لاہور : ہیٹر میں آگ لگنے سے تین ماہ بچی جھلس کر جاں بحق ہوگئی، متوفیہ ایس ایچ او کاہنہ کی بیٹی تھی۔
تفصیلات کے مطابق لاہور کے علاقے کاہنہ میں ایس ایچ او تھانہ لوئرمال کے گھر میں آگ لگنے سے اس کی 3 ماہ کی بچی جاں بحق ہوگئی۔
اس حوالے سے پولیس حکام کا کہنا ہے کہ ایس ایچ او عاصم ادریس کی 3ماہ کی بیٹی ہیٹر کے پاس سورہی تھی کہ اچانک ہیٹر میں لگنے والی آگ نے بچی کے کمبل کو اپنی لپیٹ میں لے لیا، جس کے نتیجے میں معصوم بچی جھلس کر جاں بحق ہوگئی۔
مزید پڑھیں : سانگھڑ میں گھر میں آگ لگنے سے 3 کم سن بچیاں جھلس کر جاں بحق
یاد رہے کہ سندھ کے شہر سانگھڑ کے علاقے کنڈیاری میں بھی گھر میں آگ لگنے سے 3 کم سن بچیاں جھلس کر جاں بحق ہوگئی تھیں، گھر میں آگ لگنے کے وقت تینوں بچیاں سو رہی تھیں، جاں بحق ہونے والی تینوں بچیوں کی شناخت 8 سالہ چندنی، 4 سالہ گوری اور دو سالہ ریونہ کے ناموں سے ہوئی۔
