بہاولپور: آئل ٹینکر حادثے کے بعد اسپتالوں میں کچھ ایسے لوگ بھی تھے جو اپنے پیاروں کو ڈھونڈتے رہے، چوڑیاں فروخت کرنے والی بچیاں گھر نہ پہنچیں تو ماں ڈھونڈتے ہوئے اسپتال پہنچ گئی۔
تفصیلات کے مطابق بہاولپور کے علاقے احمد پور شرقیہ میں آئل ٹینکر میں آگ لگنے سے اب تک 140 افراد جاں بحق ہوئے جن میں سے 8 کی ہی شناخت ہوسکی ، ڈپٹی کمشنر بہاولپور کے مطابق سانحہ میں جاں بحق افراد 132 افراد لاشیں ناقابل شناخت ہیں جنہیں ڈی این اے کی رپورٹ آنے کے بعد ورثا کےحوالے کیا جائے گا۔
سانحہ بہاولپور میں ایک ہی خاندان کے 9 افراد جاں بحق ہوئے جبکہ اب تک سیکڑوں افراد لاپتہ بھی ہے، پیارے اپنے عزیزوں کی تلاش میں اسپتالوں کے چکر کاٹ رہے ہیں۔
پڑھیں: بہاولپور: آئل ٹینکر میں آگ لگنے سے 140 افراد جاں بحق
احمد پور شرقیہ حادثے کے بعد اسپتالوں میں کرب ناک مناظر دیکھنے میں آئے، جدھر نظر اٹھی وہاں آنکھ نم تھی، ایک گھر کے چار افراد لاپتہ تو کوئی جلی ہوئی لاشوں کی شناخت کا منتظر ہے۔
حادثے کے بعد چوڑیاں بیچنے والی بچیاں گھر نہ پہنچیں تو مائیں روتی ہوئی مختلف اسپتال پہنچ گئی اور ہر کسی سے بیٹیوں کا پوچھتی رہیں جبکہ ایک شخص ایسا بھی تھا جس کے گھر کے چار افراد لاپتہ تھے اور اور زخمی وہیل چیئر پر ماں کے ہمراہ پیاروں کو تلاش کرتا نظر آیا۔
اس حادثے میں ایک گھرکےنو افراد جاں بحق ہوئے، ان میں سات بھائی اوردوبہنیں تھیں،لڑکیوں کی عید کے پانچویں دن شادی تھی، ایک اورگھرکے پانچ افراد لاپتہ ہیں ۔
