ARYNews.tv | Urdu – Har Lamha Bakhabar

Tag: Azad Kashmir

  • مقبوضہ کشمیر کے بغیر پاکستان نامکمل ہے: صدر آزاد کشمیر

    مقبوضہ کشمیر کے بغیر پاکستان نامکمل ہے: صدر آزاد کشمیر

    کراچی: صدر آزاد کشمیر سردار مسعود خان کا کہنا ہے کہ مقبوضہ کشمیر کے بغیر پاکستان نامکمل ہے۔ مقبوضہ کشمیر کے عوام پاکستان سے الحاق چاہتے ہیں۔

    تفصیلات کے مطابق صدر آزاد کشمیر سردار مسعود خان نے کراچی یونیورسٹی میں خطاب کیا۔

    اپنے خطاب میں ان کا کہنا تھا کہ مقبوضہ کشمیر کے بغیر پاکستان نامکمل ہے۔ مقبوضہ کشمیر کے عوام پاکستان سے الحاق چاہتے ہیں۔

    انہوں نے کہا کہ دنیا کی کوئی طاقت کشمیریوں کو آزادی حاصل کرنے سے نہیں روک سکتی۔ ’کشمیریوں کے دل پاکستان کے ساتھ دھڑکتے ہیں‘۔

    صدر آزاد کشمیر کا مزید کہنا تھا کہ بھارت کشمیر میں انسانی حقوق کی مسلسل خلاف ورزی کر رہا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کشمیری نوجوانوں کی شہادت، صدرآزاد کشمیرڈانس پارٹی میں مگن

    کشمیری نوجوانوں کی شہادت، صدرآزاد کشمیرڈانس پارٹی میں مگن

    لندن : آزاد کشمیر کے صدر مسعود خان چھ کشمیری نوجوانوں کی شہادت کو نظر انداز کرکے رقص وسرور کی محفل سے لطف اندوز ہوتے رہے، وہ لندن میں مسئلہ کشمیر اجاگر کرنے کے حوالے سے ایک تقریب میں شرکت کیلئے آئے تھے۔

    تفصیلات کے مطابق سرکاری خرچے پر مسئلہ کشمیر اجاگر کرنے کیلئے لندن آنے والے صدر آزاد کشمیر مسعود خان ایک ہوٹل میں رقص وسرور کی محفل سے لطف انداز ہوتے رہے۔

    اہم بات یہ ہے کہ جس رات وہ اس محفل میں موجود تھے اسی رات مقبوضہ کشمیر میں بھارتی فوج نے چھ کشمیری نوجوانوں کو اپنی وحشیانہ فائرنگ کا نشانہ بناتے ہوئے شہید کردیا۔

    صدر آزاد کشمیر کی لندن میں ’’ مصروفیات کی ویڈیو ملاحظہ کریں 

    مذکورہ محفل میں بھارتی گانوں کی دھن پر رقاصائیں اپنے فن کا مظاہرہ کررہی تھیں، جسے صدر آزاد کشمیر مکمل توجہ اور دلچسپی کے ساتھ دیکھتے رہے اور انہوں نے رقاصہ کو بھرپور داد بھی دی۔

    مسئلہ کشمیر کو عالمی سطح پراجاگر کرنے کے لئے عہدیداران کے دوروں کے اخراجات ریاستی حکومت برداشت کرتی ہے لیکن یہ حضرات اس کام کی بجائے ذاتی مصروفیات میں مگن رہتے ہیں۔

    صدر آزاد کشمیر کی اس حرکت سے ملک دشمن لابی کو مذاق اڑانے کا موقع مل گیا، آزاد کشمیر کے نون لیگی صدر کی اس قدر آزادی پر سوال تو بنتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آزاد کشمیرمیں مسافروین گھائی میں گرگئی‘ 5 افراد جاں بحق

    آزاد کشمیرمیں مسافروین گھائی میں گرگئی‘ 5 افراد جاں بحق

    مظفرآباد : میرپور آزاد کشمیر میں مسافر وین کھائی میں جا گری جس کے نتیجے میں پانچ افراد جاں بحق جبکہ 10 زخمی ہوگئے۔

