ARYNews.tv | Urdu – Har Lamha Bakhabar

Tag: Bahrain

  • 49 برس تک بحرین کے وزیر اعظم رہنے والے شہزادے انتقال کر گئے

    49 برس تک بحرین کے وزیر اعظم رہنے والے شہزادے انتقال کر گئے

    مناما: بحرین کے وزیر اعظم شہزادہ خلیفہ بن سلمان الخلیفہ 84 سال کی عمر میں انتقال کر گئے، وہ 49 برس تک وزارت عظمیٰ کے عہدے پر فائز رہے۔

    عرب میڈیا کے مطابق بحرین کے وزیر اعظم شہزادہ خلیفہ بن سلمان الخلیفہ انتقال کر گئے، شہزادہ خلیفہ بن سلمان الخلیفہ کی عمر 84 سال تھی۔

    بحرین کی شاہی کورٹ نے ان کی رحلت کا اعلان کیا۔

    عرب میڈیا رپورٹ کے مطابق شہزادہ خلیفہ سب سے طویل عرصہ کسی ملک کے وزیر اعظم رہنے والے رہنما تھے، انہوں نے سنہ 1971 میں وزیر اعظم کا عہدہ سنبھالا تھا اور 49 برس اس عہدے پر فائز رہے۔

    وزیر اعظم کے انتقال کے بعد ملک بھر میں ایک ہفتے تک سوگ کا اعلان کردیا گیا ہے۔

    وزیر اعظم کی تدفین کب اور کہاں کی جائے گی اس حوالے سے اب تک کوئی تفصیلات سامنے نہیں آسکیں۔

  • کورونا وائرس : بحرین میں اسکول کھولنے کا فیصلہ مؤخر

    کورونا وائرس : بحرین میں اسکول کھولنے کا فیصلہ مؤخر

    مناما : بحرینی وزارت صحت نے کہا ہے کہ ملک میں کورونا وائرس کے کیسز بڑھ جانے پر حفاظتی اقدامات کے تحت اسکول کھولنے کا فیصلہ دو ہفتوں کیلئے مؤخر کردیا گیا ہے۔

    بحرینی خبر رساں ادارے کے مطابق بحرینی وزارت تعلیم و تربیت نے بحرینی وزارت صحت کے فیصلے کی توثیق کرتے ہوئے کہا کہ سرکاری اسکول اب دو ہفتے بعد کھولے جائیں گے۔

    ترجمان وزارت تعلیم کا کہنا ہے کہ کورونا وائرس بڑھنے کی وجہ سے یہ فیصلہ کیا گیا ہے اور یہ بھی طے کیا گیا ہے کہ سرکاری اسکولوں کے تمام اساتذہ کا کورونا ٹیسٹ لے کر ہی تعلیمی ادارے کھولے جائیں گے۔

    یاد رہے کہ بحرینی ولی عہد شہزادہ سلمان بن حمد آل خلیفہ جو وزیراعظم کے نائب اول بھی ہیں نے سرکاری اسکول کھولنے کے پروگرام پر نظر ثانی کا حکم دیا تھا۔

    اس کے علاوہ بحرین میں قومی طبی ٹیم نے بھی یہی سفارش کی تھی کہ فی الوقت اسکول نہ کھولے جائیں کیونکہ نئے کورونا وائرس کے کیسز بڑھ رہے ہیں۔

    بحرینی خبررساں ادارے کے مطابق اسکولوں میں انتظامی، تعلیمی اور تکنیکی عملے کی ڈیوٹی بیس ستمبر سے شروع ہوگی۔
    ایک اطلاع یہ بھی ہے کہ وزارت تعلیم کا عملہ نئی ہدایات آنے تک سابقہ پوزیشن پر تعینات رہے گا۔ جہاں تک نجی اسکولوں کا تعلق ہے تو ان کی بحالی کے فیصلے میں کوئی ردوبدل نہیں کیا گیا ہے۔

