ARYNews.tv | Urdu – Har Lamha Bakhabar

Tag: Babar azam

  • بیٹنگ میں بہتری کے لئے کن عظیم کھلاڑیوں سے رہنمائی لی؟ بابراعظم نے بتادیا

    بیٹنگ میں بہتری کے لئے کن عظیم کھلاڑیوں سے رہنمائی لی؟ بابراعظم نے بتادیا

    سنچورین: قومی ٹیم کے کپتان بابراعظم آئی سی سی کی تازہ ترین ایک روزہ درجہ بندی میں نمبر ون پر آگئے ہیں اور انہوں نے پانچ سال بعد بھارتی کپتان ویرات کوہلی کو پیچھے چھوڑ دیا ہے۔

    اس سنگ میل کو عبور کرنے پر بابراعظم خوشی سے نہال ہے، آئی سی سی درجہ بندی پر پہلی پوزیشن حاصل کرنے پر بابراعظم نے ساتھی کرکٹر امام الحق کو خصوصی انٹرویو دیا اور کئی اہم باتوں سے پردہ اٹھایا۔

    پاکستان کرکٹ بورڈ نے بابراعظم کی جانب سے دئیے امام الحق کو دئیے گئے انٹرویو کو شیئر کیا ہے، انٹرویو میں بابراعظم نے کہا کہ نمبر ون رینکنگ حاصل کرنا میرے لیے اعزاز کی بات ہے، اپنے کھیل میں نکھار لانے کے لئے ہمیشہ انضمام الحق،محمدیوسف جیسےکھلاڑیوں سے رہنمائی لیتا ہوں۔

    بابراعظم نے بتایا کہ گیند کو لیٹ کھیلنا کین ولیمسن سےسیکھا جبکہ ویرات کوہلی نے نیٹ سیشنز میں میچ سینیریو کی پریکٹس کا مشورہ دیا، نیٹ سیشن میں اچھی بیٹنگ نہ ہوسکےتوسارا دن برا گزرتا ہے۔

    امام الحق کو دئیے گئے انٹرویو میں بابراعظم نے اس سفر میں میرے والدین اور ساتھی کرکٹرز کا ساتھ دینے پر شکریہ ادا کرتے ہوئے بڑا انکشاف کیا کہ اگر کسی میچ میں غلط کھیلتے ہوئے آؤٹ ہوجاتا ہوں تو والد صاحب کی جانب سے ڈانٹ پڑتی ہے۔

    آئی سی سی کی جانب سے جاری نئی رینکنگ کے مطابق قومی ٹیم کے کپتان اور مایہ ناز مڈل آرڈر بلے باز بابراعظم 865 پوائنٹس کے ساتھ پہلے نمبر پر براجمان ہوگئے، دوسرے نمبر پر بھارتی کپتان ویرات کوہلی ہے جن کے 857 پوائنٹس ہیں، بھارت کے روہت شرما تیسرے جبکہ نیوزی لینڈ کے روز ٹیلر چوتھے جبکہ آسٹریلیا کے ایرون فنچ پانچویں پوزیشن پر موجود ہیں۔

    اس کے ساتھ ہی بابر اعظم یہ اعزاز حاصل کرنے والے چوتھے پاکستانی بیٹسمین بنے، اس سے قبل ظہیر عباس،جاوید میانداد اور محمدیوسف بھی آئی سی سی ون ڈے رینکنگ میں نمبر ون پر رہ چکے ہیں۔

  • بابراعظم ویرات کوہلی کو پچھاڑکر دنیا کے نمبر ون بلے باز بن گئے

    بابراعظم ویرات کوہلی کو پچھاڑکر دنیا کے نمبر ون بلے باز بن گئے

    دبئی: پاکستان کرکٹ ٹیم کے کپتان اور مایہ ناز بلے باز بابراعظم نے ایک اور تاریخ رقم کرلی ہے۔

    تفصیلات کے مطابق آئی سی سی نے ایک روزہ میچز کی تازہ ترین درجہ بندی جاری کی ہے، جس میں بابراعظم نے بھارتی کپتان ویرات کوہلی سے نمبر ون کی پوزیشن چھین لی ہے، بابر اعظم آئی سی سی کی ون ڈے رینکنگ میں پہلے نمبر پر آگئے ہیں۔

