Tag: Azerbaijan

باکو: آذربائیجان طیارہ حادثے پر آذربائیجان کے رکن پارلیمنٹ نے روس سے معافی مانگنے کا مطالبہ کر دیا ہے۔

تفصیلات کے مطابق قازقستان میں طیارے حادثے پر آذربائیجان کے رکن پارلیمنٹ نے روس سے معافی مانگنے کا مطالبہ کیا ہے، رکن پارلیمنٹ راسم موسیٰ بیکوف نے کہا کہ روس کو طیارہ حادثے کی ذمہ داری قبول کرنی چاہیے۔

راسم موسیٰ بیکوف نے کہا روس کو طیارہ حادثے کے ذمہ داروں کے خلاف قانونی کارروائی اور متاثرین کو معاوضے کا اعلان کرنا چاہیے۔

واضح رہے کہ آذربائیجان ایئرلائنز نے حادثے کی وجہ بیرونی مداخلت کو قرار دے دیا ہے، آذربائیجان کے وزیر ٹرانسپورٹ نے کہا کہ طیارہ بیرونی مداخلت کا نشانہ بنا، طیارے کو باہر سے نقصان پہنچا۔

دوسری جانب ترجمان روسی پارلیمنٹ دمیتری پیسکوف کا کہنا ہے کہ طیارہ حادثے کی تحقیقات جاری ہیں، جب تک تحقیقات مکمل نہیں ہوتیں کسی قسم کا تبصرہ نہیں کر سکتے، معلومات صرف روسی ایوی ایشن حکام کی طرف سے آ سکتی ہیں۔

طیارہ گرنے سے قبل کلمہ پڑھنے والا مسافر معجزانہ طور پر محفوظ رہا، ویڈیو وائرل

تاہم موسیٰ بیکوف نے کہا کہ طیارہ روسی سرزمین پر، خاص طور پر گروزنی کے آسمان پر مار گرایا گیا، اور اس حقیقت سے انکار نہیں کیا جا سکتا، انھوں نے زور دے کر کہا کہ ذمہ داروں کو مجرمانہ الزامات کا سامنا کرنا چاہیے، بہ صورت دیگر دونوں ممالک کے باہمی تعلقات مزید خراب ہو سکتے ہیں۔

آذربائیجان ایئر لائن کا مسافر طیارہ 25 دسمبر کو باکو سے چیچنیا کے شہر گروزنی جاتے ہوئے قازقستان کے شہر اکتاو میں گر کر تباہ ہو گیا تھا، غیر ملکی میڈیا نے دعویٰ کیا ہے کہ طیارہ روسی میزائل لگنے سے گر کر تباہ ہوا۔

باکو: آذربائیجان کے مسافر طیارے کے گر کر تباہ ہونے سے پہلے اندر کی ویڈیو سامنے آ گئی ہے۔

تفصیلات کے مطابق گزشتہ روز آذربائیجان سے روس کے لیے پرواز کرنے والا مسافر طیارہ قازقستان کے شہر اکتاؤ کے قریب گر کر تباہ ہو گیا تھا، جس میں 39 افراد ہلاک اور 28 زخمی ہو گئے تھے، بدقسمت طیارے میں عملے سمیت 67 افراد سوار تھے، طیارہ باکو سے گروزنی چیچنیا کی طرف محو پرواز تھا۔

اب حادثے کے شکار ہونے والے اس مسافر طیارے کے بارے میں اطلاعات سامنے آ رہی ہیں کہ طیارہ مبینہ طور پر میزائل حملے کا نشانہ بنا ہے، روسی یا چیچن فورس کے چلائے گئے میزائل کے فضا میں پھٹنے کے باعث اس کے ٹکڑے مسافر طیارے کے پچھلے حصے پر لگے ہیں۔

تباہی سے قبل کی ویڈیوز سوشل میڈیا پر وائرل ہو رہی ہیں، جن میں نہ صرف طیارے کے اندر بالکل باہر سے تباہی کے مناظر بھی ریکارڈ ہوئے ہیں، مسافر طیارہ گرنے سے قبل کی ویڈیو میں مسافر آخری لمحات میں کلمہ پڑھتے نظر آ رہے ہیں۔

آذر بائیجان طیارہ حادثہ، میزائل حملے کا انکشاف

روسی میڈیا کے مطابق طیارے کے اندر کی ویڈیو ایک مسافر نے بنائی تھی جو اس نے اپنی بیوی کو اس وقت بھیجی جب اسے پتا چل گیا کہ طیارہ اب گرنے والا ہے۔

طیارے میں لوگ دعائیں مانگ رہے ہیں، جب کہ آکسیجن ماسک باہر نکل کر لٹکتے نظر آ رہے ہیں، طیارہ تباہ ہونے کے بعد کے اندرونی مناظر بھی دل دہلاتے ہیں، جب زخمی مسافر درد سے کراہتے اور مدد طلب کرتے ہیں۔