  • بحرین: خلیجی ممالک کے شہریوں کی آمد پر پابندی ختم

    بحرین: خلیجی ممالک کے شہریوں کی آمد پر پابندی ختم

    مناما: بحرین نے خلیجی شہریوں کی آمد پر پابندی ختم کردی، بحرین پہنچنے والے تمام افراد کو کرونا وائرس ٹیسٹ کا رزلٹ آنے تک ہاؤس آئسولیشن میں رہنا ہوگا۔

    بین الاقوامی ویب سائٹ کے مطابق بحرین نے جی سی سی (گلف کوآپریشن کونسل) کے شہریوں اور ای ویزا ہولڈرز کی آمد پر سے پابندی اٹھالی ہے اور اس پر جمعے سے عمل درآمد شروع کردیا گیا ہے۔

    بحرینی ایئرپورٹ کے حکام کا کہنا ہے کہ جمعہ 4 ستمبر سے جی سی سی ممالک کے شہریوں اور ای ویزا ہولڈرز کو بحرین آنے کی اجازت دی گئی ہے۔

    حکام کے مطابق ایسے ملکوں کے شہری بھی بحرین آسکیں گے جنہیں ایئر پورٹ، بندرگاہ یا بری سرحدی چوکی پہنچنے پر ویزے جاری کیے جاتے رہے ہیں۔

    بحرینی ہوائی اڈے کے حکام نے ٹوہٹر پر جاری بیان میں کہا ہے کہ بحرین آنے والے مسافروں کا پی سی آر ٹیسٹ ان کے خرچ پر ہوگا، بحرین پہنچنے والوں کو کرونا وائرس ٹیسٹ کا رزلٹ آنے تک ہاؤس آئسولیشن میں رہنا ہوگا اور اس کی پابندی ہر ایک کو کرنا ہوگی۔

    خیال رہے کہ کرونا وائرس کی وبا کی وجہ سے بحرین میں آمد و رفت پر پابندی عائد کردی گئی تھی جو کئی ماہ سے جاری تھی۔

  • بحرین اور سعودی حکومت کا عوام کی سہولت کیلئے بڑا فیصلہ

    بحرین اور سعودی حکومت کا عوام کی سہولت کیلئے بڑا فیصلہ

    ریاض : سعودی عرب اور بحرین کے مابین ریلوے سروس شروع کرنے کے حوالے سے عوامی سروے کا اہتمام کیا جا رہا ہے۔ سروے کا اہتمام دونوں ممالک کی سرحد پر واقع شاہ فہد پل کے ادارے کی جانب سے کیا گیا ہے۔

    ادارے کی جانب سے کہا گا ہے کہ ریلوے سروس شروع کرنے کے حوالے سے عوامی سروے کے بعد دونوں ممالک اس کا جائزہ لے کرفیصلہ کریں گے۔

    ویب نیوز اخبار 24 نے شاہ فہد پل کی انتظامیہ کے حوالے سے کہا ہے کہ سعودی عرب اور بحرین کے مابین لوگوں کی آمدورفت کو مزید بہتر بنانے اور انہیں سفر کی سہولت فراہم کرنے کے لیے جو سروے کیا جائے گا۔

    اس میں شریک لوگوں کی ذاتی معلومات پبلک میں نہیں لایا جائے گا۔ سروے کا مقصد دونوں طرف کے عوام کی رائے معلوم کرنا ہے تاکہ فیصلہ کرنے میں سہولت ہو۔

    واضح رہے سعودی عرب اور بحرین کو جوڑنے والا مشہور پل دمام میں میں ہے جس کا آدھا حصہ سعودی عرب میں جبکہ باقی آدھا حصہ بحرین میں ہے۔

    شاہ فہد پل کی لمبائی 25 کلو میٹر ہے یہ پل الخبر دمام شہر کے علاقے العزیزیہ سے شروع ہوتا ہے جبکہ بحرین میں منامہ کے مغربی علاقے میں ختم ہوتا ہے۔

    پل 536 کنکریٹ کے ستونوں پر تعمیر کیا گیا ، پل دو رویہ ہے، ہر رو 11.6 میٹر چوڑی ہے۔ پل پر گاڑی کھڑی کرنے کے لیے مخصوص برتھ بھی بنائے گئے ہیں۔

