ARYNews.tv | Urdu – Har Lamha Bakhabar

Tag: Azad Kashmir

  • چار روز پہلے لاپتہ ہوئی بچی کی لاش کھیتوں سے برآمد

    چار روز پہلے لاپتہ ہوئی بچی کی لاش کھیتوں سے برآمد

    (2 اگست 2025): آزاد کشمیر میں چار روز قبل لاپتہ ہونے والی معصوم بچی کی لاش کھیتوں سے برآمد ہوئی ہے۔

    تفصیلات کے مطابق کوٹلی آزاد کشمیر کے نواحی گاؤں سید پور میں لرزہ خیز واقعہ پیش آیا ہے جہاں چار روز قبل لاپتہ ہونے والی 6 سالہ معصوم بچی کی لاش قریبی کھیتوں سے برآمد کر لی گئی۔

      مقامی حکام کا کہنا ہے کہ پولیس نے موقع پر پہنچ کر لاش کو تحویل میں لے لیا اور ابتدائی تفتیش کا آغاز کر دیا، لاش پوسٹ مارٹم کے لیے تحصیل ہیڈ کوارٹر اسپتال کھوئی رٹہ منتقل کر دی گئی ہے، جہاں ڈاکٹرز کے مطابق لاش کافی حد تک ڈی کمپوز ہو چکی ہے، جس کے باعث پوسٹ مارٹم میں مشکلات پیش آ رہی ہیں۔

    یہ بھی پڑھیں: شوہر کے سامنے خاتون سے مبینہ زیادتی کرنیوالے ملزمان پولیس مقابلے میں ہلاک

    فرانزک ماہرین کی مدد سے لاش کے نمونے حاصل کر لیے گئے ہیں، جن کی مدد سے موت کی اصل وجہ سامنے لائی جائے گی۔ ادھر علاقے میں شدید خوف و ہراس ہے، جبکہ اہل علاقہ واقعے میں ملوث افراد کی فوری گرفتاری کا مطالبہ کر رہے ہیں۔

  • آزاد کشمیر: خونخوار تیندوا 8 سالہ بچی کو گھر سے اٹھا لے گیا

    آزاد کشمیر: خونخوار تیندوا 8 سالہ بچی کو گھر سے اٹھا لے گیا

    (27 جولائی 2025): آزاد کشمیر میں لائن آف کنٹرول کے قریب تیندوا ایک گھر پر حملہ کرکے بچی کو اٹھالے گیا۔

    تفصیلات کے مطابق یہ افسوسناک واقعہ آزاد کشمیر کے ضلع ہٹیاں بالا میں لائن آف کنٹرول کے قریب پیش آیا ہے پائل کے علاقے میں ایک تیندوا اچانک آبادی میں داخل ہوکر بچی کو اٹھالے گیا بعدازاں بچی کی لاش ملی۔

    ایس ایس پی مرزا کے مطابق تین گھنٹے بعد بچی کی لاش ایک کھیت کی جھاڑیوں سے برآمد ہوئی، بچی کی گردن پر گہرے زخم اور خون چوسنے کے واضح نشانات تھے۔

    پولیس نے بتایا کہ گھر والے کھیتوں اور جنگل میں بچی کو ڈھونڈتے رہے لیکن بچی کا کوئی سراغ نہ ملا بعدازاں 8 سالہ بچی تین گھنٹے کے بعد جھاڑیوں سے مردہ حالت میں ملی۔

    پولیس حکام کا اس حوالے سے مزید کہنا تھا کہ یہ دلخراش واقعہ لائن آف کنٹرول (ایل او سی) کے قریب واقع گاؤں پنڈو نالہ میں پیش آیا، یہ گاؤں چناری سے تقریباً 15 کلومیٹر اور مظفرآباد سے 65 کلومیٹر کے فاصلے پر واقع ہے۔

    https://urdu.arynews.tv/1-year-old-bites-cobra-snake-to-death-in-bihar-village-26-july-2025/