    اسی اعزاز کے ساتھ پاکستان کرکٹ نے اٹھارہ سال بعد تاریخ رقم کی ہے، اس سے قبل سال دو ہزار تین میں محمد یوسف ون ڈے رینکنگ میں نمبر ون پوزیشن پر رہنے والے آخری قومی کھلاڑی تھے۔

    آئی سی سی کی جانب سے جاری نئی رینکنگ کے مطابق قومی ٹیم کے کپتان اور مایہ ناز مڈل آرڈر بلے باز بابراعظم 865 پوائنٹس کے ساتھ پہلے نمبر پر براجمان ہوگئے، دوسرے نمبر پر بھارتی کپتان ویرات کوہلی ہے جن کے 857 پوائنٹس ہیں، بھارت کے روہت شرما تیسرے جبکہ نیوزی لینڈ کے روز ٹیلر چوتھے جبکہ آسٹریلیا کے ایرون فنچ پانچویں پوزیشن پر موجود ہیں۔

    جنوبی افریقا کے خلاف مسلسل دو سنچریوں نے پاکستانی اوپنر فخر زمان کو ٹاپ ٹین بلے بازوں کی فہرست میں شامل کرادیا ہے اور وہ ون ڈے رینکنگ میں ساتویں نمبر پر آگئے ہیں۔

    اس کے ساتھ ہی بابر اعظم یہ اعزاز حاصل کرنے والے چوتھے پاکستانی بیٹسمین بنے، اس سے قبل ظہیر عباس،جاوید میانداد اور محمدیوسف بھی آئی سی سی ون ڈے رینکنگ میں نمبر ون پر رہ چکے ہیں۔

    وزیر اعلیٰ پنجاب سردار عثمان بزدار نے آئی سی سی رینکنگ میں پہلی پوزیشن حاصل کرنے پر بابر اعظم کو مبارکباد دی ہے، سماجی رابطے کی ویب سائٹ ٹوئٹر پر جاری اپنے بیان میں وزیراعلیٰ پنجاب نے کہا کہ آئی سی سی رینکنگ میں بابر اعظم کا سر فہرست آنا قوم کیلئے اعزاز ہے، مستقبل میں بھی بابر اعظم کی کامیابیوں کے لئے دعا گو ہوں۔

    سینیٹر فیصل جاوید کی جانب سے بھی آئی سی سی رینکنگ میں پہلی پوزیشن حاصل کرنے پر بابر اعظم کو مبارکباد دی گئی ہے۔

  • پروٹیز سے مقابلہ: کپتان بابر اعظم نے بلے بازوں کو اہم ٹاسک دے دیا

    پروٹیز سے مقابلہ: کپتان بابر اعظم نے بلے بازوں کو اہم ٹاسک دے دیا

    سنچورین: قومی کرکٹ ٹیم کے کپتان بابراعظم نے پروٹیز کو اپنے جال میں پھنسانے کے لئے بلے بازوں کو اہم ٹاسک دے دیا ہے۔

    تفصیلات کے مطابق سنچورین سے ورچوئل پریس کانفرنس کرتے ہوئے کپتان پاکستان کرکٹ ٹیم بابر اعظم نے کہا کہ جنوبی افریقہ کے خلاف بلے بازوں کو تین سو رنز بنانے کا ہدف دیا ہے، پروٹیز ہوم گراؤنڈ میں کافی مشکل ثابت ہوتی ہے، اسے زیر کرنے کے لئے بلے بازوں کی جانب سے رنز کرنا بہت ضروری ہے۔

    بابر اعظم نے کہا کہ جنوبی افریقا کے خلاف ٹیم کمبی نیشن دماغ میں ہے، ہمیں پروٹیز ٹیم کے خلاف ماڈرن کرکٹ کو لے کر چلنا ہوگا، جنوبی افریقا کے خلاف فتح کے لئے بہترین ٹیم کو میدان میں اتاریں گے۔