    مزید پڑھیں : سعودی عرب کے شاہ فہد پل پر جدید ٹول ٹیکس سسٹم نصب

    شاہ فہد پل پر کسٹم ، محکمہ پاسپورٹ اورقانونی نافذ کرنے والے اداروں کی چوکیاں بھی قائم کی گئی ہیں جبکہ وہاں آنے والوں کے لیے موٹیل ، کافی شاپس اور مارکیٹ بھی موجود ہے۔

  • بحرین: دکانیں اور کاروباری ادارے کھولنے کا اعلان

    بحرین: دکانیں اور کاروباری ادارے کھولنے کا اعلان

    مناما: بحرین میں کرونا وائرس پر قابو پانے کے لیے عائد کی گئی پابندیوں میں نرمی کا فیصلہ کرتے ہوئے جمعرات سے دکانیں اور صنعتی و کاروباری ادارے کھولنے کا اعلان کردیا گیا۔

    بین الاقوامی میڈیا کے مطابق بحرین نے کرونا وائرس کے پھیلاؤ کو روکنے کے لیے عائد پابندیوں میں جمعرات سے نرمی کا اعلان کیا ہے۔

    وزارت صحت کے حکام نے پریس کانفرنس میں کہا کہ بحرین میں دکانیں اور صنعتی و کاروباری ادارے کھولے جائیں گے تاہم ریستوران بند رہیں گے۔

    خیال رہے کہ بحرین میں مارچ کے آخر میں غیر ضروری دکانیں اور کاروباری مراکز بند کر دیے گئے تھے اور غیر ملکی سیاحوں کے داخلے پر پابندی لگا دی گئی تھی۔

    وزارت صحت کے حکام نے مزید کہا کہ جو دکانیں یا ادارے کھولے جا رہے ہیں ان کے ملازمین اور صارفین کے لیے لازمی ہے کہ وہ ماسک پہنیں اور سماجی فاصلے کی ہدایت پر عمل کریں۔

    حکام کے مطابق سنیما گھر، اسپورٹس کے مراکز اور سیلون بدستور بند رہیں گے۔

    واضح رہے کہ بحرین میں اب تک کرونا وائرس سے 8 افراد جاں بحق ہوچکے ہیں جبکہ متاثرین کی کل تعداد 4 ہزار 941 ہوگئی ہے۔

  • کرونا وائرس: ٹی وی میزبان پروگرام کے دوران آبدیدہ ہوگئیں

    کرونا وائرس: ٹی وی میزبان پروگرام کے دوران آبدیدہ ہوگئیں

    مناما: بحرین میں ایک ٹی وی پروگرام کی میزبان کرونا وائرس کے بارے میں گفتگو کرتے ہوئے رونے لگیں، انہوں نے کہا کہ لوگ کرونا وائرس کا شکار افراد کے لیے کڑوے تبصرے کر رہے ہیں۔

    بین الاقوامی ویب سائٹ کے مطابق کرونا وائرس پر پروگرام کے دوران بحرینی اناؤنسر ولا الفایق زار و قطار رونے لگی، پروگرام کے دوران بحرین کی خاتون فنکارہ ہند کے کرونا وائرس میں مبتلا ہونے کا تذکرہ بھی ہوا۔

    ولا الفایق نے اس پر دکھ کا اظہار کرتے ہوئے کہا کہ بعض لوگ کرونا میں مبتلا افراد کے لیے نازیبا زبان استعمال کر رہے ہیں، وہ ایسے کڑوے کسیلے تبصرے کرتے ہیں جنہیں سن کر رونا آتا ہے۔ یہ کہہ کر وہ رونے لگیں۔

    ولا الفایق نے ایم بی سی فور چینل پر پروگرام میں مزید کہا کہ کئی لوگوں نے کرونا کے مریضوں پر نامناسب تبصرے کیے ہیں، وطن عزیز بحرین کی فن کارہ ہند کے حوالے سے جو تبصرے کیے گئے وہ ایک مثال ہیں۔