  • وفاقی حکومت کا آزاد کشمیر کے لیے بڑا ترقیاتی پیکج دینے کا فیصلہ

    وفاقی حکومت کا آزاد کشمیر کے لیے بڑا ترقیاتی پیکج دینے کا فیصلہ

    اسلام آباد: وفاقی حکومت نے آزاد کشمیر کو بڑا ترقیاتی پیکج دینے اور ایل او سی متاثرین، دانش اسکولز اور بجلی منصوبوں پر بھرپور توجہ دینے کا فیصلہ کیا ہے، وزیر اعظم کے خصوصی پیکیج کے تحت آزاد کشمیر کے لیے 5 ارب روپے کی منظوری دی گئی ہے۔

    وفاقی ترقیاتی پیکج میں دانش اسکولز، لائن آف کنٹرول متاثرین کی بحالی اور بجلی کے منصوبے شامل کیے گئے ہیں۔ خصوصی پیکج کے تحت آزاد کشمیر میں تعلیم، توانائی اور انفراسٹرکچر کے میگا منصوبے تجویز میں شامل کیے گئے ہیں۔

    وفاقی حکومت نے آزاد کشمیر کے لیے 53 ارب 37 کروڑ روپے سے زائد مالیت کے میگا ترقیاتی پیکج کی منظوری کی تجویز دی ہے، وزیر اعظم کے خصوصی پیکج کے تحت آزاد کشمیر کے مختلف اضلاع میں اہم ترقیاتی منصوبے جاری ہیں۔

    ترقیاتی پیکج میں آزاد کشمیر بلاک الاؤنس کے لیے 32 ارب روپے مختص کرنے اورجاگراں فیز ٹو ہائیڈرو پاور منصوبے کے لیے رقم مختص کرنے کی تجویز دی گئی ہے۔ آزاد کشمیر قانون ساز اسمبلی کمپلیکس کی تعمیر کے لیے 2 ارب 97 کروڑ 47 لاکھ روپے کی منظوری دی گئی ہے۔

    مالی سال 2025-26 کا بجٹ پیش، تنخواہ داروں کیلیے ریلیف کا اعلان

    میرپور-اسلام گڑھ روڈ پر رٹھوعہ ہریام پل کی تعمیر کے لیے 1 ارب 37 کروڑ 62 لاکھ روپے مختص کرنے کی تجویز اور میرپور ایم بی بی ایس میڈیکل کالج منصوبے کے لیے 1 ارب 7 کروڑ 74 لاکھ روپے کی منظوری دی گئی ہے۔

    میر واعظ محمد فاروق شہید میڈیکل کالج مظفر آباد کے لیے 42 کروڑ 13 لاکھ روپے، جب کہ نوسہری-لیسوا بائی پاس روڈ کی تعمیر کے لیے 41 کروڑ 93 لاکھ روپے اور لائن آف کنٹرول کے متاثرہ عوام کی بحالی کے منصوبے کے لیے 60 کروڑ روپے مختص کر دیے گئے ہیں۔

    میرپور شہر و مضافاتی علاقوں میں واٹر سپلائی و سیوریج اسکیم کے لیے 1 کروڑ روپے اور ضلع نیلم میں 40 میگاواٹ دوارین ہائیڈرو پاور منصوبے کے لیے 2 کروڑ روپے مختص کیے گئے ہیں۔ آزاد کشمیر و گلگت بلتستان میں سیلولر سروسز فیز-IV کی توسیع کے لیے 19 کروڑ 98 لاکھ روپے مختص کرنے اور باغ آزاد کشمیر میں خواتین یونیورسٹی کے قیام کے لیے 17 کروڑ 95 لاکھ روپے کی منظوری کی تجویز دی گئی ہے۔

    یونیورسٹی آف کوٹلی آزاد کشمیر میں تعلیمی و تحقیقی سہولیات کے فروغ کے لیے 13 کروڑ 85 لاکھ روپے جبکہ یونیورسٹی آف کوٹلی میں اکیڈمک بلاکس و ریسرچ لیبارٹریز کی ترقی کے لیے 7 کروڑ 70 لاکھ روپے کا بجٹ تجویز کیا گیا ہے، وفاقی حکومت نے آزاد کشمیر، گلگت بلتستان اور بلوچستان میں دانش اسکولز منصوبے کے لیے 30 ارب روپے منظور کر رکھے ہیں، دانش اسکولز منصوبے کے لیے آئندہ مالی سال 2025-26 میں 8 ارب روپے مختص کرنے کی تجویزہے۔