    تفصیلات کے مطابق میرپور آزاد کشمیر میں پنجواڑا کے قریب مسافر وین تیزرفتاری کے باعث کھائی میں جا گری، حادثے میں پانچ افراد جان کی بازی ہار گئے جبکہ زخمی ہونے والوں میں خواتین اور بچے بھی شامل ہیں۔

    ریسکیو ذرائع کے مطابق حادثے میں جاں بحق ہونے والوں میں 2 خواتین سمیت 5 افراد شامل ہیں جبکہ زخمیوں کو طبی امداد کے لیے قریبی اسپتال منتقل کردیا گیا ہے۔

    ریسکیو حکام کا کہنا ہے کہ افسوس ناک حادثے میں جاں بحق ہونے والے افراد کا تعلق ایک ہی خاندان سے تھا۔

    آزاد کشمیر:مسافربس کھائی میں گرنے سے8 افراد جاں بحق

    خیال رہے کہ رواں سال 5 مئی 2017 کو آزاد کشمیر میں مسافروین کھائی میں گرنے سے 8 افراد جاں بحق جبکہ 4 شدید زخمی ہوگئے تھے۔

    یاد رہے کہ گزشتہ برس 14 اگست 2016 کو آزاد کشمیر کے ضلع پلندری میں باراتیوں‌ سے بھری ایک بس کھائی میں‌ جاگری تھی جس کے نتیجے میں 22 افراد جاں بحق ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کشمیری مشکلات کے باوجود آزادی حاصل کرکے رہیں گے، مسعود خان

    کشمیری مشکلات کے باوجود آزادی حاصل کرکے رہیں گے، مسعود خان

    مظفر آباد: صدر آزاد کشمیر مسعود خان نے کہا ہے کہ بھارتی فوج کشمیریوں کی سرزمین پر قتل عام کررہی ہے، کشمیری مشکلات کے باوجود آزادی حاصل کرکے رہیں گے۔

    مسئلہ کشمیر سے متعلق سیمینار سے خطاب کرتے ہوئے صدر آزاد کشمیر نے کہا کہ مسئلہ کشمیر سے متعلق عالمی برادری کردار گھٹ گیا ہے، اقوام متحدہ مسئلہ کشمیر سے عملاً کنارہ کشی اختیار کررہی ہے۔

    مسعود خان نے کہا کہ مقبوضہ کشمیر میں انسانیت کے خلاف جنگی جرائم جاری ہیں، مقبوضہ کشمیر میں کیمیائی ہتھیاروں کا استعمال جاری ہے۔

    انہوں نے کہا کہ کشمیری اپنی آزادی کی جنگ لڑ رہے ہیں، مضبوط پاکستان کشمیریوں کی آزادی کا ضامن ہے۔

    یہ پڑھیں: کشمیر اور پاکستان کے گہرے رشتے کو کوئی جدا نہیں کر سکتا، مشعال ملک

    واضح رہے کہ گزشتہ دنوں بھارتی فورسز کی فائرنگ سے مزید 2 کشمیری شہید اور 25 زخمی ہوگئے تھے، کشمیریوں کی روزانہ شہادتوں اور بھارت کی بربریت پر بھی عالمی برادری کشمیریوں کے حق میں آواز اٹھانے کو تیار نہیں۔

    یاد رہے کہ پاکستانی دفتر خارجہ کے ترجمان نفیس زکریا کا کہنا تھا کہ مقضبوضہ کشمیر میں بھارتی مظالم کا سلسلہ جاری ہے، وادی میں گمنام قبروں کا معاملہ بھارت کا چہرہ بے نقاب کرتا ہے۔

    انہوں نے عالمی برادری سے معصوم کشمیروں پر مظالم کا نوٹس لینے کا مطالبہ کرتے ہوئے کہا تھا کہ عالمی برادری مقبوضہ کشمیر میں خونریزی رکوائے، امید ہے عالمی برادری نہتے کشمیریوں کے ساتھ کھڑی ہوگی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • برطانوی رکن پارلیمنٹ ناز شاہ آج ایک روزہ دورہ پر میرپور آزادکشمیرپہنچیں گی