    بحرینی اناؤنسر نے مزید کہا کہ بعض لوگوں نے بحرینی فنکارہ کے کرونا وائرس میں مبتلا ہونے کے بعد یہ کہا کہ انہوں نے پلاسٹک سرجری کرواتے وقت یہ نہیں سوچا کہ انہیں کرونا وائرس کا شکار ہونا پڑے گا۔

    انہوں نے مزید کہا کہ یہ بے پر کی باتیں ہیں حقیقت سے اس کا کوئی تعلق نہیں۔

    یاد رہے کہ بحرین میں اب تک کرونا وائرس کے 310 کیسز کی تصدیق ہوچکی ہے، جبکہ وائرس سے ایک موت ہوچکی ہے۔

  • وزیراعظم کو بحرین کے اعلیٰ ترین سول ایوارڈ سے نواز دیا گیا

    وزیراعظم کو بحرین کے اعلیٰ ترین سول ایوارڈ سے نواز دیا گیا

    منامہ: وزیراعظم عمران خان ایک روزہ دورے پر بحرین پہنچ گئے، بحرین کے شاہ حمد بن عیسیٰ الخلیفہ نے وزیراعظم کا استقبال کیا۔

    تفصیلات کے مطابق وزیراعظم عمران خان کی سخیر محل آمد ہوئی، بحرین کے شاہ حمد بن عیسیٰ الخلیفہ نے وزیراعظم کا استقبال کیا، شاہ بحرین نے وزیراعظم کو بحرین کا اعلیٰ ترین سول ایوارڈ عطا کیا۔

    وزیراعظم کی بحرین کے ولی عہد سے ملاقات ہوئی، دونوں رہنماؤں کے درمیان باہمی دلچسپی کے امور پر تبادلہ خیال کیا گیا۔

    واضح رہے کہ بحرین کے قومی دن کی تقریب میں وزیراعظم عمران خان بطور مہمان خصوصی شریک ہیں۔

    قبل ازیں معاون خصوصی برائے اطلاعات فردوس عاشق اعوان کا کہنا تھا کہ وزیراعظم کا دورہ بحرین تجارت اور سرمایہ کاری کے فروغ میں اضافے کا باعث بنے گا۔

    معاون خصوصی نے ٹویٹ میں لکھا تھا کہ بحرین سے مشترکہ ثقافت، مذہب اور باہمی اعتماد پر مبنی رشتے قائم ہیں، دونوں ملک عوام کے مفاد میں تعلقات کو مزید مضبوط بنانے کے لیے پُر عزم ہیں۔

    یاد رہے کہ وزیراعظم نے بحرین روانگی سے قبل امریکی سینیٹر لنزے گراہم سے ملاقات کی تھی، جس میں وزیر خارجہ شاہ محمود قریشی ودیگر بھی موجود تھے۔

  • وزیر اعظم کا بحرین کے شاہ سے رابطہ، مقبوضہ کشمیر کی صورت حال پر تبادلہ خیال

    وزیر اعظم کا بحرین کے شاہ سے رابطہ، مقبوضہ کشمیر کی صورت حال پر تبادلہ خیال

    اسلام آباد: وزیر اعظم عمران خان نے بحرین کے شاہ شیخ حمد بن عیسیٰ الخلیفہ سے ٹیلی فون رابطہ کیا ہے.

    تفصیلات کے مطابق وزیراعظم نے بحرین کے شاہ کو کشمیر کی تازہ صورتحال پر  اعتماد میں لیا.

     وزیراعظم نے بھارت کی یو این قراردادوں کی خلاف ورزیوں سے آگاہ کرتے ہوئے بھارتی حکومت کے غیر قانونی اقدامات کوسختی سے مسترد کیا.

    انھوں نے کہا کہ بھارت مسلسل یو این قراردادوں کی خلاف ورزی کررہا ہے، مقبوضہ کشمیر عالمی سطح پر متنازع علاقہ تسلیم کیا گیا ہے، بھارتی غیرقانونی اقدام سےمقبوضہ کشمیر کی حیثیت تبدیل نہیں کرسکتا.

    عالمی برادری بھارت کے غیرذمہ دارانہ رویے کا نوٹس لے،خطے میں امن برقرار رکھنے کے لئے عالمی برادری اپنا کردار اد اکرے.