  • آزاد کشمیر ڈڈیال میں دہرے قتل کی لرزہ خیز واردات

    آزاد کشمیر ڈڈیال میں دہرے قتل کی لرزہ خیز واردات

    میرپور: آزاد کشمیر کے نواحی شہر ڈڈیال میں ایک نہایت افسوس ناک واقعے میں ایک شخص نے اپنی بیوی اور بیٹی کو جانوں سے محروم کر دیا۔

    تفصیلات کے مطابق میرپور آزاد کشمیر کے نواحی شہر ڈڈیال، مسلم ٹاؤن میں دہرے قتل کی لرزہ خیز واردات ہوئی ہے، جس میں شوہر نے چھریوں کے وار سے بیوی اور معصوم بیٹی کو قتل اور دوسری بیٹی کو زخمی کر دیا۔

    پولیس کے مطابق ملزم محمد صدیق نے بیوی اور بیٹیوں پر چھری چلانے کے بعد اپنی جان لینے کی بھی کوشش کی، تاہم خود کشی کی کوشش میں وہ شدید زخمی ہو گیا، جس کو پولیس نے گرفتار کر لیا ہے۔

    نوجوان کامران عباس کو سر میں گولی مارنے والا ڈکیت پکڑا گیا، فوٹیج

    محمد صدیق نے چھریوں کے وار کر کے اپنی بیوی رضیہ اور 4 سالہ بیٹی ماہین کو قتل کیا، جب کہ 5 سالہ ہجویریہ خوش قسمتی سے بچ گئی تاہم وہ زخمی ہے، جسے طبی امداد دی گئی۔

    پولیس حکام کے مطابق نعشوں کا پوسٹ مارٹم کیا جا رہا ہے، ملزم کو گرفتار کر کے اس کے خلاف ایف آئی آر بھی درج کر لی گئی ہے۔ واقعے کی وجہ معلوم نہیں ہو سکی ہے کہ محمد صدیق نے اپنا خاندان کیوں ختم کرنا چاہا۔

    مبینہ تشدد سے زخمی 3 لاوارث بچوں کے والدین کی تلاش، ویڈیو رپورٹ

  • 10 روز کی تعطیلات کا اعلان، نوٹیفکیشن جاری

    10 روز کی تعطیلات کا اعلان، نوٹیفکیشن جاری

    شدید گرمی کے موسم میں بچوں کے لیے خوشخبری آگئی، 10 روز کی گرمیوں کی تعطیلات کا اعلان کر دیا۔

    تفصیلات کے مطابق آزاد کشمیر کے تمام مدارس میں گرمی کی تعطیلات کا اعلان کا اعلان کیا گیا ہے جس کا نوٹیفکیشن بھی جاری کردیا گیا ہے۔

    جاری کردہ نوٹیفکیشن  کے مطابق گرمی کی شدت کے باعث آزاد کشمیر کے تمام مدارس میں 10 روز کی تعطیلات ہوگی۔

    دوسری جانب محکمہ تعلیم پنجاب کی جانب سے بھی درجہ حرارت کو مدنظر رکھتے ہوئے گرمی کی چھٹی کا نوٹیفکیشن جاری کیا ہے۔

    محکمہ تعلیم پنجاب کی جانب سے جاری کردہ نوٹیفکیشن  کے مطابق اسکولوں میں یکم جون سے گرمیوں کی چھٹیاں دی جائیں گی۔

    سیکرٹری اسکول ایجوکیشن خالد نذیر وٹو نے میڈیا سے گفتگو کرتے ہوئے یہ بھی کہا کہ اگر گرمی کی شدت میں مزید اضافہ ہوا تو شیڈول میں تبدیلی کی جا سکتی ہے، اور چھٹیاں ممکنہ طور پر ایک ہفتہ پہلے شروع کی جا سکتی ہیں۔