    برطانوی رکن پارلیمنٹ ناز شاہ آج ایک روزہ دورہ پر میرپور آزادکشمیرپہنچیں گی

    اسلام آباد : برطانوی رکن پارلیمنٹ ناز شاہ آج میرپور آزاد کشمیر کا دورہ کریں گی۔

    تفصیلات کے مطابق برطانوی رکن پارلیمنٹ ناز شاہ آج ایک روزہ دورہ پر میرپور آزادکشمیرپہنچیں گی، برطانوی پارلیمنٹ کی دوسری بارمنتخب ناز شاہ کا اپنے آبائی علاقہ کا یہ پہلا دورہ ہے۔

    گذشتہ روز برطانوی رکن پارلیمنٹ ناز شاہ کی قیادت میں وفد نے سابق صدر آصف زرداری سے ملاقات کی ،ملاقات میں ملاقات میں پاکستان برطانیہ تعلقات پرتبادلہ خیال کیا گیا جبکہ برطانیہ میں مقیم پاکستانیوں کی ملک کے لئے خدمات اور دیگر اہم معاملات پر بھی گفتگو ہوئی

    اس موقع پر سابق وزیراعظم راجہ پرویز اشرف، سید نیر حسین بخاری، سینیٹر فرحت اللہ بابر، قمر زمان کائرہ، چوہدری منظور اور چوہدری یاسین بھی موجود تھے۔

    خیال رہے ناز شاہ دو بار برطانوی پارلیمنٹ کی رکن منتخب ہوچکی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • گاڑی سیلابی ریلے میں بہہ گئی، ایک ہی خاندان کے8افراد جاں بحق

    گاڑی سیلابی ریلے میں بہہ گئی، ایک ہی خاندان کے8افراد جاں بحق

    کوٹلی آزاد کشمیر : گاڑی سیلابی ریلے میں بہہ گئی، حادثے میں8افراد ڈوب کر جاں بحق ہوگئے، چھ افراد کی لاشیں نکال لی گئیں، دو کی تلاش جاری ہے۔

    تفصیلات کے مطابق کوٹلی آزاد کشمیر کے نکیال سیکٹر میں بے رحم سیلابی ریلا گاڑی بہا لے گیا، گاڑی میں8افراد سوار تھے۔

    ڈائریکٹر اسپورٹس چوہدری اسحاق اپنے خاندان کے ہمراہ سرکاری جیپ میں جا رہے تھے ان کی گاڑی متھرانی گاﺅں کے قریب دھموئی آبشار کے مقام پر برساتی نالے میں طغیانی کے باعث توازن برقرار نہ رکھ سکی اور آبشار سے نیچے گر گئی جس کے باعث تمام افراد ڈوب گئے۔

    اطلاع ملنے پر ریسکیو ٹیمیں جائے وقوعہ پر پہنچ گئیں، بد قسمتی سے گاڑی میں سوار کوئی بھی شخص اپنی جان بچانے میں کامیاب نہ ہوسکا، حادثے میں گاڑی میں سوار آٹھوں افراد جاں بحق ہوگئے۔

    ڈوبنے والے چھ افراد کی لاشیں نکال لی گئیں ہیں، آخری اطلاعات تک دو لاشوں کی تلاش جاری تھی، پولیس کے مطابق حادثے میں جاں بحق ہونے والوں میں پلاننگ اینڈ ڈویلپمنٹ آفیسر بھی شامل ہیں، پاک فوج کی مدد سے ریسکیو کارروائیاں جاری ہیں۔