    اپنے بیان میں قومی ٹیم کے کپتان بابر اعظم کا کہنا تھا کہ ورلڈکپ دو ہزار انیس کے بعد سے قومی ٹیم نے بہت کم ایک روزہ میچز کھیلے ہیں، اس کے باوجود اسکواڈ نے کھیل کے تینوں شعبوں میں بھرپور پریکٹس کی ہے اور جنوبی افریقا کے خلاف بہترین کارکردگی کا مظاہرہ کرنے کے لئے پر عزم ہیں۔

    واضح رہے کہ پاکستان اور جنوبی افریقا کے درمیان ون ڈے سیریز کا پہلا میچ کل سنچورین ‏کے سپر اسپورٹس پارک میں کھیلا جائے گا، بابر اعظم دورہ افریقا کے موقع پر پہلی بار کپتانی کے فرائض انجام دینگے جبکہ ٹیبما باووما بھی پہلی بار جنوبی افریقہ کی کمان سنبھالیں گے۔

    ذرائع کے مطابق ٹیم مینجمنٹ نے کمبی نیشن کو بہتر بنانے کے لئے سرفراز احمد کو مڈل آرڈر پر کھلانے پر غور شروع کردیا ہے، سرفراز احمد کو بطور وکٹ کیپر اور محمد رضوان کو بیٹسمین کی حیثیت سے کھلایا جائے گا، اس ‏حوالے سے کپتان اور ہیڈ کوچ میں مشاورت کے بعد حتمی فیصلہ ہوگا۔

     

  • آئی سی سی : ٹی 20 رینکنگ جاری، ویرات کوہلی چھٹے نمبر پر

    آئی سی سی : ٹی 20 رینکنگ جاری، ویرات کوہلی چھٹے نمبر پر

    دبئی : انٹرنیشنل کرکٹ کونسل (آئی سی سی) نے ٹی 20 کی نئی رینکنگ جاری کر دی ہے، بھارتی کرکٹر ویرات کوہلی چھٹے نمبر پر چلے گئے، ٹاپ ٹین میں بھی کوئی پاکستانی بالر شامل نہیں۔

    تفصیلات کے مطابق آئی سی سی نے ٹی 20 کی رینکنگ جاری کر دی ہے جس کے مطابق قومی ٹیم کے کپتان بابراعظم ایک درجہ تنزلی کے بعد چوتھے نمبر پر آ گئے ہیں جبکہ باﺅلرز اور آل راﺅنڈرز کی فہرست میں کوئی بھی پاکستانی کھلاڑی ٹاپ ٹین میں نہ پہنچ سکا۔

    تازہ رینکنگ کے مطابق ڈیوڈ میلن بدستور پہلے نمبر پر براجمان ہیں جبکہ ایرون فِنچ 2 درجے ترقی کرکے دوسرے نمبر کے حقدار قرار پائے۔

    اس کے علاوہ بھارت کے لوکیش راہول تیسرے، ریسی وینڈر ڈوسن پانچویں، ویرات کوہلی چھٹے، گلین میکسویل ساتویں، مارٹن گپٹل آٹھویں، حضرت اللہ زازئی نویں اور ایون مورگن 10 ویں نمبر پر موجود ہیں۔

    علاوہ ازیں بولنگ رینکنگ میں افغانستان کے راشد خان پہلے نمبر پر براجمان ہیں، تبریز شمسی دوسرے، مجیب الرحمان تیسرے نمبر پر برقرار ہیں۔ سری لنکن اسپنر سینڈکن 9 درجے ترقی کر کے نویں نمبر کے کھلاڑی بن گئے، واضح رہے کہ اس بار ٹاپ ٹین میں کوئی پاکستانی کھلاڑی شامل نہیں۔

  • بابراعظم ویرات کوہلی کا کون سا ریکارڈ توڑنے والے ہیں؟

    بابراعظم ویرات کوہلی کا کون سا ریکارڈ توڑنے والے ہیں؟

    کراچی : قومی ٹیم میں تینوں فارمیٹس میں کپتانی کے فرائض انجام دینے والے بابر اعظم ون ڈے کرکٹ میں ویرات کوہلی کا ایک اور ریکارڈ توڑنے کے قریب پہنچ گئے۔

    پاکستان، بھارت، سری لنکا، بنگلہ دیش اور افغانستان میں پچھلی چند دہائیوں میں کچھ غیرمعمولی اور مایہ ناز کرکٹرز پیدا ہوئے ہیں۔

