قومی کرکٹ ٹیم کے کپتان بابر اعظم کی ایک مداح نے آج ہونے والے ٹی ٹوئنٹی میچ میں سینچری مارنے پر اُن کے لیے اپنے والد کی مرسیڈیز دینے کا اعلان کر دیا۔
فوٹو اینڈ ویڈیو شیئرنگ ایپ انسٹاگرام پر برمنگھم میں موجود پاکستانی کرکٹ ٹیم کی جذباتی مداح کی ایک ویڈیو خوب وائرل ہو رہی ہے جس میں انہوں نے اپنے والد کی مرسیڈیز دینے کا اعلان کیا ہے۔
بابر اعظم کی مداح نے کہا کہ میں اپنے پپا کو بتا کر آگئی ہوں کہ اگر پاکستانی ٹیم آج کا میچ جیت گئی تو ان کی مرسیڈیز بابر اعظم کو دے دوں گی، پاکستان کی جیت پر ایسا ہزاروں مرسیڈیز قربان ہیں۔
خیال رہے کہ پاکستان اور انگلینڈ کے درمیان 4 میچز کی سیریز کا پہلا ٹی 20 انٹرنیشنل میچ بارش کے باعث منسوخ کردیا گیا تھا۔
تاہم آج اس سیریز کا دوسرا میچ برمنگھم میں کھیلا جائے گا، جبکہ تیسرا میچ 28 مئی کو کارڈف میں اور آخری مقابلہ 30 مئی کو اوول میں کھیلا جائے گا۔
