Tag: azadi marach

طاہر القادری سے انتخابی انقلاب کی بات کی جائے گی، عمران خان

لاہور: عمران خان کہتے ہیں طاہر القادری سے انتخابات کے ذریعے انقلاب کی بات کی جائے گی، چودہ اگست کے بعد وہ خود وزیراعظم کو ملاقات کی دعوت دیں گے۔

چودہ اگست کو آزادی مارچ اور انقلاب مارچ ساتھ ساتھ ہوگا اور عمران خان نے آزادی مارچ کے بعد اپنی پہلی ترجیح بھی بتا دی،تحریک انصاف کے چیئرمین عمران خان کہتے ہیں یہ پورے پاکستان کی آزادی کا معاملہ ہے۔ علامہ طاہر القادری سے بات کی جائے گی کہ وہ انتخابی انقلاب کے ذریعے اٹھارہ کروڑ عوام کی زندگیوں میں انقلاب لائیں۔

عمران خان علامہ طاہر القادری سے انتخابی عمل میں اصلاحات کی بات کریں گے، کپتان پہلے ہی کہہ چکے ہیں وزیراعظم نواز شریف کے استعفے اور وسط مدتی انتخابات کے مطالبات کی منظوری تک وہ اسلام آباد میں بیٹھے رہیں گے،عمران خان کہتے ہیں چودہ اگست کے بعد وہ خود وزیراعظم کو ملاقات کی دعوت دیں گے۔

اگست 11, 2014
عمران خان آزادی مارچ کی قیادت کرنے کیلئے لاہور پہنچ گئے

لاہور: پاکستان تحریک انصاف کے چیئرمین عمران خان آزادی مارچ کی قیادت کرنے کیلئے لاہور پہنچ گئے ہیں۔

پاکستان تحریک انصاف کے چیئرمین عمران خان آزادی مارچ کی قیادت کرنے لاہور پہنچ گئے،زمان پارک برقی قمقموں سے جگمگا اٹھا پرجوش کارکنوں نےاپنےقائدکا استقبال بھی پرجوش اوروالہانہ کیا، عمران خان جب بنی گالہ اسلام آباد میں اپنی رہائش گاہ سے نکلے،توان گاڑیوں کا قافلہ بھی ساتھ نکلا،پرجوش کارکن اپنے قائد اور آزادی مارچ کیلئے نعرے لگاتے رہے، پولیس اسکواڈ سیکیورٹی دیتا رہا، گاڑی میں بیٹھے عمران خان کا پر اعتماد چہرہ چودہ اگست کے آزادی مارچ کی کہانی بتارہا تھا، ہشاش بشاش عمران خان کارکنوں کے نعروں کا جواب دیتے رہے۔

دوسری جانب عمران خان کے لاہور پہچنے سےقبل لاہورکازمان پارک اکھاڑا بن گیا، زمان پارک لاہور میں عمران خان کی رہائش کے باہر مسلم لیگ ن اور تحریک انصاف کے کارکن آمنے سامنے آگئے پتھراؤ اور جوابی پتھراؤسے کشیدگی پھیل گئی لیکن معاملہ وقتی طور پر ٹل گیا۔

آزادی مارچ سےقبل تحریک انصاف کے کارکن اسلام آباد جانے کیلئے پرجوش ہیں، تو ن لیگ والے بھی موقع کی کھوج میں ہیں، مقابلہ سخت،اور فضاؤں میں کشیدگی پھیل چکی ہے، تجزیہ کاروں کا کہنا ہے سیاسی قیادت نے افہام و تفہیم کا مظاہرہ نہ کیا،تو نتائج سنگین ہوسکتے ہیں۔

اگست 11, 2014
عمران خان نے انتخابات میں دھاندلی کرنے والوں کے چہرے بےنقاب کردیئے

لاہور: پاکستان تحریک انصاف کے چیئر مین عمران خان نےانتخابات میں دھاندلی کے عوض مراعات حاصل کرنے والوں کوبے نقاب کردیا۔