    اس حوالے سے ان دنوں بہت سارے شائقین ویرات کوہلی کو عہد جدید کا سب سے بڑا بلے باز سمجھتے ہیں، تقریباً ہر آنے والا بلے باز کوہلی کے جیسی کارکردگی دکھانے کی کوشش کرتا ہے۔

    اس کے علاوہ پاکستان میں بابر اعظم ایسا کھلاڑی ہے جسے شائقین کرکٹ ایک بہترین بیٹسمین کے طور پر مانتے ہیں جو ویرات کوہلی کی بیٹنگ سے کافی حد تک مماثلت رکھتا ہے۔ تینوں فارمیٹس کی کپتانی میں بھی بابر اعظم بہت مستقل مزاج رہے ہیں۔

    اس مضمون میں ہم ویرات کوہلی کے اس ریکارڈ کا احاطہ کریں گے کہ جس میں امید ہے کہ مستقبل قریب میں بابر اعظم اسے توڑ سکتے ہیں۔

    بابر اعظم نے پاکستان کرکٹ ٹیم کے لئے77 ون ڈے میچ کھیلے ہیں۔26 سالہ بلے باز نے55،94 کی عمدہ بلے بازی اوسط سے مجموعی طور پر3،580 رنز بنائے ہیں۔ بابر نے اب تک 75 ون ڈے اننگز میں12 سنچریاں اور 16نصف سنچری ریکارڈ کی ہیں۔

    اس کے علاوہ ون ڈے میں بابراعظم کا اسٹرائیک ریٹ87.90 ہے۔ یہ اعداد و شمار اس بات کی جانب اشارہ کرتے ہیں کہ وہ ون ڈے فارمیٹ میں 8 ہزار رنز بنانے والے سب سے تیز بلے باز ہونے کا ویرات کوہلی کا ریکارڈ توڑ سکتے ہیں۔

    ویرات کوہلی نے یہ ریکارڈ جون2017 میں حاصل کرلیا تھا، بھارتی کرکٹ ٹیم کے کپتان نے 8 ہزار رنز کے سنگ میل کو چھونے کے لئے175 اننگز کھیلیں۔

    بابر اعظم کو اگلی 99 اننگز میں ویرات کوہلی کے ریکارڈ کو توڑنے کے لئے4،420 رنز درکار ہیں۔ اگر بابر اعظم اپنی موجودہ اوسط 55.94 کو برقرار رکھتے ہوئے مقرہ رنز بناتے ہیں تو ویرات کوہلی کا یہ ریکارڈ آسانی سے توڑ سکتے ہیں۔

    ون ڈے کرکٹ میں بابر اعظم کی حالیہ پرفارمنس پر نظر ڈالی جائے تو بہت زیادہ امکان ہے کہ وہ 175 ون ڈے اننگز میں8،000 رنز کے سنگ میل کو چھولیں گے۔

  • غلطیوں سے جتنا سیکھا جائے وہ بہتر ہوگا، بابر اعظم

    غلطیوں سے جتنا سیکھا جائے وہ بہتر ہوگا، بابر اعظم

    کراچی : پاکستان ٹیم کے کپتان بابر اعظم نے کہا ہے کہ باؤنس کم تھا مگر وکٹ اسپنر کیلئے سازگار رہی، غلطیوں سے جتنا سیکھا جائے وہ بہتر ہوگا۔

    ان خیالات کا اظہار انہوں نے کراچی اسٹیڈیم میں جنوبی افریقہ ٹیم کے ساتھ کھیلے گئے ٹیسٹ میچ کے اختتام پر میڈیا سے گفتگو کرتے ہوئے کیا۔

    ٹیسٹ میچ کے حوالے سے انہوں نے کہا کہ پہلے دن اور پہلی اننگز میں ابتدائی وکٹیں جلد گریں، کراچی کی وکٹیں سلو ثابت ہوتی ہیں، باؤنس کم تھا مگر وکٹ اسپنر کیلئے سازگار رہی۔

    بابر اعظم نے کہا کہ کھلاڑیوں کی پرفارمنس سے ٹیم گروم ہوتی ہے، دوسرے روز سینئر کھلاڑیوں نے بہتر پرفارم کیا۔،
    فہیم اشرف اب ٹیسٹ کرکٹ میں بھی  اچھا پرفارمر ہے۔