    واضح رہے کہ عالمی سطح پر موسمیاتی تبدیلیوں کا اثر ہر جگہ محسوس کر رہا ہے اور پاکستان بھی ان خطرات سے محفوظ نہیں، گلوبل وارمنگ نے نہ صرف موسم کے معمولات کو درہم برہم کیا ہے بلکہ قدرتی آفات میں بھی اضافہ دیکھنے میں آ رہا ہے۔

    https://urdu.arynews.tv/rawalpindi-educational-public-holiday/

  • اپ ماڈل گاڑیوں کی قیمت پر ڈاؤن ماڈل گاڑیوں کی فراہمی، احتساب بیورو آزاد کشمیر کا نوٹس

    اپ ماڈل گاڑیوں کی قیمت پر ڈاؤن ماڈل گاڑیوں کی فراہمی، احتساب بیورو آزاد کشمیر کا نوٹس

    میرپور: احتساب بیورو آزاد کشمیر نے محکمہ صحت میں آزاد موٹرز میرپور سے گاڑیوں کی خریداری میں کروڑوں کی کرپشن پر تحقیقات شروع کر دی ہیں۔

    تفصیلات کے مطابق آزاد کشمیر احتساب بیورو نے محکمہ صحت میں 24 گاڑیوں کی خریداری کے معاملے پر تحقیقات شروع کی ہیں، اس سلسلے میں کمپنی کو نوٹس بھی جاری کر دیا گیا ہے۔

    نوٹس کے مطابق کمپنی نے محکمہ صحت کو فراہم کی گئی گاڑیوں کا بل جاری کیے بغیر گاڑیاں فراہم کیں، تحقیقات میں انکشاف ہوا ہے کہ آزاد موٹرز میرپور نے محکمہ صحت کو اپ ماڈل گاڑیوں کی قیمت وصول کر کے ڈاؤن ماڈل گاڑیاں فراہم کیں۔

    قیمتی معدنیات کے شعبے میں مفادات کا فروغ، سینیئر امریکی عہدے دار پاکستان کے دورے پر آئیں گے

    محکمہ صحت کو دی گئی گاڑیوں کا ریکارڈ کمپنی کی ویب سائٹ پر بھی موجود نہیں ہے، محکمہ صحت کو دی گئی گاڑیوں کے ٹیکس کا ریکارڈ بھی موجود نہیں ہے۔

    احتساب بیورو نے نوٹس میں استفسار کیا ہے کہ کمپنی نے 2023 ماڈل کی گاڑیاں کیوں فراہم نہیں کیں؟ کمپنی 10 دنوں کے اندر نوٹس کا جواب دے۔ نوٹس کے مطابق گاڑیوں کی قیمت کم ہونے کے باوجود محکمہ صحت کو مہنگے داموں گاڑیاں فروخت کی گئی ہیں، اور اپ ماڈل گاڑیوں کی قیمت ادا کر کے ڈاؤن ماڈل گاڑیاں لی گئیں۔

  • آزاد کشمیر میں مسافر کوچ کھائی میں جاگری، 5 افراد جاں بحق

    آزاد کشمیر میں مسافر کوچ کھائی میں جاگری، 5 افراد جاں بحق

    حویلی آزاد کشمیر پرتھاں میں مسافر کوچ کھائی میں گرنے سے 5 افراد جاں بحق جبکہ 4 مسافر شدید زخمی ہوگئے۔

    تفصیلات کے مطابق حویلی آزاد کشمیر میں ایک افسوسناک واقعہ پیش آیا ہے جہاں روڈ پر پڑی برف سے پھسلن کے باعث مسافر کوچ کھائی میں جاگری۔

    ریسکیو حکام کا کہنا ہے کہ حادثہ پرتھاں کے مقام پر پیش آیا ہے، بس کہوٹہ سے راولپنڈی جارہی تھی کہ حادثے کا شکار ہوگئی جس کے نتیجے میں 5 مسافر ہلاک ہوگئے۔

    ریسکیو حکام کا اس حادثے کے حوالے سے مزید کہنا ہے کہ جاں بحق افراد اور زخمیوں کو اسپتال منتقل کردیا گیا۔

    دوسری جانب ملکہ کوہسار مری میں تیسرے دن بھی بارش کا سلسلہ وقفے وقفے سے جاری ہے، مارچ میں دسمبر جیسی سردی کی کیفیت ہے۔

