راولپنڈی : ماڈل ایان علی پاسپورٹ واپسی کے لئے ضمانتی مچلکے دوسرے روزبھی جمع نہ کراسکیں.
رنسی اسمگلنگ کیس میں ماڈل ایان علی کو ضبط شدہ پاسپورٹ واپس لینے کے لئے دس ،دس لاکھ روپے کے دو ضمانتی مچلکے آج کسٹم عدالت میں جمع کرانے تھے، راولپنڈی کی عدالت نے دو مچلکوں کےعوض ایان علی کی درخواست منظورکی تھی۔
ضمانتی مچلکے جمع کرانے کے بعد ماڈل ایان علی کو پاسپورٹ ملے گا.
یاد رہے کہ دو روز قبل راولپنڈی کی کسٹم عدالت نے ماڈل ایان علی کوضبط پاسپورٹ واپس کرنے کا حکم دیا تھا، عدالت نے دس ، دس لاکھ کے دو مچلکوں کےعوض ماڈل ایان علی کے پاسپورٹ واپس کرنے کی درخواست منظورکی تھی ۔
عدالت نے ایان علی پر فرد جرم عائد کی تھی تاہم ایان علی نے صحت جرم سے انکار کیا تھا ۔