    ایک سوال کے جواب میں ان کا کہنا تھا کہ میری سوچ یہ ہے کہ ٹور میں پرفارم کرنا ضروری ہے، ہوم گراؤنڈ کا فائدہ ہمیں مل جاتا ہے، جب ہم دیگر ممالک میں میچز جیتیں گے تو حوصلہ بڑھے گا۔

    بابر اعظم کا کہنا تھا کہ کھلاڑیوں کو یہی کہا جاتا ہے کہ اپنے آپ پر بھروسہ رکھو، کھلاڑیوں کو دباؤ کا شکار ہوئے بغیر کھیلنے کا کہتا ہوں، غلطیوں سے جتنا سیکھا جائے وہ بہتر ہوگا۔

    انہوں نے کہا کہ ٹیم کے ہیڈ کوچ اور بولنگ کوچ مجھے نارمل ہی دکھائی دیئے، نتائج آنے میں تھوڑا وقت لگتا ہے،
    پرفارمنس میں اتار چڑھاو آتا رہتا ہے۔

    قومی ٹیم کے کپتان کا مزید کہنا تھا کہ یہ جیت ہماری ٹیم کیلئے کافی اہمیت رکھتی ہے، نیوزی لینڈ کیخلاف سیریز ہم نے اچھی نہیں کھیلی تھی، اس بار ہماری ٹیم نے ہر شعبے میں اچھی پرفارمنس دکھائی ہے۔

    واضح رہے کہ پاکستان ٹیم نے جنوبی افریقہ کو کراچی ٹیسٹ میں سات وکٹوں سے شکست دے کر دو میچوں کی سیریز میں ایک صفر کی برتری حاصل کرلی ہے۔

    کھیل کے چوتھے روز جنوبی افریقہ نے پاکستان کو جیت کے لئے 88 رنز کا ہدف دیا تھا جو قومی ٹیم نے تین وکٹوں کے نقصان پر حاصل کرلیا۔

  • کیا آپ جانتے ہیں ؟ اس بچے کو آج قومی ٹیم میں ریڑھ کی ہڈی کی حیثیت حاصل ہے،

    کیا آپ جانتے ہیں ؟ اس بچے کو آج قومی ٹیم میں ریڑھ کی ہڈی کی حیثیت حاصل ہے،

    لاہور : کون جانتا تھا کہ آج سے تیرہ سال قبل کرکٹ میچوں کے دوران باؤنڈری کے باہر کھڑے ہوکر گیند اٹھانے والا یہ بچہ مستقبل میں پاکستان کرکٹ ٹیم کا کپتان بنے گا۔ اس بچے کی بے انتہا محنت اور سچی لگن نے اسے آج اس مقام پر پہنچا دیا۔

    جی ہاں !! ہم بات کررہے ہیں پاکستان کے مایہ ناز بیٹسمین بابر اعظم کی جنہوں نے کرکٹ کے میدان میں اپنی محنت اور لگن سے اپنے وطن کے ساتھ اپنے والدین کا نام بھی دنیا بھر میں روشن کیا۔

    اس حوالے سے قومی ٹیم کے کپتان بابر اعظم نے ایک انٹرویو میں اپنے ماضی کے یادگار لمحات کو ناظرین سے شیئر کیا اور کریز کے باہر گیند پکڑنے سے لے کر کپتان بننے تک کے سفر کی داستان سنائی۔

    پی سی بی کی جاری کردہ ایک ویڈیو میں بابراعظم نے بتایا کہ مجھے سال2007سے کرکٹ کا شوق ہوا اس کے علاوہ مجھے کرکٹ کے کھلاڑیوں کو قریب سے دیکھنے کی بھی حسرت تھی جسے پورا کرنے کیلئے میں نے کسی سے کہا تو انہوں نے مجھے اسٹیڈیم میں بال پکر لگوا دیا۔

    بابر اعظم نے بتایا کہ ان دنوں ساؤتھ افریقہ کی ٹیم پاکستان آئی ہوئی تھی،  میں رمضان کے مہینے میں اپنے گھر گلبرگ سے اسٹیڈیم تک روزانہ پیدل جاتا تھا۔

