Tag: bajour

پشاور: پاکستان کے قبائلی علاقے باجوڑ ایجنسی میں گکھائی پاس کےقریب افغان حدودسےفائرنگ کے نتیجے میں ایک ایف سی اہلکار شہید ہوگیا ہے، دفترخارجہ نے سرحد پارسے دہشت گردحملے سے افغانستان سے شدید احتجاج کیا ہے۔

آئی ایس پی آر کے مطابق باجوڑ ایجنسی میں گکھائی پاس کےقریب افغانستان کی حدود سے فائرنگ کی گئی جس میں ایف سی کاایک اہلکارشہید ہوگیا ہے۔

دفتر خارجہ نے افغان حدود سے فائرنگ پرشدیداحتجاج کیااوراسلام آباد میں افغان ناظم الامور کو طلب کرکے احتجاجی مراسلہ حوالے کیا گیا۔ مراسلےمیں افغانستان سے کہا گیا ہے کہ وہ اپنی سرزمین کو پاکستان میں دہشتگردی کیلئے استعمال نہ ہونے دے، افغان حکومت ایسے اقدامات کو روکنے کیلئے فی الفورمؤثر اقدامات کرے۔