Tag: Babar azam

لاہور: قومی کرکٹ ٹیم کے کپتان سرفراز احمد، بابر اعظم اور فاسٹ باؤلر وہاب ریاض کی موج مستیاں کرتے ہوئے ویڈیو وائرل ہوگئی۔

تفصیلات کے مطابق قومی کرکٹ ٹیم کے کپتان سرفراز احمد، بابر اعظم اور وہاب ریاض کی سفر کے دوران بھارتی گانوں پر موج مستیاں کرتے ہوئے ویڈیو وائرل ہوگئی۔

کرکٹ کے میدان میں اپنے صلاحیتوں کا لوہا منوانے والے یہ تینوں قومی کرکٹرز میدان سے باہر بھی کسی سے کم نہیں ہیں اور سفر کو بھی بھرپور طریقے سے انجوائے کرتے ہیں۔

فاسٹ باؤلر وہاب ریاض نے اپنے انسٹا گرام پر ویڈیو شیئر کی ہے جس میں سرفراز احمد گانا گانے میں مگن ہیں جبکہ وہاب ریاض اور بابر گانے پر جھومتے نظر آرہے ہیں۔

ویڈیو میں دیکھا جاسکتا ہے کہ سرفراز احمد بالی وڈ کی مشہور فلم دھڑکن کے گانے ’دلہے کا سہرا سہانا لگتا ہے، دلہن کا تو دل دیوانہ لگتا ہے‘ اور مبارک ہو تم کو یہ شادی تمہاری سدا خوش رہو یہ دعا ہے ہماری، گنگانے میں مصروف ہیں۔

Enjoying our way to ISB

A post shared by Wahab Riaz (@wahabviki) on Nov 12, 2017 at 10:38am PST

واضح رہے کہ فلم دھڑکن 11 اگست 2000 کو ریلیز ہوئی تھی، مذکورہ گانے میں استاد نصرت علی خان نے اپنی آواز کا جادو جگایا تھا۔

فلم دھڑکن باکس آفس پر کامیاب رہی تھی، فلم میں مرکزی کردار بالی وڈ اداکار اکشے کمار، سنیل شیٹھی اور شلپا شیٹھی نے ادا کئے تھے۔

یاد رہے کہ فاسٹ باؤلر وہاب ریاض کی اس سے قبل اپنی بہن کی شادی میں ڈانس کی ویڈیو بھی وائرل ہوچکی ہے۔

Sarfaraz in a mood

A post shared by Wahab Riaz (@wahabviki) on Nov 12, 2017 at 10:41am PST

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