    اس کے علاوہ مظفرآباد کے داؤکھن شیڑھ گلی کے مقام پر برفانی تودےگرنے سے 2 گاڑیاں پھنس گئیں، ان مسافر گاڑیوں میں بچے سمیت 10 افراد موجود ہے جبکہ ریسکیو کیلئے جانے والی محکمہ شاہرات کی مشینری بھی برفانی تودے میں پھنس گئی ہے۔

  • اسکول جانے والی 7 طالبات لکڑی کے پل سے نیچے جا گریں

    اسکول جانے والی 7 طالبات لکڑی کے پل سے نیچے جا گریں

    بھمبر آزاد کشمیر کی تحصیل سماہنی میں قدیم پل ٹوٹ گیا، سات طالبات پل سے گر کر زخمی ہوگئیں، بچیاں اسکول سے گھر واپس جارہی تھیں۔

    پُل لوہے کے رسوں اور لکڑی سے بنا ہوا تھا، ایک جانب کے رسے ٹوٹنے سے حادثہ پیش آیا، طالبات نے رسہ پکڑ کر نیچے گرنے سے بچنے کی کوشش کی، جس کے نتیجے میں 7 لڑکیاں 10 تا 15 فٹ نیچے گر گئیں۔

    7میں سے 6 طالبات کو فوری طور پر طبی امداد کے لیے سماہنی کے تحصیل ہیڈ کوارٹر ہسپتال منتقل کیا گیا، تاہم ساتویں طالبہ کو کوئی نقصان نہیں پہنچا۔ ایک شدید زخمی طالبہ کو بھمبر کے اسپتال منتقل کردیا گیا۔

    علاقہ مکینوں نے بتایا پُل کافی عرصےسے ناکارہ تھا، حکام کو کئی بار درخواست دینے کے باوجود پُل کی مرمت نہیں کی گئی۔

  • آزاد کشمیر حکومت صدارتی آرڈیننس واپس لینے پر مجبور ہو گئی

    آزاد کشمیر حکومت صدارتی آرڈیننس واپس لینے پر مجبور ہو گئی

    مظفر آباد: آزاد کشمیر حکومت نے صدارتی آرڈیننس واپس لے لیا۔

    تفصیلات کے مطابق جوائنٹ عوامی ایکشن کمیٹی اور آزاد کشمیر حکومت کے درمیان معاملات طے پا گئے، جس کے بعد آزاد کشمیر حکومت نے صدارتی آرڈیننس واپس لے لیا ہے، نوٹیفکیشن بھی جاری کر دیا گیا۔

    جوائنٹ عوامی ایکشن کمیٹی کی جانب سے احتجاج کیا جا رہا تھا کہ صدارتی آرڈیننس واپس لیا جائے، اس سلسلے میں کمیٹی اور حکومت کے درمیان مذاکرات کے کئی ادوار ہوئے، آج مذاکرات کا آخری مرحلہ تھا جس کے بعد حکومت کی جانب سے نوٹفیکیشن جاری کر دیا گیا۔

    صدر آزاد کشمیر بیرسٹر سلطان محمود چوہدری نے وزیر اعظم چوہدری انوار الحق کے نام خط میں پیس فل اسمبلی اینڈ پبلک آرڈر آرڈیننس واپس لینے کی ہدایت کی تھی، صدر بیرسٹر سلطان نے آرڈیننس کے تحت گرفتار تمام افراد کو رہا کرنے کی بھی ہدایت کی۔ صدر کے مشیر سردار امتیاز نے کہا ہے کہ حکومت نے فوری طور پر کارروائی کا آغاز کر دیا ہے۔

    حکومتی نوٹیفکیشن سے قبل سپریم کورٹ صدارتی آرڈیننس کو معطل کر چکی تھی، تاہم ایکشن کمیٹی کا مطالبہ تھا کہ حکومت اس آرڈیننس کو باضابطہ طور پر واپس لے۔

