Tag: azam-swati

کراچی : وفاقی وزیر ریلوے اعظم خان سواتی کا کہنا ہے کہ ہمارااحتساب میڈیاکےسوا کوئی اورنہیں کرسکتا، میراکوئی بزنس پاکستان میں نہیں امریکا میں  ہے ، میں پاکستان میں پیسہ لارہا ہوں۔

تفصیلات کے مطابق وفاقی وزیر ریلوے اعظم خان سواتی نے کراچی سرکلر ریلوے گلبائی اسٹیشن اور ریلوے پھاٹک کا دورہ کیا ، جہاں کے سی آر منصوبے میں جاری تعمیراتی کام کا جائزہ لیا۔

اس موقع پر میڈیا سے گفتگو کرتے ہوئے وفاقی وزیر ریلوے اعظم خان سواتی نے کہا کہ ہر چیز کو میں دیکھ رہا ہوں اورہر جگہ پہنچ رہاہوں، کے سی آر ون ، ٹو دیکھا ہے ،ایک ایک پھاٹک دیکھا ہے ، چندماہ میں فریٹ کودگناکردوں گا،اعظم سواتی

وفاقی وزیر ریلوے کا کہنا تھا کہ بہت سی ملکی اورغیرملکی کمپنیوں سےرابطہ کررہےہیں، کوشش کررہےہیں کہ کمپنیاں زمین کوپاکستان کےلیےترقی دیں، ہماری کوشش ہےکہ ریلوےاثاثوں کی مددسےادارےکونقصان سےنکالیں اور ریلوےکےریونیومیں اضافہ کریں۔

اعظم سواتی نے اپنے حوالے سے کہا کہ مجھ پراورریلوےکےافسران کاقبلہ درست کرناعوام کاکام ہے، میراکوئی بزنس پاکستان میں نہیں امریکا میں ہے ، میں پاکستان میں پیسہ لارہاہوں، میں نے صرف خانساماں اورڈرائیورلیاہواہے، دوسرے شہر جانے کے لیے اپنی گاڑیاں اور ڈرائیوراستعمال کرتا ہوں۔

ان کا کہنا تھا کہ پریس کانفرنس میں ریلوے کی بات کریں کوئی سیاسی بات نہیں، میڈیا کا کام قوم کو آگے لے کر جانے کا ہے، 2 سے ڈھائی ارب کی بجلی چوری ختم کرنے جارہے ہیں، ڈیزل سمیت ہر چیز نگاہ میں ہے کہ کہاں کہاں نقصان ہورہا ہے۔

وفاقی وزیر نے کہا کہ ریلوے کی زمینوں پرقبضےہورہےہیں، لوگ مجھےجانتےہیں اس لیےمختلف باتیں کررہےہیں، میں نےصرف ایک آدمی کومعطل کیا پھر اسے بحال بھی کیا، آمدن کو دگنا نہ کیا تو ریلوے کا حال بھی پاکستان اسٹیل جیسا ہوگا۔

اعظم سواتی کا مزید کہنا تھا کہ ہمارااحتساب میڈیاکےسوا کوئی اورنہیں کرسکتا، ریلوےکومنافع بخش ادارہ بنائیں گے، ہماری عزت فریٹ اور ہمارا مسافر ہے، ہماری تمام سہولتیں عوام کے لیے ہے، اپنے ٹکٹ پریہاں آیا،ریلوےریسٹ ہاؤس میں کرایہ دے کررہ رہا ہوں۔

راولپنڈی: وزیر ریلوے اعظم سواتی نے کہا ہے کہ ٹرین کو ان شاء اللہ منزل کی جانب لے کر جاؤں گا، ایم ایل ون پاکستان کی دفاعی طاقت سے منسلک ہے۔

آج ریلوے کلب میں میڈیا سے گفتگو کرتے ہوئے نئے وزیر ریلوے کا کہنا تھا کہ پشاور، کابل اور ازبکستان کے درمیان ٹرین چلے گی، اس معاہدے پر ازبکستان اور افغانستان کے صدور نے دستخط کر دیے ہیں۔

اعظم سواتی نے کہا کہ ٹرین معاہدے کے سلسلے میں کل عبدالرزاق داؤد اور میری وزیر اعظم سے ملاقات ہوئی ہے، 4.5 ارب ڈالر کے ٹرین معاہدے پر عمران خان دستخط کریں گے، یہ معاہدہ ازبکستان کے ڈپٹی وزیر اعظم لے کر آئیں گے۔