    اس موقع پر بحرین کے شاہ نے مقبوضہ کشمیر کی موجودہ صورت حال پر سخت اظہار تشویش کیا.

    مزید پڑھیں: وزیر اعظم کی زیرصدارت کابینہ اجلاس، قومی سلامتی کمیٹی کے تمام فیصلوں کی توثیق

    شیخ حمد بن عیسیٰ الخلیفہ نے کہا کہ حکومت بحرین کشمیر کی صورت حال کو مسلسل مانیٹر کر رہی ہے، مقبوضہ کشمیرکامعاملہ مذاکرات سےحل کیا جائے.

    خیال رہے کہ وزیر اعظم عمران خان بھارت کے غیر قانونی اقدام کے خلاف سفارتی محاذ پر سرگرم ہیں. قبل ازیں انھوں نے ملیشیا کے وزیر اعظم مہاتیر محمد، ترک صدر، رجب طیب اردوان اور سعودی ولی عہد محمد بن سلمان سے بھی رابطہ کیا تھا.

  • بحرین میں عوام کے ارادے کو فتح حاصل ہو گی، آیت اللہ خامنہ ای

    بحرین میں عوام کے ارادے کو فتح حاصل ہو گی، آیت اللہ خامنہ ای

    تہران:سپریم لیڈر آیت اللہ خامنہ ای کا یہ موقف بحرین میں دہشت گردی کے حوالے سے مبینہ طور پر مجرم ٹھہرائے جانے والے افراد کی سزائے موت پر رواں ہفتے عمل درامد کیے جانے کے بعد سامنے آیا۔

    تفصیلات کے مطابق ایران کے سپریم لیڈر آیت اللہ سیّد علی خامنہ ای نے مذکورہ افراد کو موت کے گھاٹ اتارے جانے کے بعدعوام کو ظلم کے خلاف احتجاج پر اکساتے ہوئے اپنی ٹویٹ میں کہا کہ بحرین میں عوام کے ارادے کو فتح حاصل ہو گی۔

    دوسری جانب بحرینی حکومت کی جانب سے یہ الزام عائد کیا جاتا ہے کہ ایران بحرینی عوام میں شدت پسندی کا شعلہ بھڑکا رہا ہے۔

    بحرین میں سرکاری استغاثہ نے ہفتے کی صبح اعلان میں بتایا تھا کہ دہشت گردی اور ایک مسجد کے امام کے قتل میں مبینہ طور پر مجرم قرار دئیے جانے والے 3 افراد کو سزائے موت دے دی گئی ہے۔

    عرب خبر رساں ادارے کا کہنا تھا کہ ان میں دو افراد کا تعلق جس مقدمے سے تھا اس میں دہشت گرد جماعت میں شمولیت، قتل کے جرائم کا ارتکاب اور دہشت گردی کی نیت سے دھماکا خیز مواد اور آتشی ہتھیاروں کا قبضے میں رکھنے کے الزامات عائد کیے گئے۔

    بحرین کی سرکاری خبر رساں ایجنسی کی جانب سے جاری بیان کے مطابق اس مقدمے کی تفصیلات ایک دہشت گرد تنظیم کے قیام سے متعلق ہیں،اس تنظیم کے قیام میں ایران ، عراق اور جرمنی کے 12 جب کہ بحرین کے اندر 46 ملزمان شامل رہے۔

    تنظیم نے بحرین میں متعدد مجرمانہ کارروائیوں کی منصوبہ بندی کی،تنظیم کے ارکان کو بحرین اسمگل کیے جانے والے ہتھیاروں اور گولہ بارود کے علاوہ مطلوبہ مالی رقوم بھی فراہم کی گئیں۔

    عرب میڈیا کے مطابق تنظیم کے متعدد ارکان کو تربیت کے لیے عراق اور ایران بھیجا گیا جہاں انہوں نے پاسداران انقلاب کے کیمپوں میں دھماکا خیز مواد اور آتشی ہتھیاروں کا استعمال سیکھا۔

