Tag: ayyan ali in karachi university .

کراچی: اے آروائی نیو زکی خبرپرجامعہ کراچی کی انتظامیہ ہوش میں آئی اور ماڈل ایان علی کو مدعوکرنےوالے دو طلبہ کونوٹس جاری کردیئے۔

ایان علی کی حالیہ شہرت سے متعلق طالب علم اریب سے پوچھا گیا تو اس نے کہا دنیا اُسے کرمنل سمجھتی ہے لیکن وہ نہیں۔

 اریب کا کہنا تھا انہوں نے پروگرام کیلئے جامعہ کراچی کا پلیٹ فارم استعمال نہیں کیا، ماڈل گرل کی آمد انتظامیہ کیلئے بھی سرپرائز تھی۔

اے آر وائی نیوز کی خبر پر جامعہ کراچی کی انتظامیہ حرکت میں آئی اور ایان علی کو مدعو کرنیوالے دو طالب علموں کو نوٹس جاری کرتے ہوئے وضاحت طلب کرلی۔

واضح رہے کہ جامعہ کراچی نے ڈالر اسکینڈل کی مرکزی ملزم ایان علی سے پروجیکٹ کا افتتاح کراڈالا، ڈالرگرل کو اعزازی شیلڈ سے بھی دی گئی،جبکہ ایان کی طلبہ کے ساتھ خوب سیلفیاں بھی بنیں۔

تقریب سے خطاب میں ڈالر گرل نے کی دل کی بات بھی کہہ ڈالی ان کا کہنا تھا کہ جامعہ کراچی میں پڑھنے والے ہیں بہت خوش قسمت ہیں۔ ایان کو اپنے درمیان دیکھ کر طلبا وطبات بھی بہت خوش تھے، ڈھیروں سیلفیاں بنائیں اور ڈالر گرل کو اعزازی شلیڈ بھی دے دی۔

سپر ماڈل ایان علی ایک محکمہ منصوبے کا افتتاح کرنے کیلئے کراچی یونیورسٹی پہنچ گئی، مہمان خصوصی کے طور پر بھاری رقم لانڈرنگ اسکینڈل میں قرار مجرم ایان علی کو یونیورسٹی میں مدعو کرنے کے لئے سوشل میڈیا پر لوگوں نے غصہ کا اظہار کیا۔

ٹوئیٹر صارفین نے کراچی یونیورسٹی کے اس اقدام کو تنقید کا نشانہ بناتے ہوئے یونیورسٹی انتظامیہ سے سوال کیا کہ  ایان علی کو مہمانِ خصوصی کے طور پر کیوں مدعو کیا گیا۔

ماڈل ایان علی کو پبلک ایڈمنسٹریشن کے سیکشن کی جانب سے دو طالب علموں کی ایک جوائنٹ وینچر کا افتتاح کرنے کے لئے مدعو کیا گیا، جس کا مقصد  ان کے منافع سے تناسب کی ایک مقررہ رقم معذور افراد کی مدد کیلئے عطیہ کی جائے گی۔

ایان علی نے اپنی فیس بک پوسٹ میں کہا کہ انہوں نے سماجی مقصد کے لئے وینچر کے افتتاح کیلئے مہمان خصوصی کے طور پر مجھے مدعو کیا، جس کے بعد میری ٹیم نے چپس این ڈیپس پر تحقیق کی اور میں ان لوگوں کے کام سے متاثر ہوئی کیونکہ یہ نوجوان پڑھائی اور کام کے ساتھ غریبوں کی مدد کرنے کا جو کام وہ کر رہے ہیں، وہ کرنا اتنا آسان نہیں۔

منی لانڈرنگ کیس کے ذکر کئے بغیر ایان علی نے طالب علموں پر زور دیا کہ افواہوں کی بنیاد پر کسی بھی چیز کے بارے میں اپنے خیال پیدا نہیں کرنا چاہئے، اصل حقائق جان کر ہی اس کے بعد ان کے نقطۂ نظر کے ساتھ آگے بڑھنا چاہیے۔

تقریب کے اختتام پر ایان علی کو ایک ‘ تعریفی شیلڈ سے بھی نوازا گیا۔

یاد رہے کہ ماڈل ایان علی کو 14 مارچ کو بے نظیر انٹرنیشنل ائیرپورٹ سے منی لانڈرنگ کے الزام میں گرفتار کیا گیا تھا، ایان علی سے 5 لاکھ ڈالر برآمد ہوئے تھے، جس کے بعد122 دن کے بعد ضمانت پر رہا ہوئی۔