عمران خان نے بنی گالہ میں انتخابی دھاندلیوں کے ذریعےشریف برادران کو فائدہ پہنچا کر مراعات حاصل کرنیوالے کرداروں کوبےنقاب کیا، عمران خان نےبتایا کہ سابق چیف جسٹس افتخار محمد چوہدری کوخدمت کےعوض ان کے بیٹے کو بورڈ آف انوسٹمنٹ کا چیئر مین بنایا گیا، عمران خان کے مطابق جسٹس رمدے کے بیٹےمصطفی رمدے، بھائی اسد رمدے اور بھتیجی کو بھی نوازا گیا، عمران خان نےکہا جسٹس انور محبوب کو ایک سال کی توسیع سمیت دیگر مراعات دے کر بہتی گنگا میں ہاتھ دھونے کا موقع دیا گیا۔

عمران خان نے پینتیس پنکچر والے نجم سیٹھی کو ملنے والی مراعات کا پردہ چاک کیا ، عمران خان نےبتایا سیکریٹری الیکشن کمیشن اشتیاق احمد کو خدمت گزاری پر دو بار توسیع ملی، تحریک انصاف کےچیئر مین نے طارق باجوہ، شاہد خان، ریٹرننگ آفیسرز اور ڈی آر اوز کو بھی دی گئی خصوصی مراعات کا ذکر کیا۔

عمران خان کا کہنا تھا ملکی مسائل کا حل مارشل لاء میں نکالنے والوں کی سوچ غلط ہے، اُن کا کہنا تھا چودہ اگست کو آنے والا سیلاب کوئی نہیں روک سکتا پولیس والے ملک بچائیں ایک خاندان کے ملازم نہ بنیں، جو بادشاہت سے تنگ ہیں وہ نئے پاکستان کے لئے باہر نکلیں۔

اگست 11, 2014
الیکشن اسی سال دسمبرمیں ہونگے، عمران خان کا انکشاف

کراچی: عمران خان نے اے آر وائی نیوز کے پروگرام سوال یہ ہے میں انکشاف کیا کہ الیکشن اسی سال دسمبرمیں ہونگے،مجھے کچھ ہواتو کارکنوں شریف خاندان کوچھوڑنا نہیں۔

اے آر وائی نیوز کے پروگرام سوال یہ ہے میں عمران خان نے دو ٹوک الفاظ میں کہا کہ انہیں کچھ ہوا تو اس کے ذمہ دار نواز شریف ہوں گے،عمران خان کہتے ہیں الیکشن اسی سال سردیوں میں ہوں گے، کپتان نے بتایا وہ پاکستان عوامی تحریک کے یوم شہدا میں شریک نہیں ہو رہے۔

پی ٹی آئی کے چیئرمین نے اس تاثر کو رد کیا کہ انہوں نے حکومت کو کوئی فارمولا دیا ہے، عمران خان کہتے ہیں کہیں سے بھی فون آجائے وہ پیچھے ہٹنے والے نہیں،عمران کان نے کہا جو بھی بات ہوگی وہ چودہ اگست کو اسلام آباد میں ہوگی، وہ وزیراعظم نوازشریف کی زبان پر اعتبار نہیں کرتے،عمران خان کا کہنا تھا جماعت اسلامی اورتمام جماعتوں کوفیصلہ کرنا ہوگا۔

اگست 9, 2014
مطالبات کی منظوری تک اسلام آباد میں بیٹھوں گا، عمران خان

اسلام آباد: عمران خان نے مطالبات کی منظوری تک اسلام آباد میں بیٹھنے کا اعلان کر دیا،ان کا کہنا تھا کہ چودہ اگست کو مطالبات پیش کرینگے،کوئی مارچ نہیں روک سکتا۔