    ایک دلچسپ واقعہ بیان کرتے ہوئے بابر اعظم نے بتایا کہ ایک دن انضی بھائی (انضمام الحق ) کا آخری میچ تھا اور اس ٹیسٹ میچ میں جاوید میانداد کا ریکارڈ توڑنے کیلئے انہیں صرف دو رن درکار تھے لیکن وہ اسٹمپ آؤٹ ہوگئے۔

    بابر اعظم نے کہا کہ وہ منظر میں نے اپنی آنکھوں سے دیکھا کہ جب ڈریسنگ روم میں واپس آکر انضی بھائی نے غصے میں اپنا بیٹ توڑ دیا تھا۔

    انہوں نے کہا کہ میرے کرکٹ کیریئر کا سفر بہت مشکلات میں گزرا ہے لیکن اللہ کی مدد سے میں نے تمام مراحل پورے کرلیے اور آج وہ دن ہے کہ جب وہی ساؤتھ افریقہ کی ٹیم آئی ہوئی ہے اور میں قومی ٹیم کی کپتانی کررہا ہوں جو میرے لیے باعث فخر بھی ہے۔

    ایک واقعہ بیان کرتے ہوئے بابر اعظم نے بتایا کہ ساؤتھ افریقہ سے میچ کے دوران جے پی ڈومنی نے عبدالرحمان کو کریز سے نکل کر شارٹ ماری تھی جس کا میں نے باؤنڈری کے باہر آسانی سے کیچ پکڑ لیا اور بال واپس گراؤنڈ میں پھینک دی۔

    اسی دوران این بیشم نے کہا کہ اس بچے کے کیچ پکڑنے کے انداز سے مجھے لگتا ہے کہ یہ بچہ آگے چل کچھ نہ کچھ بنے گا۔ یہ بات مجھے آج تک یاد ہے جس سے مجھے خود اعتمادی ملی۔

    انٹرویو میں انہوں نے اپنے پیغام میں کہا کہ کسی بھی خواہش کو پورا کرنے کیلئے بھرپور محنت، مستقل مزاجی اور لگن کی ضرورت ہوتی ہے اور انسان اپنے بڑے مقصد کو ایک دم حاصل نہیں کرسکتا اس کے لیے چھوٹے چھوٹے مقاصد پورا کرتے ہوئے قدم بہ قدم آگے بڑھنا چاہیے۔

  • کراچی کنگز کی شاندار کی فتح پر بابر اعظم کے مداحوں کا جشن

    کراچی کنگز کی شاندار کی فتح پر بابر اعظم کے مداحوں کا جشن

    کراچی : پی ایس ایل فائیو کے فائنل میچ میں کراچی کنگز کی فتح پر شہری خوشی سے جھوم اٹھے، بابر اعظم کی شاندار بیٹنگ پر ان کے مداح پھولے نہیں سمارہے۔

    کراچی کنگز کی شاندار فتح پر شائقین کرکٹ کا جشن جاری ہے، اس حوالے سے اے آر وائی نیوز کے نمائندے نے شہر کے بھر میں خوشیاں منانے والے لوگوں سے گفتگو کی۔

    شہر کی معروف فوڈ اسٹریٹ پر لوگوں نے کھانے کے دوران میچ دیکھا اور اور بابر اعظم کی بیٹنگ دل کھول کر تعریف کی، ان کا کہنا تھا کہ کراچی کنگز کی جیت نے کھانے کا لطف دوبالا کردیا۔

    دوسری جانب کراچی کنگز کے بالر عمید آصف نے میچ میں دو اہم وکٹیں حاصل کیں اور ان کے گھر پنجاب کے شہر ڈسکہ میں خاندان کے سارے افراد نے خوشی سے سرشار ہوکر جشن منایا۔

    عمید آصف کے والد کا کہنا تھا کہ مجھے بے حد خوشی ہے کہ میرے نے جیت میں اہم کردار ادا کیا، ان کا کہنا تھا کہ جو لوگ یہ سمجھتے تھے پاکستان سے کرکٹ ختم ہوگئی آج ان کی مایوسی کا دن ہے۔