  • پیپلز پارٹی اور تحریک انصاف کا وزیر اعظم آزاد کشمیر سے استعفے کا مطالبہ

    پیپلز پارٹی اور تحریک انصاف کا وزیر اعظم آزاد کشمیر سے استعفے کا مطالبہ

    اسلام آباد: وزیر اعظم آزاد کشمیر راجہ فاروق حیدر کے بیان پر پاکستان پیپلز پارٹی اور تحریک انصاف نے ان سے استعفے کا مطالبہ کردیا۔ دوسری جانب فاروق حیدر نے ایک بار پھر اپنے بیان کی وضاحت دیتے ہوئے کہا کہ بیان کو توڑ مروڑ کر پیش کیا گیا۔

    تفصیلات کے مطابق گزشتہ روز وزیر اعظم آزاد کشمیر نے پریس کانفرنس کی جس کو جنگ گروپ نے سیاق و سباق سے ہٹ کر پیش کیا۔

    خبر کی اشاعت کے فوراً بعد فاروق حیدر نے وضاحت پیش کی کہ کشمیری پاکستان سے الحاق کے علاوہ سوچ بھی نہیں سکتے۔ اس کے برعکس چھپنے والا بیان لغو ہے جس کی وہ پرزور مذمت کرتے ہیں۔

    وزیر اعظم آزاد کشمیر کے بیان پر پاکستان پیپلز پارٹی اور تحریک انصاف نے ان سے استعفے کا مطالبہ کردیا۔

    قومی اسمبلی میں اپوزیشن لیڈر اور پیپلز پارٹی کے سینئر رہنما خورشیدشاہ نے ان کے بیان کو ریاستی پالیسی کے منافی قرار دے دیا۔

    پیپلز پارٹی کے رہنما اعتزاز احسن کا کہنا تھا کہ فاروق حیدر کا بیان بغاوت کے زمرے میں آتا ہے۔

    تحریک انصاف نے بھی وزیر اعظم کے استعفے کا مطالبہ کرتے ہوئے اسے نواز شریف کی حمایت میں قومی سلامتی پر شرمناک وار قرار دیا۔

    ترجمان تحریک انصاف کے مطابق راجہ فاروق حیدر نے لاکھوں کشمیری شہدا کے خون سے غداری کی۔ غصے کے بجائے راجہ فاروق کو شرمساری کا مظاہرہ کرنا چاہیئےتھا۔

    وزیر اعظم آزاد کشمیر کی ایک بار پھر وضاحت

    دوسری جانب وزیر اعظم آزاد کشمیر فاروق حیدر نے ایک بار پھر اپنے بیان کی وضاحت پیش کرتے ہوئے کہا ہے کہ ان کی بات کو سیاق و سباق سے ہٹ کر پیش کیا گیا۔

    انہوں نے کہا کہ پاکستان کے ساتھ مقبوضہ کشمیر اور آزاد کشمیر کا رشتہ بہت مضبوط ہے۔ میڈیا پر جھوٹا پروپیگنڈا کر کے بھارت کو پاکستان اور کشمیر مخالف بات کرنے کا موقع دیا گیا۔

    وزیر اعظم آزاد کشمیر کے خلاف درخواست

    ادھر صوبہ سندھ کے دارالحکومت کراچی میں مقامی عدالت میں وزیر اعظم آزاد کشمیر اور وزیر اعلیٰ گلگت بلتستان کے خلاف درخواست دائر کردی گئی۔

    درخواست پیپلز پارٹی کے رہنما قادر خان کی جانب سے دائر کی گئی ہے جس میں قومی سلامتی کو نقصان پہنچانے کے الزامات عائد کیے گئے ہیں۔

    درخواست میں کہا گیا ہے کہ وزیر اعظم آزاد کشمیر کی تقریر سے کشمیر کاز کو نقصان پہنچا ہے۔

    پنجاب اسمبلی میں قرارداد

    وزیر اعظم آزاد کشمیر کے خلاف پنجاب اسمبلی میں بھی قرارداد جمع کروا دی گئی ہے۔ قرارداد میاں خرم جہانگیر وٹوکی جانب سے جمع کروائی گئی۔

    قرارداد میں کہا گیا کہ راجہ فاروق حیدر نے کشمیریوں کے حق خود ارادیت کو پامال کیا۔ ان کے بیان سے کشمیریوں سمیت پاکستانی عوام کے جذبات کو ٹھیس پہنچی۔