اسلام آباد میں پریس کانفرنس کرتے ہوئے عمران خان نے حکومت کے معاشی کارکردگی کے جواب میں وہائٹ پیپر جاری کر دیا،عمران خان نے کہا کہ ہمارے مطالبات آئینی اور جمہوری ہیں اور انہیں منوا کر ہی رہیں گے، جب تک انہیں نہیں مانا جائے گا اسلام آباد میں ہی دھرنے دیئے بیٹھے رہیں گے اور میں خود کارکنوں کے ساتھ دھرنے میں رہوں گا، ان کا کہنا تھا کہ پاکستان کے حکمرانوں اور حسنی مبارک ،صدام حسین اور کرنل قذافی میں کوئی فرق نہیں ہے کیونکہ ان کی دولت بھی باہر تھی اور ان کے بچے بھی عیش کررہے تھے۔

عمران خان نے کہا کہ جمہوریت الیکشن میں نہیں صاف اور شفاف الیکشن میں جمہوریت ہے،چودہ اگست کو بادشاہت اور ڈکٹیٹر شپ کے خلاف جنگ ہے، اگر فوج آئی تو اس کے ذمہ دار نواز شریف ہوں گے، پنجاب میں پاکستان عوامی تحریک کے کارکنوں کے خلاف پولیس کریک ڈاؤن کی شدید مذمت کر دی، انہوں نے کہا کہ حکومت علامہ طاہر القادری کو دیوار سے لگانے کی کوشش کر رہی ہے،پنجاب میں علامہ طاہر القادری کیساتھ بڑا ظلم ہو رہا ہے۔

اگست 8, 2014
عمران خان کا پاکستانی عوام کے نام کھلا خط

اسلام آباد : پاکستان تحریک انصاف کے سربراہ عمران خان نے پاکستانی عوام کے نام کھلا خط لکھ دیا۔کہتے ہیں پاکستان پر مخصوص خاندان مسلط نہیں رہ سکتے۔

عمران خان نے پاکستانی عوام کے نام کھلا خط لکھا ہے جس میں انہوں نے پاکستانی عوام کو مخاطب کرتے ہوئے کہا ہے کہ پاکستان پر مخصوص خاندان مسلط نہیں رہ سکتے۔ جھوٹ ،فریب،کرپشن اور منافقت کے لئے پاکستان کی دھرتی پر کوئی جگہ نہیں، عمران خان نے اپنے خط میں پاکستانی عوام کو دعوت دی ہے کہ اس بار جشن آزادی اس طرح منائیں کہ ہماری نسلیں ہم پر فخر کریں، عمران خان کا اپنے خط میں کہنا ہے چودہ اگست کے بعد پاکستان صرف پاکستانیوں کا ہو گا،ہر قیمت پر اپنی آزادی چھینیں گے، عمران خان نے خط میں لکھا ہے کہ ہمارے بزرگوں کو غیر ملکی آقاؤں اور ہماری غیرت کو مقامی فرعونوں کی غلامی ہر گز قبول نہیں ہے ۔

اگست 7, 2014
نوازشریف مستعفی اورانتخابات دوبارہ کرائے جائیں،عمران خان

اسلام آباد: پاکستان تحریک انصاف کے سربراہ عمران خان نے کہا ہے کہ وزیر اعظم نواز شریف مستعفی ہوکر نئے قومی انتخابات کا اعلان کریں، چودہ اگست کو ملک میں نئے انتخابات کا مطالبہ کریں گے ، پنتیس پنکچرکس نےلگائے اس کا بھانڈا گیارہ اگست کو پھوڑا جائےگا، تحریک انصاف کے سربراہ عمران خان نے چودہ اگست کو ملک میں نئے انتخابات کے مطالبے کا اعلان کر دیا۔

