لندن : متحدہ قومی موومنٹ کے قائد الطاف حسین نے ایم کیو ایم لندن کی رابطہ کیمٹی کو معطل کردینے کے کچھ گھنٹوں بعد ہی بحال کردیا ہے۔
تفصیلات کے مطابق ایم کیو ایم کی جانب سے جاری بیان میں کہا گیا ہے کہ معطل کی جانے والی لندن رابطہ کمیٹی کو بحال کر دیا گیا ہے۔
جاری اعلامیہ میں کہا گیا ہے کہ ایم کیو ایم کے قائد الطاف حسین نے انٹر نیشنل سیکریٹریٹ لندن رابطہ کمیٹی کے فوری طور پر بحالی کا حکم دے دیا۔
اس سے قبل الطاف حسین نے لندن رابطہ کمیٹی کو معطل کر کے منظور احمد کو نگراں انچارج مقرر کیا تھا۔
رابطہ کمیٹی کے معطل اراکین میں ڈاکٹر ندیم نصرت، مصطفیٰ عزیز آبادی، قاسم علی رضا، واسع جلیل ودیگر شامل تھے۔ تاہم اب قائم مقام کنوینئر ندیم نصرت سمیت تمام ارکان اپنی ذمہ داریاں انجام دیتے رہیں گے۔
