی

    سندھ حکومت کی کارکردگی غیر تسلی بخش ہے،غلام مرتضیٰ جتوئی

    حیدرآباد : وفاقی وزیر صنعت وپیداوار غلام مرتضیٰ جتوئی نے کہا ہے کہ وفاقی حکومت کراچی آپریشن پر سندھ حکومت کی مکمل معاونت کررہی ہے، بدقسمتی سے سندھ حکومت اپنی ذمہ داری صحیح طرح سے نہیں نبھارہی۔

    حیدرآباد میں پلیجو ہاؤس میں قومی عوامی تحریک کے مرکزی صدر ایاز لطیف پلیجو سے ملاقات کے بعد مشترکہ پریس کانفرنس سے خطاب کرتے ہوئے غلام مرتضیٰ جتوئی نے کہا کہ 18ویں ترمیم کے بعد سندھ حکومت کی کارکردگی غیر تسلی بخش ہے.

    وزیراعظم کراچی آپریشن کو منطقی انجام تک پہنچانا چاہتے ہیں، کراچی آپریشن کے بعد لینڈ مافیا، بھتہ خوری اور ٹارگٹ کلنگ کی وارداتوں میں کمی آئی ہے.

    ایک سوال پر وفاقی وزیر نے کہا کہ جوڈیشل کمیشن کی کاروائی باقاعدگی کے ساتھ جاری ہے جو کچھ بھی ہوا سامنے آجائے گا لیکن 2015ء میں انہیں انتخابات ہوتے ہوئے نظر نہیں آرہے ہیں.

    انہوں نے کہا کہ تھرپارکر میں چھ چھ سو میگاواٹ کے دو پاور پلانٹ لگائے جارہے ہیں جہاں سے کوئلہ نکلے گا اسی جگہ پر پاور پلانٹ لگایا جائے گا.

    اس موقع پر ایاز لطیف پلیجو کا کہنا تھا کہ کراچی میں قیام امن کی راہ میں سب سے بڑی رکاوٹ پیپلز پارٹی اور اس کی قیادت ہے جب تک کراچی میں پولیس کو غیر سیاسی نہیں کیاجاتا تب تک صورتحال بہتر ہونا ممکن نہیں.

    انہوں نے کہا کہ کراچی میں قیام امن کیلئے سپریم کورٹ کی ہدایت کے مطابق اقدامات کئے جائیں۔