ان کا کہنا تھا کہ چودہ اگست کو پوری قوم پاکستان کی تاریخ کا سب سے بڑا احتجاجی دیکھے گی ۔انہوں نے کہا کہ چودہ اگست کو پاکستان کی آزادی واپس لیں گے اور میں گیارہ اگست کو بتاؤں گا کہ کس نے کیا کچھ کیا اور دھاندلی کے مزید انکشافات کروں گا ۔گیارہ ماہ سے انصاف حاصل کرنے کی کوشش کر رہے ہیں لیکن ہمیں انصاف نہیں مل رہا۔

ان خیالات کا اظہار پی ٹی آئی کے سربراہ عمران خان نے اسلام آباد میں پریس کانفرنس سے خطاب کرتے ہوئے کیا،انہوں نے کہا کہ پنجاب حکومت نے ایسا کون سا کارنامہ انجام دیا کہ پچاس لاکھ ووٹ زیادہ ملے؟ کیا نواز شریف نے پنجاب میں دودھ کی نہریں بہا دی تھیں۔ انہوں نے کہا کہ ہم نے الیکشن کے نتائج کو قبول کیا تھا دھاندلی کو نہیں،چودہ اگست کو دوبارہ الیکشن کرانے کا مطالبہ کریں گے۔

اگست 5, 2014
عمران خان کوعوام نے11مئی کومسترد کردیا، پرویزرشید

اسلام آباد: وفاقی وزیراطلاعات پرویز رشید کہتے ہیں عمران خان کو عوام نے گیارہ مئی کو مسترد کردیا تھا، عمران خان مؤقف بدلنے کے بادشاہ ہیں ،ہر ماہ نیا مطالبہ کرتے ہیں۔

پرویز رشید کا کہنا ہے کہ چاروں صوبوں میں مختلف حکومتیں ہیں، اسے ہی جمہوریت کہتے ہیں، لیکن عمران خان ہر مہینے نیا ہدف اور نیا موقف اپناتے ہیں، عمران خان کے منہ سے جمہوریت دشمن طالبان کے خلاف ایک لفظ نہیں نکلا،عمران کو غم ہے کہ انکی مخالفت کے باوجود حکومت دہشت گردی ختم کررہی ہے۔

عمران خان نہیں چاہتے تھے کہ دہشت گردی کے خاتمے کیلئے آپریشن ضرب شروع کیا جائے، انہوں نے کہا کہ عمران خان کو انتشار مارچ میں اتنی ہی کامیابی ملے گی جتنا انکا اٹھارہ سال کا ریکارڈ ہے، اگر مینڈیٹ جعلی تھا تو عمران خان نے کے پی کے میں حکومت کیوں لی؟ مینڈیٹ جعلی تھاتوعمران خان نےحلف کیوں اٹھایا؟

اگست 3, 2014
لانگ مارچ پرامن نہ ہوا توذمہ دارعمران خان ہوں گے،پرویزرشید

اسلام آبااد : وزیر اطلاعات پرویز رشید کاکہنا ہےکہ یوم آزادی پر کوئی تخریب کاری ہوئی تو ذمہ دار عمران خان ہوں گے، احتجاج کرنےوالے امن کی ضمانت دیں۔ وزیراطلاعات پرویزرشید نے تحریک انصاف مین بغاوت کا عندیہ دے دیا کہتے ہیں اگر عمران خان نےارکان سے استعفے طلب کئے توان کی جماعت میں بغاوت ہوجائے گی ،

پرویز رشید نے کہا کہ جلسے جلوس کرنے والے امن کی ضمانت دیں، وزیراطلاعات و نشریات نے کہا کہ تخریب کی سیاست کرنے والوں کا ڈٹ کرمقابلہ کریں گے۔ ان کا کہنا تھا کہ ملک کی خوشحالی کو دنیا نے تسلیم کرلیا ہے ،انہوں نے کہا کہ پاکستان قانونی ،جمہوری اور آئینی طریقے سے حاصل ہوا۔اورہم اس کی بھرپور حفاظت کریں گے۔

اگست 3, 2014