Tag: Azhar Ali

لاہور: پی سی بی نے ٹیم مینجمنٹ تبدیل کردی،اظہرعلی کو ون ڈے کا کپتان اور ٹیسٹ کے نائب کپتان مقرر کردیا۔

اے آر وائی نیوز نے اظہرعلی کوپاکستان کرکٹ ٹیم کا کپتان بنانے کی خبرجمعہ کوہی نشر کردی تھی، دوسری جانب مصباح الحق ٹیسٹ اور شاہد آفریدی ٹی ٹوئنٹی کے کپتان برقرار ہیں۔

چیئرمین پی سی بی نے پریس کانفرنس میں اظہر کو ون ڈے ٹیم کا کپتان ٹیسٹ ٹیم کا نائب مقرر کردیا۔

چیئرمین پی سی بی شہریارخان کا کہنا تھا کہ میگا ایونٹ میں ہماری فٹنس عالمی معیار کی دوسری ٹیموں کے مقابلے میں نہیں تھی، ہم اب اپنی ٹیم کو دوبارہ بنارہے ہیں اس لئے اظہر علی کو ون ڈے فارمیٹ میں قومی ٹیم کا نیا کپتان بنایا ہے گوکہ  وہ ورلڈ کپ میں ون ڈے ٹیم کا حصہ نہیں تھے  تاہم ان کے ڈسپلن کو دیکھ کر یہ فیصلہ کیا ہے۔

 چیئرمین پی سی بی نے مصباح کو ٹیسٹ اور آفریدی کو  ٹی ٹوئنٹی ٹیم کا کپتان برقرار رکھنے کا بھی اعلان کیا، جبکہ ون ڈے اور ٹی ٹوئنٹی میں سرفراز احمدکو ٹیم نائب مقرر کردیا۔

 نو منتخب کپتان اظہر علیکا کہنا تھا کہ ٹیم ایک کھلاڑی سے نہیں چلتی، ہمیں ایک ہوکر مل کر کھیلنا ہوگا۔

 انہوں نے کہا کہ میڈیا نے ورلڈ کپ میں ٹیم کی کارکردگی پر بےجا تنقید کی دوسری ٹیمیں بھی ہارتی ہے، لیکن وہاں ایسا نہیں ہوتا۔