  • بحرین میں دنیا کے سب سے بڑے غوطہ زنی کے مرکز کا قیام

    بحرین میں دنیا کے سب سے بڑے غوطہ زنی کے مرکز کا قیام

    منامہ : غوطہ زنی کا مرکز ایک لاکھ مربع میٹر کے رقبے میں ہوگا، افتتاح 2020ء میں کیا جائے گا، مرکز قائم کرنے کیلئے تاریخ میں پہلی بار بوئنگ 747 کو 70میٹر تک سمندر میں اتارا گیا۔

    تفصیلات کے مطابق بحرین کے محکمہ سیاحت نے اعلان کیا ہے کہ دنیا بھر میں غوطہ زنی کے سب سے بڑے تفریحی مرکز کے قیام کا آغاز کردیا گیا، بوئنگ 747 کو 70میٹر تک سمندر میں اتار دیا گیا۔

    محکمہ سیاحت کے سربراہ اور وزیر صنعت و تجارت زاید الزیانی نے دیار المحرق میں پریس کانفرنس کرتے ہوئے کہا کہ اس منصوبے کی بدولت پورے علاقے میں بحرین منفرد سیاحتی مرکز کے طور پر ابھر کر سامنے آئے گا۔

    ان کا کہنا تھا کہ غوطہ زنی کا مرکز قائم کرنے کیلئے تاریخ میں پہلی بار بوئنگ 747 کو 70 میٹر تک سمندر میں اتارا گیا ہے، اس کی بدولت سیاحوں اور غوطہ خوروں کو منفرد قسم کا ماحول میسر آئے گا۔

    زاید الزیانی کا کہنا تھا کہ غوطہ زنی کا مرکز ایک لاکھ مربع میٹر کے رقبے میں ہوگا۔ اخبارکے مطابق الزیانی نے صحافیوں سے گفتگو میں کہا کہ غوطہ زنی کا یہ عالمی مرکز ہمارے لئے فخر کا باعث ہے، یہ ماحول دوست ہے۔

    محکمہ سیاحت کے سربراہ و وزیر صنعت و تجارت کا کہنا تھا کہ یہ سرکاری اور نجی شعبوں میں شراکت کا مثالی نمونہ ہے۔ سیاحوں سے کوئی فیس نہ وزارت لے گی اور نہ ہی محکمہ سیاحت کسی طرح کی کوئی فیس عائد کرے گا۔

    View this post on Instagram

    ‎ ‎مراحل عديدة وساعات عمل طويلة استمرت شهور من العمل من قبل فريق تقني متخصص لضمان اعلى مقاييس السلامة للبيئة البحرية.. ‎نأخذكم في هذا الفيديو في جولة لرحلة الطائرة من موقعها الرئيسي وصولاً الى محطتها الجديدة . . Over the past few months, a specialised technical team implemented the required procedures and preparations in order for the aircraft to be ready for submersion. Let us take you through the journey of the Boeing 747! ✈️🇧🇭 . . #DiveBahrain #Dive #Bahrain #Scubadiving #SCE #BahrainOursYours #ecotourism #underwater #underwaterworld

    A post shared by Dive Bahrain (@divebahrain) on

    ان کا کہنا تھا کہ افتتاح اگست 2020 میں کیا جائے گا، بحرین میں مقیم غیر ملکی اور داخلی و خارجی سیاح غوطہ خوری کے مراکز سے بکنگ کراسکیں گے۔

    الزیانی نے انکشاف کیا کہ یہاں النوخذة ہاﺅس کا ماڈل بھی 900 مربع میٹر میں بنایا جائے گا، اس میں بھی سیاح دلچسپی لیں گے،

    ماحولیاتی امور کی سپریم کونسل کے ایگزیکٹیو چیئرمین ڈاکٹر محمد بن مبارک نے صحافیوں سے گفتگو میں کہا کہ بحرین کے اندر اور باہر سے غوطہ خور کثیر تعداد میں یہاں پہنچیں گے۔غوطہ زنی کے مرکزکی جگہ کا انتخاب سائٹیفک بنیادوں پر کیا گیا ہے۔