پاکستان شوبز انڈسٹری کے معروف اداکار سعد قریشی اور ان کی اہلیہ میشا چوہدری نے اپنے پہلے بچے کا استقبال کیا ہے۔
اداکار سعد قریشی نے فوٹو اینڈ شیئرنگ ایپ انسٹاگرام پر اس خوشی کی خبر کا اعلان کیا ہے انہوں نے ایک تصویر پوسٹ کی ہے جس میں ان کی ننھی پری نے ان کے ہاتھ کی ایک انگلی پکڑی ہوئی ہے۔
اداکار نے اپنی نومولود بیٹی کی پہلی تصویر کے ساتھ کیپشن میں لکھا کہ دنیا میں خوش آمدید میری چھوٹی شہزادی، تاہم اداکار نے اپنی بیٹی کے نام یا تاریخ پیدائش کے حوالے سے مزید کوئی تفصیلات شیئر نہیں کیں۔
View this post on Instagram
سوشل میڈیا بیٹی کی پیدائش کے اعلان کے بعد اداکار اور اہلِ خانہ کے لیے مداحوں اور ساتھی فنکاروں کی جانب سے مبارک باد اور نیک خواہشات کا سلسلہ شروع ہو گیا ہے۔
واضح رہے کہ اداکار سعد قریشی نے اپنی منگنی کے ایک سال بعد دسمبر 2019 میں ڈینٹل سرجن میشا چوہدری کے ساتھ شادی کے بندھن میں بندھ گئے تھے۔
دریں اثنا، کام کے محاذ پر سعد اس وقت اے آر وائی ڈیجیٹل کے ڈرامہ سیریل ‘اے دل’ میں نظر آرہے ہیں، اس ڈرامے میں ان کے ہمراہ کومل میر، حنا چوہدری، اذان سمیع خان اور گوہر رشید ہیں۔
اس سے قبل ڈرامہ سیریل بسمل میں سعد قریشی نے اپنی اداکاری کے جوہر دکھائے تھے اس ڈرامے میں شوبز انڈسٹری کی معروف اداکارہ حریم فاروق نے مرکزی کردار نبھایا تھا دیگر اداکاروں میں نعمان اعجاز، سویرا ندیم، شاہین خان شامل تھے۔
بسمل کی ہدایت کاری کے فرائض احسن تالش نے انجام دیے تھے جبکہ اس کی کہانی زنجابیل عاصم شاہ نے لکھی اس ڈرامے کی کہانی ایک مڈل کلاس لڑکی کے گرد بنائی گئی تھی جو شارٹ کٹ کے ذریعے امیر بننا چاہتی تھی اور اس کے بعد اس کا زوال شروع ہوجاتا ہے۔
