کولمبو : قومی ٹیم کے کپتان بابر اعظم کی شاندار بیٹنگ نے کرکٹ شائقین کے دل جیت لیے، ان کی حیرت انگیز شاٹ کی ویڈیو سوشل میڈیا پر وائرل ہوگئی۔
کولمبو میں دوسرے ٹیسٹ کے تیسرے دن سری لنکا کے خلاف کھیلے جانے والے میچ میں پاکستان کا اچھا دن رہا، اوپنر عبداللہ شفیق کی پہلی ڈبل سنچری اور آغا سلمان کے ناقابل شکست 132رنز نے پاکستان کو فتح کے قریب پہنچا دیا۔
کولمبو کے سنہالیز اسپورٹس کلب میں سری لنکا کو اپنی پہلی اننگز میں 397 رنز کی برتری حاصل تھی، قومی ٹیم نے سری لنکا کے لیے پہلی اننگز میں5 وکٹوں کے نقصان پر 563 رنز کا پہاڑ کھڑا کردیا تھا۔
Babar Azam comes up with another unique shot 🔥#SLvPAK pic.twitter.com/oE352pQLSH
— Farid Khan (@_FaridKhan) July 25, 2023
بینٹنگ کے دوران ایک موقع پر کپتان بابر اعظم نے اتنی خوبصورت اور حیرت انگیز شاٹ کھیلی کہ دیکھنے والے تعریف کیے بغیر نہ رہ سکے، اور سوشل میڈیا پر طوفان برپا ہوگیا۔
ویڈیو میں دیکھا جاسکتا ہے کہ بابر اعظم نے اسیتھا فرنینڈو کی بال پر شاندار چوکا لگایا جودیکھنے میں بہت مشکل تھا،انہوں نے بہت نپے تُلے انداز میں سلپ پر کھڑے دو فیلڈرز کے درمیان سے اس مہارت سے گیند گزاری کہ باوجود کوشش کے وہ اسے نہ پکڑ پائے۔
سوشل میڈیا پر کچھ صارفین نے وہ ویڈیوز بھی اپ لوڈ کیں کہ جس میں بابر اعظم نے پریکٹس کے دوران ایسی شاٹ لگائی۔
Babar Azam played that shot intentionally and guided it for four. Root and Williamson play it too! Babar has mastered it and can play it whenever he wants to 💚
Commentators don't follow Babar in the nets and it shows, they don't know a thing 👎 #SLvPAK https://t.co/4iyVqnmGgH pic.twitter.com/5JRkMb1W5n
— Farid Khan (@_FaridKhan) July 26, 2023
یاد رہے کہ پاکستان نے گال ٹیسٹ میں میزبان ٹیم سری لنکا کو چار وکٹوں سے چت کیا تو کولمبو میں کھیلے گئے دوسرے میچ میں باآسانی ایک اننگ اور 222 رنز کے بھاری مارجن سے شکست دے کر آئی سی سی کے تیسرے ٹیسٹ چیمپئن شپ کی پہلی سیریز جیت لی۔ اس سیریز میں فتح کے ساتھ کئی ریکارڈ بھی قومی ٹیم کے نام کے آگے درج ہوگئے ہیں۔