Tag: Babar azam

قومی ٹیم کے سابق کپتان و اسٹار بیٹر بابر اعظم کا کہنا ہے کہ آج میں جس مقام پر کھڑا ہوں اس سے مطمئن نہیں ہوں۔

پاکستان کے اسٹار بلے باز و سابق کپتان بابر اعظم نے کرک بز کو انٹرویو دیتے ہوئے کہا کہ میں کئی بار ناکام ہوا لیکن ہمیں ہر چیز کے لیے تیار رہنا ہوتا ہے، میں آج جہاں کھڑا ہوں اس سے مطمئن نہیں ہوں اس لیے روزانہ کچھ سیکھنے کی کوشش کرتا ہوں۔

بابر کا کہنا تھا کہ جب میں اچھا پرفارم نہیں کرتا تو لوگوں سے اس بارے میں بات کرتا ہوں، اپنی نیٹ ویڈیوز دیکھ کر لوگوں سے مشورہ لیتا ہوں، اپنی غلطیوں پر کوچز اور سینئر کھلاڑیوں سے بات کرتا ہوں۔

بابر اعظم نے اپنے کور ڈرائیو پر بات کرتے ہوئے کہا کہ ’’کور ڈرائیو میری اسٹرینتھ ہے، یہ شاٹ مارنے کے بعد میرے اعتماد میں اضافہ ہوتا ہے، میں نے کور ڈرائیو پر بہت محنت کی ہے اور مجھے لگتا ہے کہ میں نے کور ڈرائیو میں مہارت حاصل کرلی ہے‘‘۔

بابر اعظم نے مزید کہا کہ ٹی ٹوئنٹی میچز میں نوجوان کھلاڑیوں کو موقع دینا اچھی بات ہے لیکن سینئر اور تجربہ کار کھلاڑیوں کا ہونا بھی لازم ہے کیونکہ تجربہ کار کھلاڑی ہی مشکل وقت سے نکال سکتے ہیں اور دباؤ کو ہینڈل کرسکتے ہیں، ٹیم میں سینئر کھلاڑیوں کو شامل کرنے سے نوجوان کھلاڑیوں کو بھی سیکھنے کاموقع ملے گا۔

ڈنیڈن: پاکستان کرکٹ ٹیم کے سابق کپتان بابر اعظم کی مسلسل تیسرے میچ میں بھی نصف سنچری بنا کر  منفرد ریکارڈ اپنے نام کرلیا۔

پاکستانی بلے باز آج بھی ریت کی دیوار ثابت ہوئے، نیوزی لینڈ نے تیسرے ٹی ٹوئنٹی میچ میں بھی پاکستان کو شکست دے کر فیصلہ کن برتری حاصل کرلی۔

آج کے میچ میں نیوزی لینڈ کے کھلاڑی فن ایلن نے جارحانہ بلے بازی کا مظاہرہ کرتے ہوئے 62 گیندوں پر 16 چھکوں اور 5 چوکوں کی مدد سے 137 رنز بنائے جبکہ پاکستانی بولز حارث رؤف نے اپنے چار اوورز میں 60 رنز دے کر 2 وکٹیں حاصل کیں۔

اس کے علاوہ قومی ٹیم کی جانب سے سابق کپتان بابر اعظم ہی نمایا رہے، ڈیونیڈن میں کھیلے گئے سیریز کے تیسرے میچ میں قومی ٹیم کے بیٹر بابر اعظم نے 37 گیندوں پر 1 چھکے اور 8 چوکوں کی مدد سے 58 رنز کی اننگز کھیلی تاہم وہ پاکستان کو میچ جتوانے میں ناکام رہے۔

جس کے بعد سابق کپتان بابر اعظم ٹی 20 انٹرنیشنل میں دنیا کے دوسرے بلے باز بن گئے ہیں جنہوں نے 10 مرتبہ 50 یا اس سے زائد رنز کی اننگز کھیلی تاہم وہ ٹیم کو فتح دلوانے میں ناکام رہے۔

اس فہرست میں بھارت کے سابق کپتان ویرات کوہلی کا پہلا نمبر ہے جنہوں نے 11 مرتبہ 50 یا اس سے زائد رنز کی اننگز کھیلی لیکن بھارتی ٹیم میچ جیتنے میں ناکام رہی۔

واضح رہے کہ  تیسرے ٹی20 میچ میں نیوزی لینڈ نے پہلے بیٹنگ کرتے ہوئے مقررہ 20 اوورز میں 224 رنز بنائے، جواب میں قومی ٹیم محض 179 رنز بناکر ڈھیر ہوگئی اور یوں سیریز میں مسلسل تیسری شکست کا منہ دیکھنا پڑا۔

حیدرآباد: قومی ٹیم کے کپتان بابر اعظم نے سری لنکا کیخلاف تاریخی کامیابی کے بعد سوشل میڈیا پر بیان جاری کیا ہے۔

حیدرآباد میں کھیلے گئے میچ میں پاکستان نے سری لنکا کی جانب سے دیا جانے والا 345 رنز کا ہدف 48.1 اوورز میں 4 وکٹوں کے نقصان پر حاصل کیا۔

محمد رضوان نے ناقابل شکست 130 رنز کی اننگز کھیلی، عبداللہ شفیق نے بھی 113 رنز کی دلکش اننگز کھیلی۔

سعود شکیل 31 رنز بنا کر آؤٹ ہوئے، اوپنر امام الحق 12 اور کپتان بابر عظم 10 رنز بنا کر پویلین لوٹ گئے، افتخار احمد نے 22 رنز کی برق رفتار اننگز کھیل کر ناٹ آؤٹ رہے۔

ورلڈ کپ کے ابتدائی دونوں میچوں میں بابر اعظم بڑی اننگ کھیلنے میں کیوں ناکام ہوئے؟

اس میچ میں پاکستان نے سری لنکا کی جانب سے دیا گیا 345 رنز کا ہدف صرف 4 وکٹوں کے نقصان پر پورا کر کے ورلڈکپ کی 48 سالہ تاریخ کا سب سے بڑا ٹوٹل 10 گیندوں قبل حاصل کر لیا۔

بعد ازاں بابر اعظم نے سوشل میڈیا پر جاری بیان میں لکھا کہ میرے لڑکوں کی کمر پر تھپکی جو کبھی بھی نا نہیں کہتے،  محمد رضوان اور عبد اللہ شفیق نے خطرناک بولنگ کے بعد جیت کی بنیاد رکھی۔

ساتھ ہی پاکستان کرکٹ ٹیم کے کپتان بابر اعظم نے پاکستان اور سری لنکا کے میچ کے دوران اسٹیڈیم میں موجود شائقین کرکٹ کی جانب سے ملنے والی حمایت پر شکریہ ادا کردیا۔

انہوں نے کہا کہ ناقابل یقین حمایت کے لیے حیدرآباد کا شکریہ۔

Tap on the back of my boys for never saying never. @iMRizwanPak & Abdullah building on the momentum after brilliant death bowling.

Thank you Hyderabad for the incredible support! pic.twitter.com/cdcssiy8Hv

— Babar Azam (@babarazam258) October 10, 2023