مفت شناختی کارڈ، شیخ رشید نے وزیرداخلہ بنتے ہی عوام کو بڑی خوشخبری سنادی

قبل ازیں، وزیر ریلوے نے چیئرمین سی پیک اتھارٹی عاصم سلیم باجوہ سے ملاقات کی، جس میں سی پیک منصوبے، ریلوے کو جدید خطوط پر استوار کر نے اور ایم ایل ون کے حوالے سے بات چیت ہوئی، اعظم سواتی کو عاصم سلیم باجوہ نے نئی ذمے داریاں سنبھالنے پر مبارک باد دی۔

چیئرمین سی پیک اتھارٹی کا کہنا تھا کہ ایم ایل ون ملک کا اہم تر ین منصوبہ ہے، وزیر ریلوے نے کہا پاکستان ریلوے کا مستقبل اس منصوبے سے جڑا ہے، جس سے ڈیڑھ لاکھ افراد کو روزگار کے مواقع فراہم ہوں گے، منصوبے کی تکمیل سے ٹرین کی رفتار 160 کلو میٹر فی گھنٹہ ہو جائے گی۔

واضح رہے کہ 11 دسمبر کو شیخ رشید احمد سے ریلوے کی وزارت کا قلم دان لے کر انھیں وزارت داخلہ کا قلم دان سونپاگیا تھا، جب کہ وزیر پارلیمانی امور اعظم خان سواتی کو وزارت ریلوے کا قلم دان دیا گیا۔

شیخ رشید نے قلم دان کی تبدیلی کے بعد اپنے بیان میں کہا تھا کہ ریلوے میرے دل کے قریب رہی ہے، ڈھائی سال ریلوے کی ترقی کے لیے کام کیا، کچھ غلط کیا تو ذمہ داری لیتا ہوں، انشاءاللہ پاکستان ریلوے ترقی کرے گی۔

اسلام آباد: وفاقی وزیرپارلیمانی امور اعظم سواتی کا کہنا ہے کہ ڈریپ سربراہ کی تعیناتی اورقیمتوں پرکمیٹی کو معاملہ جانا چاہیے۔

تفصیلات کے مطابق سینیٹ اجلاس میں وفاقی وزیر پارلیمانی امور اعظم سواتی نے کہا کہ دوائیوں کی قیمتوں پروزیراعظم عمران خان نے نوٹس لیا۔

اعظم سواتی نے کہا کہ ڈریپ سربراہ کی تعیناتی اورقیمتوں پرکمیٹی کومعاملہ جانا چاہیے، کمیٹی اس معاملے کی بہترطریقے سے انکوائری کرسکتی ہے۔

وفاقی وزیرپارلیمانی امور نے کہا کہ ہمارے پاس کتے کے کاٹنے سے ہونے والے کسی بھی قسم کے انفیکشن کے لیے ویکسین موجود ہے۔

انہوں نے کہا کہ پڑوسی ملک سے ویکسین منگوانے کی ضرورت نہیں پڑے گی، پڑوسی ممالک کو اگرضرورت ہو توہم سے لے سکتے ہیں۔

یاد رہے کہ تین روز قبل وفاقی کابینہ کے اجلاس میں بتایا گیا کہ ادویات کی قیمتوں کو جلد کم کرنے کے لیے متعلقہ فریقین سے بات ہوگی، ادویات کی قیمتوں میں حالیہ اضافے سے لوگوں میں بے چینی تھے۔

وفاقی کابینہ کو بتایا گیا کہ مشیرصحت ادویات کی قیمتوں کے حوالے سے میڈیا کو اعتماد میں لیں گے، قیمتیں بڑھا کرجن کمپنیوں نے پیسہ کمایا وہ واپس بیت المال میں جمع ہوگا۔

واضح رہے کہ رواں سال 25 جنوری کو سربراہ ڈرگ ریگولیٹری اتھارٹی شیخ اختر کی پی ایچ ڈی کی ڈگری جعلی ہونے کا انکشاف ہوا تھا۔

بعدازاں 8 مارچ کو ڈرگ ریگولیٹری اتھارٹی کے سربراہ شیخ اخترحسین کو عہدے سے ہٹا دیا گیا تھا۔