    قرارداد میں مطالبہ کیا گیا کہ وزیر اعظم آزاد کشمیر معافی مانگیں اور اپنے عہدے سے مستعفی ہوں۔

  • پیرعلاء الدین صدیقی نقشبندی رحلت فرما گئے

    پیرعلاء الدین صدیقی نقشبندی رحلت فرما گئے

    لندن : روحانی بزرگ اورعالم دین پیر علاء الدین صدیقی نقشبندی لندن میں رحلت فرما گئے، وہ لندن کے اسپتال میں زیر علاج تھے، اے آر وائی کیو ٹی پر مثنوی روم آپ کا مقبول ترین سلسلہ تھا۔

    تفصیلات کے مطابق معروف بزرگ عالم دین اور مشہور روحانی سلسلہ خانقاہ نیریاں شریف آزاد کشمیر کے سجادہ نشین علامہ پیر علاء الدین صدیقی لندن میں انتقال کر گئے، وہ گذشتہ کچھ عرصہ سے لندن کے ہسپتال میں زیر علاج تھے۔

    پیرعلاء الدین صدیقی یکم جنوری 1936  میں پیدا ہوئے، آپ عربی، فارسی، انگریزی اور اردو زبان پر دسترس رکھتے تھے،کئی ملکوں کے تبلیغی دورے کیے مساجد تعمیر کیں اور وعظ ونصیحت سے لوگوں کونیکی اور دین داری کی طرف راغب کیا۔

    اے آر وائی کیو ٹی پر مثنوی روم آپ کا مقبول ترین سلسلہ تھا، علامہ پیرعلاء الدین صدیقی نے تعلیمی میدان میں بھی گرانقدر خدمات سرانجام دیں اور آزاد کشمیر سمیت ملک بھر میں کئی تعلیمی ادارے قائم کیے جہاں دینی وعصری تعلیم کا خصوصی طور پر جدید انتظام کیا۔ برطانیہ میں بھی انہوں نے کئی اسلامک ادارے بنائے۔

    محی الدین اسلامک یونیورسٹی اور میر پور آزاد کشمیر میں محی الدین میڈیکل کالج آپ کی کاوشوں کا نتیجہ ہے۔

  • بھارتی فوج کی فائرنگ، 3 فوجی شہید، 7بھارتی فوجی ہلاک

    بھارتی فوج کی فائرنگ، 3 فوجی شہید، 7بھارتی فوجی ہلاک

    راولپنڈی: لائن آف کنٹرول پر بھارتی فائرنگ سے تین پاکستانی فوجی شہید اور پاک فوج کی جوابی کارروائی میں 7 بھارتی فوجی مارے گئے، آئی ایس پی آر نے تصدیق کردی۔

    آئی ایس پی آر کی جانب سے جاری کردہ اعلامیے میں کہا گیا ہے کہ بھارتی فوج کی کنٹرول لائن پر بلااشتعال فائرنگ کے نتیجے میں پاک فوج کے تین جوانوں نے  جواں مردی سے لڑتے ہوئے وطن پر جان قربان کردی۔

    آئی ایس پی آرکےمطابق شہید ہونے والوں میں کیپٹن تیمورعلی خان، حوالدار مشتاق حسین، لانس نائیک غلام حسین شامل ہیں، شہید ہونے والی فوجی جوانوں کے جسد خاکی اُن کے آبائی علاقوں کو روانہ کردیے گئے ہیں جہاں اُن کو فوجی اعزاز کے ساتھ سپرخاک کیا جائے گا۔

    پڑھیں: ’’ سرجیکل اسٹرائیک کے جھوٹے دعوے کے بعد بھارتی جنگی جنون عروج پر ‘‘

     آئی ایس پی آر کے اعلامیے میں کہا گیا ہے کہ پاک فوج نے بھارت کی جانب سے کی جانے والی اشتعال انگیزی پر بھرپور جواب دیا گیا جس کے نتیجے میں 7 بھارتی فوجی ہلاک ہوئے۔