    آزاد کشمیر میں جوائنٹ عوامی ایکشن کمیٹی نے ایک بار پھر احتجاج کی کال دے دی

    نوٹیفکیشن کے اجرا کے علاوہ فریقین میں دیگر معاملات بھی طے پا گئے ہیں، 23 جنوری کو جوائنٹ عوامی ایکشن کمیٹی کی جانب سے احتجاج کی جو کال دی گئی تھی، اسے واپس لے لیا گیا۔

    واضح رہے کہ صدارتی آرڈیننس میں بغیر اجازت جلسے جلوسوں پر پابندی عائد کی گئی تھی، اور آزاد کشمیر حکومت نے احتجاج، جلسے، مظاہرے کرنے پر 7 سال قید کا قانون لاگو کیا تھا۔ جمعرات کو اس صدارتی آرڈیننس کے خلاف عوامی ایکشن کمیٹی کی کال پر پورے آزاد کشمیر میں ہڑتال کی گئی، تعلیمی ادارے، دکانیں اور ٹرانسپورٹ مکمل بند رہی۔

    حکومت نے سیکڑوں مظاہرین کے خلاف ایف آئی آر درج کر کے درجنوں کو گرفتار کر رکھا ہے۔

  • معاہدے کے برخلاف آزاد کشمیر کو بجلی فراہمی پر سیلز ٹیکس کی بڑی وصولی کر لی گئی

    معاہدے کے برخلاف آزاد کشمیر کو بجلی فراہمی پر سیلز ٹیکس کی بڑی وصولی کر لی گئی

    اسلام آباد: ایف بی آر نے معاہدے کے برخلاف آزاد کشمیر کو بجلی فراہمی پر سیلز ٹیکس کی بڑی وصولی کر لی۔

    ذرائع کے مطابق ایف بی آر نے آزاد کشمیر کو بجلی فراہم کرنے والی 3 بجلی کمپنیوں کے اکاؤنٹس منجمد کر کے تقریباً 14 ارب روپے ریکور کر لیے ہیں۔

    ایف بی آر نے اسلام آباد الیکٹرک کمپنی کے اکاؤنٹس منجمد کر کے 10 ارب 50 کروڑ روپے ریکور کیے، پشاور الیکٹرک سپلائی کمپنی کے اکاؤنٹس منجمد کر کے تقریباً 2 ارب روپ، اور گوجرانوالہ الیکٹرک پاور کمپنی کے اکاؤنٹس منجمد کر کے 1 ارب 58 کروڑ روپے ریکور کیے۔

    بجلی کی 2 کمپنیوں کو 52 ارب 76 کروڑ روپے ٹیکس وصولی کے لیے نوٹس بھی بھیجے گئے تھے، ایف بی آر نے اسلام آباد الیکٹرک سپلائی کمپنی کو 47 ارب روپے کا نوٹس بھجوایا، اور گوجرانوالہ الیکٹرک پاور کمپنی کو 5 ارب 76 کروڑ روپے کا نوٹس بھجوایا۔

    ذرائع کا کہنا ہے کہ آزاد کشمیر کو بجلی فراہمی پر سیلز ٹیکس وصولی پر ایف بی آر اور پاور ڈویژن کا تنازع پیدا ہوا تھا، پاور ڈویژن نے سیلز ٹیکس وصولی کا تنازع حل کرنے کے لیے ای سی سی سے مدد مانگی تھی، جس پر ای سی سی نے سیکریٹری پاور، سیکریٹری خزانہ اور چیئرمین ایف بی آر ک وٹاسک دے دیا تھا۔

    حکومتی ذرائع کے مطابق ایف بی آر نے آزاد کشمیر کے لیے بجلی فراہمی پر سیلز ٹیکس استثنیٰ تسلیم نہیں کیا تھا، جب کہ پاور ڈویژن آزاد کشمیر کے لیے بجلی کی فراہمی پر سیلز ٹیکس وصولی کے حق میں نہیں ہے، کیوں کہ پاور ڈویژن، واپڈا اور آزاد کشمیر کے درمیان منگلا ڈیم ریزنگ کا معاہدہ ہوا تھا، اس معاہدے کے تحت طے پایا تھا کہ آزاد کشمیر کو بجلی فراہمی پر سیلز ٹیکس کا اطلاق نہیں ہوگا۔