  • بیٹنگ کے دوران کس کھلاڑی کو سمجھاتے ہیں؟ بابر اعظم نے بتادیا

    بیٹنگ کے دوران کس کھلاڑی کو سمجھاتے ہیں؟ بابر اعظم نے بتادیا

    راولپنڈی: قومی ٹیم کے کپتان بابر اعظم کا کہنا ہے کہ نوجوان کھلاڑی جب پرفارم کرتے ہیں تو اچھا لگتا ہے، حیدر علی اور عثمان قادر نے بہت اچھا کھیلا۔

    اے آر وائی نیوز کی رپورٹ کے مطابق زمبابوے کے خلاف ٹی 20 سیریز میں کامیابی کے بعد کپتان بابر اعظم نے میڈیا سے گفتگو کرتے ہوئے کہا کہ حیدر علی جارحانہ کھیلتے ہیں ان کو سمجھاتا رہتا ہوں، حیدر اور عثمان قادر دونوں نے اچھی کارکردگی کا مظاہرہ کیا۔

    بابر اعظم نے کہا کہ کوشش کریں گے تیسرے ٹی 20 میں نوجوانوں کو موقع دیں اور سیریز میں وائٹ واش کریں۔

    https://urdu.arynews.tv/pakistan-wins-t20-series-against-zimbabwe/

    انہوں نے کہا کہ صرف موجودہ میچ کا سوچ کر کھیلتا ہوں، صورت حال کے حساب سے کھیلنے کی کوشش کرتا ہوں،

    دوسری جانب زمبابوے کے کپتان کا کہنا تھا کہ ہم آج بھی بڑا اسکور کرنے میں ناکام رہے، اہم موقع پر وکٹیں گنوائیں، ویسلی بہت اچھا کھیل رہا ہے اور بھی اچھے کھلاڑی ٹیم میں آرہے ہیں۔

    واضح رہے کہ پاکستان نے زمبابوے کو دوسرے ٹی 20 میچ میں 8 وکٹوں سے شکست دے کر سیریز میں 2-0 کی فیصلہ کن برتری حاصل کرلی، سیریز کا آخری میچ 10 نومبر کو کھیلا جائے گا۔

  • بابر اعظم نے ایک اور اعزاز اپنے نام کرلیا

    بابر اعظم نے ایک اور اعزاز اپنے نام کرلیا

    راولپنڈی: قومی ٹیم کے کپتان بابر اعظم نے رواں سال ٹی 20 انٹرنیشنل میچز میں ایک ہزار رنز مکمل کرکے ایک اور اعزاز اپنے نام کرلیا۔

    تفصیلات کے مطابق قومی ٹیم کے کپتان بابر اعظم نے زمبابوے کے خلاف کھیلے جانے والے پہلے ٹی 20 میچ میں 82 رنز کی اننگز کھیلی اور رواں سال ایک ہزار رنز بنانے کا اعزاز اپنے نام کرلیا۔

    بابر اعظم مسلسل دو سال میں ایک ہزار رنز بنانے والے پاکستان کے پہلے کھلاڑی بن گئے، بابر نے گزشتہ سال ٹی ٹوینٹی میں ایک ہزار 607 رنز بنائے تھے۔

    قومی ٹیم کے کپتان نے 2020 میں اب تک ایک ٹی ٹوئنٹی سنچری اور 9 نصف سنچریوں کی مدد سے 26 اننگز میں 1063 رنز بنائے ہیں جب کہ بھارت کے لوکیش راہول 993 رنز بناکر اس سال کی فہرست میں دوسرے نمبر پر ہیں۔

    بابر سے قبل شعیب ملک نے 3 مرتبہ سال میں ہزار رنز ضرور بنائے ہیں لیکن وہ مسلسل یہ کارنامہ انجام نہیں دے سکے، شعیب ملک نے سال 2014،2016 اور2019 میں ایک ایک ہزار رنز بنائے تھے۔

    ان کے علاوہ عمر اکمل، احمد شہزاد اور عمران نذیر بھی ایک ایک بار سال میں ہزار رنز بنانے کا کارنامہ انجام دے چکے ہیں جب کہ ویسٹ انڈیز کے کرس گیل نے 9 مرتبہ سال میں ایک ہزار ٹی ٹوئنٹی رنز بنانے کا کارنامہ انجام دیا ہے۔