پاکستان کی معروف اداکارہ عائشہ عمر نے کار بون کی سرجری کے بعد شوبز انڈسٹری سے 4 ماہ کا بریک لینے کا اعلان کر دیا۔
فوٹو اینڈ شیئرنگ ایپ انسٹاگرام پر اداکارہ عائشہ عمر نے ایک نوٹ شیئر کی ہے جس میں انہوں نے بتایا کہ یکم رمضان 12 مارچ 2024 کو شام 7 بجے میری سرجری ہوئی ہے۔
View this post on Instagram
انہوں نے مزید لکھا کہ ’بہت ہوگیا تھا ٹوٹی ہوئی ہڈی کے ساتھ ناچ گانا اور زندگی گزرنا، میں بتانا چاہتی ہوں کہ میں 8 سال پہلے حیدرآباد ہائی وے پر ایک خوفناک حادثے کا شکار ہوگئی تھی۔
عائشہ عمر نے پاکستان چھوڑنے کی وجہ بتادی؟
عائشہ عمر نے کہا کہ اس حادثے کے نتیجے میں میری کالربون اور شولڈر بلیڈ کی ہڈیاں ٹوٹ گئی تھیں اور کافی عرصے سے میں اس تکلیف کے ساتھ کام کررہی تھی، سالوں تک علاج اور تھیراپی کرائی لیکن اس کے بعد بھی ہڈیاں نہیں جڑیں۔
بلبلے کی اداکارہ کا کہنا تھا کہ کئی سالوں تک درد اور تکلیف برداشت کرنے کے بعد ہمت جمع کرکے اپنی سرجری کرالی ہے اور اب میں بہتر محسوس کررہی ہوں۔
اداکارہ نے سرجری کی تفصیلات بتاتے ہوئے کہا کہ میری ٹوٹی ہوئی ہڈیاں بہت سارے ٹشوز اور پٹھوں میں پھنسی ہوئی تھیں، تین گھنٹے تک ان کی پیچیدہ سرجری ہوئی، کل اسپتال سے ڈسچارج ہو جاؤں گی۔
عائشہ عمر نے بتایا کہ ان کے پیلوک بون (پیٹ کے نچلے حصے کے پٹھے) سے ہڈی کا کچھ حصہ ہنسلی کی جگہ پر لگایا گیا ہے جو انتہائی تکلیف دہ ہے۔
انہوں نے یہ بھی بتایا کہ میں چل نہیں سکتی اور اپنی بائیں ٹانگ پر کوئی وزن نہیں ڈال سکتی، صحت یاب ہونے میں کافی وقت لگے گا اس لیے میں 4 ماہ کے لیے انڈسٹری میں کام نہیں کروں گی۔