    مزید پڑھیں: ’’ بھارتی فوج کی وادی نیلم میں مسافر بس پر فائرنگ ،9شہری شہید ‘‘

    خیال رہے کہ آج صبح بھارتی فورسز نے ایک بار پھر لائن آف کنٹرول کی خلاف ورزی کرتے ہوئے وادی نیلم میں ڈھڈیال کے قریب مسافر کوچ پر راکٹ فائر کیا جس کے نتیجے میں 9 عام شہری شہید اور 7 زخمی ہوئے تھے جبکہ جنونی فوجیوں نے زخمیوں کے لیے بلائی گئی ایمبولینس پر بھی فائرنگ کی۔

  • پاکستان سے کرپشن کا خاتمہ نواز شریف کے احتساب سے مشروط ہے، عمران خان

    پاکستان سے کرپشن کا خاتمہ نواز شریف کے احتساب سے مشروط ہے، عمران خان

    آزاد کشمیر :پاکستان تحریک انصاف کے چیئرمین عمران خان کا کہنا ہے کہ پاکستان سے کرپشن کا خاتمہ نواز شریف کے احتساب سے مشروط ہے، جس ملک کا سربراہ کرپٹ ہوں اس ملک کا کوئی مستقبل نہیں ہوسکتا۔

    پی ٹی آئی چیئرمین عمران خان کا باغ میں جلسے سے خطاب کرتے ہوئے کہا کہ وعدہ کرتا ہوں آپ کے ساتھ کھڑا ہوں اور آپ کو اختیارات دلاؤں گا، مغرب میں مؤثر بلدیاتی ںظام ہے، اس لئے وہاں کا نظام بہتر ہے۔

    انھوں نے کہا کہ پاکستانی نوازشریف کی بادشاہت نہیں جمہوریت چاہتے ہیں، ترکی میں نوازشریف وزیراعظم ہوتے تو مارشل لا کامیاب ہوجاتا، باغ میں ماحول گرماتے ہوئے کپتان نے کہا نوازشریف خود کو احتساب سے بالاتر نہ سمجھیں، حساب نہ دیا تو سڑکوں پرنکلیں گے، ایسا احتجاج کریں گے جوپہلے کبھی نہیں ہوا۔

    عمران خان نے کہا کہ بیرسٹر سلظان محمود وزیراعظم بنے تو احتساب کا عمل شروع ہوگا، سب سے پہلے میں اپنے آپ کو احتساب کیلئے پیش کروں گا۔

    نواز شریف پر تنقید کرتے ہوئے عمران خان نے کہا کہ جس ملک کا سربراہ کرپٹ ہوں اس ملک کا کوئی مستقبل نہیں ہوسکتا، پیسہ اس لئے باہر سے نہیں آیا کیونکہ چور چور کا احتساب نہیں کرتا، نواز شریف کے احتساب تک کرپشن کا خاتمہ ممکن نہیں، آپ یہ نہ سمجھیں کہ پی ٹی آئی کے آتے ہی کرپشن ختم ہوجائے گی۔

    انھوں نے کہا کہ اسحاق ڈار دو سال سے وہی بات کر رہے جو دستاویزی فلم میں کہی، اسحاق ڈار نے خود اعتراف کیا کہ نواز شریف کا پیسہ ہاں سے باہر بھیجا، احتساب کا عمل اوپر سے شروع ہوتا ہے۔

    عمران خان نے کہا کہ نیب 16 سالوں سے چھوٹے لوگوں کو پکڑتی آرہی ہے، نیب وزیر اعظم کے 13 کیسز کیوں نہیں سنتی، نواز شریف نے کہا تھا کہ آصف زرداری کا پیسہ واپس لاؤں گا، ایسا ہوا۔

    ان کا کہنا تھا کہ وزیراعلیٰ شہباز شریف نے آصف زرداری کا پیٹ چیر کر پیسے نکالنے کے دعوے کئے جو دھرے کے دھرے رہ گئے کیونکہ یہ لوگ خود بہت بڑے کرپٹ ہیں۔